رواية أحببت من لا يرانى الفصل السابع عشر 17 – بقلم سحر السحرتي

 رواية أحببت من لا يرانى الفصل السابع عشر 17 – بقلم سحر السحرتي 

احببت من لا يراني 

حلقة ١٧

المجهول: وادهم هتعملي ايه معاه 

:هعيشه ليله عمره ما عاشها

: كل ده عشان تطرديها

: كفايه عليها قوي كده وبسبها بابا ض-ربني وزعل مني

:طب وحماتك لما تسمعنا

: ما عشان كده بقول النهارده لان حماتي قاعده عند سماح كام يوم وراجعة بكره وزي ما قلت تطلع بالهدوم اللي عليها وتوريني هتعمل ايه واحسن لكم تنفذوا كلامي بالحرف

*في الموعد المحدد اعدت لمياء سهره رومانسيه لادهم لم يكن معتاد على ذلك لكنه كان سعيدا جدا 

:عشان ايه كل ده اخ-اف اتعود 

:اصلك هتوحشني يا حبيبي لما اسافر لبابا قلت اعوضك

:انت اللي هتوحشيني اكثر 

*وغابوا في عالم احلامهم

*في منزل سلطان رن جرس الباب كلا من محسن وممدوح اولاده

 *فتحت لهم سماء الباب

: ايه ده انتم ما سافرتوش بعد ما وصلتوا بابا المطار 

*لم تجد رد منهم ولكن ممدوح امسكها من ذراعها وجذبها خارج الباب ودخل هو واخوه

: اظن كفايه قعده هنا مع السلامه 

*بص-دمة ورجاء في ذات الوقت 

:هروح فين واحنا بالليل … طب اخذ حاجتي

: روحي في اي حته وما لكيش حاجه هنا هو انت وامك كان معاكم حاجه يوم ما جيتوا هنا 

:طب سيبني للصبح وهدبر نفسي او خليني البس حاجه غير هدوم البيت اعمل معروف 

:لا هتمشي كده غوري من هنا 

:طب اديني كتبي فاضل شهر على الامتحانات واخلص … اقول لك اعتبرني خدامه عندك هعمل اللي تقولي عليه 

:امشي يا بنت انت من هنا بدل ما ارميكي من على السلم او اض-ربك ترقدي في المستشفى 

*توجهت بنظرها لأخيه تستعطفه

:ابيه محسن يرضيك كده

*بحزن وتعاطف

: مع السلامه يا سماء شوفي حالك بعيد عن هنا 

*اغلق الباب لم تجد مفر جرت على منزل ادهم الذي كان في اول الشارع 

*بعد ان ذهبت قال محسن لاخيه

:حرام اللي عملناه معاها و بهدوم البيت طول عمرها كويسه معانا هي وامها وكنت بعتبرها اختي الصغيره 

:انت عارف اختك لمياء سوده من جوه وكام يوم هتسافر لبابا لو ما عملناش اللي هي عايزاه هتكرهوا فينا  وممكن يبطل يدينا فلوس وانت عارفها بتعرف تضحك عليه بالكلام من وهي صغيره و هتقعد معاه فتره طويله وانا بصراحه مقدرش استغنى عن مساعدته الشهرية لو تقدر رجعها على مسؤوليتك

: ولو سأل على سماء

: هنقول له هي مشيت بمزاجها

 :انا خاي-ف ده قعد يوصينا عليها … طب حتى تاخذ هدومها وكتبها 

:انا ما ليش دعوه انت حر مع لمياء قالت لي بالحرف لازم كلامها يتنفذ

:طول عمرها جبروت رغم أنها الصغيرة 

بقلمي سحر السحرتي 

*طرقت سماء الباب عدة طرقات متتالية بشده ففتحت لها لمياء وهي ترتدي الروب ومن اسفله قميص نوم يظهر اكثر ما يخفي وتعمدت ان ترى سماء ذلك 

