رواية أحببت من لا يرانى الفصل السادس عشر 16 – بقلم سحر السحرتي

 رواية أحببت من لا يرانى الفصل السادس عشر 16 – بقلم سحر السحرتي 

احببت من لا يراني 

حلقة ١٦

*رأت لمياء والدها وهو يبكي 

:مش كده يا بابا صحتك … وبعدين عامل كل ده ليه ده انت ما عيطتش كده على ماما 

:اسكتي انت مش بتفهمي وما تخلينيش اقول لك كلام يزعلك عن امك

 :انا غلطانه اللي خا-يفة على صحتك

سماء : فعلا يا بابا صحتك ادعي لها ان شاء الله هتبقى كويسه

*وكانت تخفي دموعها شعرت سماح بها فجذبتها بعيدا عنهم و احتضنتها 

:عيطي يا سماء انا حاسه بيكي 

*بكت وهي تشدد من احتضانها 

:انا خاي-فه عليها قوي انا ما ليش غيرها دلوقتي 

:واحنا رحنا فين وبعدين هتبقى كويسه وبكره تقولي يا بنت يا سماح فعلا كلامك ما ينزلش الارض 

*خرج الطبيب من غرفه اميره ووجهه مقت-ضب 

:انا اسف يا جماعه البقاء لله 

*ص-رخت سماء

 :ماما … لا … يا حبيبتي … سماح قولي ان الدكتور ك-ذاب او ان انا سمعت غلط 

:معلش يا حبيبتي البقاء لله  ده قضاء ربنا 

*احتضنها سلطان

:حقك عليا انا السبب يا ريتني كنت بدالها

: ما تقولش كده يا بابا انت غالي علينا قوي … هو فعلا عمرها بس الفراق صع-ب … انا في اقل من سنه فارقت اغلى اثنين على قلبي … حاسه ان قلبي اتك-سر ما بقاش يتحمل 

:انا معاكي يا بنتي مش هسيبك

:ارجوك خليك معايا ما تسبنيش ما بقاش ليا غيرك 

*شدد من احتضانها 

:طول ما فيا عمر انا ظهرك و سندك

*كانت تمشي في جنازة امها لا تصدق ما حدث و قس-وة الحياة لقد أخذت منها الذين احبوها من القلب في فترة قصيرة وها هو حزن يستبدل بحزن اخر 

*كان السؤال ماذا تخبئ لها الحياة بعد ذلك ؟هل ستزيد قسوتها ام ستعوضها؟

*بعد مرور اسبوع على وفاه اميره … رن جرس الباب كان رجل غريب ففتح له سلطان

*وبعد ان عرف نفسه سمح له بالدخول و نده على سماء

: نعم يا بابا

: في ضيف عايزك 

*نظرت له : نعم مين حضرتك 

: مش عرفاني يا سماء 

: لا … اول مره اشوفك

:الله يرحمها و يسامحها بقى هقول ايه…. انا ابوك يا سماء … انا جاي اخدك تعيشي معايا 

:نعم ابو مين وكنت فين السنين دي كلها وعرفت مكاني واللي حصل من مين

: ولاد الحلال قالولي أن امك مات-ت 

: ولاد الحلال دى شكلهم ولاد حلال قوي 

:امك اللي بعدتك و حرمت-ني اشوفك 

:و عايزني اصدقك ما هي مات-ت وانت بتطلعها ك-دابه لو كنت فعلا عايز تشوفني كنت عملت المستحيل وكنت هحس 

: مش وقته الكلام ده نتعاتب في بتنا لمي هدومك وذهب امك وتعالي معايا

: نعم هدومي و ذهب امي قلتلي … بس امي ما عندهاش ذهب و هدومي بابا هو اللي اشتراها لي انا جاهزه اجي معاك بهدومي اللي عليا يلا بينا 

*نظر لها بتعجب 

:مالك بتبص لي كده ليه مش انت جاي تاخدني يلا 

:ازاي يعني امك متجوزه شيخ الجزارين وما عندهاش ذهب وانت عايزه تيجي بالهدوم اللي عليك

