رواية أحببت من لا يرانى الفصل الخامس عشر 15 – بقلم سحر السحرتي

 رواية أحببت من لا يرانى الفصل الخامس عشر 15 – بقلم سحر السحرتي 

احببت من لا يراني 

حلقة ١٥

*ردت سماء بخوف 

: مالك يا عبير في ايه صوتك قلقني 

:كريم بيتخ-انق مع خطيبي و هيض-ربوا بعض شكلهم وانت الوحيده اللي بتعرفي تهديه

: طب عمي فين 

: بابا واخواتي في المزرعة عشان حصل مشكله هناك كلمتهم و راجعين تعالي بسرعه انا مش قادره عليه

: طب في ايه اللي حصل انا جايه بس فهميني انا معاكي على التليفون

: اتخان-قت انا وهو عشان عايز مني فلوس يكمل حاجات نقصاه في الشقه وقلت له مش معايا فلوس حتى لو معايا يبطل يطلب لان تجهيز الشقه مسؤوليته … فقلع الدبله وعايز يفسخ الخطوبه قبل الفرح بشهر 

:وايه اللي يخلي كريم يتخ-انق معاه  ما يغور في داه-يه 

:ما هو لما ما رضيتش ادي له الشبكه وقلت له اتفاقك مع بابا روح كلمه  … نزل الشارع وقعد يزعق و بقى بيقول عليا كلام ما يصحش

: هما فين دلوقتي 

:بين البيت و المحل 

:انا خلاص قربت 

*كانت تسرع بخطواتها حتى وصلت اليهم 

*كانت الناس تمنعهم لكنهم لم يتمكنوا من كريم لكن كان لها مفعول السحر

: اهدى بس يا كريم نتفاهم الامور ما تتحلش كده ارجوك 

:ابعدي يا سماء انا مش شايف قدامي بقى الك-لب ده يقول كده على اختي

 :انت ضر-بته بالشكل ده 

:هو لسه شاف ض-رب ده انا هقسمه نصين 

*رؤوف خطيب عبير 

: بتض-ربني عشان بقول الحقيقه وانتم عايزين تاكلوا عليا الشبكه

 :شبكه ايه يا مع-فن احنا نوزنك ذهب لكن انت حته كل-ب ولا يسوى انت عارف اللي بتغلط فيها دي ظفرها برقبتك انت و عيلتك كلهم …. كنا مفكرينك راجل

 :راجل غص-ب عنك حتى اسال اختك و خاي-فين ليه افسخ الخطوبه ولا لازم اصلح غلطتي 

:انا اختي اشرف منك يا عديم الرجوله وكويس انك ظهرت على حقيقتك قبل ما هي تدبس في واحد زيك 

:هو مين اللي كان هيدبس 

*امسكه كريم مره اخرى واخذ يسدد له اللك-مات حتى سقط على الارض امسكته سماء بأعجوبة 

 :سيبه يا كريم هي-موت في ايدك عشان خاطري اهو اتربى يغور في داه-يه

 *بص-ق كريم على رؤوف

*احتضنته سماء كي يهدأ 

*بعد ثواني قام رؤوف من الارض وفي يده مط-واه ص-رخ وهو يتجه الى سماء

 :طب انا هحس-رك عليها عشان تبقى تمد ايدك عليا 

*وقبل ان يط-عن سماء كان كريم يتلقى الط-عنه بدلا عنها ص-رخت سماء 

:كريم … لا .. كريم 

بقلمي سحر السحرتي 

*سقط كريم داخل حضنها 

*قامت سريعا بخلع الشال الذي كانت ترتديه ووضعته مكان الط-عنه لتوقف الن-زيف وهي ت-صرخ

: اسعاف … حد يطلب اسعاف بسرعه … انتم واقفين تتفرجوا .. كريم….كريم … خليك معايا… بص لي… ها اتكلم احكي لي هنعمل ايه مع بعض

: انا مش هسيبك هفضل جنبك هبقى ملاكك الحارس

 :كريم ما تغمضش .. فتح عينك يا حبيبي …انت هتبقى كويس … ما تسبنيش ارجوك 

:خلاص يا سماء انا كنت حاسس امبارح أنه كان اخر حضن وفرحان اني مي-ت وانا بين ايديكي