:نعم عايزه ايه في حد يخبط على بيوت الناس كده بالطريقه الهمجية دي 

:عايزه المعلم ادهم

: نايم مش فاضي لك زي ما انت شايفة 

:نادي لي عليه بسرعه 

:امشي غوري من هنا 

:مش همشي غير لما اكلمه 

*وبدات تنادي عليه استيقظ ادهم من نومه وهو يرتدي ملابسه بسرعه لم يلحق اغلاق ازرار بيجامته

:خير يا سماء جايه دلوقتي ليه وبهدوم البيت 

*كانت تبكي وتشهق 

:طردوني من البيت ومش عايزين يدوني كتبي دي اخر سنه ارجوك خليهم يدوني كتبي وانا همشي مش هرجع ثاني والله ما هرجع مستقبلي هيضيع ابوس ايدك انت الوحيد اللي ممكن تساعدني 

*امسكت يده تحاول أن تقبلها

:اهدي بس ادخلي و فهميني  هما مين

لمياء :تدخل فين رجلها مش هتعتب جوه الشقه

 :استني بس يا لمياء

: انا قلت كلمه واحده لو دخلت هك-سر رجلها

سماء :مش عايزه ادخل تعالى معايا خليهم يدوني كتبي وهدومي

: هما مين

: ابيه محسن وابيه ممدوح

: ازاي هما ما سافروش

:لا ينوبك ثواب تعالى بسرعه 

:طب هغير هدومي واجي معاكي

لمياء :انت رايح فين ما فيش نزول من البيت 

:انت بتقولي ايه انا عمي موصيني عليها ولا يمكن اخون امانته

:انا بقول لك يا انا يا هي

: لمياء مش وقت الكلام ده وجنانه اجليه خليني اشوف المصيبة دي 

:طب انزل كده يا ادهم هترجع مش هتلاقيني

سماء : انا مش عايزه اعمل بينكم مشكله كلمهم يدوني حاجتي وخلاص 

لمياء :ما لكيش حاجه عندنا تخرجي زي ما دخلتي … مفكره نفسك تعيشي في العز سنين وكمان عايزه تاخدي … امشي غوري من هنا

ادهم : انزلي استنيني تحت هغير وانزل لك على طول مش هتاخر

*نزلت سماء في انتظاره بالاسفل ودخلت لمياء لتتش-اجر معه 

:بقى انت بتختارها هي

: افهمي انا مش بختارها انا بنفذ وصيه عمي ودي يتيمة ملهاش حد 

: وانا مش هسمح لك تنزل لها 

:هنزل يا لمياء 

:كده طيب اما شوف يا ادهم 

*اسرعت وخرجت من باب الشقه و اغلقته بالمفتاح وتركت المفتاح في الباب 

*جن جن-ون ادهم من هذه الحركه واخذ يطرق بشده على الباب

:افتحي يا لمياء احسن مش هيحصل كويس

: مش هفتح بقى انت بتضحي بيا عشانها لا يمكن اسيبك تنزل يا ادهم فاهم 

*صعدت السماء لتستعجل ادهم وجدت لمياء تقف خارج الباب وادهم يطرقه بشده ففهمت انه لن يستطيع مساعدتها فرحلت في صمت

*لمحتها لمياء وانتظرت خمس دقائق حتى ابتعدت 

*فتحت لادهم واحتضنته وحاولت تهدئته

: ابعدي عن وشي خليني الحق البنت

:خلاص مشيت

: راحت فين في الوقت ده 

:راحت في داهي-ه ايه مالك في حاجه بينكم 

:انت بتخرفي بتقولي ايه اخواتك رموها بهدوم البيت وعمي وصاني عليها

:لا واضح ان الموضوع مش موضوع عمك 

:انت عايزه تعطليني وخلاص صح 

:صح وانا كده اخذت حقي منها رغم انه ناقص بس مسامحه في الباقي 

*تركها ادهم وذهب يبحث عنها لم يجدها

*كانت تجلس تبكي امام المسجد وعنتر يحتضنها وكانت ترتعش من البرد حتى غفت من البكاء وهي ضامة ركبتيها الي صدرها

*عند اذان الفجر قام احد الماره بتصويرها ووضعها على صفحه المنطقه وكتب 

:قديما كان الرفق بالحيوان اليوم الرفق بالانسان

 *ووضع شرح تحت الصوره 

:فتاه ترتعش من البرد والكلب يدفئها ويحميها من هم اصحاب القلوب القاس-يه الذين قاموا بطرد فتاه جميله بملابس النوم 

