رواية أحببت من لا يرانى الفصل العاشر 10 – بقلم سحر السحرتي

 رواية أحببت من لا يرانى الفصل العاشر 10 – بقلم سحر السحرتي 

احببت من لا يراني 

حلقة ١٠

لمياء : وبعدين يا ادهم في مامتك مش سايباني في حالي

: هي ما غلطتش لازم تتعلمي امال هناكل من بره على طول

: لا هنجيب شغاله لاني هبقى مشغوله في المستشفى ولا هتقعدني في البيت بعد تعب ودراسة السنين دي كلها 

:نتفاهم في ده بعدين

*عندما أذن المغرب قامت سماء وكريم

 اميره :رايحين على فين 

سماء :هنصلي الاول انا وكريم وبعدين نفطر احنا خلاص كسرنا صيامنا

سلطان : اقعد يا كريم صلي بعد الاكل

:معلش سماء بتحب تصلي الاول ودي اول مره نصلي سوا يلا يا حبيبتي 

:تعالى انا محضره السجاجيد 

*بعد اتمامهم للصلاه

كريم :عقبال ما ابقى امامك في بيتنا

 *احمر وجهها خجلا 

:ان شاء الله يلا عشان نلحق الاكل وهو سخن

 *جلسا وتناول معها الطعام وكل برهه يهمس لها 

:تسلم ايدك بجد الاكل تحفه 

*انتهى الجميع من الاكل وتوجهوا للصلاه و احضرت سماء الحلويات بعدها 

:دوق الصنف ده يا كريم 

:لا مش قادر الحقيني بكوبايه شاي

:لا مفيش شاي بعد الاكل انا عودت بابا وانت كمان لازم تتعود

*لمياء بتهكم تحاول احراجها

: هو انت هتتحكمي فيه ما تقومي تعملي له شاي وانت ساكتة

*نظرت لها بغ-يظ 

:في فرق يا ابله لمياء بين بتحكم فيه و خا-يفة علي صحته واظن انت عارفه ان الشاي بعد الاكل مضر

: ايه ابله لمياء دي انا دكتوره ولا ناسيه

:بحترمك لانك اختي الكبيره

: ممكن تقولي يا دكتوره برضة ولة تقيلة على لسانك اني دكتوره 

*توجهت بنظرها لكريم ولم تعيرها اهتمام 

:اعمل لك شاي اخضر احسن 

:لا طالما خا-يفة عليا يبقى لازم اسمع كلامك

: طب دوق بقى انا عامله الصنف ده مخصوص علشانك … اقول لك تعالى نقعد في البلكونه وانت بتاكله الهوا جوة احسن هنا كاتمة

*وكانت تنظر إلى لمياء

*قام معها وهمس ادهم في اذن لمياء

:هو انت حاطه نقرك من نقرها ليه 

:مين دي ولا تهز شعره فيا

:امال متض-ايقه انها واخده بالها من خطيبها قومي اعملي لي شاي 

:مش قادره نادي على سماء تعمله او خلي سماح 

: انت ما قلتيش ان هو غلط بعد الاكل  و ما اخذتيش بالك اني بحب القهوه الاول شويه اهتمام يا لمياء

: هي السوسه دي بتقلبك عليا شفتها بتعمل شويه حركات قدامنا هتت-خانق معايا بسببها

: مش بس هي كمان سماح واخده بالها من عمار ناقصك ايه عشان تهتمي 

:مش ناقصني بس مش بعرف اعمل الحركات البلدي دي

 :حاولي تتعلميها لاني بجد زهقت 

:دلوقتي بقيت مش عاجباك .. انا غلطانه اني نازله اقضي رمضان والعيد وياك و سايبه دراستي اللي ممكن اسق-ط فيها ومش عاجبك 

:لا تسق-طي ايه احنا هنتجوز في الصيف ده اخر كلام عندي 

*سماح تهمس لعمار 

: شايف سماء مبسوطه ازاي مع كريم ربنا يسعدها

: هي تستاهل وهو واضح انه بيحبها فعلا بجد زعلان انها طارت من ايد اخوك

: هو حر بقى … اخذت بالك من لمياء وطريقه كلامها معاها انا في الاخر همسك في خن-اقها 

