رواية أحببت من لا يرانى الفصل الحادى عشر 11 – بقلم سحر السحرتي

 رواية أحببت من لا يرانى الفصل الحادى عشر 11 – بقلم سحر السحرتي 

احببت من لا يراني 

حلقة ١١

*رد سلطان بحزم كي تتوقف ولا تتمادى 

:على الاقل هي بتعرف تطبخ عايزين نشوف منك الاكل الصحي اللي دايما بس بتتكلمي عليه 

*وقام بالقاء نظره حار-قه كي تصمت وفعلت

*بعد الفطار جلست سماء في البلكونه مع كريم 

:ازيك يا كيمو عامل ايه 

:عايزه ايه مش بسمع الدلع منك الا اذا في حاجه

*بمراوغة

: انا عيب عليك

:طيب طالما ما فيش حاجه مش موافق 

:لا عشان خاطري

: هو ايه بقى

*امسكت يده كي تسحره ولا يتمسك برأيه 

:في رحله تبع الجامعه ثاني يوم العيد عايزه اطلعها وبابا وماما وافقوا

: بالعربي كده يعني رائي مش مهم صح 

:لا  ازاي ماما قالت لي خدي رأي كريم عشان خطيبك ولازم تحترميه فانا بعرفك بس انهم وافقوا لو خاي-ف  يعني انهم يرفضوا أو حاجه زي كده 

: لا انت بتقولي كده يا حبيبتي عشان تعرفيني ان رائي ما لوش لازمه وانك خلاص اخدتي موافقتهم

:ازاي يعني رأيك مهم جدا بالنسبه لي 

:يعني لو قلت لا هتسكتي 

:لا .. تقولها ليه

: هي مش الرحله دي مشتركه واكيد عماد الرخم ممكن يطلع

:وانا مالي وماله انا طالعه مع صاحباتي البنات اللي انت تعرفهم و شفتهم في خطوبتي 

:عشان هو ممكن يغلس عليك هناك ويستغل انك في مكان بعيد عن بيتك

:في دكتور مشرف على الرحله لو عمل حاجه هشتكيه اطمن

:وانا في غنى عن الموضوع ده و اقفلي المناقشه كفايه خناقه اول يوم رمضان 

:بس انا نفسي اطلع الرحله دي قوي و حوشت فلوسها من مرتب التدريب … وبصراحه اكثر اتفقت مع اصحابي نطلعها سوا

:هم اعلنوا عنها من بدري على كده وانت مستفة امورك

:لا النهارده لسه قايلين في جروب الدفعه 

:وانت بلغتيهم انك طالعه

:لا اتفقت مع اصحابي وقلت اذا وافقوا عندي في البيت ولسة مستنية موافقتك عشان أكد عليهم

:خلاص قولي انهم رفضوا في البيت

: هما قالوا لي كده خطيبك غلس و هيرفض 

:عندهم حق صدقيهم

:انت مش عايز تثبت ان هما غلطانين و تحرجهم  

:لا اثبت لهم ليه هم يهموني في حاجه 

:يا كريم عشان خاطري … ارجوك .. ارجوك (بدلع)

:اديني سبب إصرارك انك عايزه تروحي ومتمسكة قوي بالرحلة دي بالذات 

: بصراحه … عمري ما شفت البحر قبل كده واشتراك الرحله بسيط و معايا فكان نفسي اشوفه

:وطبعا عايزه تنزلي الميه 

:اوعدك مش هيحصل هبل رجلي بس

: برده لا 

:هزعل منك

: لا يا سماء يعني لا وده اخر كلام عندي 

:شكرا قوي

:انا ممكن اوافق لو جيت معاكي 

: للاسف مش هينفع الرحله طلبه بس مفيش مرافقين انا طبعا كنت اتمنى لما اشوفه اول مره تكون معايا 