*لم تكن ملامحها واضحه فقد كان شعرها يخفي وجهها ولكن واضح انها من منزل كريم 

*كان احدهم يدخل لصلاه الفجر فنبح عنتر وكأنه ينده عليه 

: عنتر بتعمل ايه عند الجامع … ومين البنت دي اللي نايمه جنبك .. ايه ده مش دي سماء 

*هزها لايقاظها 

:سماء … سماء 

*استيقظت ووجد اثار الدموع في عينيها 

:بتعملي ايه هنا بهدوم البيت 

:ابيه كرم ساعدني ارجوك طردوني من البيت مش عايزين يدوني هدومي وكتبي 

:هما مين دول

:ابيه ممدوح وابيه محسن اول بابا ما سافر طردوني بهدومي 

:وانت ايه اللي جابك هنا

: ما لقيتش مكان اروح له هنا جنب الجامع اامن لبنت زيي لغايه ما يطلع الصبح واحاول اتصرف

: انت هب-له انت لسه الى الان تعتبري مرات اخويا … قومي معايا على البيت

: لا انا الصبح هتصرف

:سماء مش عايز اتع-صب عليك انت عارفه انا مش بصلي في الجامع ده انا لقيت زي ايد بتشدني تجيبني هنا 

*تحدثت وهي تبكي

:ده كريم لما نمت من شويه جالي وقال لي ما تخا-فيش انا جنبك وهتصرف 

:طب قومي معايا 

:بس طنط ممكن تزعل 

:ماما بتحبك هي هتزعل اه بس عليك وهتزعل منك كمان انك ما فكرتيش فيها اول حد تروحي له

بقلمي سحر السحرتي 

*طرق منزل والديه فتحت والدته 

:ايه يا كرم … مين سماء … في ايه يا بنتي 

*ارتمت داخل حضنها وبكت

:اهدي واحكي لي 

كرم :دخليها تنام في غرفه كريم وانا هحكي لك لانها تعبانه

: سماء معلش يا ابيه ممكن الصبح تيجي معايا اخذ حاجاتي وهتصرف بعدين في اي مكان

:نامي وارتاحي وهعمل لك كل اللي انت عايزاه

 *دخلت واحتضنت سرير كريم وتذكرت كيف كانت تقوم بايقاظه … وكيف كان اخر يوم دخلت هذه الغرفه .. وظلت تبكي حتى نامت من التعب 

*قص كرم ما حدث مع سماء وكيف التقى بها

: يا حبيبتي وهتعمل ايه 

:هروح بكره اتكلم مع ادهم عمه سايبه مكانه واذا ما اتفاهموش بالذوق هروح اخذ حاجتها بالعافيه او اجيب لها غيرهم 

*في الصباح اتصلت سماح على ادهم وهي فزع-ة 

:هي سماء اللي في الصوره المنتشره على جروب المنطقه .. انا عرفتها من هدومها وعنتر اللي معاها 

:متصوره فين انا طول الليل بدور عليها مش لاقيها 

:نعم يعني ايه

: هحكي لك اللي حصل

*وبعد ان علمت ما حدث 

:وسبتها يا ادهم هي دي وصية عمي كنت جبتها عندي 

:ما سبتهاش على ما نزلت لقيتها مشيت

: ومراتك اكيد اللي مخططه لده كله … لو سماء ما ظهرتش لا انت اخويا ولا اعرفك

: اهدي يا سماح عيب كده

: انا جايه ادور عليها لا يمكن اسيبها لوحدها

:مش هتلاقيها انا دورت لما تعبت طول الليل ولسه ما نمتش لغايه دلوقتي

: وطبعا مراتك في سابع نومه ومستريحة على الاخر ولا على بالها

:تصدقي ولا على بالها فعلا 

: بلغها اني مش عايزه اعرفها ثاني سماء دي اختى واللي يجي عليها كأنه جه عليا

: اهدي وبعدين نتكلم اسيبك دلوقتي في حد بيتصل عليا 

*رد وكان كرم وفهم ادهم ان سماء اصبحت في منزلهم

:طيب يا كرم انا نازل دلوقتي اتكلم مع اولاد عمي و هاجي اخذها ترجع بيتها 

:ترجع فين سماء خلاص مش راجعه هي بس عايزه حاجتها ولو مش عايزين تدوهالها احنا هنشتري لها احسن منها