 :هي لما اتجوزتك اخذت ايه منك وانت ابن عيله كبيره ده حتى النفقه و المؤخر كلتهم عليها وعمرك ما بعت لي جنيه عشان عايزها تاخد من الراجل الطيب ده … وبعدين عايزني اجيب هدومي ليه انت مش هتعوضني عن بعادك وتشتري لي كل اللي نفسي فيه

: اه … اه طبعا طب هنزل اسخن العربيه على ما تودعي جوز امك

*خرج مسرعا من باب الشقه 

سلطان :انت هتسبيني و تروحي معاه يا سماء انا مش بمنعك بس انت مش مضطره توافقي

 :اروح فين يا بابا تعالى بص عليه من البلكونه هتلاقيه مشي ه-رب و سابني … ده حتى ما فكرش ياخدني في حضنه … ده كان جاي عشان يضحك عليا وياخد دهب ماما  وكان يومين و يرميني في الشارع 

:عشان كده قلتي ان امك ما عندهاش ذهب

: اه ماما حذرتني لو حصل لها حاجه ان ممكن يعمل كده زي ما يكون كان قلبها حاسس كانت عارفه انه من وقت للتاني بيعرف اخبارنا عشان يقلبها في قرشين حاول زمان وهددها ياخدني منها لما لقاها بتكسب مش مكفيه فلوس ابوه اللي بعزقها على الستات لا مفيش مانع يعيش على شقى اي ست اتجوزها ورماها

: وامك عملت ايه ساعتها

: مسكتني من ايدي وقالت له اهيه خدها من غير تهديد حتى تبقى عملت فيا معروف اعرف اتجوز تاني وانا بطولي لان محدش راضى يتجوزني وهي معايا 

: معقول وانت ما زعلتيش 

: لا هي كانت غمزتني و مفهماني مسكت في رجله وقعدت اعيط و اقوله … بابا.. بابا خدني معاك يا بابا 

: وبعدين حصل ايه 

: مشي ومن يومها ما شفناش وشه

: الله يرحمها كانت ذكيه 

: لو كانت ذكية ما كانتش وقعت مع واحد زيه

: نصيب يا بنتي عشان يبقى لي كمان نصيب معاها

*في تلك اللحظه دخلت لمياء وادهم

:مين يا بابا الراجل اللي كان خارج يجري من العماره ده

: ده ابو سماء

 :ده راكب عربيه غاليه قوي … اخيرا هنخلص منها … لكن ايه ده هي لسه قاعده ما راحتش معاه ليه 

: لان هنا بيت سماء ومش هتخرج منه الا على بيت جوزها

 :نعم امها و م-اتت هتفضل قاعده هنا بأي صفه وظهر لها اب اظن كفايه بقى التكيه اللي عايشه فيها تتقفل بقى

بقلمي سحر السحرتي 

*دوت صف-عة على وجه لمياء من يد سلطان 

:يظهر اني دلعتك و فوت لك كثير احترمي نفسك و اعرفي ان سماء هنا زيها زيك

 :انت بتض-ربني يا بابا عشان دي 

:دي بنتي وبنت الست اللي ضحت بحياتها عشان تتبرع لي بكليتها

 :تاخد قرشين كأننا اشتريناها من اي حد وتمشي مش زيها زيي دى واحده جاية من الشارع ولازم ترجع للشارع 

: امشي اطلعي بره قبل ما افقد اعصابي ولما تيجي ثاني تبقي محترمه نفسك يا اما ما تجيش

:حاضر يا بابا اللي تشوفه انا مش هسكت وهوريها

*دخلت شقه حماتها وهي تخرج غضبها على ادهم

: انت ازاي ما تدافعش عني

:ادافع عنك اعمل ايه ابوك و ض-ربك وانت قلت كلام ما يصحش يتقال ومش مقدرة الحزن اللي لسة سماء فيه

:يعني هي لسه قاعده بصفاتها ايه

:زي ما سمعتي من عمي بالضبط 

ام ادهم :في ايه يا اولاد مالكم  صوتكم عالي 

:انا هحكي لك يا طنط يرضيك 

*بعد ان استمعت لها 

:لا يا لمياء يا بنتي ما يصحش فعلا 

:شفت يا ادهم كلام مامتك انا صح

 ام ادهم: ما يصحش اللي قلتيه انت فهمتيني غلط عايزة ابوك يمشي سماء وامها ضحت بحياتها عشانه دى كانت داخلة العملية وحاسة انها مش هتخرج ومع ذلك كملت و وصتنا كلنا على سماء 

