رواية ليلى والجسور (كاملة جميع الفصول) حصريا عبر كوكب الروايات بقلم زينة ياسر
رواية ليلى والجسور الفصل الاول 1 – بقلم زينة ياسر
1Part ليلي والجسور
السلام عليكم ورحمة الله وبركاته
دا بارت جديد ويارب يعجبكم💗
**************************
في صباح يوم جديد في حاره شعبيه …..
تستيقظ بطلتنا من نومها ع صوت مزعج..
لتقول( ليلي) وهيا تتقلب ع فراشها: اه يا راسي ي مصدعه هوا في حد بيصحي ع صوت زي داا
الناس بتصحي ع صوت عصافير انما انا اصحي ع صوت بتاع انابيب م فاهمه اي دا ربنا يتوب عليا من الحاره دي .
خرجت الي الشرفه وتقول: اي يعم فتحي مابراحه شويه الواحد م عارف ينام براحته في ام الحاره دي.
العم( فتحي) يقول وهوا يضحك: صباح الخير ي استاذه ليلي معلش يابنتي لقمه العيش بقا اعمل اي حاضر المره الجايه هجيلك متأخر شويه تكونى صحيتي براحتك.. ويضحك بشده
تقول( ليلي): لا يعم فتحي ولا يهمك انا بهزر معاك بس ياراجل ي طيب. خد راحتك وخبط براحتك ولا يهمك.
وتقوم تغلق الشرفه وتدخل الحمام تأخذ دش سريع وتتوضئ وتصلي ثم تقوم ليلي من ع سجاده الصلاه ثم تفتح خزانة الملابس تخرج فستان باللون الزهري وفيه زهور باللون الابيض ووشاح باللون الابيض وحذاء باللون الابيض وشنطه باللون الابيض ثم تخرج من غرفتها اللي غرفه الجلوس لتجد والدتها واختها( هنا) تدرس.
(ليلي) تقول: ست الكل حبيبتي صباح الخير ي قمر انتي..
والدتها( ياسمين) تقول لها بحب: صباح النور ياقلب امك لابسه ومتشيكه كدا رايحه ع فين.
تقول( ليلي): هكون رايحه فين غير الكليه ي ماما هيا اه متعبه بجدد وبيطلبو مني حاجات كتير بس ع قلبي زي العسل الصراحه هوا انا اطول ابقا فاشون ديزاينر قد الدنيا.
والدتها( ياسمين): يوه دا انتي تطولي ونص كمان هما هيلاقو فين واحده زيك بشطرتها وجمالها دا
يلا يحبيبتي قومي كدا انا عامله حسابي.. ومحضرالك سندوتشاتك ع السفره بره وخدي بالك من نفسك كويس.
تقول( ليلي): تسلم ايدك ي ست الحبايب ي حبيبه.
ثم قبل ما تخرج ترجع لاختها (هنا) وهيا تدرس وتقول لها..
(ليلي): اي نونا بتعملي اي كدا
(هنا): شايفه اي قدامك قاعده بذاكر اهو لحد ما خلاص شويه وهفقد الشغف خالص من ام الثانويه العامه دي..
تقول (ليلي): لا لا م عايزه منك كدا انتي شطوره وخليكي عندك صبر كبير كدا وخليكي حاطه امل في ربنا كبيير انه عمره ما هيزعلك وهتبقي دكتوره قد الدنيا وافتخر بيكي كدا.
تقول( هنا): انا عندي والله امل كبير ومستحمله عشان كدا.. وتقول وهيا تبكي بس خايفه محققش حلمي وانتو متبقوش فاخروين بيا.
تقول لها (ليلي): اي يهبله اللي بتقوليه دا مين اللي قالك كدا انتي اللي تجيبيه دا اكيد ربنا شايلك الخير فيها اوعي تفكري في كدا تاني ان شاء الله هتحققي حلمك يحبيبتي حتي لو محققتهوش برضو بالنسبالنا فخورين بيكي برضو يلا هقوم واسيبك عشان متأخرش ع الكليه وخدي بالك من نفسك انتي وماما يلا باي.
ثم تغادر ليلي سريعا في طريقها اللي الجامعه..
***********************
في مكان أخر في فيلا الجارحي في غرفه المكتب تحديدا نلاقي بطلنا يجلس ع مكتبه وامامه العديد من الورق والقضايه تدخل عليه الخادمه.
الخادمه (حبيبه) تدق ع الباب بخفه..
جاسر: ادخل..
تدخل (حبيبه) وتضع امامه كوب من القهوه ثم تقول له: تؤمر بحاجه تاني ي باشا
يقول لها (جاسر): لا شكرا ي حبيبه اتفضلي انتي..
تخرج( حبيبه) من الغرفه وتغلق الباب خلفها ثم يدخل والد جاسر.
(محمود): اي يجاسر يبني عامل اي في شغلك
يقول (جاسر): اتفضل ي بابا اقعد بس الاول الحمد الله الشغل كويس معايا وفي قضايه متعبه شويه بس ان شاء الله هعرف الاقيلها حل..
يقول( محمود): طول عمرك ممتاز في شغلك والناس كلها بتطلبك يجاسر بسبب سمعتك اللي مسمعه البلاد كلها..
(جاسر): ربنا يخليك ليا ي بابا.. الفضل يرجع لحضرتك بعد ربنا..
يقول (محمود): ويخليك ليا يحبيبي المهم ندخل في الموضوع اللي جايلك عشانه..
(جاسر): اتفضل ي بابا قول اي هوا..
يقول( محمود): بنت عمك فاطمه عايزك تروح تجبها من الكليه بتاعتها النهردا عشان هتقضي معانا يومين كدا انت عارف يابني هيا وحيده مامتها متوفيه وسابتها وهيا حته لحمه حمره وابوها زي ما انت عارف مسافر ع طول وسايبها لوحدها.