: اهدى بس وبعدين ده بيتها وما حدش هيقدر يتعرض لها ثاني 

:وايه اللي يضمن المرة دى نامت في الشارع وكانوا عايزين يض-ربوها  المرة الجاية تفتكر ممكن يعملوا ايه 

: لما اجي هشرح لك و هتعرف ان ما حدش بعد كده يقدر يتعرض لها

: طب وانت بتكلمهم عرفهم أن سماء لها ظهر ناشف تتسند عليه وقسما بالله لو عملوا حاجه ثانيه لها ما هيحصل كويس وانت عارفني كلمتي بنفذها مش معنى ان اخويا م-ات مراته تتبهدل

: حاضر وصدقني انا كمان مش هخلي حد يتعرض لها بعد كده 

*تحدث ادهم الى اولاد عمه وعتب عليهم أو بمعنى آخر تشاجر بحدة في الكلام 

*اتصل على سماح لتأتي معه الى سماء

: تعالي خدي لها هدوم ترجع بيها مش معقول هترجع بهدوم البيت قدام الناس 

:وتضمن منين انها هتوافق ترجع 

:لما نروح لها هتعرفي 

*ذهب اليها ورفضت بالفعل العوده ودموعها تسبق كلماتها من قس-وة ما حدث 

:انا مش عايزه غير حاجاتي انا هعتمد على نفسي وأجر اوضه اعيش فيها 

:عايزه عمي يزعل منك ويرجع يلاقيكي مش موجوده 

:ما هما عندهم حق بيتهم و طردوني منه 

: لا مش بيتهم ولو عايزه تعملي بلاغ في القسم انا هشهد معاكي 

:اروح اقول ايه ناس طردوني من بيتهم صح 

:بقول لك مش بيتهم ده بيتك  .. بعد وفاه والدتك عمي كتب الشقه باسمك لانه حس ان اليوم ده ممكن يجي وكل واحد منهم له شقه في العماره اللي في اول الشارع وما حدش فيهم كان بيحب الشقه دي لانها بيت قديم من ايام جدي

: نعم كتبها باسمي وهما عارفين ومع ذلك طردوني و خلوني ابات في الشارع واحس باف-ظع احساس في الوجود 

 :لا ما حدش يعرف غيري وعمي قال لي ما تتكلمش الا اذا حصل حاجه … تحبي تبلغي عنهم 

:يعني بابا يكرمني ويامن مستقبلي وانا اروح احبس ولاده 

:وبعدين ايه اللي نيمك في الشارع 

:كنت عايزني اروح فين

:عند سماح او هنا وقلت لك استني تحت 

:اللي حصل ش-ل تفكيري وما كانش معايا فلوس ولما طلعت استعجلك لقيت لمياء عامله مشكله جامده قلت بلاش احسن توصل للطلاق بسببي لانها كانت بتخيرك بينا

:لا لمياء عمرها ما تقدر تبعد عني … قومي غيري هدومك وتعالي عشان ترجعي بيتك

سماح: ما تقلقيش يا حبيبتي انا هكون جمبك وحساب لمياء معايا عسير 

ادهم: خلاص يا سماح هي لما تعرف أن عمي كتب الشقه لسماء هتض-ايق وده عقاب كافي لها

: لا مش كفايه انا مش هسيبها

*نظر لها بحده كي تصمت 

: نتكلم بعدين احنا في بيوت الناس 

*بدلت سماء ملابسها و حضنت والدة كريم التي رحبت بها في اي وقت

 كرم : سماء تعالي عايزك في كلمتين قبل ما تمشي

 *دخلت معه في الصالون فمد يده يعطيها مفتاح 

:ايه ده يا ابيه 

:مفتاح شقتك انت وكريم هو كان مجهزها عشان تتجوزوا فيها وتقريبا خلصانة

:وحضرتك بتديني المفتاح ليه ما انا اتنازلت عن كل حاجه 

:لانه كتبها باسمك كان عايزك تحسي بالامان بس للاسف انشغلت ونسيت اديلك المفتاح واللي حصل فكرني اعتقد دلوقتي انك محتاجه لها اكثر من الاول 