:يعني ايه كلكم عليا طب انا مروحه ومش داخله البيت ده كله ثاني

*اسرعت بالخروج فاسرع ادهم خلفها فندهت أمه عليه 

:عقلها يا ادهم وبلاش تمشي ورا كلامها … احنا ما شفناش منهم غير كل خير والبنت بقت غلبانة و يتيمة  ملهاش حد 

:حاضر يا ماما فاهم بس ما اقدرش اسيبها زعلانه كده 

*بعد خروجه :ربنا يشيل الغشاوه اللي على عينك يا ابني و يبعدها عنك 

*بعد شهر وكانت بدايه الدراسه اخر سنه لسماء 

*كانت تنظف المنزل ودخلت غرف اولاد سلطان لتنظفها ومن ضمنهم غرفه لمياء

 *وهي ترتب لها بعض الملابس سقطت اوراق من دولابها وقبل ان تعيدها قراتها واكتشفت المفاجأة 

*اسرعت واتصلت على سماح 

:ايوه زي ما بقول لك تعالي انت وعمار وخلي اخوك يجيب مراته عند مامتك

:ليه في ايه 

:في حاجه مهمه بس مش عايزه بابا يعرف هنتجمع عند مامتك و اكدي على اخوك لازم لمياء تكون معاه

: طيب حاضر ساعه ونكون عندك 

*تجمع جميعهم عند والدة ادهم وحضرت سماء

 لمياء :خير مجمعانا ليه عايزه تعتذري ان بابا ض-ربني بسببك 

:احلامك شاطحه قوي انا مجمعه الكل عشان يبقوا شاهدين عليك واللي هيحكموا بيه هنفذه

:من غير رغي كتير عايزه ايه و مأكدة اني لازم احضر ومفيش بنا كلام اصلا 

: انا اكتشفت ان امي ما مات-تش

 :ايه اله-بل ده مجمعانا و معطلانا وكان عندي مستشفى عشان اسمع تخ-اريف جنابك

: انت بالذات تسكتي خالص 

:ادهم انا ماشيه انا مش ملزمه اسمعها او اقعد القعده دي 

*امسكتها من ذراعها بق-وه

: لا ده انت هتسمعي ونص و رأسك في الارض وما اسمعش صوتك اللي زيك لازم تستخبى مش تبجح

ادهم :في ايه يا سماء ما تتكلمي على طول وماسكه لمياء كده ليه 

:عشان امي اتقت-لت ما ما-تتش موتة طبيعية 

*شلت الص-دمة تفكيرهم ولم ينطق احد

: لما الهانم تخبي التحاليل اللي بتقول ان امي حامل وتزور تحاليل ثانيه تروح المستشفى يبقى اسمها ايه 

ادهم :نعم بتقولي ايه لمياء عمرها ما تعمل كده 

سماح :استنى بس اما نسمع يا ادهم وانت عرفتي منين انها لمياء

: لاني لقيت التحاليل الحقيقه في دولاب هدومها في الشقه اللي هنا

لمياء :وانت بتفتشي في دولابي ليه

عمار: يا بجاحتك هو ده كل اللي همك انما الباقي عادي

سماء: انا ما فتشتش ده ربنا اللي اراد انها تقع من دولابك وانا بنظف الشقه لان بقى لها فتره وطبعا انت حاطاهم في دولابك هنا مطمنه ان ما حدش ممكن يعرف  …لكن ربنا كشف سترك 

ادهم: انت عملت كده يا لمياء 

*بكل ثقة وغر-ور

: اه ما فيهاش حاجه انا دكتوره وعارفه ان الحامل ممكن تعمل عمليه وما يحصل لهاش حاجه … خفت بس بابا يرفض لما يعرف انها حامل ومش هنلاقي متبرع ثاني بسرعه وحاله بابا كانت حرجه 

سماء:انت بتس-تهبلي الكلام ده لو الدكتور عارف هيبقى مش خط-ر هياخد باله من نسبه البنج وبدل ما تنام على ظهرها تنام على جنبها لكن هو اتخدع زينا كلنا و نزفت لغايه ما مات-ت… انت كان قصدك ان اللي في بطنها ينزل مع العمليه  عشان ما تجبش اخ لك واهي راحت معاه

