رواية فتاة أوقعت قلبي بقلم سماح عزت
رواية فتاة أوقعت قلبي الفصل الخامس 5
حمد بعصبية: وسايبينه لعند دلوقتي ليه مقبضتوش عليه ليه
مراد: مفيش اي دليل انت عارف ان الصقر بيخفي كل الادله الموجودة
احمد: بس كل واحد وليه غلطه واحنا لازم نخليه يقع ويغلط
مراد: وده ازاي بقا
احمد: هقولك انا ازاي
مراد بضحك: انت لسه راجع من ماموريه ودمك حامي بقا
احمد: انت عارف ان الصقر حسابه تقيل معايا اووي
مراد: اه صحيح مبروك على الماموريه الاخيره دي
احمد: الله يبارك فيك ويلا بقا عشان ورانا شغل
مراد: اموت واعرف بتفكر في ايه
احمد: هتعرف
مراد: طب انت هتروح فين
احمد: عند جدو
مراد: اسمه اللواء
احمد: ده عندك انت
مراد : براحتك على الاخر
عند الجد عبدالله
الجد عبدالله: مستحيل انت كده بتعرض حياتها للخطر
احمد: يا جدو احنا كده هنحميها وهنقدر نقبض عليه
الجد عبدالله: انت عارف ان الصقر شاطر ولما نعرفهم أن البنت دي عايشه كده بنعرض حياتها للخطر
مراد: يا باشا انت عارف غلطة الشاطر بألف
الجد عبدالله: ولو عرف ومعرفناش نمسك عليه دليل ساعتها هنحميها ازاي
احمد: اوعدك أنها مسؤوله مني وانا اللي هحميها
الجد عبدالله: بس…
مراد: من غير بس ياباشا احنا هنحميها متقلقش
الجد عبدالله: انا هثق فيكوا
مراد: مش اول مره يا باشا
احمد: يلا يا مراد
في مكان بعيد
الصقر: حبيبي من زمان مسمعتش صوتك
احمد: من النهاردة هتسمعه كل يوم
الصقر: ده أنا لو خطيبتك مش هتكلمني كل يوم
احمد: هو في حد مهم عندي قدك
الصقر: أنجز عايز ايه
احمد: زهقت بسرعه كده
الصقر: هتقول عايز ايه ولا لأ
احمد: عايزك تشرف عندنا في القسم
الصقر بتريقه: ليه ده انا ماشي جنب الحيط
احمد: مش انت لوحدك انت وسعد
الصقر بحده: لما أفضى ابقى اعدي عليك اصلي مشغول اليومين دول
احمد: ده انا هجيبك غصب عنك
الصقر: حسابك تقل معايا اووي يا حضرة الظابط
احمد بتريقه: زعلت طب معلش
المهم احب اقولك البنت اللي سعد كان خاطفها وبيعذبها عشان يتجوزها موجوده معايا واخوك هيروح في داهية وهياخدك معاه
الصقر: ……
احمد : مبتردش ل… قفلت ده طلع قماص يا مراد
مراد: بس احنا من دلوقتي لازم نفتح عنينا كويس لان نور كده في خطر
احمد: هو صحيح اسمها الحقيقي ايه
مراد: حور
احمد: اممممم تمام
عند الصقر في البيت
الصقر: انت فعلا كنت خاطف بنت وكنت عايز تتجوزها
سعد: حووور
الصقر: يعني الكلام ده حقيقي
سعد: الكلام ده من زمان وهي رمت نفسها في البحر وماتت
الصقر: ومن امتى واحنا بنتشطر على الستات
سعد: ياعم اهدا ده ابوها بعهالي وواخد فلوس
“الصقر مسك سعد من ياقته”
الصقر : مع انك الكبير بس ملكش لازمه مبتعملش غير المشاكل احب اقولك أن البنت اللي كنت خاطفها عايشه وعارف مع مين مع الظابط احمد وانت عارف أنه بيفتش ورانا
سعد: عايشه
الصقر: اه عايشه وانا اللي هخدك واسلمك تسليم أهالي عشان بعد كده تبقا تحترم البنات كويس
سعد: يبقى هقتله وهقتلها
الصقر: لا يبقا اتجننت انا عمري ما قتلت بس مستعد اقتل دلوقتي
” مسك المسدس ووضعه على رأس سعد”
سعد بخوف: انت بتعمل ايه انا اخوك الكبير
ابراهيم بزعيق: فهد انت بتعمل ايه انت اتجننت
الصقر بعصبيه: بدل ما يعترف بغلطه وأنه مينفعش يخطف بنت عشان يتجوزها بيقول أنه هيقتلها ويقتل كمان الظابط
ابراهيم بعصبيه: بقا تقتل اخوك عشان حتة بنت
الصقر: حتة البنت دي اتدمرت بسببه
ابراهيم بمكر وبكاء: بدل ما تساعده عايز تقتله اه ..اه
الصقر بخوف : بابا مالك في ايه
ابراهيم مدعي المرض: قلب… قلبي
الصقر وهو يمسك يده: اهدا اهدا انا اسف متتوترش انا هساعده متخفش على سعد انا هساعده
ابراهيم: حبيبي عارف أن اخوك مش هيهون عليك وديني اوضتي ارتاح شويه
” فهد سند أبوه ونيمه على السرير وسابه ونزل تحت”
فهد: احب اقولك أن لولا ابوك كنت انا اللي سلمتك بس لازم تعرف انك مش هتقدر ولا هتعرف تاذي حد فيهم
سعد : هههه لسه بتحن لصديقك
فهد بعصبيه: سعد الزم حدودك ولازم تعرف أنك لو فتحت الموضوع ده هدفنك تحت الارض
ملحوظه : الصقر ده لقب هو اسمه الحقيقي فهد
يتبع الفصل التالي: اضغط هنا
الفهرس يحتوي على جميع فصول الرواية كاملة: ” رواية فتاة أوقعت قلبي” اضغط على أسم الرواية