القائمة الرئيسية

الصفحات

رواية إبن عمي الفصل الثالث والرابع بقلم أميرة محمود

 رواية إبن عمي الفصل الثالث والرابع بقلم أميرة محمود

رواية إبن عمي الفصل الثالث والرابع بقلم أميرة محمود

روايه ابن عمي

البارت3 و4
للكاتبه اميره محمود
 احمد شال نور وطلعها غرفتها وقعد يفوق فيها اهدي بس اي اللي حصل أنا مش فاكر حاجه 
نور قالت بصوت مبحوح اطلع بره بره وقعدت تصرخ جامد كل اللي في البيت صحوا وقعدوا يدورا الصوت جاي منين لحد ما وصلوا لغرفه نور لقو نور قاعده ع السرير ومغطيه نفسها بالبطانيه وشفايفها بتترعش جامد
جودي ، في ايه يانور وانتي عامله كده ليه

محمد ، في ايه يا بنتي 

فاطمه ام جودي، مالك بس اهدي 

محمد بينظر لاحمد لقاه باصص في الارض ونور عماله تعيط وتبص لاحمد
محمد، احمد لو سمحت تعالي ورايا
محمد دخل غرفته هو وأحمد
محمد ، هو اي اللي حصل
احمد ، مش عارف انا كنت بتعشي معاها في المطبخ وبعدين ومعنتش حسيت بنفسي فوقت بعدها لقيتها هدومها متقطعه وكلها دم شيلتها طلعتها وبعدين حصل اللي شوفته

محمد ، يعني ايه محستش بنفسك دي ممكن افهم

احمد ، والله ماعارف يابابا

دخلت عليهم فاطمه تصوت 

فاطمه ، الحق يا محمد البنت في حد اغتصابها

محمد ضرب ابنه بالقلم 

محمد ، انت اغتصبت بنت عمك انت عارف اي اللي هيحصل هيبقي دم مالوش اخر اخوي مش هيسكت 

فاطمه، يامصبتي استحاله احمد يعمل كده وبصت لاحمد اوعي يااحمد الكلام اللي ابوك بيقولوا يكون حصل

احمد افتكر العصير وطلع يجرى عالمطبخ وأبوه يجري وراه فكره هيأذي نفسه لقاه جاب كيس العصير ومسكه

محمد ، هو ايه ده بقي
احمد ، بابا كنت في عيد ميلاد ندا صحبت هنا وعطيتني العصير ده وشربته اول مااجيت ده اكيد فيه مخدر

محمد، وانا ايه اللي يخليني اصدقك انت فتحت أبواب جهنم علينا عارف انت خنت الامانه اللي عمك سابهلنا وعلي صوته عارف أما بنت بتغتصب في الصعيد بيحصل ايه

احمد ، والله يابابا مظلوم أنا هودى العصير ده معمل تحليل بتاع واحد صاحبي
محمد ، طب ونور هتتجوزها مفيش كلام

احمد، يابابا وهنا
محمد، هنا مين بقولك البنت انت ضيعت مستقبلها أنا هطلعلها واحاول أهديها عشان متحكيش لأخوي حاجه 

نزلت فاطمه وقالت لازم تتجوزها يااحمد اللي انت عملته مصيبه كبيره وفيها قتلنا كلنا

جودي قاعده مع نور تهديها
جودي، نور حبيبتي اهدي وقوليلي مين عمل فيكي كده

نور قلبها هيقف من العياط
دخلت فاطمه عليهم
فاطمه، جودي روحي نامي وانا هقعد مع نور شويه
خرجت جودي وهي منهاره ع بنت عمها

فاطمه،. نور حبيبتي انا عرفت كل حاجه والله يابنتي احمد ماكان في وعيه واحده بنت حرام حطيتلو حاجه في العصير وحصل اللي حصل والله احمد ابني محترم جدا مهواش كده

نور افتكرت أن احمد كان في أيده كيس عصير وخلصه من هنا وبعدين بقي واحد تاني

فاطمه ، ارجوكي يابنتي ابوس ايدك متقوليش حاجه لابوكي واحمد هيصلح غلطته ويروح يطلبك منه الصبح ماشي يابتي هيبقي فيها دم للركب ابوس ايدك ووطت ع ايد نور أبويها

نور شدت أيدها بسرعه وراحت فاطمه حضناها وقعدت تعيط جامد وقالتلها قومي استحمي يابنتي والله علي عيني اني اشوفك كده 
نور قامت ودخلت الحمام وبصت للمرايه وقعدت تعيط جامد علي نفسها واللي حصلها
الكل دخل اوضه ومحدش عارف ينام

