القائمة الرئيسية

الصفحات

رواية تربع على عرش قلبي الفصل الثالث بقلم رحمة أيمن

 رواية تربع على عرش قلبي الفصل الثالث بقلم رحمة أيمن

رواية تربع على عرش قلبي الفصل الثالث بقلم رحمة أيمن


#تربع علي عرش قلبي ❤3

رأفت بفضول : بتفكري في اي 
رحمه: بفكر اجيبه علي وشه كده من غير ما يفكر حتى
رأفت: ازاي 
رحمه: معاك رقم صاحبه حد معاه اي حاجه توصلك لي 
رأفت: اه معايا رقم صحابه كلهم لي
رحمه: حلو اوي رن علي اقرب واحد لي وهيعرف يجيبه من تحت الارض وقلو انك بتودع ورجلك والقبر 
رأفت: قبر؟! 
رحمه: تعالي هفهمك  

وفعلا كلمنا واحد صحبه و قُلنا ليه انه عمو رافت تعبان اوي ومحتاج يروح المستشفي وكان حوار عنب و والود كان صوته قمر الحقيقه ومأحرجناش وقال انه عرفه فين وهيجيبه وي انا يا الود الصغير ده عشان عصبني 

رأفت: تفتكري هينفع معاه 
رحمه: هو عارف انك تعبان 
رأفت: امم
رحمه: والله لو عنده دم وبحس هيجي غير كده بقي نشوف خطه تانيه 
رأفت: انتي عندك خطه تانيه 
رحمه: طبعااا، هجي معاكو بقي انا ونهاد وكلنا ونكتب كتب الكتاب عندكو في البيت وقاعدين لصبح اما نشوف اخرتها
رافت:؟؟!! 

بصلي بستغراب كده وانه اي يا بت الدلقه السوده دي انتي ما صدقتي، بس الصراحه كان نفسي افهمه اني مش انا الي اتساب يوم فرحي بشكل ده ابدا.

بعد فتره...
خالد بخوف: بابا انت كويس ول تعبان بجد!
رأفت: كويس يبني رحمه قالت كده عشان البيه يجي
خالد: اووه الحمد لله قلقت عليك، والعمل يا بابا لو مجاش فعلا 
رأفت: استعد... لو حصل حاجه غلط رحمه مستحيل نحطها في موقف صعب تمام
خالد: احم فهمت يا بابا حاضر 
رأفت: شاديه لسه مجتش 
خالد: ماما قلتلها الي حصل وقالت انها مش هتقدر تيجي وتشوف البنت وهيه زعلانه وانت عارف ماما بتتعب فقلتلها ماشي
رأفت: طيب حلو، هتعدي علي خير انت حاول ترن عليه تاني دلوقتي 
خالد: حاضر 
"يجدها سمير جالسه وتضع يدها علي وجهها بخوف فيجلس امامها ويتحدث"
سمير: اي يا برنس، شكلك مش تمام وقلقان 
رحمه ببتسامه : متقلقش اختك قدها 
سمير: انا موجود في اي وقت لو عوزتي نهرب في السر انا جاهز 
رحمه: هههه هتوكلني كريب 
سمير: ههه حتي وانتي متخزوقه طفسه 
تفيده بتوتر: اي يا رحمه، مجاش لسه صح 
رحمه: متقلقيش هيجي 
تفيده: عامر شوف صحبك كده 
عامر: صدقيني يا تفيده لو مجاش لخلي يوم اسود علي راسهم كلهم 
رحمه بتوتر اخفته: متقلقش يا بابا، عمو رأفت مش هيحرجني اكيد

شوفت صحابي وهما واقفين بحاولو يخفوا توترهم ويهزرو عشان مخافش، شوفت ماما وهيه بتبص لساعه كل ثانيه وبتدعي انه يعدي علي خير من غير احراج... ومسكت في خشبه الكرسي بيدي و بقول هيجي... اكيد هيجي مش عشاني عشان عالتي الي وثقت في قراري يا رب ساعدني.

"يدخل مازن للحفله بخوف ويبحث عن والده بعينيه ويركض له بلهفه واطمنان"
مازن بقلق: انت كويس؟! تيجي نروح المستشفي 
رافت: كنت فين ده كلو يا حيوان ، انت عارف كنا مستنينك ازاي 
مازن بادراك: يعني انتو يتكدبو عليا وانت كويس صح؟
رأفت: اومال عايز تحرجني انا واخوك وعائله العروسه قدام الناس 
مازن بغضب: بابا مش عايز اتجوز انا! وكمان اكبر مني انت بتهزر
رأفت: ششش واطي صوتك، تعالي جوه نتكلم 

تفيده براحه: رحمه فتحي عينك جيه 
رحمه:... 