: حياه امك مش اهم من حياه ابويا 

 :كان ممكن اتبرع انا لاني كمان كنت مطابقة وعرضت اتبرع فعلا 

:هي كانت رافضه

 :هي كانت رافضه عشان تدي له حته منها لكن لو عرفت ان في بطنها حته منه كانت وافقت لكن انت انانيه حتى رفضتي تعملي التحاليل و تشوفي نفسك اذا كنت تقدري تتبرعي او لا  

*بمنتهى البرود

:عايزه ايه يعني ومذنباني زي العيل الصغير كده 

:هبلغ البوليس و تتحاسبي

: ده اللي ناقص عموما ما حدش هيصدقك … اثبتي ان التحاليل كانت في دولابي واني زورتها

: انا اتكلمت قدامهم وانت اعترفتي قدامهم هطلب شهادتهم

: تفتكري جوزي او بنت عمي او حماتي هيشهدوا ضدي … ولو مفكره عمار يشهد معاكي فممكن بكل بساطه اقول ان بينكم حاجه و مرتبينها سوا

: للدرجه دي ما فيش عندك ذرة  ضمير

:اسمعي يا شاطره انا عملت اللي في مصلحه ابويا وكفايه قوي انه صرف عليك انت وامك  وكان المفروض انك تمشي اول ما هي غارت و م-اتت وخلصنا منها بس انت لسة قاعدة على قلبن…..

 *وجدت ص-فعة من سلطان

: انت قت-لتي الست اللي انا حبيتها سنين قبل ما اتجوزها و استحملت امك المت-سلطه الان-انيه اللي ما كانتش بتهتم غير بنفسها واهلها وانت طالعه نسخه منها 

:انت بتض-ربني لثاني مره عشانها 

:ده انا مش هض-ربك بس ده انا كمان هشهد عليك انا سمعت كل حاجه ولا هتقولي كمان ان في بيني وبينها حاجه 

*و امسكها من شعرها وسدد بعض الصفعات من شدة غض-به فأفلتها ادهم منه بصعوبة 

: خلاص يا عمي ارجوك صحتك

: الك-لبة دي لازم تتعاقب على اللي عملته 

: مش معقول يا عمي هتحبس بنتك شوف اي عقاب واللي يرضى سماء حتى لو ندفع دية هي ما كانش قصدها انها تمو-ت 

لمياء: كمان عايز تديها فلوس مش كفايه اللي اتصرف عليها 

سلطان: اخرسى انا هحبسك بنفسي و هبلغ فيك يا ح-قيرة

:لا بس قبل ما تعملها هحجر عليك انا واخواتي عشان انت كبرت و خ-رفت وهي وامها اكلوا عقلك خلاص 

 *للمره الثانيه يص-فعها بقوة

 :اطلعي بره بيتي وحياتي اوعي المح طيفك يا س… 

*يمسك قلبه ويسقط امامهم

سماء: بابا … بابا … بسرعه يا عمار انت وادهم شيلوه على المستشفى شكلها جلطه خلينا نلحقه على ما الاسعاف توصل هيروح مننا 

*حملوه سريعا وكانت بالفعل جلطه جعلته مشلول من اطرافه السفليه لا يستطيع التحرك 

*بكت سماء وهي تستمع للطبيب 

لمياء :عيطي ما انت السبب

:صح انا اللي قلت له هحجر عليك وانت كبرت و خ-رفت كلامك دب-حه اكثر من حزنه على امي ما تصدقيش نفسك و تعيشي وهم ان انا السبب وعشان خاطره مش هبلغ عنك 

:انت مفكره انك بتعملي فيا جميله

ادهم : لمياء اسكتي بقى مش كفايه اللي عملتيه حسابنا بعدين بس اطمن على عمي 

:اه صحيح نسيت ما انت المحامي بتاعها 

سماح : هو انت مش مكسوفه بعد كلامك انا كمان هحاسبك بعدين على الكلام اللي قلتيه على جوزي بس نطمن على عمي الاول 