تاني يوم الصبح جودي نزلت تفطر لقيتهم قاعدين ومحدش بياكل كل واحد سرحان
جودي، بابا عرفت مين اللي عمل في نور كده
احمد قام جرى وقال ، ورايا عمليه ضرورى دي الوقت

محمد ، متنساش هنسافر بليل لعنك
احمد،. ماشي يابابا
احمد مكنش وراه عمليات احمد راح معمل التحايل بتاع صحبه بكيس العصير
احمد لو سمحتي أنا عايز الدكتور هادي أنا صديقه
السكرتيره ، ثواني هقوله مين حضرتك 
احمد منتظرش أنها تقوله ودخل عالطول

هادي ، اهلا ازيك يااحمد السكرتيره والله يادكتور شاورلها هادي بدماغه أنه خلاص
احمد ، أنا واقع في مصيبه وعايزك تشوفلي العصير ده فيه ايه ضرورى
هادي ،يعني ايه ده مغلف
احمد ، أنا شربته وعملت مصيبه وعايز اعرف منه واللا اي
هادي، مصيبه اي يابني خير 
احمد ، مش واقته عايز تحلله بسرعه
هادي ، طب اديني ساعه لاون
احمد ، تمام وسابه ومشى
////////
فاطمه خبطت ع نور
نور، مين وهي خايفه
فاطمه ، أنا وعمك عايزينك ياقلبي في كلمه
فتحت نور الباب
محمد ، انتي عامله ايه دلوقت يابنتي
نور تمام
محمد، منزلتيش ليه تفطرى معايا زي كل يوم
نور بصتله بصه محمد عنيه دمعت من كسرت بصتها
نور، مليش نفس
محمد، أنا عارف أن اللي عمله احمد صعب وميتغفرش بس عشان خاطرى يابنتي ورحمه امك بلاش تقولي لاخويا حاجه وانا وأحمد هنروح نطلب ايدك منه انهارده هنسافر شويه كده 

نور، وافرض انا مش عايزه اتجوز احمد
محمد ، خلاص يبقي جواز مؤقت كام شهر وتطلقوا عشان بس اللي حصل والنبي يابنتي متزعليني
نور، خلاص ماشي ياعمي
فاطمه ، قامت باست رأسها وقالت لها
ربنا يسترك يابنتي ويخليلك ابوكي
ونزلوا وسابو نور

البارت4
روايه ابن عمي

دكتور هادي رن ع احمد وقاله
احمد العصير كان فيه مخدرات وحبوب جن😣😣

احمد ، قفل السكه وراح البيت ودخل غرفه والده وقال

مش قولتلك يابابا العصير كان فيه مخدرات

محمد ، كويس انك اجيت ياله نروح لعمك اجهز عشان مسافرين
احمد ، طب هقول ايه لهنا
محمد، والا اي حاجه كل شئ قسمه ونصيب

احمد ، ماشي يابابا
محمد طلع لنور وخبط وقالها
نور هتيجي معانا احنا مسافرين لوالدك
نور، عشر دقائق وهكون جاهزه
محمد، ماشي يابنتي
راح محمد لفاطمه وقال
أنا ماشي رايح البلد أنا ونور وأحمد خلي بالك من جودي 

فاطمه، احنا هنيجي معاك
محمد، خلاص اجهزوا
الكل جهز ونزلو نور شافت احمد خافت ورجعت لورا والكل اخد باله
محمد ، متخفيش يابنتي كلنا معاكي وباس رأسها

احمد زعل من نفسه قوي وركبوا العربيه وكان هو اللي سايق ونور ركبه في الكرسي اللي ورا
احمد كل شويه يبص في المرايه لنور وهي اخدت بالها

احمد وقف يريح عند كافتريا ونزلو كلهم معادا نور مردتش وقعدوا يتحايلو عليها بردك مردتش
احمد جابلها شنطه حلويات وراح يعطيهالها مردتش تاخدها وقالت له لو سمحت متكلمش معايا خالص فاهم

احمد قالها والله العظيم مظلوم
نور، أنا قولت اي
احمد سابها ومشي
نور ندهتله وراحت راميه شنطه الحلويات في وشه

احمد اتغاظ منها وسابها دخل الكافتيريا ينده ليهم عشان يمشوا
ركبوا العربيه وجودي عطت نور شيكولاته وقالت
الشيكولاته اللي بتحبيها يانور جبتلك 2تاكليهم لوحدك

نور اخدتها وضحكت ليها شكرا ياقلبي
احمد اتغاظ منها وبعدين قال في سره عندها حق تضربني حتي بجزمه قديمه
وصلو بيت الحج محمود والد نور
الحج محمود ، اخوي والله نورت البلد كليتها
محمد، بنورك يااخوي
نور دخلت جرى وحضنت ابوها وقعدت تعيط جامد الكل خاف لتقول حاجه وكلهم بصوا لبعض