: لا ما تدخليش عشان اخوك ما يزعلش وهي سماء ردت عليها وكمان ما عبرتهاش لما زودت في الكلام 

: ادخل البلكونه اغلس عليهم واجيب لك من الحلو اللي هي عاملاه 

: لا سيبيهم على راحتهم علشان كريم دلوقتي بيشوفها كل فتره والثانيه عشان هي بدات دراسه

: عندك حق 

*في البلكونه 

:كمان واحده يا كريم هو مش عاجبك عشان خاطري 

:كفايه يا قلبي معدتي اتملت اكلك حلو قوي اكلت كثير من غير ما احس

: يعني نجحت في اول خطوه

:اللي هي ايه 

:اقصر طريق لقلب الراجل معدته

 :انت مش محتاجه يا حبيبتي انت قاعده و مربعه في قلبي … قولي لي عامله ايه في الكليه 

:تمام ما رحتش طبعا النهارده عشان اطبخلك بنفسي

:و عطلتي نفسك كل ده عشاني 

: اي حاجه عشان اسعدك هعملها بس كمان معظم الدكاترة لغوا النهارده عشان اول يوم رمضان … اسكت مش عماد الرخم اللي حكيت لك عنه الدكتور قسمنا مع ثلاثه كمان هنعمل مشروع تشريح سوا 

:وانت وافقتي ليه

:هعمل ايه الدكتور اللي مقسمنا مجموعات ما قدرتش اعترض 

:مش ده اللي كل شويه يعاكسك

:اه وانا بوقفه عند حده 

:خلاص تروحي تعتذري عن المشروع

:ما اقدرش اقول للدكتور ايه و اتكسف قدام اصحابي 

:يظهر ان معاكسته عجباكي 

:نعم ما اسمح لكش 

:امال تسمحي له انه يعاكسك 

*ردت بح-دة وصوت عالي 

:انت ما بتفهمش بقول الدكتور اللي قسمنا 

:سماء ايه ما بتفهمش دي اولا وطي صوتك و مش معنى اني بحبك هسمح لك تغلطي فيا 

:وانت ما غلطتش لما تقول عليا بيعجبني المعاكسه .. انا غلطانه اني بحكي لك على كل حاجه كنت مفكره انك هتفهم وتقدر 

:للمره الثانيه تقولي علي مش بفهم من بكره تروحي تعتذري او ما تدخليش المشروع 

:مش هقدر اعتذر ولو ما دخلتش المشروع ممكن اشيل الماده هتبقى مبسوط وانا ساق-طه

: لا طبعا بس اتصرفي

:اجيبها لك ازاي ما اقدرش عايزني اك-دب عليك واقول اتصرفت وانت مش هتعرف حاجه

: كمان عايزه تك-ذبي

:هو انت دماغك دي فيها ايه معنى كلامي اني عايزه اك-دب

: سماء اسلوبك في الكلام مش عاجبني 

:هتعمل ايه يعني ما انت اللي اسلوبك مس-تفز

:هو انا لما بغ-ير عليك بقيت مس-تفز دلوقتي … تحبي اروح اكس-رلك دماغ العيل ده

: انت هتستخدم اسلوب الهم-جيه والتخ-لف بقول لك وقفته عند حده وما بقاش بيتعرض لي

: انا هم-جي ومتخ-لف يا سماء .. ابدأ عمري ما هسمح لك بالطريقه دي في الكلام معايا انا ماشي ولما تعرفي ازاي تتكلمي معايا وتحترميني ابقى اقابلك

: استنى هنا رايح فين ما بلاش شغل العيال القماصه ده

: لسانك طول قوي عليا اقعدي مع نفسك وشوفي انت غلطتي في ايه ولو شايفه نفسك مش غلطانه يبقى كل واحد مننا في طريق لاني مهما بحبك مش هسمح لك تركبيني و تغلطي فيا بالشكل ده 