: لا مش محتاجه بابا كتب لي الشقه زي ما عرفت 

: خدي المفتاح يا سماء دى أقل شئ اقدر أقدمه لك مقدرش اخد ده كمان لان دي وصيته بشكل غير مباشر 

بقلمي سحر السحرتي 

 *بكت من فراق هذا الحبيب الذي يحميها حتى وهو غائب وأكمل كرم

:و جالي في المنام وقال لي قول لسماء تعيش حياتها وتحب و تتجوز وعنده حق عيشي حياتك كفايه كده 

:انا عمري ما هحب غيره

: دي وصيته نفذيها عايزاه يزعل منك 

:لما الاقي حد زيه بس عمري ما هلاقي

: لو احتجتي حاجه تعالي اطلبي من اخوك الكبير 

: شكرا جميلك ده عمري ما هنساه

: جميل ايه انت مرات اخويا غير اني مقصر معاك 

: كفايه اني لما وقعت في زنقة ما اتاخرتش وحسيت انك سندي

: احنا كلنا بنحبك من حب كريم لك وكان عنده حق انت تستحقي

: شكرا كمان مرة

*عادت سماء الى منزل سلطان وقام ادهم بتغيير كالون الشقه 

:اتفضلي ده المفتاح الجديد وهخلي نسخه عند ماما عشان الطوارئ لو حصل حاجه ولا بلاش

: لا طبعا خليه معاها 

: اسف وحقك عليا ذنبك في رقبتي 

: ما تقولش كده انت كان بأيدك ايه 

: اوعدك اني أحافظ عليك لغايه اما اسلمك لعريسك او عمي يرجع 

: مفيش حد هيملى عيني بعد كريم او يحبني ويبقى حنين عليا زيه

: لازم تفكري تعيشي حياتك انت لسة صغيره مش معقول تعيشي لوحدك 

: انا مش لوحدي عندي عنتر وسماح 

: لو سماح سمعتك بتحطي عنتر معاها في جملة واحدة هتعلقك

: هههههه ما هي عارفه 

: طالما شفت ضحكتك ابقى اطمنت عليك اسيبك تستريحي

*عاد ادهم الى منزله بعد يوم شاق من متابعه المحلات لكن لمياء لم تتركه في حاله

: اهلا بالاستاذ اللي مقرط-سني

: في ايه يا لمياء انا تعبان و جعان حضري لي الاكل

: صحيح بابا كتب الشقه باسم الست سماء

: اه مش اخواتك بلغوكي و حكوا لك 

:ومن امتى بتخبي عليا 

:لانه حلفني ما اقولش 

:برده من امتى بتخبي عليا 

:لو حد مأمني و محلفني مش بقول لكن لو موضوع كل الناس عارفاه بقوله عادي … غير اني مش هحاسبك على اللي عملتيه اخواتك قالوا إنها أوامرك فلمي الليلة …  فين الاكل بقى 

:اطلب اي حاجه من بره

:ليه كل شويه من بره يا اما اكل الست اللي طعمه ماسخ ما تحاولي بقى تتعلمي وتشيلي مسؤوليه شويه 

:انا كده يا ادهم وعمري ما هتغير مش عاجبك طلقني

*امسكها من ذراعيها بق-وه 

:الكلمه دي بقت في بقك كثير هو انت بتختبري حبي ولا فعلا عايزاها

:يعني لو عايزاها هتسيبني 

:انا عمري ما اسيبك ابدا غير وانا مي-ت

:يبقى بختبر حبك واعمل حسابك انا قدمت السفر وهيكون اخر الاسبوع 

:ليه قدمتيه

:الدكتور اللي طلب كده وانا بكلمه قال لازم حد جنب بابا الفتره الاولى وعمي عنده شغل مش هيقدر ولو بابا ما لقاش حد جنبه هياثر على نفسيته وده بياخر العلاج 