يقول له( جاسر): حاضر ي بابا انت تؤمر وانا انفذ اخلص الشغل اللي في ايدي دا ع طول وهروح اجبها..
يقول له( محمود): حبيب ابوك طول عمرك وانت عارف انت الي حيلتي في الدنيا دي انت وامك مجبتش غيرك تاني عايزك تبقي سند وضهر لمك لما اموت انت اللي هتعشلها في الدنيا دي يابني..
يقول له( جاسر): بعيد الشر عنك ي بابا متقولش كدا وبعدين متقلقش ابنك راجل وانت عارف كدا.
(محمود): عارف يحبيبي عشان كدا بقولك كدا يلا هسيبك بقا تكمل بقا شغلك واقوم انا اشوف شغلي انا كمان.
ثم يخرج والد جاسر محمود من الغرفه ويترك جاسر يكمل شغله..
***********************
في مكان اخر في كليه الاقتصاد المنزلي تقابل ليلي صديقتها المقربه لها..
(ليلي): فطوم حبيبي وحشتيني جدا ثم يحتضنو بعض
تقول لها (فاطمه) صديقتها: اه يبكاشه ما احنا لسه شايفين بعض امبارح لحقت اوحشك..
تقول( ليلي): الله انتي بتوحشيني كل ساعه اصلا تصدقي انا غلطانه ي بت ابعدي من وشي..
تقول( فاطمه) وهيا تضحك: بهزر معاكي يهبله متبقيش قماصه كدا..
تقول( ليلي) وهيا تضربها ع كتفها بخفه: انا هبله ي بت ماشي هعدهالك المهم عملتي اي في مشروع التخرج.
ملحوظه * ليلي في اخر سنه ليها في الجامعه*
تقول (فاطمه): بتفكريني لي دا متعب لسه مخلصتهوش طبعا انتي خلصتيه.
(ليلي): خلصته اهه لسه يما بقول بسم الله الرحمن الرحيم انا لحقت اعمل حاجه.
تقول (فاطمه): يعني احنا في الهوا سوا يعني.
ترد( ليلي) عليها وتقول: الله ينور عليكي زي ما قولتي كدا تعالي بقا نقعد في الكافيه دا شويه طالما لسه فاضل ساعه ع المحاضره..
(فاطمه): ماشي يلا بينا..
تمشي ليلي وصديقتها فاطمه الي الكافيه ليجلسو ع اول ترابيزه تقابلهم ويطلبو مشروبهم المفضل لهم وهوا ايس كوفي…
تقول (ليلي) لصديقتها: الا قوليلي يفاطمه لسه برضو بتطلعي ام الليفات دي يابنتي متسيبك منها بقا السوشيال ميديا دا غريب والله.
تقول( فاطمه): اعمل اي ي ليلي يعني منا قاعده طول اليوم لوحدي هيا دي الحاجه الوحيده اللي مبتخلينيش احس بالوحده وكمان بتدخلي فلوس حلوه.
تقول( ليلي): طب ما انا بقولك تعالي اقعدي معانا وانتي مبتوافقيش تيجي وتقولي لا مقدرش بابا م هيوافق ع اساس يعني باباكي عارف انتي بتاكلي اي وبتشربي اي وبتعملي اي.
تقول لها( فاطمه) بحزن: انا مبرتحش غير في بيتي دا وانتي عارفه كدا وكمان ذكريات ماما كلها فيه مقدرش اسيبه لا..
وبعدها تخطر في بالها فكره ثم تقول ل ليلي: بقولك اي ي ليلي متيجي تطلعي معايا في ليفات والله هتحبيه عادي اسمعي مني..
تقول ( ليلي) برفض: لا لا انتي بتقولي اي دا انا بنصحك انك متعمليش كدا اروح انا اعمل معاكي اي اللي بتقوليه دا بس..
تقول( فاطمه): ياستي اسمعي مني بس الاول م هتندمي بجد وبعدين هوا انا بقولك اطلعي لوحدك دا انا بقولك معايا يعني عادي يعني بس مترديش عليا دلوقتي فكري الاول وبعدين ابقي ردي.
تقول لها (ليلي): ماشي بس حطيها في دماغك اني برضو م هوافق.
ثم يقاطعم الجرسون وهوا ينزل لهم طلبهم ثم يشربو و يغادرو عائدين اللي المحاضره.
بعد ساعتين يخرجو من المحاضره ليذهبو اللي بيتهم..
تقول( ليلي) الي( فاطمه): بقولك اي يفاطمه انا همشي انا بقا وهبقي اكلمك بليل.
(فاطمه): طيب ماشي يلا سلام خدي بالك من نفسك.
(ليلي): ماشي وانتي كمان يلا باي.
فجأه (ليلي) وهيا تسير تخبط في شخص وتقول بغضب: اه اي الغباء داا م تحاسب ي جحش انت وانت عمال تخبط في الناس كدا.
الشخص بغضب: انا جحش انتي عارفه انتي بتتكلمي مع ميين.
وفجأه: …………………
*********************
وكدا يكوون خلص اول بارت
و ياتري هل ليلي هتوافق ع اللي فاطمه قالته ؟
وياتري اللي حصل فجأه؟
هنعرفه مع بعض في الاحداث اللي جايه ان شاء الله والتقيل لسه جاي التفاعل بس اهم حاجه وهنزل الباقي ع طول.. 💗
والسلام عليكم ورحمة الله وبركاته 💗💗
Zeina yasser بقلم: ـ 💗
• تابع الفصل التالى ” رواية ليلى والجسور ” اضغط على اسم الرواية