:خلاص اقعدي وانا هخرجك و افسحك في العيد 

:مش عايزه شكرا … هروح اشوف عبير 

*تركته وذهبت وهي غاض-به منه وجلست قليلا معهم وقالت 

:يلا بقى يا ماما عشان عندي محاضرات بكره من بدري 

*وانصرفت رغم محاولات والدي كريم ان تبقى قليلا

بقلمي سحر السحرتي 

*بعد ان ذهبت اتصل عليها كريم فردت ببرود كي يشعر انها متض-ايقه من رفضه

:كويس انك رديتي خفت ما ترديش 

: احنا اتفقنا نرد على بعض وانا بحترم اي اتفاق … نعم عايز ايه

:يا ريتك ما رديتي دي طريقه تكلمي بيها خطيبك

: معلش متض-ايقه شويه من واحد غلس عليا ورفض طلب نفسي فيه 

: طب انت مش عارفه اني بحبك وبغ-ير عليك 

:طب ما انا بشوفه في الجامعه وبطل يغلس علي والمفروض كنت عملت ليا خاطر خصوصاً اني شلت المشروع لوحدي عشان خاطرك

 :انت بت-ذليني

: لا بفكرك اني خفت على زعلك وانت لا 

:انت متمسكه بالرحله قوي كده ليه مش ممكن إصرارك ده مش قادر افهمه

*ردت وصوتها مخن-وق

: لان طول عمري نفسي اشوف البحر وعمري ما ضغطت على ماما عشان ظروفنا اللي انت عارفها

*وبكت وهي تكمل 

:ويوم ما يبقى معايا فلوس ورحله مناسبه تحت اشراف الجامعه وماما توافق انت ترفض ليه فهمني

:طب ممكن ما تعيطيش 

:يا كريم انا اتحرمت من حاجات كتير  وعمري ما اشتكيت بس قلت لما اكبر هحققها لنفسي كده انت بتدمر احلامي

:ياه انا كل ده 

:اه … غير انك كل لحظه بتخليني اندم اني حكيت لك على غلاسه عماد ولو حصل موقف مشابه هخبي عليك

:طب ممكن ما تزعليش وانا هعوضها لك و اسفرك

: اه طبعا بعد الجواز بعد كام سنه صح

: ما تسافري مع طنط وجوزها

: ما اقدرش اطلب منه حاجه زي كده وانت عارف … غير ان لمياء حطاني في دماغها و بتقعد تلمح أنه بيصرف عليا وأنه مش من حقي … عايز اسباب ثانيه ولة هتخليني اندم ثاني اني كنت صريحة وياك 

:اسف ما اقدرش اوافق هبقى قلقان عليك طول ما انت هناك لغايه لما ترجعي

:خلاص يا كريم فهمت ان مفيش امل تغير رايك تصبح على خير عندي محاضره من بدري 

*و اغلقت الخط سريعا 

*في الايام التاليه تعاملت سماء بشكل جاف و عادي وردود روتينيه على كريم ولم تفتح معه موضوع الرحله 

*قبل العيد بيوم واحد 

:مالك يا سماء متغيره معايا بقالك فترة من يوم ما رفضت تروحي الرحله 

:مفيش يا كريم ما انا برد عليك في ايه بقى 

: انت مش على طبيعتك و تهزري معايا زي كل مكالمة

:ما انا بتكلم معاك ومش زعلانه منك حقك انك ترفض وانا سمعت كلامك وما فتحتش معاك الموضوع تاني 

:بس زعلانه

:مش منك 

:امال من ايه 

:من الظروف من ان كان نفسي في حاجه وما اتحققتش عادي زي حاجات كثير 

:ممكن اعرفها عشان احاول احققها لك 

:ما تحطش في بالك هي اول مره ليا متعودة …. بقولك هتعدي عليا نصلي العيد سوا 

:و طنط هتوافق ده كل خروجه بترفض لازم يبقى معانا حد 

:وانت زعلان ليه هي بتستخدم حقها انها تخ-اف علي زي ما انت استخدمت حقك في انك بتغ-ير علي اظن شيء ما يزعلش ولو اختك اكيد انت هترفض