: ماشي يا لمياء هتاكلي اطلب لك معايا

: لا سبقتك 

:حتى ما استنيتيش ناكل سوا 

:انت اللي إتاخرت جعت فكلت 

:طب ما انا كمان جعت وكان ممكن اكل في الشغل لكن قلت استنى نفتح نفس بعض

: معلش ما قدرتش … بقول لك حضر لي مبلغ حوله للفيزا عشان السفر 

:حاضر اي طلبات ثاني

:انت زعلت ولا ايه 

:زعلان انك سايباني و مسافره 

:دي فتره قصيره لغايه لما اطمن على بابا وكمان عشان اوحشك 

:انت وحشاني دايما حتى وانت معايا 

:طيب يا حبيبي هدخل انام 

*عادت سماء لحياتها وسافرت لمياء الى والدها 

*مل ادهم من المكوث وحده فعاد الى منزل والدته

*ذات يوم كانت سماء عائده من المزرعه وادهم عائد من العمل فتقابلا على السلم 

:عامله ايه يا ضاكتوره 

: هههههه ما تفكرنيش ده اسوء حاجه في التخصص بتاعي 

:طب عندك اكل انا جعان جدا وماما عند سماح

 :اه عندي دقائق اغير و اسخن ونطلع السطح ناكل مع بعض 

:ما تيجي عندي 

:نعم لا طبعا على السطح الجو حلو وانت عارف وفاهم انا ما بدخلش شقه فيها راجل كمان لوحده صعبة دي … تربية طنطك اميره 

*انتهت سماء من تبديل ملابسها وصعدت بالطعام 

: الله اكلك حلو قوي زي بتاع طنط اميره الله يرحمها 

: الله يرحمها خلاص كل ما هعمل اكل هدخل طبق عند طنط عشانك

: ابوس ايدك تبقى عملتي فيا معروف 

*وبالفعل امسك يدها وقبلها بمزح لكن سرت قشعريرة في جسدها فقد عاد قلبها يدق له من جديد بلا امل او هدف

*خجلت من فعلته فقلبت الموقف لمزح

: استغفر الله يا ابني مفيش داعي تبوس الثانية كمان 

*ووضعت يدها الأخري أمام وجهه

: لو ده هيخليني اكل كل يوم اكل بالطعامة دي هاتي ايدك وراسك كمان 

*بالفعل قبل يدها ورأسها ولكنها كانت تمزح

: في ايه يا عم بهزر معاك حاضر من عنيا

: بس اللحمه دي طعمها بصراحه مش قد كده 

: الحقيقه الجزار غشني كنت طالبة نوع ثاني 

: انت بتجيبي لحمة من بارة

: هههههه على قد فلوسي بقى لحمتكم غاليه بصراحه 

*تحولت نظرته للحزن

: سماء انا بتكلم جد انا نسيت خالص اسف عمي موصيني مش عارف راح عن بالي ازاي وانت ما لمحتيش 

: يا سيدي ولا يهمك ما تكشرش كده شكلك احلى وانت بتضحك 

: طب حتى كنتي قولي لسماح

: اقول ايه وبعدين احنا يعني زمان كنا بناكل لحمة من كل جزار نوع وشكل 

: من بكره هبعت لك كل اسبوع لحمة ولو رفضتي هزعل منك

: لا مش بحبك زعلان حاضر اضحك بقى بحب ضحكتك قوي 

: بجد عمر ما حد قالي كده 

: غريبة مع أن اجمل حاجه فيك ضحكتك

: عارفة انت اكثر واحده بضحك معاها 

: معقول … بس دي شئ يفرحني … اعملك قهوه 

*نظر لها بإعجاب

: بتبصلي كده ليه 

: مستغرب انك حافظة عاداتي وبحب ايه بعد الاكل لمياء ولا عمرها اهتمت

: ممكن اطلب منك واحنا سوا كلامنا يبقى بعيد عن سيرتها واسمها

: ليه لسة زعلانه من اللي حصل 

: مش قادره انسى انا عشت يوم في الشارع بحاول احافظ على نفسي كام ساعه لغاية النهار ما يطلع غير احساس الامان اللي اتسحب مني مرة واحدة كان صعب قوي 

