رواية عشقت العمدة نور الفصل الثاني عشر
كان كابر ينزف بشده اثر الطلقه الناريه الذي اخترقت ذراعه .
نور بدموع ورعب /كابر كابر .
الشبح وهو يمسكها ويتحدث بوقاحه /اسف ي باشا بصراحه مكنتش انت المقصود بس كده احسن اتمتع بالعسل دي شويه عقبال ماسعادتك تخلص ومتخافش هبعتهالك علطول ..
نور بغضب ودموع وهي تحاول الفرار من يده /سبني ي حيوان سبني ده انا هوديك في ستين داهيه .
الشبح بوقاحه/ايه ي مزه ده انا هدلعك شويه قبل ماتفركي الدنيا .
كابر بحده وهو يمسك مسدسه /مفيش حد هيفارق الحياه غيرك انت .
ليطلق كابر الرصاصه لتتمركز في رأسه ليسقط جثه هامدة .
نور بفزع ولهفه /كابر كابر انت تعبان .
كابر بضحك والم /لا بدلع شويه واحد واخد رصاصه ودمه سايح عيزاه يعمل ايه .
نور بدموع والم /ايوه صوح هكلم ابوي استحمل انشاء الله هتكون زين .
كابر بابتسامه الم/متقلقيش مش هموت واريحك مني .
نور بدموع وغيظ /واه عليك عاد متجبش سيره الموت دي واصل .
كابر وهو ينظر إلي عيناها بدقه /خايفه عليا ي نور .
نور سريعا وبدون وعي /طبعا لازما اخاف عليك انت مهمه عندي جوي ي كابر .
كابر بسعاده رغم تعبه /بجد .
نور بانتباه /ها ايوه طبعا علشان المهمه وبعدين اسكت بقا علشان ترتاح .
كابر بغثيان /نور خالي بالك من نفسك .
نور بفزع وصراخ /كابر كابررر .
من أمام مكتب كابر ...
عند سراج وعمار ...
كان يجلس سراج وهو يستمع حديث عمار باستغراب شديد فكيف علم شمعه متي وكيف ليطلب لزواج فحثه الشرطي يجعله يشك بابسط الأمور .
سراج باستغراب /بصراحه ي ابني طلبك غريب اوي انت عرفت شمعه بنتي أمتي علشان تتطلبها للجواز .
عمار بمكر /بصراحه ي سراج بيه انا شوفتها كام مره وبصراحه ي عني مش محتاج اسال الجواب باين من عنوانه نسب يشرف صوح واني الحمد لله مهندس في شركه ابوي واسمي له وزنه في السوق .
سراج بتفكير /طيب ي ابني انا مقدرش اقولك دلوقتي رد غير لما اسالها الاول واعرف اخوها وربنا يقدم الي فيه الخير .
عمار بخبث /تمام سعادتك وانا هنتظر الرد بالاذن .
سراج بقلق /ايه فيه ايه ي حاج وهدان بتجروا كده ليه .
سعديه بدموع وصراخ /بنتي بنتي اضرب عليها نار .
سراج بصدمه /ايه وهي فين دلوقتي وكابر فين .
وهدان بهجوم /ها شوف الباشا في انهي مصيبه مهو كل المصائب الي بنتي فيها دي من تحت رأسه .
سعديه بدموع وحده /احنا فيه ايه ولا في ايه عاد عايزين نطمنوا علي البت وبعدين كابر ايه علاقته بالي حوصل .
وهدان بغضب /اسكتي ي وليه اطمن بس علي بنتي وبعدين ليا تصرف تاني .
في القريه المجاوره ..
كانت تحتضن نور كابر بدموع وهي تتدعي الله أن يساعدهم .
وهدان بفزع /نور بتي كيفك ايه الي حوصل .
نور بدموع ورعب /أنا زينه ي ابوي بس بسرعه نلحقوا كابر بسرعه ي ابوي الله لا يساك.
سراج بفزع ورعب /كابر ابني ايه الي حصلك ي قلب ابوك.
نور بصراخ ودموع /اخلصوا عاد دمه هيتصفا يلا انتوا لسه هتحاكوا .
في القاهره .....
في شقه ادهم ...
