القائمة الرئيسية

الصفحات

رواية تربع على عرش قلبي الفصل الثاني بقلم رحمة أيمن

 رواية تربع على عرش قلبي الفصل الثاني بقلم رحمة أيمن





رواية تربع على عرش قلبي الفصل الثاني بقلم رحمة أيمن


#تربع علي عرش قلبي ❤2

خدت الصنيه وروحت وشوفت حاجه غريبه جدا.....

رحمه بهمس : ماما انا وقعت وموافقه ، بس ده اصغر مني بجد! 
تفيده بهمس: اتلمي يا بت اما نشوف

بصت كده لقيت قمر كبير الي هو ابوه يخربيت بياضه وعيونه! وواحد جمبه قمرين لاء لاء حاجه جامده كده و..... 

رأفت: ده ابني الكبير خالد اخو العريس 
رحمه بستيعاب: نعم! "يعني الي بعاكس فيه بقالي ساعه ده مش العريس! "
عامر: اومال فين ابنك يا رأفت التاني، الي هو العريس
رأفت بتوتر:..... 
خالد : ممكن اتكلم مع الانسه رحمه شويه بعد اذن حضرتك 
رحمه بسرحان: هااا ؟!    
تفيده: احم 
رحمه بهمس: ماما انا موافقه علي ده جوزني ده ونبي 
تفيده بهمس: اتلمي يا بنت الهبله مش وقته هتفضحينا 
عامر: قومي يا تفيده وخد راحتك يا صحبي البيت بيتك 
رأفت: تسلم يا عامر 
تفيده: حاضر يا حج ونعمل كمان شويه شاي 

خرجوا ماما وبابا وقاعدت مع جوز القمرات دول لوحدي احم نتلم بقي عشان شكلي مشفتش بربع جنيه تربيه فعلا.

رافت: رحمه يا بنتي انا....
ترن ترن ترن ترن 
رافت: الو.... طيب دقيقه واحده، خالد انا هشوف المكالمه دي ورجع علطول مش هطول 
خالد: تمام يا بابا متقلقش 
رحمه بتوتر:" دلوقتي بقيت مع قمر واحد بس "
خالد بتوتر: عرف انه الموضوع غريب بس هو مش موافق انه يتجوز خالص ومحدش قادر عليه في البيت مهمل ومبيعرفش يتحكم في تصرفاته ابدا، عارف انه ملكيش علاقه بالكلام ده كلو بس فكري بالله عليكي فكري في الموضوع لان بابا فعلا تعبان وانا خايف عليه جدا وعايزين بس نشوف لي اي حل 
رحمه: هو انت عندك كام سنه 
خالد: 30 سنه ل...
رحمه: طيب يعني انت اخوه الكبير يتجوز قبلك لي بقي، وبعدين هو مجاش لي بسلامته 
خالد بستغراب: هو زي ما قلت لحضرتك صعب شويه و...
رحمه: بص انا مش حضرتك خالص علفكره، ولازم يحترم المواعيد مش عروسه انا مفروض يجي ويجيب جاتو ورفضه وكلها وانا مبسوطه كده 
خالد: افندم؟!
رحمه: بقلك اي متجوزني انت وركن اخوك علي جنب كده وانا هجبله سرنجه صحبتي اهي تسترزق 
خالد: هههه انتي غريبه جدا 
رحمه بتوتر : اوووف ابوك طول لي 
رأفت: انا اسف يا ولاد اتاخرت شويه 
رحمه ببرائه: لاء عادي يا عمو خد رحتك 
"ينظر لها خالد برفعه حاجب وبتسامه"
رافت: خالد روح كده المصنع جيب ورق نسيته هناك وانا هبقي ارجع لوحدي 
خالد: متاكد يا بابا ول جبلك تاكسي
رأفت: لاء روح متقلقش عليا 

مشي القمر الصغير وقعدت مع الكبير وانا جايبه اخري وقلت بقي والله لفضحهم وشوحت بيدي كده.