معرفش كان احساس عامل ازاي بظبط بس حسيت انه جبل تشال من علي قلبي واني مش هتحرج ومش هيزعلوا ومفيش حد هيشمت فيا، خدت نفسي بهدوء وتملكت نفسي وقومت اخلص الليله دي 

رافت: يبني افهم، مفيش حاجه اسمها مش عايز، الناس بره متحرجناش 
مازن بزعيق: انا مش هتجوز بطريقه دي! خالد قول حاجه 
خالد: مفيش حل تاني دلوقتي
مازن: والله... وانا مش موافق وهمشي وشوفوا بقي هيحصل اي، انت كويس وده كفايه بنسبالي، سلام

"يتحرك للخارج فتقف رحمه امامه فيتوقف وينظر للفستان فيدرك انها العروسه"
رحمه: اي يا عريس، رايح فين كده 
مازن: ابعدي عن الطريق 
رحمه: لازم نتكلم دقيقتين 
مازن: مليش كلام معاكي، ابعدي عن الطريق 
رحمه: 1..2...3
"يقطع الضوء وتنطفئ الانوار وتمسكه من زراعه وتدخل غرفتها وتقفل بالمفتاح وتمسكه في يدها "
"بعد فتح الاضواء"
مازن بخضه: انتي مجنونه!
رحمه: دلوقتي ينفع نتكلم دقيقتين 
مازن: جيبي المفتاح 
رحمه: تعالي خده 

جريت فتحت البلكونه الي في اوضتي فتعصب وجيه ورايه وبعدها بدات انفذ الخطه.

مازن: انتي؟! يا بتاعه انتي .. جيبي الزفت 
رحمه: اسمي رحمه 
مازن: ميهمنيش، جيبي المفتاح
رحمه: بص مين واقف هناك كده 
مازن: "ينظر لمكان الحفله ويلاحظ وجودها" تاتا! جدت امتي! وبتعمل اي هنا 
رحمه: عزمتها قولت تحضر فرح حفيدها 
مازن بالجز علي اسنانه: عرفه لو تاتا حصلها حاجه هعمل فيكي اي 
رحمه: تؤتؤ متستعجلش بس ده احنا لسه بنقول يا هادي 
مازن:....
"تصل لها رساله"
رحمه: امم اي الصوره القمر دي، شوف كده 
مازن: الكمبيوتر بتاعي.... لاء! 
رحمه: "يجيك شلل اطفال يا بعيد"
مازن: اوعي تلمسي الكمبيوتر بتاعي، مين الحيوان الي ماسك الخشبه ده!  
رحمه: "نفسي اقله انها امه بس استحي"
مازن: انطقي!
رحمه: تالت حاجه لو مشيت دلوقتي هجوز اخوك عشان الفضايح والمجتمع وكده ساعتها بقي هكون مرات اخوك ووقتها هعيشك في جحيم وشوف بقي الي هحيصل 
مازن: اخويا اي وفرح اي الكمبيوتر بتاعي!، انزلي بسرعه نخلص جيبي المفتاح انجزي، متخليش يلمسه  

يعني بعد كل الي قولته ده همك انه الكمبيوتر ميحصلوش حاجه! هتشل!

محادثه واتس... 
رحمه: تمت المهمه شباب شكرا علي المساعده ههه 

flashback
رحمه: عمو قولي اي اكتر حد بحبه في العيله وغالي عليه ويخاف يعمل حاجه محرجه عشانه 
رافت: امي الحجه هانم، لي 
رحمه: رن عليها خليها تيجي وقول ليها انه جيه فاجاه وكده بس اهم حاجه تيجي 
رأفت: هي تعبانه يا رحمه فعلا ولو حصل حاجه انا....
رحمه: متقلقش رن عليها بس 
رافت: مش عارف بتفكري في اي بس تمام اكيد هخليها تيجي 
رحمه: تاني حاجه، اكتر حاجه بحبها ومبيقدرش يستغني عنها وممكن نلوي ذراعه بيها 
رأفت: الكمبيوتر بتاعه... بيلعب عليه بابجي 
رحمه: نعم!، بيلعب عليه اي!
رافت: هههه اسف يا بنتي مقدرتش مضحكش 
رحمه: اضحك اضحك، مهي خربانه خربانه 
خالد: في اي، قالولي انك عايزني 
رحمه: اه كلم حد في البيت يمسك خشبه كبيره جمب كمبيوتر البيه ويصورها ويبعتهالي 
خالد: لي 
رحمه: هبقي افهمك 
..............
سمير: اي يا باشا 
رحمه: هرن عليك رنه، اول ما اعمل كده يحصل ماس كهربائي بوم النور يقطع، وبعد دقيقتين بظبط يرجع تمام
سمير: اعتبري حصل 
رحمه: احلي مهندس كهربائي ده ول اي 
سمير: ألبييي 
٠٠٠٠٠٠٠٠٠
ايه: الو... اي يا حوم انا جوه هطلعلك دلوقتي 
رحمه: لاء عايزاكي تعملي حسابك عشان لو الخطه منفعتش نجرب حاجه تانيه وانتي الي تنفعي للمهمه دي 
ايه: مش فهمه هتعملي اي 
رحمه: هخليكي تحطي حاجه في العربيه وتقبضي عليه وتخلي ينام ليله في الحجز يتعلم فيها الادب  
ايه: يخربيت دماغك هههه، انتي قادره يا بت 
رحمه بثقه: نشوف بقي لو جيه هيعمل اي بعد ده كله 
back
"بارك الله لكما وعليكما وجمع بينكما في الخير" 
"يقومون جميعا بتصقيف وتزعرط تفيده بفرحه و يعانقها اصدقائها بفرحه وحب"