: طبعا بس انا غير اي حد انا هخ-اف عليك اكتر من نفسي

: عارفه بس ماما بت-خاف عليا جدا ودي طريقتها ما اقدرش ألومها وبعدين انت لما بتيجي بتسيبنا نقعد براحتنا

:خلاص يا حبيبتي هعدي عليك اذا هي موافقه 

*في اليوم التالي احضر كريم صندوق كبير مليء بالشيكولاته واعطى مبلغ كبير لسماء عيديه لكنه لم يجد فرحه كبيره مثل فرحتها بفانوس رمضان … فتأكد انها تشتاق لرؤيه البحر

: تعالي نصلي ونخرج بعدها 

:لا انا عايزه انام مطبقه من امبارح خليها بكره

:وحشتني ضحكتك و هزارك ينفع بعد الصلاه اقعد معاكي نتكلم شويه 

: معلش بقولك خليها بكرة محتاجه اشوفك بكره وتكون معايا 

: اشمعنا بكره 

: في واحده في شلتنا لما عرفت اني مش طالعه الرحلة فضلت تتريق وتقولي هننزل الميه بدالك و هبعت لك صور الرحله عشان تحسي انك معانا 

: وده ض-ايقك

: هي لو صاحبتي قوي كان عادي بس بحسها مش بتحبني و بتحاول تضا-يقني 

: طب خلينا نفطر بارة النهارده عشان اقولك على المفاجأة اللي محضرها لك

: حاضر 

: ايه الطاعة دي 

: انا بقيت بحب وجودي معاك وخصوصا وانا مض-ايقة لاني بستريح بوجودك جمبي حنيتك بتطبط على قلبي 

: لا مقدرش على كدة 

: امشي يا كريم الصلاة هتفوتنا

*بعد الصلاة اوصلها الى المنزل 

: اطلعي غيري وانا مستنيك بسرعه 

: هتخرج بعبايه الصلاه 

: ايه مكسوفه مني

: لا شكلك وسيم فيها وخ-ايفة تتعاكس 

: بجد بتغ-يري عليا 

: ايه مش من حقي

: من حقك طبعا انا كلي على بعضي حقك انت وبس

: وبعدين انت ليه مفكر اني ممكن اتكسف منك انت تشرفني باي وضع

:هو انا حبيتك من شويه يلا بسرعه 

: مش هتاخر عليك هقلع الاسدال و اظبط شعري انا اصلا لابسة تحته

بقلمي سحر السحرتي 

*ذهب معها الى احد المقاهي الفاخره الدائم التعامل معها 

:اتفضلي اقعدي يا حبيبتي

:هاه بتقول عامل مفاجاه ايه هي

: بكره هنخرج مع بعض ونقضي طول اليوم سوا

*بسعاده بالغة

:بجد احلف وماما هتوافق

: هي وافقت خلاص بس طبعا عمار وسماح هيكونوا معانا محرم

:مش مهم كفايه اننا سوا وهما مش بيغلسوا علينا وبيحترموا خصوصيتنا

:انت مبسوطه قوي كده ليه فكرتك هتفرحي بالعيديه اكتر

:وجودي معاك احسن وتعويض عن الرحله

: صحيح وجودك معايا هينسيكي زعلك على الرحله

: اه وانت وعدتني بعد الجواز هنروح سوا واللي صبرني السنين دي اصبر كمان شويه… ولا هترجع في كلامك

 :لا طبعا …. بس ايه اللي غير رأيك بسرعه وانت لاويه بوزك بقالك كام يوم

: انا قلت مش زعلانه منك و الزعل عندي بياخد شويه وقت وافك غير انك اهتميت وجبت لي صندوق شيكولاته فقلت اعديها و اخليك تقضي عيد سعيد 

