القائمة الرئيسية

الصفحات

رواية عشقت إمبراطور الصعيد الفصل الرابع بقلم منة رضا

 رواية عشقت إمبراطور الصعيد الفصل الرابع بقلم منة رضا

رواية عشقت إمبراطور الصعيد الفصل الرابع بقلم منة رضا

#البارت الرابع |4|

#عشقت امبراطور الصعيد

الظابط : انت فهد الدمنهوري..

فهد : ايوه 

الظابط : طب انت مرفوع عليك قضيه و لازم تيجي معانا ..

فهد : قضيه اي 

الظابط : قضيه تجاره في المخدرات ..

فهد : لأ طبعاً كل ده مش حقيقي ..

الظابط : انا اسف بس معايا مذكره ضبط و إحضار حضرتك ..

الجد : و انا مستحيل أخليه يروح معاكي احنا هنيجي بعربياتنا الخاصه ..

الظابط : مينفعش حضرتك لأزم يمشي معانا ..

ريتال : طلعت بسرعه علي اوضه فهد عشان تقول لماسه فضلت تخبط مفيش حد فتح بعدين قررت تدخل هي 
دخلت و فضلت تدور علي ماسه في الاوضه لحد ما لقتها خارجه من الحمام كانت بتاخد شاور ...

ماسه : في أي يا ريتال و انتي دخلتي ازاي هنا ..

ريتال : مش مهم دخلت ازاي المهم أن في ناس جايين من القسم تحت و هيخدو فهد معاهم ..

ماسه : أنتي بتقولي اي 

ريتال : و الله زي ما بقولك كده ..

ماسه : طب استني هلبس حاجه و جايه عشان كانت قاعده بهدوم النوم ..

ريتال : حاضر أنا واقفه هنا اهو ..

ماسه : فتحت الدولاب و طلعت منه درس لحد تحت الركبه بشويه و لبست شوز و نزلت هي و ريتال بسرعه 

صفيه : واقفه بتشد ريتال بعدين قالت انتي قولتيلها لي ده لو فهد عرف هيزعقلك ..

ريتال : قولتلها عشان لازم تبقي جمب جوزها..

فهد : واقف بيتكلم مع الظابط لقي ماسه راحه عليهم استأذن و راحلها قبل ما هي تروح عندهم..

ماسه : واقفه انت كويس ..

فهد : انا مش قولتلك تنامي ..

ماسه : يا سلام أنام و البوليس جاي ياخد حضرتك مش كده ..

فهد : انتي عرفتي منين ..

ماسه : مش مهم عرفت منين المهم في أي و عايزين ياخدوك لي ..

فهد : ملكيش دعوه و يلا اطلعي فوق ..

ماسه : أنت واعي انت بتقولي أي ..

فهد : ماسه مش عايز اقرر كلامي كتير يلا علي فوق علي ما اجي ..

ماسه : مش هطلع و راحه قعدت جمب ريتال و صفيه ..

فهد : ضغط علي أيدو بعصبيه و راح وقف معاهم عشان يشوفوا المحضر ده ..

الجد : طب ممكن ندخل نتكلم جوه عشان مينفعش وقفتنا قدام الباب كده و الناس بتتفرج علينا و احنا عيله ليها سمعتها في البلد ...

الظابط : مش هينفع ندخل علشان الناس الي جايه معايا ..

الجد : لأ يا باشا اتفضل المكان واسع خدو ضيافتكم و نحل الموضوع جوه ...

الظابط : عشان خاطرك بس يا حج و دخلوا 

الجد : تسلم يابني ..

دخلوا المكتب و بدأوا يتكلموا بعدين الجد طلب يجيبوا ضيافه للناس الي مع الظابط ..

الظابط : و الله يا حج ما ينفع ..

الجد : يابني احنا متعودين علي كده أي حد يجي عندنا لازم ياخد كرم الضيافه ...

الظابط : ربنا يوسع عليك يا حج ..

فهد : دلوقتي انا ممكن اعرف أي تهمتي و هل في أثبات علي ده ..

الظابط : احنا جالنا بلاغ أن في عربيات نقل خارجه من شركتك و محمله بهروين و مواد تاني مخدره و بالفعل لما روحنا المكان لقينا العربيات بتحاول تعدي الحدود ..

فهد : يعني هو أي حد يبلغ عني تيجوا تقبضوا عليا ..

الجد : أعداء النجاح كتير يا باشا و انت عارف كده كويس ..

الظابط : انا معاك يا حج بس الدليل موجود ..

فهد : انا عايز اعرف مين الشخص الي بلغ و مين الشخص الي في شركتي الي بيطلع الحاجات دي بأمر مني ..

الظابط : حضرتك صاحب البلاغ مجهول لكن الشخص الي في شركت حضرتك اسمه سامح حاجه زي كده ..

فهد : سامح ده لسه متعين جديد من حوالي شهر كده و اكيد حد بعته ..

الظابط : تمام أحنا دلوقتي لازم ناخد حضرتك معانا ..

فهد : حضرتك اجي لي و انا معملتش حاجه ..

الظابط : عشان في بلاغ متقدم و البلاغ طلع صحيح ..

قاسم : قرب من فهد و قاله روح انت معاه دلوقتي و انا هحل المشكله و أجيب الواد ده .

فهد : أنت مجنون يابني اروح فين انا معملتش حاجه..

قاسم : عارف بس ده معاه مذكره ضبط و إحضار يعني لازم تروح معاه ..

فهد : ماشي اما نشوف هتحل الموضوع ازاي و سابه و راح للظابط و بعدين قال تمام حضرتك انا جاي معاك ..