ادهم بابتسامه وهو يسير لداخل /ماما فيفي .
فريال بفزع /ادهم اوعا تقرب مني روح خود شور وحط هدموك في الغساله .
ادهم بياس /ي امي انا مكنتش مع جرابنين ي عني .
فريال بحده /مش عايزه مناقشه ي ادهم اعمل الي بقولك عليه .
ادهم بسخرية وهمس /امال لما تعرف موضوع ريم دي هتقيم عليا الحد حاضر ي ماما هاخد شور واجي .
في المستشفي ...
كانت تقف وهي تسند رأسها بدموع وهي تتذكر دفاعه عنها مخاطرته بحياته من أجلها كان قلبها يخفق بشده ووجع وخوف لفقدانه لتتنبه الي حديث الدكتور لتسرع إليه بلهفه .
نور بلهفه /ها ي دكتور طمني .
الدكتور بابتسامه /اطمني ي حضره العمده الحمد لله قدرنا نخرج الرصاصه من كتفه والحمد لله نقدر نقول إن الحاله مستقره .
نور بسعاده /ي عني كابر زين مش كده .
سراج بارتياح /احمدك واشكر فضلك يارب .
وهدان بحده /نور روحي علي الدار .
سعديه بصدمه /واه عاد انت بتقول ايه ي وهدان .
نور باستغراب /انت بتقول ايه ي ابوي امشي كيف .
وهدان بغضب /تمشي لأن ملكيش مكان هنه ي جناب العمده مكانك في البلد في الناس الي محتاجلك .
نور بوجع /وكابر برضك محتاجلي ي ابوي كفايه أنه عرض حياته للخطر علشاني .
وهدان بحده /هتفضلي طول عمرك هبله اياك فاكره هو عمل كل ده علشانك لا علشان خاف من الفشل الي في حياته الي بقا عمال يزيد فقلك اعمل فيها بطل وشهم .
سراج بغضب /حضره العمده ي ريتي تسمعي كلام والدك وتمشي لاني مش هسكت علي اهانه ابني اكتر من كده .
سعديه بغضب /الي عمال تحكي عنه بالعاطل كده يبقا جوز بتك .
وهدان بغضب شديد /اكتمي ي وليه وحسك عينك تقويلي الحديد ده تاني فاهمه دي لعبه وكلكم عارفين كده زين ومش مسموح انكم تصدقوا التمثيليه دي واصل بتي هتفضل رجلي فاهمين .
نور بوجع /ي ابوي انا .
وهدان بحده /حديدي خلص ي نور خودي امك وامشوا من هنه يلا .
كانت تتغط علي يدها بوجع والم فلاول مره تود أن تعصي والدها نعم فقلبها يريد أن يراه يطمئن عليه فل يكون في عون ذلك القلب المسكين وسط ذلك الحرب والصراع فهو عشق لم يذنب ❤️❤️❤️❤️ .......
في دوار بدران ..
كان يمشي بدران بغضب شديد فقد تم إفساد مخططه ..
عمار بصدمه /بتقول ايه ي ابوي انت الي بعت الواد ده علشان يقتل نور ده ضرب الظابط كابر والدنيا مقلوبه .
بدران بغيظ شديد /عرفت ي اخوي حرمه زي القطط بسبع ترواح المصيبه أنهم كده عيتاكدوا من شكهم فيا .
عمار باستغراب /طب احنا هنعملوه ايه عاد دلوقتي ي ابوي ابوي أنا مش عايز اي مشاكل بينا وبينهم لحد ماتجوز شمعه واشفي غليلي منيها .
بدران بغيظ /طيب ي اخوي مهو ده وقته لحديدك الماسخ ده .
عمار بخبث /انا هعمل اي حاجه علشان البت دي تكون ليا واشفي غليلي منيها ساعتها هقدر ارفع راسي في وش الكبير .
بدران بجديه /بقولك ايه عاد كل حاجه تتلغي دلوقتي وجوازه اخوك تمشي علطول مش عيازهم يوصلوا لاي حاجه واصل فوق ده كله لازما نزور الظابط كابر ونطمنوا عليه وعيننا لازم تبقا عليهم طول الوقت لحد مانخلصوا من كل البضاعه الي في الأرض .....