بقلمي سحر السحرتي 

*اسرع بالانصراف واستاذن من سلطان

 :متأسف يا عمي مضطر امشي جالي تليفون و عايزني 

:طب يا ابني ابقى طمنا وصليه يا سماء

*قبل ان ترفض همس في اذنها 

:امشي وصليني عشان ما حدش يحس بحاجه خلي مشاكلنا بينا 

*اوصلته ودخلت غرفتها حزينه لاحظت سماح فذهبت اليها 

: ماشية معاك يا عم ومحدش عارف يكلمك

: هو القر ده اللي جابنا ورا

:حصل ايه يا سماء هو مشي بسرعه كده ليه انا شكيت انه زعلان

: مفيش 

: مفيش ازاي دى هو كان متع-صب قوي وانت هتعيطي قوليلي يمكن اريحك وانصحك

:اتخ-انقنا و مغلطني كمان 

:احكي لي بس شكلكم اخذتم العين التمام بس اكيد مش انا لاني كنت بهزر

: انا عارفه بقى اسمعي

*بعد ان استمعت لها

: لا غلطانه لازم تراعي انه بيغ-ير عليك دي حاجه تتحسب له وكمان بتش-تميه يا قادرة وتقولي مش غلطانة

:هو انا لما اقول له ما بتفهمش تبقى شت-يمه

: اه امال حضرتك مفكراها مدح ده راجل على فكره 

:قصدي انه مش فاهم معنى كلامي 

:يبقى تتقال كده مش تختصريها في كلمه انت ما بتفهمش … بتست-هبلي اتفضلي اتصلي عليه و اعتذري يلا 

:فكرك كده ما اسيبه شويه 

:اتعودي الزعل ما يطولش ولما تلاقي نفسك غلطانه اعتذري على طول…. لما تعملي كده المشكله بتدوب بسرعه ومش بتكبر … اعملي زيي انا وعمار مش زي الع-قربه اللي بره

:حاضر

*حاولت الاتصال به

: مش بيرد تفتكري زعلان قوي 

: جربي ثاني

:ما انا اتصلت قدامك ست مرات مش بيرد اعمل ايه 

:روحي له البيت هيحترمك ويتحرج فيسامحك على طول 

:وانت فاكره ماما هتسيبني اروح له لوحدي

:صحيح اقول لك خدي عمار معاكي انا هطلع اقول له وانت روحي استاذني من مامتك او عمي 

*عادت سماح لها 

:عمار نزل اقول لادهم 

:وهو هيرضى او الع-قربه هتسيبه 

:دخلت تنام الاكل كت-م على نفسها يا رب دايما و سابته قاعد لوحده مع عمي

: طب هلبس 

*وافق ادهم وسلطان وذهبت مع   ادهم الى منزل كريم 

*فتحت والدته لها 

:حبيبتي يا سمسمة انت جايه تعيدي عليا بنفسك 

:طبعا يا حبيبتي بس الحقيقه زعلت ابنك و جايه اصالحه 

:يا قلبي جاية له لحد هنا برجلك … سيبيه يتفلق يستاهل 

:لا ده يستاهل كل حاجه حلوه 

:تصدقي انت خساره فيه ادخلي … ادخلي … ازيك يا ادهم اتفضل 

: الحمد لله يا طنط 

:يا كريم ..  انت يا زف-ت 

:نعم يا  ما ..

*تفاجأ بوجودها

: سماء بتعملي ايه هنا 

:مزعلها ليه يا زف-ت الطين حد يزعل القمر ده 

: بس يا ماما مش قدام الناس يا حبيبتي 

*كانت الدموع تتراقص في عيني سماء 

:انا اسفه يا كريم حقك عليا مش هتتكرر تاني

كريم : اتفضل يا ادهم واقف ليه ….  عن اذنك ثواني هاخد سماء البلكونه نتكلم شويه 

*سحبها من يدها 

:انت بتعتذري كده قدام الناس 

:واعتذر قدام الدنيا كلها لو ده هيخليك تسامحني وما تبقاش زعلان بالشكل ده 

: و جايه في وقت متأخر كمان 

:انت مش بترد علي وما هانش علي تنام وانت زعلان مني 

*امسكت ملابسه واقتربت قليلا و تدللت في كلامها

:ها لسه زعلان

:عايزه تيجي لغايه البيت و تعتذري قدام الناس وافضل زعلان ده انا ابقى وح-ش قوي 

:انت فعلا وح-ش من اول مشكله تقول ننفصل عموما بعد كده براحتك المره دي هعديها لاني كنت غلطانه بس بعد كده في كلام ثاني