*خرج سلطان وذهب الى المنزل وهو يجلس على كرسي متحرك ورفض ان يرى لمياء 

بقلمي سحر السحرتي 

*اتصلت لمياء على اخويها كي يتوسطوا لها عند والدها فحضرا للاطمئنان عليه 

ممدوح: معلش يا بابا سامحها دي مقط-عه نفسها من العياط

 :انت بتضحك عليا هي بتعرف تعيط دي بتعرف تخطط وتق-تل بس

محسن : يا بابا دي طول عمرها بنتك الدلوعه ومهما كانت بتعمل انت كنت بتسامح 

:كانت بنتي دي دلوقتي قات-له مراتي

 :يا بابا ما تقصدش هي كانت خا-يفة على مصلحتك وانت عارف انها اعمار مش بتتاخر طنط كان مكتوب لها تمو-ت في الميعاد ده سواء من العمليه او من غيرها 

سلطان :محسن يا ابني انت بتغالط نفسك ولا عايز تضحك عليا 

ممدوح :ما يقصدش بس عشان خاطرنا سامحها

*بعد محايلات كثيرة فقد نبهت عليهم لمياء الا يتركوه الا وهو موافق على مسامحتها

 :حاضر بس مش عايز اشوف وشها دلوقتي 

*انتهى حوارهم معه ان يتركوه فتره من الوقت حتى يهدا مما فعلته لمياء

 *مرت الايام كانت سماء تعتني بسلطان بجانب دراستها بكل حب واهتمام وكانت نعم البنت 

*ذات يوم ذهب ادهم لزياره عمه قبل أن يدخل غرفته

:استنى يا معلم ادهم ما تدخلش بابا خلاص نام 

:معلش إتاخرت كان عندي شغل كتير قوي النهارده …بس هو كان عايز يستحمى

: انا خلاص حميته و عشيته واخذ الدواء ونام

: انت اللي حمتيه ازاي

 :ما تقلقش اتعاملت معاه بطريقه طبيه من غير ما تجرح مشاعره … وعملت مساج لاطرافه عشان ما يحصلش له قرحة غير اني دكتورة ولة ناسي اينعم دكتورة بيطريه بس بفهم

:شكرا يا سماء تصدقي لمياء عمرها ما تعمل كل ده 

:بتشكرني على ايه لو عشت عمري تحت رجله مش هرد جميله ان عوضني عن حضن الاب … تحب تاكل معايا انا لسه ما اتغديتش

: ياه قاعده كل ده من غير اكل 

:رجعت من الجامعه بابا كان نفسه في طاجن باميه عملته و حطيته في الفرن ودخلت حميته على ما يستوي 

:عمي اكل باميه ونام مش ثقيله عليه بالليل كدة 

 :لا ما انا عاملاها خفيفه خفت يزعل انت عارف نفسيته مهمه اليومين دول قلت لما ابسطه بحاجة نفسه فيها … تاكل

: اه اكل انا فعلا جعان

: خمس دقائق هحط الاكل

: تحبي اساعدك

: لو تحب تعالى المطبخ

: ايه ده يا سماء المطبخ نضيف و مترتب كده ازاي 

:اصل وانا بطبخ بروقه على طول وانا وبابا يا دوب فالشغل مش كثير

: يا بخته عندي لمياء مش بتمد ايديها بتسخن الاكل اللي مكلفه واحده تعمله وفي واحده ثانيه 

  بتشوف شغل البيت … لو الاولى اتاخرت وما عملتش اكل معدتنا تتهري اكل من بره  …والثانيه لو ما جتش تغسل المواعين تفضل لغايه لما تيجي 

: اكيد بتتعب في شغلها معذورة 

:وانت مش بتتعبي في الجامعه و المزرعه

: لا ما انا بطلت المزرعه عشان اقدر اعتني ببابا انت عارف لو روحت هرجع متاخر و يقعد فترة طويلة لوحده هيتعب نفسيا … دوق بقى وقول لي خفيفه ولا هتتعب بابا 

:بجد تسلم ايدك … ما تكسبي فيا ثواب و تطبخي بدل الست اللي متفقه معاها لمياء

*تعلم أنه يمزح لكنها ردت بمنتهى الجدية 

: افتكر اكلي مش هيعجب لمياء وانت عارف … بس انت ممكن تبقى تيجي بدري شويه وتاكل مع بابا 