: لا مش هتم-وت انا من غيرك ابقى ج-ثه من غير روح 

:انا بحبك قوي

: انا بحبك اكثر يا كريم … استحمل شويه …حد ينقله معايا نوديه المستشفى 

*نطق الشهاده و اغمض عينيه 

:كريم .. لا..  كريم ..فوق… فوق يا حبيبي  ..لا …لا …مش هتروح من ايدي..  انا ماسكه الجرح كويس … انت هتبقى كويس 

*وصلت الاسعاف واعلنت انه فارق الحياه تحت ص-رخات سماء واسره كريم

*لم تتمالك سماء اعصابها وفقدت الوعي تم نقلها الى المستشفى واتخاذ اللازم معها 

*بعد عده ايام استلمت اسره كريم جث-مانه بعد التش-ريح وأذن النيابه

 *كانت سماء تمشي في الجنازه وكأنها هي الج-ثه لا تنطق ولا دليل على انها حيه سوى دموعها التي تزرفها على فراق من احبها من كل قلبه..  ومن اغرق-ها بالحنان والاهتمام وملأ حياتها سعاده 

*كانت تسندها سماح ووالدتها فهي تتحرك بصعوبه

 *ارتمت داخل حضن والدته وظلت تبكي بشهاقات 

:راح خلاص يا طنط قلبه كان حاسس كان بيودعني قبلها بيوم

 :كان بيحبك قوي وكلنا حبيناك من حبه ليك 

:وحشني قوي انا عايزه اروح له 

: وحشنا كلنا بس اوعي تعملي في نفسك حاجه وحشه تفتكري هيفرح  … كل ما تفتكري حاجه تزعلك ارميها وقولي كريم كان عاوزني على طول مبسوطه … اوعي تخيبي ظنه الأموات بيحسوا بينا ….عارفه ان ابوه ما كانش عايز يعمل عزاء الا لما ينتقم لم-وته انا قلت له كريم عايزنا نعيش من غير ما نفقد حد ثاني … هو لسه حوالينا و حاسس و شايف …. بعد العزاء ترجعي لدراستك و تنجحي و تجيبي تقدير زي كل سنه فاهمه هو كده هيفرح اكثر

: هو يا حبيبي كان دايما بيشجعني و بيفرح لنجاحي مين بعده هيحبني ويهتم بيا 

:اقول لك على سر هو ما كانش عايز يتجوز طول عمره حاسس ان عمره قصير بس غير رأيه أول ما حبك وكان فرحان جدا انك وافقتي عليه ..  وعاش ايام سعيده معاك … انا بشكرك على الايام الحلوه اللي هو عاشها عمره ما اشتكي منك … وشه كان على طول منور وفرحان من يوم ما خطبك …. حتى لما كنتم بتزعلوا كنتي بتصالحيه على طول … لما رجع و حكالي انك انت اللي طلبتي تكتبوا الكتاب و عرفني السبب كبرتي في نظري قوي … يومها قالي لو مت وهي على ذمتي هبقى فرحان أن حلمي اتحقق …. تعرفي انا كمان كنت حاسه ان عمره قصير قلب الام بيحس 

*انتهت ايام العزاء ولم تستطع سماء العوده الى دراستها كالسابق 

*فتحدثت معها سماح فبكت سماء وهي معها 

:مش قادره يا سماح حاسه بالذنب ده كان بيدافع عني

: ده قدره وبعدين الخن-اقه ما كانتش بسببك خطيب عبير كان هيقتلك عشان يحس-ره عليك لانه عارف انك اغلى حاجه عنده و اهانه لما شلف-طه

:انا ما حبتهوش بالقدر اللي يستاهله أو  بالطريقه اللي حبني بيها 

:الحب درجات يا سماء مش معنى ان وصل لأعلى درجه انك كمان لازم تكوني على نفس الدرجه انت حبيتيه بالتدريج واكيد كنت هتوصلي وما تنسيش أنه فضل يحبك سنين … غير انك ما قصرتيش معاه وكان سعيد جدا وياك وكنتي دائما بترضيه …. قومي بقى شوفي مستقبلك لانه بيحس و هيزعل منك 