: انت عارفه الا الاه-انه

: ما كنتش اقصد بس انت فهمتني غلط .. خلاص بقى خليني الحق اروح قبل ماما ما ترفع الشبشب 

*قبل راسها ويدها 

:ما كنتش اعرف اني غالي عليك كده

: غالي قوي

*وقالت بدلال

: بس تصدق لبس البيت عليك يجنن  

:انت بتعاكسيني بقى 

:اه بعاكسك عندك مانع 

: وانا اطول واحده بجمالك تعاكسني انا حاسس ان ليله القدر جت بدري وربنا استجاب ليا

:طب وسع خليني امشي

: استني هوصلك

 :لا انت ناسي أن ادهم معايا 

:و تعبتيه ليه 

:عشان في واحد قماص مش بيرد علي بعد كده نرد على بعض مفهوم

: ماشي كلامك

بقلمي سحر السحرتي 

*عاد وكل منهم يبتسم 

:متشكر يا ادهم على تعبك بعد كده لما تقول لك تعالى معايا ابقى اتصل بيا

: علي ايه دي اختي الصغيره المهم انها ضحكت كانت قلباها نكد علينا و شالت الحلويات من قدامنا هههههه 

سماء :معلش يا طنط ازعجناك

:زعليه كل يوم و ازعجيني براحتك 

:ده انت حماه ما حصلتش

:اصله ابن ضرتي

كريم :طول عمري حاسس بكده

سماء : ما تنسيش يا طنط عزومه ماما هنستناكم 

:هتطبخي بأيدك دى كريم من اول ما دخل بيشكر في اكلك 

:طبعا يا طنط انا بطبخ للغالين وانت اغلى من كريم كمان 

: استمري بكلامك الحلو ده عشان تخط-في قلبي زي ما عملتي مع كريم 

: بس كده اهم حاجه قلب الحما الراجل مقدور عليه 

 *و همست في اذنه 

:هي ما كانتش تعرف اننا متخانقين

: لا طبعا اسرارنا بينا و اتعودي على كدة 

:حبيبي انت

: ايه بتقولي ايه

: كحكح ولا حاجه سلام يا طنط يلا بينا يا معلم ادهم 

*اسرعت من امامه وفي الطريق استفسر ادهم

: انت اعتذرتي له قدامنا ليه

:مش فاهمه ايه المشكله

:يعني كنت استني لما تبقوا لوحدكم 

:انا غلطت و بصلح غلطتي … غير اني استغليت وجودكم و انه كده هيتكسف ويقبل اعتذاري وما يطولش في الزعل حتى لو السبب كبير فأنا بض-رب عصفورين بحجر واحد 

: غلطتي جامد يعني

:تقريبا زي ما تقول بيغ-ير علي وانا ما استحملتش اكمني مش متعوده فقفشنا 

:انت طيبه قوي تعرفي لمياء مهما تغلط لا بتعترف ولا بتعتذر 

:غريبه مع انكم بتحبوا بعض .. انا لسه ما حبيتش كريم بالدرجه المعروفه بس بحترمه وما حبتش انه يزعل مني فتره طويله خصوصا وهو بيحاول يسعدني دايما ودي أقل حاجه ممكن اقدمها له

: مش كل اثنين طريقه تعاملهم واحده 

:بس في اساسيات لازم تتحط ان كل واحد يخاف على زعل الثاني حاول تحط لكم خطوط تمشوا عليها في العلاقه لاني ملاحظه من غير ما تزعل مني انها علاقه هات بس المفروض تبقى هات و خذ

: عندك حق

( طيبه و بتهدي النفوس يا سماء)