في شقه ادهم ....
فريال بغضب /انت اتجننت ي ادهم مش كده فلاحه ايه الي عايز تتجوزها ده مش ممكن يحصل ابدا .
ادهم بحده /ماما انا مش فاهم حضرتك قصدك ايه ريم بنت جامعيه ومثقفه ومحترمه جدا ايه العيب الي فيها .
فريال بغضب /العيب انها فلاحه ي ادهم باشا أنها مش من مستوانا ولا مستوي عائلتنا طول عمري بحلملك ب بنت وزير أو بنت محافظ وانت عايز تتجوزلي بنت فلاحه ي ادهم .
ادهم بغضب /بس انا مش عايز كل دول انا عايز ريم وبس هي الي قلبي حباها وبعدين مالهم الفلاحين ي عني احسن ناس كلنا ولاد تسعه ي امي .
فريال بحده /انت عايز مني ايه ي ادهم .
ادهم بجديه /عايز حضرتك تيجي تشوفيها وتوافقي علي جوازي منها صدقيني ي ماما دي بنت هايله وهتحبيها ارجوكي ي امي متكسريش فرحتي .
فريال بشر وهي تحدث ذاتها /طب وماله ي فريال اهي تسليه بدل ماكسر ب قلب ادهم اوافق واجيبها هنا اشغلها خدامه لحد ماتزهق من عيشتها وتغور .
ادهم باستغراب /مالك ي ماما سرحتي فيه ايه .
فريال بانتباه وابتسامه خبيثه /ها لا ابدا ي روح ماما بفكر خلاص ي حبيبي أنا مقدرش اكسر بخاطرك ابدا انا موافقه ي حبيبي .
ادهم بسعاده /بجد ي ماما ربنا يخليكي ليا ي امي بكره انشاء الله هنروح .
فريال بخبث /اوكي ي حبيبي .
في دوار وهدان ...
ريم بحزن /خلاص عاد ي نور كفاياكي بكا انت عمرك مكنتي كده .
نور بدموع ووجع /قلبي وجعني عليه جوي ي ريم كان نفسي اشوفه واطمن عليه جوزي ي عالم كان لازما اكون جاره .
سعديه بغيظ /ايوه قدامنا احنا بس صوتك يطلع وتحددي ومقولتيش الحديد ده قدام ابوكي ليه عاد .
نور بدموع وحزن /الله يخليكي ي أما أنا منقصاش انت عارفه اني عمري مهعصا ابوي واصل لو السكينه علي رقبتي .
سعديه بغضب /وهو الي مرمي في المستشفي ده مش جوزك برضك مش كان هيموت بسببك تسيبيه كده .
وهدان بحده /العوافي عليكم .
نور بلهفه /العوافي عليك ي ابوي كابر عامل ايه .
وهدان بغيظ /زين زي الحصان مفيهوش حاجه واصل اطمني ي جناب العمده وروحي نامي علشان عندك بكره شغل كتير في الأرض ومشاكل كتير في البلد لازما تشوفيها ي جناب العمده المشاكل الي هملتيها وجريتي وراء الكلام الفاضي .
نور بضيق /ي ابوي افهمني احنا خلاص قربنا نوصل لاي بيهربوا الآثار من البلد وعلشان كده المجرم ده حاول يقتلني وكابر خاد الرصاصه مكاني .
وهدان بغضب /خلاص عاد القضيه دي حضره الظابط يتصرف فيها وانتي شوفي حالك ي جناب العمده يلا ي سعديه تصبحوا علي خير .
ريم بحزن /وانت من أهله ي عمي هتعملي ايه ي نور .
نور بدموع والم /مفيش فايده ي ريم انا مش من حقي اي حاجه واصل بس علي الاقل لازما اعمل الواجب واطمن عليه .
ريم بهمس /هنعملوه ايه عاد ي نور .
نور بشرود /بعد مابوي ينام هننزلوا نروحوا المستشفي ونرجعوه طوالي ..
في المستشفي ...
في غرفه كابر ....
كان يفتح عيناه تتدريجيا ليعتاد علي الضوء .
سراج بسعاده /حمد لله على السلامه ي قلب ابوك .