:سيبيني دلوقتي يا سماح عشان خاطري مش قادره يومين كمان بس 

:ماشي مش هضغط عليك نامي شويه 

بقلمي سحر السحرتي 

*وهي نائمه حلمت بان كريم لا يرغب في رؤيتها فقالت بحزن

 :ليه بس كده يا حبيبي 

:انت مش بتشوفي مذاكرتك ليه

 :اصلك وحشتني قوي مش قادره 

:لو ذاكرتي هاجي لك كل يوم في الحلم

 :بجد يا حبيبي 

:بجد يا قلبي

:طب استنى يا كريم عايزه اقولك حاجات كتير … كريم … كريم 

*استيقظت وهي تردد اسمه بصوت عالي… كان ادهم في غرفته واستمع لندائها و بكائها وشرد 

:هو انا لو جرى لي حاجه لمياء هتزعل بالطريقه دي …  اه اكيد لمياء بتحبك  …..بس مش زي ما سماء حبت كريم …. انت بس متأثر هما اكمنهم كانوا لسه مخطوبين جديد بس مع الوقت شعله الحب بتقل وانت ولمياء بتحبوا بعض من سنين كثير … صح هو كده 

*دائما يوجد المبررات بصوته الداخلي 

*عادت سماء الى الجامعه ولكنها كالورده الذابله لم تعد تتكلم او تضحك كالسابق دائمة الشرود والبكاء 

*حاولت سماح وعمار اخراجها من المنزل كانت توافق غص-باً عنها وكان ادهم يذهب معهم محاولا إخراج سماء مما هي فيه ولمياء ترفض الخروج معهم 

*كانت سماء دائمه الزياره لق-بر كريم وتبكي حاول ادهم كثيرا ان يمنعها لكنه فشل فأيقن أنها احبت كريم حب غير معهود

ادهم : في ايه يا سماء هو كل جمعه تقلقي مامتك عليك واجي ادور هنا

: وتعبت نفسك ليه ما انا قلت لها اني جاية 

: اه بس إتاخرتي قوي 

: وحشني كنت بحكيله على أسبوعي في الجامعه كان عامل ازاي كثير عليه أزوره مره كل اسبوع 

: لا مش كثير بس زيارتك دي بتمنعك تنسي

: انسى هو واحد زي كريم ممكن يتنسي الوحيد اللي حبني من قلبه بجد عوضني حنان مفتقداه كان ليا كل حاجه الاب والاخ والحبيب

: ربنا هيعوضك بس اصبري

: كريم هو العوض مهما شفت رجالة ولا واحد هيبقى زيه

: اكيد بس لازم تنسي و تعيشي

: ما انا عايشة 

: لا فين سماء الطفلة الشقية اللي مهما كبرت ضحكتها بتنور حياتنا كلنا

: راحت مع قلب العاشق

*امسكها من يدها و اسندها لتقف

: يلا يا سماء قومي احسن طنط قلقانة بلاش تتعبيها 

: حاضر مليش غيرها دلوقتي 

*بعد شهر في منزل كريم كانت والدته تتحدث مع ابنها الكبير كرم

:يعني ايه كلامك ده هتاكل ورثها 

:هي مراته ده مجرد كتب كتاب

 :ده شرع ربنا … ازاي هتقبله على نفسك …ازاي هتقابل كريم يوم القيامه وتقول له انك حرمت مراته من ورثها

: ما لحقتش هتاخذ كل ده ازاي

 :ده تعب اخوك وهي من حقها وما تنساش انه كان بيحبها قوي 

:وكان بيجيب لها حاجات كثير كفايه عليها كده قوي

 :اخر كلام عندي حق مرات اخوك لازم تاخده والا هغضب عليك ليوم الدين و ابوك لو عرف انت عارف مش هيسكت الا اكل الحقوق وكمان اكل مال الولايا