الجد : كان لسه هيتكلم راح قاسم شاوره بدماغه بمعني سيبه ...

خرجوا من المكتب و فهد معاهم بس هيروح بعربيته و الظابط هيركب معاه ...

ماسه : قربت من فهد و قالت انت هتروح معاهم ازاي و انت ايدك مجروحه و محتاجه علاج و حد يغيرلك عليها ..

فهد : بصلها و قال اطلعي انتي فوق و متنزليش الي لما ارجع سامعه و مفيش خرج من البيت و لا تتكلمي مع حد انتي سامعه كان بيتكلم بنبره أمر ..

ماسه : حتي و انت كده بتدي أوامر ...

فهد : يلا علي فوق و انتي عارفه اني مبحبش اقرر كلامي مرتين ..

ماسه : طيب بعدين طلعت ..

ريتال : بت يا صفيه اي رأيك نطلع انهارده نقعد مع ماسه ..

صفيه : انتي مسمعتيش فهد قال أي 

ريتال : انا هقوله ..

صفيه : مش عارفه و الله خايفه ..

ريتال : استني بعدين ندهت علي علي فهد ..

فهد : قرب عليها و قال عايزه يا ريتال ..

ريتال : اتكلمت بشويه خوف ممكن نطلع انا و صفيه نقعد مع ماسه في الاوضه ..

فهد : بص علي صفيه الي كانت هتموت من الخوف بعدين قال تمام بس متنزلوش تحت عشان هي مش هتخرج من الاوضه ...

ريتال : فرحت و قالت حاضر و جريت علي صفيه و عملت نفسها زعلانه ..

صفيه : زعقلك مش كده انا قولتلك ..

ريتال : نطت عليها قالت قالي ماشي ..

صفيه : طب يلا نطلع بسرعه ..

ريتال : يلا ..

طلعت ريتال و صفيه عند ماسه 

صفيه : بتخبط علي الباب ..

ريتال : براحه يابنتي ..

ماسه : فتحت الباب لقتهم في وشها..

ريتال : عندك مانع نفضل معاكي انهارده ..

صفيه : احنا قولنا لفهد و هو قال ماشي ..

ماسه : ادخلوا طيب ..

ريتال : بصي انا عارفه انك قلقانه علي فهد بس متقلقيش انا سمعتهم و هما بيقولوا ده إجراء روتيني بسبب المحضر المتقدم ...

صفيه : و كمان قاسم قال هيحلها ..

ماسه : انا اصلاً مش قلقانه و كانت بتقول في بالها ارتاح يوم بقا منه ..

ريتال : بصي احنا جبنا معانا مكسرات و حاجات اي رأيك نسمع فيلم او نلعب كوتشينه ..

صفيه : نلعب كوتشينه احسن ..

ماسه : نلعب الشايب يلا ..

بدأو يلعبوا و كانت دي اول مره ماسه تكون فرحانه كده في البيت ده ...

صفيه : خلي بالك يا ماسه احسن دي بتعرف تلعب و تخسرك ..

ماسه : بتضحك عيب عليكي و سحبت الورقه الصح ..

ريتال : مصدومه انتي عرفتيها ازاي ده مفيش حد كان بيغلبني فيها غير فهد و قاسم ..

صفيه : قالت متنسيش أن هي كمان مرات فهد و فضلوا يضحكوا ..

في وسط العب ماسه حست بوجع خفيف في جنبها ..

ريتال : مالِك ..

ماسه : مفيش حاسه ان جانبي واجعني شويه 

صفيه : طب أنتي كويسه دلوقتي ..

ماسه : ايوه يلا نكمل ..

و بالفعل كملوا لعب ..

*في القسم *

فهد : حضرتك كده تمام و الواد أعترف أن انا ماأمرتهوش يعمل حاجه زي دي ..

الظابط : هو فعلا اعترف و قال كل حاجه و احنا اسفين لسعادك بس حضرتك كان لازم تيجي معانا ..

فهد : مفيش مشكله اقدر امشي دلوقتي ..

الظابط : أكيد 

خرج فهد و مشي هو و قاسم و جده .

*في عربيه فهد *

فهد : بيكم قاسم و بيقول شكراً ..

قاسم : شكراً علي اي 

فهد : علي وقفتك جمبي ..

قاسم : انت اهبل يا بني مهما كانت الخلافات بنا احنا اخوات ...

الجد : ربنا يديمكم لبعض يا بني *معلومه بسيطه بس مينفعش تقول لحد ربنا يخليك أو يخليكي ليا لان دي جايه من كلمه التخلي تمام احنا ممكن نقول يديمك بدلها أسفه لو طولت *

* في القصر *

حفيظه : شغاله تنادي علي ريتال و صفيه ..

ريتال : خير يا ماما ..

حفيظه : قولي لصفيه تنزل تكلم امها و انزلي انتي كمان عشان فهد خرج و جاي..

ريتال : حاضر ..

صفيه : في أي 

ريتال : كلمي امك و انا هنزل عشان فهد زمانه جاي و مينفعش نقعد في الاوضه..

صفيه : تمام عايزه حاجه يا ماسه ..

ماسه : لأ سلمتك  

شويه و فهد جه قعد شويه تحت مع جده و قاسم بعدين طلع الاوضه فوق اول ما طلع اتصدم و قفل الباب بسرعه ..

تتوقعوا أي الي حصل استنوا البارت الجاي

بجد الناس الي بتتفاعل دي فقلبي و بحبكم اويي

نزلت بارت تاني اهو زي ما وعدتكم القي بقا تفاعل حلو عشان انزل البارت الجاي ..

لمتابعة البارت الخامس اضغط هنا
reaction:

تعليقات