رحمه: عمو جيب من الاخر لو سمحت 
رأفت: بصي يا بنتي انا تعبان و...
رحمه: عمووو قلتلك من الاخر، حضرتك زي الفل وانا متاكده... جسمك الرياضي ده لوحده كفايه بنسبالي عشان اعرف.. قولي الحقيقه وانا سمعاك 
رأفت ببتسامه: واضح انك الانسب فعلا 
رحمه: ازاي؟!
رأفت: انا فعلا مش تعبان وصحتي حلوه بس انا وامه تعبنا معاه بجد مفيش حد عارف يسلك معاه خالص، ول بيخرج غير الفجر ومبيرجعش غير علي الصبح ومبكلمش حد وحقيقي قرفنا في حياتنا ، هو ابني الصغير اه بس معلي ضغطنا كلنا 
رحمه: طيب اي المطلوب مني 
رأفت: عايز احطه تحت الامر الواقع وجبله عروسه وخلي شخص مسؤل كده ويحترم نفسه وناس ولما عرفت انه عامر عنده بنت مجوزتش قولت اكيد هي الي هتنفع وحبيت اجرب 
رحمه: بس هو اصغر مني يا عمو، هو انا هربي ول اي..."الكلمات في ذمه الله، انا انتهيت"
رأفت بضحك: ههههه هو اه اصغر منك بس بجسمك وقصرك ده محدش هيعرف ابدا... اهي صورته تعالي اورهولك 

بصيت عشان افهم قصده اي تؤتؤ... بصيت عشان عندي فضول اقرب وشم نوع ريحه البرفان الي حطتها حصل.. ويرتني ما بصيت
يعني الاول قمر وتاني قمرين والي في صوره تلات قمرات اي العيله الي بتنور في الشمسه دي الاه!! 

رحمه بصدمه:......
رأفت: اي رئيك 
رحمه: جااامد...احم حلو 
رأفت: ههه هو اه طلعلي شكليا بس اخلاقيا عايز يتربى من اول وجديد 
رحمه: امم يعني انت يا عمو عارف انك حلو ههه ماشي ماشي 
رافت: ههه بكاشه وده عجبني.... مستني قرارك 
رحمه: عمو ممكن اسالك سوال 
رافت: امري باي حاجه اكيد 
رحمه: هو البرفان الي حطته ده ريحته اي 
رافت:؟!

مشي من هنا وستلموني جوه، كانوا بقولو اي، هعمل اي، قررت اي... وحرفيا مكنتش عارفه اقول اي... هو ممكن صوره تخليك متردد في قرار كنت متاكد انه مستحيل!

بعد اسبوع... في الصاله
" تقطع تفيده الباميه وتتحدث بتلقائيه وفضول "
تفيده : انا مش هكلم كتير بس يعني اصغر منك ومعملش احترام ومجاش يبقي ميستهلكيش
رحمه:....... 
تفيده: احم هو اه رأفت ده برن علي ابوكي بقالو اسبوع عشان يعرف قرارك بس مش مهم انتي ادره بمصلحتك 
رحمه:..... 
تفيده: المهر حلو اه والشقه جاهزه وعيشتهم مرتاحه وكلو تمام بس برضه العريس صغير وعايزين خطوبه بفرح صغير بكله في يوم واحد وده مش مقامك طبعا.
رحمه: ماما عايزه اي بقالك ساعه بتلفي ودوري لي ها قولي 
تفيده: عايزه اعرف رائيك مسكته ومبتقوليش انا قولت اول ما يمشوا هتقولي لاء علطول زي كل مره انما المرادي مكلمتيش
رحمه: هقلك راي بكره اتفقنا 
تفيده: يا رب يهديكي عشان ابوكي علي نار 

روحت لشخصي العاقل الي لما بتزنق في مشاكل اكبر مني بلجأ لي...