*بعد فتره ذهبت سماء لزياره والده كريم وكان اخواته جميعا مجتمعين فسلمت على الجميع 

*فتحت والده كريم موضوع الورث مع سماء فردت

: ورث ايه يا طنط انا مش عايزه حاجه

:ورثك من جوزك يا حبيبتي ده مبلغ كبير

: المبلغ الكبير مش هيعوض الخس-اره الاكبر وهي كريم … هعمل ايه بالفلوس من غيره

: بس ده حقك

 :مش عايزاه 

*تحدث كرم بس-خرية 

 :انت عارفه المبلغ اللي بتتنازلي عنه ده قد ايه 

*بدات في البكاء 

:هشتري بيها هدوم ومكياج عشان ابقى ست جميله… كريم كان محسسني ان ما فيش ست في جمالي من غير حاجه واني بغنيه عن كل ستات الكون قلي هعمل بيه  ايه…. هشتري عربيه مثلا الف بيها الدنيا كريم الدنيا من غيره ملهاش طعم 

*والده كريم :خلاص يا بنتي ما تعيطيش احنا كان قصدنا نديلك حقك

*توجهت بالكلام إلى والد كريم 

 :معلش يا عمي انا جيت النهارده اقول لك كريم جالي في الحلم وعايز حضرتك توزع لحمه و ارز 

:انا كمان يا بنتي جالي و ناوي اعمل كده 

: لو سمحتي يا ابيه كرم ممكن الفلوس اللي انا متنازله عنها تخصص جزء منها تعمل صدقه جاريه لكريم … وكل سنه تشتري لاولادك لعبه نفسهم فيها وتقول لهم دي من عمكم كريم هو كان بيحبهم قوي عشان يفضلوا فاكرينه و يدعوله

:حاضر يا سماء انا اسف فهمتك غلط 

:ولا يهمك ..  حاجه كمان لو سمحت كان في سلسله كان حاجزها عند الصائغ اللي بتتعاملوا معاه كانت هديه لعبير بمناسبه جوازها يا ريت تجيبها لها 

عبير : انا مش عايزه حاجه كفايه ان اللي حصل له بسببي

 :هو بيقول لك خديها و البسيها ولما تيجي تختاري بصي عليها و افتكري انك لازم تحسني الاختيار عشان م-وته ما يروحش هدر…. وانت يا ابيه كمال بيقول لك ان ربنا هيكرمك بالولد اللي جاي بس سميه مهاب زي ما كنت عايز واللي بعده كريم 

كمال :انا فعلا مراتي لسه عارفه انها حامل

 :انا كده وصلت لكل واحد رساله كان كريم مكلفني اوصلها له استاذن واسمحوا لي ازوركم من وقت للتاني …  ابيه كرم اما تحضر ورق التنازل بلغني عشان اوقع عليه 

*نظرت والدته اليه نظره عتاب على س-وء ظنه بها

*عادت سماء الى منزلها كان الجميع مجتمعين

سلطان : عملتي ايه يا سماء هناك 

:في ايه يا بابا 

:ابو كريم قال لي انه هيفتح معاك موضوع الورث تاخديه فلوس بدل املاك

: اتنازلت عنه

: ليه هو في حد غص-بك تتنازلي

: لا انا اللي اتنازلت عنه بإرادتي

:ليه كده يا سماء

: هعمل بيه ايه يا بابا 

لمياء :انت عارفه انت متنازله عن كام … الفلوس دي تعيشك مستريحه طول حياتك بدل ما تشحتي

: ما افتكرش واحده زيك تفهم انا خس-رت ايه ..  فلوس الدنيا ما تعوضنيش عنه تحبي تاخديها و ترجعيلي كريم 

:طبعا مش اللي بيدفع ويصرف عليك انت وامك موجود 

سلطان :لمياء روحي عشان ما تزعليش من اللي هعمله وفعلا انت واحده ما تقدرش حاجه غير الفلوس ..  يلا يا ادهم خذ مراتك ومع السلامه احسن هنزعل قوي من بعض 

بقلمي سحر السحرتي 

*في الطريق

ادهم :ده كلام تقوليه

:اه واحده هب-له متنازله عن مبلغ ضخم على اساس ان بابا هو اللي بيصرف 

:لا طبعا سماء عمرها ما بصيت للفلوس … وبعدين هي بتاخذ مرتب محترم من المزرعه ومش بتطلب حاجه من عمي