 *في اليوم التالي بعد عودتها من الجامعه اتصل كريم عليها 

:عامله ايه يا حبيبتي النهارده 

:كويسه طول ما انت مش زعلان 

:كنت عاوز نفطر يوم سوا 

:مش هينفع لوحدي ماما عدت يوم ما عزمتني على الغداء بعد الخطوبه بالعافيه 

: طب نعزم عمار وسماح

: ماشي بس ممكن تعزم على ادهم ولمياء انا عارفه انها هترفض بس ما يصحش هيبقى شكلنا وح-ش عشان خاطر بابا

 :اللي تشوفيه يا حبيبتي هكلمهم سلام

: استنى

: في ايه 

: مستنياك تسألني من اول ما اتصلت 

 :اسالك عن ايه 

:عملت ايه في المشروع

:هتعملي ايه يعني انا خلاص مش زعلان وواثق انك بتدي له على دماغه

: بس انا رحت واعتذرت للدكتور بعذر اني مش مستريحه مع الجروب

:وعمل ايه وافق 

:اه وافق بس مفيش حد يشترك معايا لان الجروبات كملت فكلفني اقوم به لوحدي 

:انا اسف مشروع مشترك فيه خمسه هتعمليه لوحدك 

:ما تقلقش انا قدها والدكتور قال انه هيراعي اني لوحدي

 :هيبقى تعب عليك

: اي حاجه تهون بس ما تزعلش  ..بس اسمع هتساعدني فيه 

:عيوني ليكي

 :طب سلام بقى وبلغني اذا وافقوا عشان أرتب نفسي 

*اتصل كريم على عمار وادهم و وافق كل منهم 

*اعترضت لمياء على موافقه ادهم

 :وفيها ايه هو عازمنا كلنا اقول له لا خطيبتي مش موافقه 

:ده واحد جاهل معاه دبلوم اكيد هيودينا مسمط ولا مطعم صغير وزحمه

: لو المكان ما عجبكيش اعملي نفسك تعبانه ونروح على طول

:ماشي اما اشوف اخرتها معاك

بقلمي سحر السحرتي 

*تفاجات لمياء بان المطعم كبير ومشهور ولا يستقبل اي احد الا بالحجز قبلها بعده ايام ولكن لان كريم شخصيه معروفه لديهم فقد استقبلوهم بحفاوه 

*همست لادهم :معقول يكون بيعرف الاماكن اللي زي دي 

:كريم اكبر مني بسنتين وساعات كنا بنخرج مع بعض مش بيروح مطاعم اي كلام فكنت واثق انه هيختار شيء ممتاز 

*حدثت نفسها 

:وانا اللي كنت مفكراها هتتجوز واحد اي كلام طلع بيفهم في الذوقيات دي انا على كدة خدمتها

*جلسوا جميعا وطوال الوقت كان الضحك مصاحب لهم

كريم :يا عم انا مره واقف في المحل لقيت عنتر وقف عندي وفي بقه كيس وهي بتتصل عليا وتقول لي ادي له التموين وكل يوم في نفس الميعاد بقى بيجي ولما ابقى مش واخد بالي يزمجر حتى وصيتهم اول ما يشوفوه يدوا له … بعد ما ياخد الكيس ينزل برجليه لتحت كانه بيقول لي شكرا … دي مدربه حيوانات مش دكتوره حيوانات

سماء :كده ماشي ابقى تعالى قول لي الحقيني يا سماء عندي جاموسه متعسره في الولاده 

:بصراحه دكتوره شاطره ..  الدكتور اللي عندنا بقى له سنين كان هيم-وت الجاموسه هي بالتليفون قالت له يعمل ايه لما اتصلت عليها اسالها على دكتور تاني

: يا ابني دي قدرات انت مش واثق في قدراتي ولا ايه 

عمار : الصراحه هي متدربه عندنا بس شاطره جدآ … انما قول لي يا كريم امتى حسيت انك بتحب سماء 

:بصاروخ

 :نعم صاروخ ازاي 

:كان عندها حوالي 14 سنه و بتلعب في العيد وتقريبا اتفقت مع اصحابها تفرقع صاروخ جنبي ونفذت … كنت لسة هزع-ق قصاد ضحكتها اللي خط-فت قلبي فقدت النطق ومن يومها حلفت استناها تكبر و اتجوزها وكل فتره اتقدم لها مره مامتها تقول لسه صغيره او هي ترفض لغايه لما حنت عليا 