:بس عليك بوز فظ-يع

: اي ست كده يا حبيبي حاول تتعود

: نعم قلتي ايه 

:حاول تتعود 

:قوليها ثاني و اوعدك خروجه بكره هتبسطك 

:حاول تتعود

:انت هتس-تهبلي مفيش خروج بكره 

: هههههه خلاص يا حبيبي بهزر معك 

:انت بتقوليها من قلبك

: لا من بقي

: قومي يا بت نروح مش هخرج ولا عايز اشوفك

: هههههه ايه يا حبيبي زعلت ليه بهزر معاك واكيد بقولها من قلبي من جوه جوه قلبي كمان 

 :اصلك نادراً ما بتقوليها

: اصل بحب رد فعلك بتبقى زي العيل الصغير اللي بندي له بونبون بتبقى فرحان بيها قوي

:انا فعلا عيل صغير معاك انت بس 

:طب رد فعلك هيكون ازاي لما اقول

*وأشارت بأصابع يدها بمعنى تعالي 

: قرب عشان ما حدش  يسمع 

*و همست في اذنه

: بحبك قوي 

:الاثنين بحبك و قوي

*هزت راسها بالايجاب علا صوته

: ده انا اللي بحبك قوي قوي

:ايه ده يا مجنون احنا بين الناس

: بجد يا سماء مش مصدق نفسي 

:حبيت اديلك عيديه بس بطريقتي

: انت عارفه انت عملت فيا ايه انا طاير من الفرح دى احلى عيد مر عليا

:عشان تفتكر اول عيد مع بعض واول كلمه بحبك 

بقلمي سحر السحرتي 

*امضيا وقت سعيد بين الضحك والغزل وعادت لتجد سماح تعيد على والدتها وسلطان مع الباقين 

سماح :كنت فين على الصبح كده

: بفطر مع خطيبي ايه عمرك ما عملتيها

: عملتها بس وشي ما كانش مورد كده

: تعالي جوه احكي لك وتقولي لي رايحين فين بكره

: هو مخبي علينا احنا كمان ما نعرفش

*توجهت بالكلام إلى عمار

 :بجد يا عمار مش عارف هنروح فين بكره

: لا هو قال دي مفاجاه 

ادهم :انتم رايحين فين بكره 

لمياء :ما يروحوا مكان ما يروحوا واحنا مالنا

 :ما تيجي نروح معاهم حلوه نخرج كابل غير ان الخروج حلو مع كريم

: اللي تشوفه بس اعرف هنروح فين الاول

: هقوم اكلمه

*كانت لمياء تفضل الخروج معهم كلما سنحت لها الفرصة كي تحاول احراج سماء او صنع وقيعة بينها وبين خطيبها وإذا فشلت فهو أفضل من البقاء وحدها مع ادهم 

 *سحبت سماء يد سماح و همست

:ايه اللزقه دي يا ريتني ما قلت حاجه قدامها 

:معلش احكي لي حصل ايه 

: تعالى جوة احسن تسمعنا

*بعد عن حكت لها 

:وقلت بقى الم الدور كفايه كام يوم راسمه معاه الوش الخشب زي اي ست مصريه أصيلة عشان يفكر بعد كده قبل ما يرفض لي اي طلب 

:طب بدل الزعل ده كله كنت قلتي لي وانا خليت عمي طلعنا رحله للبحر

 :سماح ما تخلينيش اندم اني حكيت لك انت اختي عشان كده بتكلم معاك … انا مش عايزه اي حد يتكلم عليا انا وامي كفايه ان عمك متكفل بمصاريف دراستي هيقولوا كمان بيفسحها بعد اللي سمعته

: سمعتي ايه 

:اخوك كان بيكلم لمياء فيديو يوم نجاحي بالثانويه وقعدت تلوم على بابا انه ذب-ح عجل  فرحان بيا 

:سمعتيه فين

 :يا بنتي الصوت عند اخوك كأنه قاعد معايا في الاوضه تحس ان الحيطه ورق 

:صحيح اصل ده كان بيت جدو وكان كبير قوي الدور ده كان شقه واحده و اتقسم بعد كده شقتين و الحيطه اللي بينكم دي اللي مبنيه للفصل بينهم