: هو انت على طول بتدافع عنها كده …. بقيت بحس انك المحامي بتاعها 

:هو اللي يقول كلمه الحق يبقى محامي

:اه و خليني ساكته بقى عشان في كلام لو قلته هتزعل 

: كلام ايه

: انت بقيت مهتم بيها قوي زياده عن اللزوم فخليني ساكته علشان اي كلام هيتقال هيض-ايقك يا ادهم و افتكر كلامي كويس 

:ايه اله-بل اللي انت بتقوليه ده سماء زي اختي الصغيره مش اكتر

 :اه واضح قوي انها زي اختك الصغيره

: طب بطلي كلام فعلا لانك انت اللي بتقولي اي كلام والسلام 

*تمر الايام وتنتهي السنه الدراسيه لسماء 

*تحاول سماح الحمل عن طريق الحقن 

*كانت سماء بجانبها طوال فتره الحمل لكنها لم تنجح 

*دخلت سماح في حاله اكتئاب وحاولت سماء اخراجها منها

: يا بنتي انا عايزه افهم هي دي اخر عمليه ممكن تعمليها

 :لا بس متعبه قوي

: سنك كبر ودي اخر فرصه

: لا بس بقى لي ثلاث سنين متجوزه 

:انت قلتي ثلاث سنين مش 10 ولسه صغيره هتريحي سنه و تجربي تاني ايه المشكله وممكن كمان تحملي من غير عمليه طول ما انت مستمره على العلاج

: عمار نفسه في طفل

:وانت يعني نفسك في قطة … وبعدين مش هو السبب

: ليه يعني

:مش هو اللي كان عايز يتجوز بدري واقترح تاخدي مانع للحمل 

:اه بس ذنبه ايه يستحمل الفتره دي 

:ذنبه ان ما قدرش يستحمل سنه على ما تخلصي دراسة قومي نخرج بدل النكد ده 

:هنروح فين

 :مفاجاه 

*ذهبت الى المزرعه كان عمار وادهم في انتظارهم

: انت جايباني في وسط البهايم ليه

: عيب تقولي كده على اخوك وجوزك 

:اخرسي يسمعوكي  انا مش قصدي عليهم 

:ولو قصدك اهم فيهم شبه برضة 

:هقول لهم 

:لا انا بهزر معاكي عشان تفكي 

*امسك عمار بمعزه صغيره واعطاها لسماح 

: ايه دي يا عمار 

:نعتبرها بنتنا ايه رايك 

:لا انا عايزه خروف 

*همست سماء

 :كده هيبقى عندك اتنين 

*ضحكت سماح بصوت عالي

:قليله الادب 

عمار : بتقول لك ايه ام لسان طويل دي 

*نظرت لسماء :اقول

:لا ده مديري وانا بعمل فيك معروف بفرفشك شويه عيب  …تعالي بجد هتنسي نفسك وسط الحيوانات 

*اخذت سماء بيد سماح وعبرت بها من ذلك البئر الذي كادت ان تسقط به وكان عمار وادهم ممنونين لما تفعله معها 

*بعد عده ايام سقط سلطان في المحل من الال-م فذهب به ادهم الى المستشفى 

*وهناك خرج الطبيب بعد عمل الفحوصات اللازمه وكان في انتظاره الجميع

: للاسف عنده فشل كلوي ومحتاج متبرع بالكلى في اقرب وقت 

سماء : وايه السبب ده كان كويس ومنتظم على الدواء

 :لها اسباب كثير وما تنسيش ان هو مريض ضغط ممكن منه 

لمياء : و هنلاقي متبرع بسرعه فين دلوقتي

الدكتور : ممكن القرايب من عيلته تعمل التحاليل يمكن حد يطلع مناسب على ما نشوف متبرع

 لمياء :انا لسه صغيره ما اقدرش اعيش بكليه واحده 

*نظر لها الجميع باست-حقار 

سماء :نعمل التحاليل فين يا دكتور 

:هكتب لك اسم المعمل 

اميره : انا كمان هعمل التحاليل خديني معاكي يا سماء 

ادهم : انا كمان هعمل التحاليل و هكلم محسن وممدوح يعملوها عندهم عشان نكسب وقت 

*بعد ان استلم الطبيب نتيجه التحاليل تطابقت مع اميره وسماء ولكن اميره اصرت ان تتبرع هي