*ثم قبل يدها فدبت الغي-ره في قلب لمياء فأرادت إحراجها امام الجميع

 :يعني حبيتها من غير ما تسال على اصلها وتعرف مين ابوها 

*تغير لون وجه سماء وشعر كريم بذلك

 :لا طبعا سألت وعرفت ان ابوها من عيله كبيره بس عديم المسؤوليه و اتجوز اكثر من مره وده لا يعيب سماء في شيء ولا يقل منها

: امال الاشاعات اللي بتقول انه حش-اش و بيقعد في غرز ده ايه 

:انت قلتي بنفسك اشاعات ولو عرفت مين اللي بيقولها هق-طع له لسانه حتى لو كان مين 

*شعرت سماء بالانتصار لكنها نوت الا تفوتها 

:هو انت شاغله نفسك بابويا ليه يا ابله لمياء هو درس المره اللي فاتت ما كانش واضح تحبي نعمل مراجعة نهائية انا جاهزة في اي وقت وأي مكان 

 *تدخل ادهم يحاول ان يلطف الجو 

:لمياء بتحب تهزر بس واضح انها نسيت طريقه هزارنا من كتر قعدتها بره

سماء :انا ممكن افكرها وعندي طريقه هائله

 سماح :بقول لك يا كريم انتم ناويين تتجوزوا امتى

: لما الدكتوره تخلص

: طب ما تعملي زيي يا سماء و  تاخذي اخر سنه في بيتك

: هو انت برضو اخر سنه اخذتيها في بيتك انت كنت مقيمه يا حبيبتي عند مامتك ولا ناسيه … انا عايزه اخلص وابقى فاضيه عشان اهتم بالبيت و بكريم 

سماح :هي وجهه نظر بس انت موافق يا كريم

:انا اديتها كلمه ومش ممكن ارجع فيها لو هي عايزه ترجع يا ريت اتمنى طبعا 

سماء :طب خلينا نمشيها واحده واحده مش يلا بينا بقى

كريم :ليه يا حبيبتي خلينا شويه 

:ما انت بكره هتشوفني عندكم

 :ازاي

 :عزومه مامتك انت نسيت

: ولا قالت لي تقريبا عاملاها مفاجاه

 : هههههه او يمكن معتبره انك مش من أهل البيت

: عندك حق انا مش بقعد اصلا في البيت

 *همست في اذنه 

:الكلام ده لازم يتغير بعدين

: ده انا مش هروح الشغل حتى  … بس نتجوز 

*و غمز لها احمر وجهها 

:طب يلا بسرعه اميره هترفع الشبشب

 *في اليوم التالي ذهبت سماء مبكرا الى بيت كريم كي تساعد والدته بصحبه أميرة

: ليه كده بس يا ام سماء تتعبيها ما انا معايا ام نبيل بتساعدني وعبير اخت كريم هترجع من الجامعه كمان 

سماء :ايه يا طنط انت مش بتقولي اني بنتك وعارفه انك تعبانه وعندي اجازه استريحي وانا هساعد على عبير ما ترجع وكريم يوصل 

:كريم نايم عشان كان عنده ذب-ح النهارده وصحي بدري ادخل اصحيه

: ليه سيبيه نايم خليه يستريح 

اميره : طيب كويس اني جيت معاها انت عارفه مش بسيبها تروح مكان في رجاله حتى لسماح بنت عمها اللي جمبنا