: هو اخوك بيسمع بقى اي حاجه هنا 

:اكيد بس هو مش بيقعد كثير في الاوضه

 :بس انا مبسوطه انك بكره هتكوني معايا … ممكن تقولي لاخوك لو هيجي يحذر العق-ربه مراته ما تقولش حاجه تضا-يقني احسن مش هسكت

:  انا بيتهيقلي ان كريم رفض يقول له عشان ما تجتمعيش معاها 

:كريم ده حبيبي بيحاول يسعدني بأي شكل 

:حبيتيه يا سماء بجد و نسيتي 

*وضعت يدها على فم سماح 

:وطي صوتك احسن يسمعنا

: ما هو قاعد بره مع عمي

 :ممكن يكون رجع غرفته احنا نعرف واحنا قاعدين جوة هنا 

:طب ها قولي لي 

:عايزه الحق انا حبيته بس مش بدرجه كبيره لسه وطبعا اول ما اتخطبنا بطلت تفكير في اسمه ايه 

*واشارت على غرفه ادهم

 :لانه حرام بس تحسي كده كريم بيفرض حبه هتحبيه يعني هتحبيه بس مشكلته انه بيغ-ير 

:وده وحش

: اوقات بيخن-قني 

:مع الوقت اما يحس انك خلاص بقيتي مراته هيخف شويه

 :تفتكري دى انا بحس انه عايز يع-مي اي حد بيبصلي

: عمار كان كده .. تعالي نطلع بقى 

*بعد ان خرجا من الغرفه وجدت ادهم يبلغ لمياء

: للاسف كريم رافض يقول هنروح فين تحبي تروحي على كده 

:يعني ايه مش نعرف هنروح فين لان كل مكان له لبس معين

 :قال الصبح قبلها بنص ساعه هيبلغنا تحبي نخرج لوحدنا وبلاش معاهم

:لا انا شايفه انك متحمس وعايز تروح ومش عايزه ازعلك 

سماء : لا ما تجيش على نفسك يا ابله لمياء اكيد المعلم ادهم هيتفهم اذا رافضه تيجي وممكن كمان المكان ما يعجبكيش

 *كتمت الضحك هي وسماح ونظرت لها لمياء بغ-يظ

: لا مش هزعل خطيبي الا اذا انت اللي مش عايزنا نيجي دي حاجه تانيه 

:انا ابدا تنورينا يا ابله لمياء 

*قرصتها سماح في قدمها دون ان يلحظ احد

: طب هدخل انام احسن مطبقه من امبارح

اميره: مش هتساعديني في الغداء يا آخرة صبري 

: مرمورتي انت مش محتاجه مساعده دى اكل انت وبابا بس انا معزومة عند حماتي و ابلة لمياء كمان معزومة عند حماتها

*وتوجهت بالكلام وهي تحتضن ظهر سلطان وهو جالس 

: بقولك ايه يا ابو السلاطين ما تاخودها و تتغدوا برا لوحدكم كده وتعيد عليها و تعيشوا جو انور وجدي وليلى مراد 

: تصدقي فكره حلوه 

لمياء: ايه الكلام الفارغ ده هما لسة صغيرين 

*نظر لها سلطان بمعنى (انت مفيش فايده فيك)

سماح: مالك يا لمياء هي فكرة حلوة فعلا طنط مش بتخرج مع عمي فرصة أنه عيد يغيروا جو وده مالوش دعوه بالسن

عمار : طب يا عمي ايه رايك انا عازمكم حضرتك ياما عزمتنا نردلك مرة من كرمك معانا 

ادهم: لا انا اللي عازمكم كلكم واهي فرصه كمان ماما تخرج ما تيجي يا سماء معانا انت وكريم 