رافت: شكلنا هنتسلي قدام كتير ههه 
خالد: ههه عندي فضول اعرف اقنعته ازاي 

عامر بعناقها: مبروك يا عروسه 
رحمه: الله يبارك فيك يا قلبي 
عامر: خدي بالك من نفسك ماشي 
رحمه بدموع: حاضر 
 
تفيده بأخذها من داخله وعناقها : دوري بقي، مبروك يا حبيبت قلبي 
رحمه: هتوحشيني يا ماما اوي 
تفيده: متقلقيش يا قلبي ومتندميش علي حاجه واعرفي اننا جمبك علطول يا قلب ماما 
رحمه بدموع وتشدد من عناقها:...

خدت نفسي برااحه انه اليوم عدا وبودع حضنها وبفكر هو الي جي هيكون اصعب من الي راح، معقول القدر يعمل فيا اي تاني... لقيت ايد بتشدني جامد كده، اييي!

مازن: معلش يا طنط احنا لازم نستاذن 
رحمه: بس انا....
"يمسك يدها بقوم ويذهب بها الي السياره "
مازن بحده: اركبي يا عروسه، اركبي 
رحمه:"اممم خطر... لازم اصرف بسرعه "
تاتا: مبروك يا حبيب قلبي، كده تفجاوني وعربيه مخصوص واجي علطول ههه بس فرحت والله لحفيدي، بس ازاي متقوليش بدري عن كده عشان اعمل حسابي ي جزمه 
مازن: حصل كلو فاجاه والله يا تاتا وملحقتش اقول لحد  
تاتا بعناقه: ماشي يا ضنايه، ربنا يتمملك علي خير 
رحمه: متيجي تركبي معانا العربيه يا تاتا 
مازن: لاء احم هو...
تاتا: ههه متقلقش يبني عارفه انكو عرسان جداد، مراتك عسل ما شاء الله عليها 
رحمه:"يا تاتا لاء ده هيرميني في البحر وربنا "
"بصراخ" احم عمو رأفت، عمو رافت 
رافت: اي يا بنتي 
رحمه بغمزه: خلي تاتا تركب معانا عشان نوصلها بسرعه ، اهو نتسلي طول الطريق وكده 
رافت بفهم: ااه فكره حلو يا ماما روحي معاهم 
تاتا: بس يا رأفت مينفعش برضه عيال وعايزين يقعدو مع بعض وكده سيبهم براحتهم 
رافت: اصل انا وخالد جاين في عربيه واحده وفي ناس معانا ومفيش مكان اركبي يا ماما وخلاص 
تاتا: ماشي يبني خلاص، هركب ورا 

بصلي بغل كده بس مش مهم يولع اهم حاجه انه الحمد لله هروح البيت وانا سليمه، تاتا قعدت ورا وانا قعدت جمبه ووقتها قدرت اشوف ملمحه وركز فيه... حقيقي جميل جدا 
لون عيونه وشعره ولبسه الي ملوش علاقه بالفرح اصلا بس كان عينه مخيفه وحمرااا وده قلقني منه جدا. 

تاتا: انا وصلت كده يا بنتي، عايزه حاجه 
رحمه بتوتر: هو انتي مش عايشه معاهم 
تاتا: لاء انا اقرب بشويه، ابقي تعالي زوريني مع مازن بقي، ابقي جبها معاك يولاه 
مازن: حاضر يا تاتا 
رحمه: باي يا تاتا، خدي بالك وانتي نازله 
تاتا: متقلقيش يا بنتي، في امان الله 
......... 
مازن بوقيف السياره : اممم، قلقانه لي يا عروسه 
رحمه:..... 
يتبع.. 

لمتابعة البارت الرابع اضغط هنا


reaction:

تعليقات