نور، بابا وحشتني قوي والله مابعرف انام كل يوم عشان مش بشوفك
محمود، وانا والله اتوحشتك يانن عيني فعلا عنيكي وتركه خالص انتي مبتنميش واصل

الكل خاف ليعرف أن عينيها وارمه من العييط
محمود ،والله تلاجيكي مبتنميش عشان بتخافي تنامي لوحديكي حاكمن أنا عارفك ياجبانه لساكي بتخافي من ام رجل مسلوخه اللي كنت بخوفك بيها عشان انيمك

الكل ضحك عليها وبترفع رأسها لقت احمد بيضحك راحت زغراله راح من احراجه قائل
ايه ياعمي أنا جوعت نفسي اكل وكل الصعيد
جودي ، همك ع كرشك
احمد ، بس يابت
محمود قالهم تعالو ياجماعه ام ابراهيم حطت الوكل
كلهم قعدوا يتغدوا ودخل عليهم شاب طويل وعريض شعره طويل لونه كستنائي وعنيه عسلي نفس شكل نور بس طويل

محمود، اهو ادهم ولدى وصل تعالي ياولدي سلم علي عمك ومرته وولاده
جودي، اي يا نور الصاروخ ده ده اخوكي ده مز المزامير

نور ضحكت وقالت لها بس يابنتي ده ظابط يحبسنا

جودي ،مقولتيش ليه انك عندك اخ شبهك قوي كده بس الفرق صاروخ واوزعه
نور، اتلمي وكلي بدل مايلمنا ده انتي مشوفتيهوش وهو متعصب
جودي ، ياساتر ده أما يتعصب الوحده تسرح في أم عنيه واسكن
نور ، تعالي نخرج نقعد في الجنينه بعد مانخلص اكل
جودي ،ماشي
واتغدوا كلهم وجودي ونور خرجوا الجنينه ومحمد وأحمد وفاطمه راحو قعدوا في مع الحج محمود وولده ادهم

محمد ، محمود يااخوي احنا جايين نطلب ايد بتك نور احمد ابني من ساعه ماشفها وهو معجب بيها
محمود ، دي مبجلهاش 5ايام عنديكوا لحج يعجب بيها ثم إنه مش خاطب

محمد معتش عارف يرد خاف يغلط ويشكك أخوه في ابنه

فاطمه ، فركش الخطوبه اول ماشاف نور 

احمد، بصراحه ياعمي أنا حبيتها من اول نظره وشفت فيها ام عيالي أنا نفسي بس أن حضرتك توافق وسألها

محمود، افرض بعد ماتخطبها تعمل زي كاعملت مع خطيبتك وتسيبها عشان واحده تانيه

احمد،. استحاله ياعمي افكر في واحده تانيه انا حبيتها بجد

محمود ، خلاص اني عن نفسي موافج استنوا اسالها الاول

الكل كان مرعوب وخايف من نور

محمود نده ع نور وقالها
نور يابتي ابن عمك طالب يدك اي رايك فيه

نور، بصراحه يابابا الرأي رايك بس انا بجد حبيت العيله كلها ونفسي ابقي واحده منهم
محمود باسها وقالها خلاص ماشي يابتي

محمود دخل وقتلهم
نور بتي موافجه مبروك يابن اخوي

محمد ،هنعمل فرح عالطول

محمود ، لا يااخوي يخطبها الاول عشان لساتهم ميعرفوش بعض
نور، بابا في حاجات ببقي مش فاهماها احمد بيفهمهالي وبنقعد كتير مع بعض فهو بجد انسان محترم وسرحت افتكرت اللي احمد عمله بعد ازنكوا هطلع شويه اوضتي

احمد فرح من كلام نور وبعدين قال في سره هي بتقول كده عشان ابوها يوافق عالجوازه
محمود ،اي رايك ياادهم
ادهم، أنا شايف أن بدال نور موافجه يبقي خلاص اجازه نص السنه نعمل الفرح
احمد، لا أنا عايز الفرح الخميس الجاي
محمود، في ايه ياولدي انت مستعجل كده ليه
محمد ، اصل الخطوبه اللي بطول ياخوي بتيجي عشان الجهاز أما احنا هنجوزهم معانا في الفله والاجازه بجوار يجعدوا معاك أنه
محمود ، خلاص ماشي ياخوي الخميس الجاي الفرح
محمد ، خلاص احنا هنجعد معاكوا للخميس الجاي ونروح بعد الفرح بيوم
محمود ،بيتك ومطرحك يااخوي تنور
محمد ،تسلم ياخوي
وراحت فاطمه مزغرطه الكل اتخض لأنها اجت ع غفله
ياترى ايه اللي هيحصل بعد كده


reaction:

تعليقات