كابر بتعب /نور نور كويسه .
شمعه بمرح /ايوه نور كويسه بعد مانقذتها ي دنجوان تخيل كده كابر عبد الحي دنجوان الداخليه ينقذ زوجته العمده نور ياه عنوان صحفي ايه .
كابر بضحكه خفيفه /ي خربيتك ي شمعه ضحكتيني .
ريم بابتسامه /العوافي عليكم .
نور بابتسامه ولهفه /حمد لله على سلامتك كيفك دلوقت.
كابر بابتسامه /بصراحه بقيت احسن لما اطمنت عليكي .
شمعه بغمزه ل ريم /بقولك ي ريم كان فيه طاووس حلو اوي بره تعالي نتفرج تعال معانا ي بابا .
ريم بابتسامه /يلا عاد .
نور بابتسامه /حمد لله على سلامتك ي كابر .
كابر بابتسامه /ياه بجد مكنتش اعرف ان اسمي حلو كده .
نور بخجل وارتباك/واه عاد عليك خلينا في الي احنا فيه عاد المهمه وكده .
كابر بجديه /كده عمك بدران هو الي وراء كل ده الي حصل ياكد ده انا قررت اراقبه بفكره متخلناش نظهر خالص في .
نور بجديه /طب وبعدين هنعملوا ايه .
كابر بجديه /بدران ميعملش كده الا لو كان مسنود من حد مش ممكن يكون بيعمل كل ده لوحده ابدا .
نور بقلق /انا خايفه عاد ي كابر ليفكر يعملها تاني .
كابر وهو يمسك يدها باطمئنان /مش هيحصل ابدا ي نور طول مانا جنبك عمر مفي حد ممكن ياذيكي ابدا .
نور بشرود وحزن /انت عملت فيا ايه ي كابر غيرتني جوي بس خايفه جوي من الي ممكن نشوفوه بعد كده خايفه افضل في الطريق ده كتير وانا عارفه أنه آخره سد .
كابر باستغراب /مالك ي نور سرحتي فيه ايه .
نور بانتباه /ها لا ابدا مفيش حاجه واصل انا لازما امشي وبعدين تبقا نتحددوا في الموضوع ده .
كابر وهو يمسك يدها بحزن /هتمشي علطول كده .
الممرضه بابتسامه دلع واعجاب ل كابر /حمد لله على السلامه ي حضره الظابط وانا اقول الدنيا نورت ليه .
نور بغيره وغيظ /معلش ي اختي اصلنا مكناش دفعين فاتوره الكهرباء فالنور كان قاطع .
كابر وهو يكتم ضحكاته /اتفضلي غيريلي علي الجرح .
نور بغيظ /وليه عاد مراتك اتشلت ولا ايه روحي ي حلوه شوفي حالك واقفلي الباب وراكي .
كابر بهمس وسعاده /اموت فيكي وانتي غيرانه عليا .
نور بارتباك /غيرانه ايه لا مش كده واصل ده كله علشان المهمه مش عايزه حد يشك في حاجه واصل .
كابر بخبث /طب تعالي غيريلي علي الجرح لحسن شادد عليا اوي .
كانت نور تمسك بالادوات وهي تجلس أمامه بالقرب منه كانت تغير علي جرحه بارتباك كان كابر يمرر يده علي وجهها بحب وسعاده ليقترب منها سريعا ليقبلها ليبتسم بسعاده لضعفها بين يديه لتتحدث نور بهمس .
نور بهمس وضعف /كابر ابعد مش كده .
كابر بهمس ورغبه بها /مش هبعد ي نور انا بحبك وانتي بتحبيني النهارده هتكوني مراتي ي نور .
لتتضعف نور بين يديه ليخطفها الي عالمه الخاص لتصبح نور زوجه كابر شرعا وقانونا ..........
ترا ماذا سيخبا إليهم القدر 🤔🤔🤔🤔🤔 انا عارفه انها مفاجاه بس الأحداث الي جايه كلها هترتب علي كده .
يتبع الفصل الثالث عشر اضغط هنا
الفهرس يحتوي علي جميع فصول الرواية كامله"روايةعشقت العمدة نور" اضغط علي اسم الروايه
تعليقات
إرسال تعليق