: طب ينفع انا اطلب منك تسامحيها

: هي ما طلبتهاش لنفسها ولا يهمها فبالتالي مش هقدر… ابعد نفسك عن الموضوع ده انا وهي عمرنا ما حبينا بعض و متعايشين مع الوضع غير انها أذتني كثير بلاش تضغط عليا لاني بكره ارفض لك طلب 

*كانت جلستهم لطيفة ممتلئه بالضحك وتكررت اكثر من مرة  

بقلمي سحر السحرتي 

*استمرت مرور الايام و يزداد الود بين ادهم وسماء 

*بمعنى ادق كانت سماء تتعلق بادهم كما كانت من قبل ولكنها تشعر بتأنيب الضمير لنسيانها كريم وبعض الأوقات كانت تذهب الى قبره تعتذر له

*انتهت سماء من دراسه اخر سنه لها

 *ادهم دائم الاتصال على لمياء ولكن ردودها بارده اذا ردت عليه

: مر على سفر لمياء ثلاث شهور كان ادهم يعمل في المحل الرئيسي الموجود تحت منزل عمه … اذا بمحضر يعطيه قرار من المحكمه

المحضر: حضرتك ادهم عاصم الدمنهوري 

: ايوه خير 

: اتفضل الاعلان ده من المحكمة 

: ايه ده هو في حد رفع قضيه علينا 

:لا القضيه اترفعت و اتحكم فيها 

: قضيه ايه دي 

:مرات حضرتك لمياء سلطان رفعت قضيه خلع و كسبتها وده اعلان بحيثيات الحكم

: انت بتخرف بتقول ايه انت اكيد مجن-ون والعنوان غلط 

:مش انا سألتك  انت ادهم عاصم الدمنهوري

: ايوه انا زف-ت 

: و مراتك اسمها لمياء سلطان الدمنهوري

: ايوه

 :يبقى العنوان صح هتستلم الاعلان

: لا مش هستلم

 :مش هتفرق في جميع الاحوال انت عرفت والحكم اتنفذ هي خلاص بقت مطلقه 

*اسرع بالذهاب من امامه فقد راى الغض-ب في عين ادهم 

*صعد ادهم الى منزله يتصل على لمياء التي ردت بمنتهى البرود واكدت الخبر

: ليه يا لمياء مش انت بتحبيني

 :لا يا ادهم انت بالنسبه لي ابن عمي وبس وبابا اللي اجبرني على الخطوبه يا اما هيرفض سفري واكمل تعليمي … ولما رجعت برده كتبت الكتاب وكنت رافضه

: وما طلبتيش الطلاق ليه بدل الفض-يحه وانا كنت هوافق

 :انت مصدق نفسك انت كان عمرك ما هتطلقني …انت بنفسك قلت مش هتسيبني الا وانت مي-ت …انا اسفه الموضوع وصل لك بالشكل ده بس انا ما كنتش مبسوطه معاك اتمنى تفضل علاقتنا سوا ولاد عم وبس 

*اغلقت الخط قبل ان ينطق 

*ظل يك-سر كل شيء تطوله يده 

*طرقت سماء الباب بعد أن سمعت صوته وصوت والدته تحاول تهدئته 

*فتحت والدته الباب وروت لها ما حدث 

:طب انا هجيب حقنه مهدئه من عندي بسرعه على ما يجي عمار يقعد معاه ويتكلموا

*وبالفعل بعد الحقنه نام ادهم قليلا

*وصل عمار وحاول التحدث معه لكنه رفض واراد أن يظل بمفرده فذهب إلى شقته

*بعد ثلاثه ايام كانت سماء تحاول الهروب من ادهم 

:سيبني يا ادهم ح-رام عليك هتضيعني والنبي ابعد عني

$ ؟؟؟؟؟

• تابع الفصل التالى ” رواية أحببت من لا يرانى  ” اضغط على اسم الرواية