رحمه: إسووو قلبي، عامله اي والعيال عاملين اي 
اسراء: مطلعين روحي طبعا ابقي تعالي يا خالتو شويه شوفيهم 
رحمه: حد قلك تجيبي توأم يختي البسي بقي اهو يكلع عليكي شويه من الي عملتي زمان 
اسراء: بكره القيكي بتجري ورا ابنك بشبشب وتشتكيلي وحفل عليكي انا كمان يختي 
رحمه: تفتكري اليوم ده هيجي فعلا، العمر بضيع مني معرفش هو هيكون في فرصه تانيه لو ضيعت دي كمان بجد 
اسراء: رحمه متفكريش كده، اذا مرتاحه خلاص.. اذا حسه انه المضوع يستحق اني احوال لي لاء، عرفت انه جالك عريس جديد امم عملتي اي 

بعد ما تكلمت معاها وحسستني اني اخد الامور ببساطه روحت صليت استخاره ودعيت من كل قلبي لو خير ليا يا رب يكون موجود فعلا ولو شر يبعد يبعد لاني مش هقدر اجرب تاني ونمت وصحيت علي مسج من عمه رأفت القمر فعرفت انه دي اشاره ههه

محادثه واتس..
رأفت: عذرا لو دخلت كلمتك يا بنتي بس عايز اعرف قرارك لانك بجد تستحقي المحاوله مره واتنين وتلاته وانا جاهز لرائيك في اي وقت 
رحمه: انا موافقه يا عمو تشرفونا في اي وقت 

طلعت مني بكل تلقائيه... قولت اجرب هو اه ممكن السبب الاول عشان اريح بابا وماما وعشان يتشال لقب العناس عني لاني زهقت بس سبب التاني ولي متاكده منه اني مرتاحه.

"فديو كول"
ايمان: نعم يختي! كتب كتابك علي الصغير بعد بكره 
ايه: ohhhh my goood. هموووت بتهزري 
رحمه: شكلها كده، شكلها هيداس عليه تحفيل من هنا ورايح لركببب!
ايمان: لاء بجد صدمتنيي اي الي حصل 
ايه: قولي يا بت، عمل اي عشان يقنعك ده انتي جالك دكاتره ومهندسين واشكال والون... بجد مصدومه!
رحمه: المشكله انه مجاش اصلا ول شوفته هههه 
ايه وايمان: احييه! نعم!
رحمه: الفظكو يا بهايم هقلكو 

بعد يومين....
في اوضتي... بفستان فرح ابيض بميكب وعدت نفسي اني مش هحط باتقان كده وفرحه من قلبي غير اليوم ده وباصه في المرايه وبقول هو بجد جيه اليوم ده! بقيت العروسه!

عامر : القمر سرحان في اي 
رحمه بعناقه والبكاء: هتوحشني اوي اوي 
عامر: العروسه مينفعش تعيطت اليوم ده، ده يوم هناكي وسعدك يا روحي وراحت قلبي اني اخيرا هخلص منك... احم افرح فيكي 
رحمه: بابا بقي!
عامر: ههه بتمني تلقي فرحتك الحقيقه هناك وبيتي مفتوحلك في اي وقت يا قلب بابا لو حصل اي حاجه انتي وراكي عيله مش اي حد 
رحمه: ربنا يخليك ليا يا رب 
سمير بطرق الباب ودخول: رحمه حصل مشكله بره وابو العريس عايزك 
رحمه: مشكله اي؟! طيب جيه 
____________
في الصاله...
رحمه: اي يا عمو حصل حاجه 
رأفت بتوتر: قلي هيجي ولسه مجاش وبرن عليه مبردش ومامته في الطريق وكلو جاهز... خايف ميجيش ويحرجنا والجوازه تبوظ بسبب غبائه، كنت بحسابه راجل اعرف اتناقش معاه بس كنت غلطان 
رحمه: اممم طيب اسمع بقي كلامي وهجبهولك دلوقتي بدال الادب مش ناقع نسطشوف طريقه تانيه بقي
رأفت بفضول : بتفكري في اي 
رحمه: بفكر....... 
....... يتبع
لمتابعة البارت الثالث اضغط هنا




reaction:

تعليقات