:ليه يا ماما انا هتبرع له

: يا حبيبتي لا ده جوزي عايزه يبقى جواه حته مني كفايه ان من يوم ما اتجوزته عمره ما زعلني ..  هو اللي صالحني على الدنيا بعد ما شربت الم-ر على ايد ابوكي و ك-رهت الحياه وكنت عايشه عشانك انت 

ادهم : يا طنط طب استني لما نشوف ولاده 

:طالما طلعت ينفع اتبرع يبقى مش هسمح لحد غيري خلص الكلام 

*دخلت غرفه سلطان وقد علم انها من ستتبرع له 

:ليه يا اميره هنشوف حد ندفع له فلوس 

:انت مش عايز حته مني تبقى جواك

: انا ده انا نفسي كلك تبقي جوايا 

سماء :الله … الله نجيب اثنين ليمون ولا نتوزع ايه الرومانسيه دي انتم فاكرين نفسكم في حديقه الزهور دي مستشفى يا اخوانا 

*خلعت اميره حذائها

:اخرسي يا بت 

:خلاصي يا مرمر عيب احنا في مستشفى محترم انا بقول نخرج و نسيبهم يكملوا كلام 

*وبالفعل خرجوا جميعا

 :امانه عليك يا معلم لو جرى لي حاجه تحط سماء في عينك

: انت بتخ-وفيني عليك كده … بلاش تتبرعي ونشوف حد ثاني 

: لا بلاش ازاي ما حدش هيتبرع غيري … بس الاعمار بيد الله وانا سايبه امانه حافظ عليها

: ما تقوليش كده

:رد علي وقول انك هتحافظ عليها

: في عيني يا اميره

: انا عايزاك تعرف ان الكام سنه اللي عشتهم معاك شفت حب واهتمام بعد ما كنت خلاص قلت ان حظي في الجواز خلص مع ابو سماء من اللي شفته على ايده اهانه وذل بس انت كرمتني و كرمت بنتي

: انت كمان يا اميره كنت نعمه الزوجه ربنا كافئنا ببعض …. ام الاولاد كانت مهملاني خالص وكنت مستحمل عشان العيال انت ما قصرتيش معايا ودائما بتحسسيني اني فوق راسك واني راجلك بجد 

بقلمي سحر السحرتي 

*بعد يومين دخلت اميره مع سلطان الى العمليات وبعد مده خرج الطبيب وعلامات القلق على وجهه

ادهم :خير يا دكتور عمي جرى له حاجه

: لا بالنسبه له العمليه نجحت *سماء بخ-ضه : امال في حاجه حصلت لماما

:للاسف يظهر انها كانت حامل واحنا ما نعرفش حصل نزيف وحالتها خطر

: نعم يعني ايه كانت حامل وانتم ما تعرفوش هي التحاليل مش كانت شامله

:اه بس ما كانش فيها انها حامل 

:يعني الحمل ده ظهر فجاه في يومين اتكلم كلام ناس عاقله 

:يا انسه بلاش غلط انا مقدر حالتك

: ما انا عايزه افهم انتم بتغلطوا و بتداروا على خطئكم الطبي بمبرر ضعيف على فكره انا دكتوره و فاهمه 

:لو بتعرفي تقرأي التحاليل اجيبها لك تشوفيها 

:اه بعرف و هوديكم في 60 داه-يه لو امي جرى لها اي حاجه 

:اللي عايزه تعمليه اعمليه احنا ما قصرناش في حاجه ورغم طريقه كلامك احنا برده هنراعيها

 *مر يومان واميره في العنايه المركزه وسلطان قد استعاد بعض عافيته وكان يذهب ويجلس بعض الوقت امام غرفتها ويبكي

$ ما هو مصير اميره ؟ وهل هذا خطأ طبي ؟

• تابع الفصل التالى ” رواية أحببت من لا يرانى  ” اضغط على اسم الرواية