:ده اقتراح هايل

: على فكره انا دورت ولقيت ان في علاج لحاله بابا بس هيتكلف كثير

:مش مهم التكاليف المهم عمي يرجع يمشي تاني زي الاول 

: العلاج بره مصر و هياخذ وقت طويل بس النتائج هايله بنسبة عالية 

:طيب ابعتي لي التفاصيل وانا هسأل واشوف ممكن نعمل ايه  …سماء 

:نعم يا معلم ادهم

 :بلاش معلم خليها ادهم ما انت بتنادي عمار باسمه

: بس ابله لمياء ممكن تزعل و تديني كلمتين وترجع تقول كلامها البايخ ان بينا حاجه وبالنسبة لعمار فهو اللي طلب وسماح موافقه عشان احنا اخوات

: انت مش محتاجه حاجه انت داخله على امتحانات

 :لا شكرا انا اصلا بدات امتحانات الترم الاول هانت قربت اخلص 

:ربنا يوفقك

:تشرب حاجه 

:لا الحق اعدي على ماما و اطير عشان لمياء لوحدها 

:مع السلامه

*دخل لزياره والدته

: انت كنت عند عمك 

:اه بس ما لحقتش اشوفه كان نام 

:امال قعدت ده كله ليه

*بعد ان اخبرها بما فعلته سماء مع عمه وانه اكل معها 

:بنت حلال و حظها قليل بقى تعمل كل ده جنب دراستها … مش زي واحده كانت بتدرس ولا بتعرف تناول نفسها كوبايه ميه ابوك اللي كان بيعمل كل حاجه 

:فاهمك بس سماء متعوده لما كانت بتعمل شغل البيت بدل امها لانها مشغوله في الخياطة ودراسة لمياء كانت صعبة 

: و مراتك هتتعود امتى المفروض انها مسؤوله دلوقتي عن بيت ولما تخلفوا هيفضل نفس النظام 

:يا ماما لسه شويه على ما نخلف 

:ليه الهانم وراها ايه مش كفايه اختك اللي عندها مشاكل ومش عارفه افرح بأحفادي

:للاسف انا كمان عندي مشاكل 

:ايه انت بتقول ايه

:ما تقلقيش هي حاجه بسيطه و هتروح مع العلاج 

:حكمتك يا رب

: ادعي لنا بس يا ماما

: بدعي ربنا يزيح الغمه

 :طب الحق لمياء قبل ما تنام 

:قال يعني بيفرق معاها

:يا ماما ليه الكلام ده

: نفسي تفتح عينك و تشوف انها زي قلتها عمرها ما هتكون زوجه كويسه 

:واحده واحده هي بتحاول

: اه ابقى قابلني بقالها سنتين  روح يا ابني مع السلامه

*بعد شهرين تم تجهيز اوراق سلطان للسفر للعلاج في الخارج والحجز له في المستشفى 

 *كانت سماء تبكي 

سلطان: خلاص يا سماء خلصي امتحانات الترم الثاني انت خلاص قربتي تخلصي وحصليني 

:انا زعلانه عشان هتوحشني لكن فرحانه انك هترجع لنا بالسلامه بصحه وترجع تمشي زي زمان 

لمياء : مفيش داعي هي تحصلك انا خلال اسبوعين هحصلك وعمي هيستقبلك

:انا بكلم سماء

سماء : لا يا بابا مش هقدر احصلك عمي هيكون جنبك وابله لمياء كمان بس ابقى طمني عليك وكلمني كل فترة والثانية… مع السلامه يا حبيبي

بقلمي سحر السحرتي 

 *قامت لمياء باجراء مكالمه 

:النهارده الساعه 9:00 بالليل التنفيذ لازم تتطرد النهارده

$ ما هو مخطط لمياء للانت-قام من سماء ؟

∆ بعتذر لكل الناس اللي زعلت على موت كريم وبتتفاعل مع أحداث الرواية ودي حلقة هدية بس الرواية هتاخد شكل تاني و هتبقى غير تقليدية اتمنى تكملوا واعرف رايكم باستمرار وشكرا لكل الناس اللي بتشجعني بكلامها الحلو أو استكر جميل

• تابع الفصل التالى ” رواية أحببت من لا يرانى  ” اضغط على اسم الرواية