:هو ده الصح بس ما تقلقيش دي في عينيا 

:عارفه بس بحب ابقى مطمنه ما ليش غيرها

:ربنا يحفظها 

*مضى الوقت و سماء تعد الطعام مع عبير وام نبيل دخلت عليهم ام كريم

: عبير روحي صحي كريم عشان يلحق يصلي قبل المغرب ما يأذن 

سماء : ينفع اروح معاها يا طنط اصحيه

 :طبعا بس مامتك ممكن تزعل 

:هستاذن منها

 *علا صوت اميره 

:لا يا سماء

ام كريم : ما تسيبيها يا اميره  عبير داخله معاها خا-يفة من ايه 

: خا-يفة على كريم انا فاهمه هي داخله تصحيه ازاي

: هتعمل ايه يعني

 :هتعرفي لما تسمعي صوته 

:يا شيخه سيبيها احنا حتى في رمضان وكريم محترم

:اسمعي كلامي بلاش مش اللي في دماغك هو اللي مخ-وفني 

:روحي يا سماء امك مكبره الموضوع

اميره : يا ام كريم بلاش هتقلب بخن-اقه بينهم

 :بلاش ليه هو في ايه بالظبط 

*وقبل ان تكمل كلامها سمعت صوت ص-اروخ ينف-جر وصوت ص-راخ كريم ضحكت ام كريم

 :طب والله يستاهل ده نومه تقيل و بيغلبنا على ما يصحى أما ابقى اخليها تسيبلي صاروخي-ن اصحيه بيهم

بقلمي سحر السحرتي 

*ضحكت اميره على كلامها

*في الداخل دخلت سماء مع عبير  في صمت و هزت عبير اخاها

: كريم اصحى عشان تصلي  …كريم …. كريم انا عملت اللي عليا 

:طب روحي انت وانا شويه و هقوم 

*لم يكمل حتى سمع صوت الص-اروخ ينف-جر بجانبه فص-رخ

 :انت يا بق-ره في حد يصحي حد كده

 *كان يقصد اخته لكنه تفاجأ بضحكه سماء 

عبير :اكيد الشت-يمه دي ليها اسيبك تستلقي وعدك يا سماء 

*هربت عبير وتركت سماء وحدها 

*فجرى كريم خلفها وهو ممسك بالوساده 

:حسك عينك تعملي كده تاني

: ما انت اللي نومك تقيل بقى لنا ساعه بنصحيك يا ماما الحقيني 

*وقفت اميره على باب الغرفه

 :معلش يا كريم خاطب طفله قلت لك يا ابني لسه صغيره بلاش انت اللي اصريت استحمل بقى 

:عشان خاطرك يا طنط هسيبها

 *ثم قذفها بالوساده 

:اي  … امال لو مش عشان خاطرها كنت عملت ايه 

:انت عارفه ان ما فيش حد من اولاد اخواتي بيدخل يصحيني كنت اكلته

: اخص عليك دى اهلا دى انا اول مره في بيتكم في رمضان … وبعدين انت واخد شقه عاملها اوضه 

:ام زغلول قولي ما شاء الله

*ثم رفع كفه في وجهها 

: انا اه كبرتها بعد اخواتي ما اتجوزوا لأنهم كانوا مديني اصغر اوضة

: ما شاء الله اصل اوضتي صغنونه 

اميره :اطلعي بقى خليه يصلي كان نفسي يض-ربك عشان تحرمي طلع محترم

:شكرا يا امي 

*على الفطار والد كريم

:الاكل حلو هو ام نبيل اتطورت قوي

ام كريم: ام نبيل مين دي سماء حبيبتي

: ما يصحش يا ام كرم (كرم اخو كريم الكبير)

:لا دي بنتي ما تدخلش بينا هي بتحبني عشان كده جت مخصوص تساعدني من نفسها لان قلبها صافي وزي الورد الابيض فأكلها بيطلع نفسه حلو

سلطان : صحيح اللي يجرب اكلها ما يعرفش يأكل من ايد حد بعد كده اميره عرفت تربي

*كان الغ-ل يأكل قلبها من شكر الناس في اخلاقها 

 لمياء :على فكره عادي ما فيهوش حاجه مميزه بالعكس ده مليان دهون

$ لمياء مش عايزه تحيبها لبر تفتكروا سماء هتجيبها مش شعرها المرة دى كمان

اسفة يا جماعة حصل خطأ في تحميل النت وافتكرت أن الحلقه انتشرت امس

• تابع الفصل التالى ” رواية أحببت من لا يرانى  ” اضغط على اسم الرواية