*بدلع حتى تف-رس لمياء 

: لا حماتي هتزعل وانا وعدتها اول يوم العيد عندها وانا مقدرش على زعل حماتي ابدأ 

عمار: بتحبيها ولة خا-يفة منها

: لا طبعاً بحبها ما هو اللي بيحب حد بيحب كل الناس اللي من طرفه

سماح بمكر

: اللي هو مين 

: كريم طبعا ادخل انام بقى عشان اروح لحماتي حبيبتي 

 *وهربت سريعا من امامهم بعد أن أش-علت غي-ظ لمياء 

*اخذ ادهم الجميع لتناول الغداء في الخارج وطلبت منه والدته ان يكون المكان مفتوح أو حديقه لانها لا تخرج كثيرا لمرض قدمها

بقلمي سحر السحرتي 

*لم يكن ذلك على هوا لمياء ولاحظ ادهم انها لا تهتم بتحقيق رغبة والدته الوحيدة فلم يعيرها اي اهتمام هذه المرة لانه متيقن انها لن تستطيع التفوه بأي سؤ لوجود عمه

*اختار المكان حديقه على النيل فطلبت اميره من سلطان أن يقضوا بعض الوقت في مركب تسير في النيل فلبى طلبها

سلطان: تصدقوا الخروجة دي ناقصة سماء فكرتها اننا نخرج فعلاً حلوة 

سماح: يا عمي سيبها زمانها هايصة عند حماتها أول مرة اشوف واحدة منسجمة مع حماتها بالشكل ده 

عمار: ما انت منسجمة مع ماما 

: عشان هي خالتي في الاصل

فوزيه: سماء بنت حلال و متربية كويس و بتتعامل بطيبة قلبها عشان كده الكل بيحبها

اميره: تسلمي يا ام ادهم 

: بتكلم بجد يا ام سماء مش عشان انت قاعده هي فعلا وعدت حماتها و وفت لما حبت كريم يفطر معاها اول يوم رمضان و عجبني انها استأذنت منها لانها مدركة أن لهم حق فيه 

سلطان: سماء بتمشي على الأصول 

لمياء: هي القعده كلها هنقضيها كلام عليها ما كنا جبناها معانا احسن 

فوزيه: ما تتعلمي منها او اقولك خلي اميره تعلمك انت ما كلفتيش خاطرك تيجي تعيدي عليا والباب جمب الباب و استنيتي لمعاد الغداء 

*حاول ادهم تدارك الأمر قبل أن يقلب بزعل الطرفين 

ادهم: دي كانت عايزه تيجي الصبح فكرتك نايمة قلت لها بعدين الغلط عندي يا ماما 

*نظرت له فوزيه بغ-يظ 

: كدة ظلم-تك يا بنتي حقك عليا

*همست له لمياء 

: بتقول كده ليه 

: احمدي ربنا بدل ما تزعل منك اكثر ما هي زعلانه 

*ذهبت سماء لتناول الغداء مع عائلة كريم ولم يخل التجمع من شقاوتها

*كانت والدة كريم سعيدة بوجودها خصوصا انسجامها مع عبير ابنتها وتعاملها انها شقيقه لها بعكس تعامل باقي زوجات ابنيها 

*اوصل كريم سماء الى منزلها وقبل يدها قبل أن تدخل 

: شكرا انك في حياتي من يوم ما خطبتك وكل حاجه بقى لها طعم مختلف رمضان والعيد وأكثر شئ مفرحني انك بتراضي اهلي 

: انت مفكرني براضيهم عشانك 

: امال عشان مين 

: عشان هما بقوا اهلي انا ولو حصل خلاف بينا يقفوا معايا 

: ان شاء الله عمر ما هيحصل اي خلاف كل اللي هيحصل حب وبس

: يبقى شكرا انك انت اللي في حياتي …. سبني بقى احسن انت عارف حماتك 

: نادي عليها اسلم قبل ما امشي

: طب ادخل 

: لا هتمسك اقعد وانت عارفه خارج مع اصحابي

: اصحابك هاه … اوعى تكون فيهم صحباتك

*ابتسم على غي-رة تلك المحبوبه ونظر لها أن ليس بالقلب غيرها ففهمت لغة عينيه وهربت من جمال اللحظة قبل أن تلقي نفسها داخل حضنه من عشقه النادر

*في الصباح الباكر في اليوم التالي اخذ كل منهم سيارته وزوجته و انصرفا

 سماء :مش هتقولي بقى يا كريم احنا رايحين فين هما يعرفوا و انا لا

: لا عشان دي مفاجاه

: ما انا شايفه كلهم معاهم شنط صغيره الا انا 

:عامل حسابي و جايب لك كل حاجه هتحتاجيها ولو في حاجه مش موجوده نشتريها

:طب لمح لي لمحة صغنونة

: قبل ما المح لك لو المفاجاه عجبتك مكافاتي هتكون ايه 

:اللي تطلبه بس انت واثق انها هتعجبني 

:جدا بس انت قلتي اللي اطلبه اوعي ترجعي في كلامك

: عمري ما اعملها ولو عجبتني قوي هضاعف لك المكافاه هنفذ لك طلبين شفت كرم اخلاق اكثر من كده

 :هنشوف

 :بس هو الطريق طويل قوي كده ليه 

: زهقتي من وجودك معايا 

:ابدا يا حبيبي بس حاسه انه طريق سفر وبقى حوالينا صحراء

 :شويه و هتعرفي 

بقلمي سحر السحرتي 

*امسكت هاتفها وارسلت لسماح

 :انت عرفتي رايحين فين 

:اه انت لسه

:طب قولي 

:لا ما اقدرش دي مفاجاه بس هتبسطك قوي 

: طب قولي و هعمل نفسي متفاجاه

 *لتجد يد كريم تسحب منها الهاتف

: انت بتغشي

: الفضول اكلني يا حبيبي

: انت بتضحكي عليا بالكلمه دي خلي بالك

 :يعني هتقول لي لما نوصل

: او يظهر

 :هو ايه اللي يظهر 

:اصبري شويه نص ساعه بس

:خلاص هنام احسن ه-موت من الغي-ظ 

 *وضعت يدها داخل زراع كريم و راسها على كتفه 

:لا لو هتنامي كده ده انا اقعد الف عشر ساعات 

: هههههه سوق وانت ساكت 

*قبلها في راسها واستمر في القياده الى ان وصل الى احدى القرى السياحيه واتصل على عمار

 :ادخلوا بقى انا حاجز ومجهز كل حاجه في غرفه لينا وغرفه للبنات هاخذ بس سماء مشوار ربع ساعه و راجعين 

:رايحين فين

 :هتسلم على اصحابها في قريه ثانيه جنبها ونرجع 

*استيقظت سماء وظلت تتلفت براسها من المفاجاه 

:ايه ده بحر بجد يا كريم احلف ان ده البحر 

:ما اقدرش ازعل حبيبتي 

:امال عربيات ادهم وعمار فين 

:وصلوا القريه 

:واحنا رايحين فين 

:هنوصل القريه اللي فيها الجامعه تسلمي على اصحابك والبنت اللي ضايق-تك تعرفيها انك قاعده في قريه مستواها احسن من اللي هي قاعده فيها 

:لا ارجع كفايه انك حققت لي حلمي مش بحب اغ-يظ حد ويمكن يكون مستواها اقل وده اسمه تك-بر

: كنت عايز اجيب لك حقك منها

 :لا يا حبيبي انا اخذت حقي وزياده يوم ما انت حبيتني و اخترتني

: افهم من كده ان المفاجاه عجبتك

: جدا مش عارفه اوصفلك احساسي 

:طب مكافاتي فين 

:اللي تطلبه و تؤمر بيه 

:حضن

$ كريم هي-تهور

بعتذر على التاخير

• تابع الفصل التالى ” رواية أحببت من لا يرانى  ” اضغط على اسم الرواية