رواية أحببت من لا يرانى الفصل العشرون 20 – بقلم سحر السحرتي

 رواية أحببت من لا يرانى الفصل العشرون 20 – بقلم سحر السحرتي 

احببت من لا يراني 

حلقة ٢٠

*مال ادهم بجانب اذنها وقال من بين أسنانه 

: مفكره اني هسمحلك تسمي ابني على اسم خطيبك

*ردت بتحدي وق-وة 

: تحب تغيره

: طبعا 

: بس كده انت تؤمر بس أمر قصاد أمر

: يعني ايه 

: قول للناس انك ابوهم وانا مش هديلك حق تسميهم بس لا وتشيلهم كمان 

: انت مش هتسمحيلي اشيلهم 

: ليه 

: هو ايه اللي ليه 

: ليه اسمحلك كل اللي كنت عايزاه اسمك بس جمب اسمهم مش هقعد كل شوية اغنيها انت فرضت شروطك وانا وافقت ومشيت عليها وانا فرضت شروطي وانت وافقت حاول تمشي عليها وبعدين انا قايمة من ولادة و العص-بية وح-شه عليا شكرا لك لحد كده تقدر تروح بيتكم مش محتاجه لك جمبي

: اسمعي كلامك الاه-بل ده تنسيه انا هشوفهم واشيلهم زي ما انا عايز 

: يعني بتغير اتفاقك طب انا كمان اي حد يسألني هقول انك ابوهم 

: اعملي اللي انت عايزاه وقتها هتشوفي ادهم ثاني عمرك ما شفتيه وكل الناس هتسال وقتها ليه مخبين جوازهم

*بكت من قس-وته معها على دخول سماح 

: جبتلك العيال… ايه ده انت بتعيطي في ايه 

: مفيش هاتيهم اشوفهم 

*اخرج عمار ادهم وتحدث معه 

: انت قلت لها ايه

: مش عايزاني اشوف ولادي مش كفايه سمت الولد كريم على اسم خطيبها ومضطر اسكت

: وانت ايه اللي مزعلك دي م-يت هو انت بتغ-ير عليها 

: اغي-ر ايه انت هت-هبل في الكلام 

: خلاص انا هتكلم معاها تسمح لك تشوفهم

: يعني ايه تسمحلي انا ابوهم ما تقدرش تمنعني 

: ادهم ده حقها ما تنساش اللي انت عملته 

: صدقني مش فاكر وعمري ما كنت اقدر اذي-ها بالشكل ده سماء برده ليها معزة خاصه عندي 

:  يمكن ربنا له حكمة ما نعرفهاش في اللي حصل والنتيجة طفلين زي القمر مبروك يا صاحبي 

: عقبالك يا حبيبي .. هروح اشوف هتخرج امتى

: ماشي وانا داخل لهم 

*دخل عمار وتحدث مع سماء 

: ممكن تسمعيني بهدوء وانت عارفه اني عايز مصلحتك وبحبك زي اختي

: اكيد طبعا 

: ممكن تسمحي لادهم يشوف الولاد و يبقى له دور في حياتهم 

: ازاي ما انت عارف شروطه اللي وافقت عليها ورافض يغيرها 

: ايوه وكل الكلام دلوقتي بيتغير يمكن لما يحس بحبهم و احتياجه لهم يعلن جوازكم والعيال تتربى بين ابوهم و امهم انت ما شفتيش كان هيتجنن عليك ازاي وانت جوة

: مش عايزه واحد زي ده يبقى جوزي 

: هو جوزك بالفعل والحمل ثقيل عليك دى مش طفل واحد دول أثنين هتقدري تلعبي دور الأب والام مع بعض من غير ما يحسوا أن حاجه نقصاهم .. انت نفسك كنت طفله واحده والدتك عملت المستحيل عشانك ومع ذلك حسيتي انك محتاجه اب … اسمعي كلامي وجربي يمكن تكسبي وكله في مصلحة الولاد

: حاضر بس مش هفتحهاله سبيل

: لا المطلوب منك تفتحيها واحده واحده لغايه لما يغرز برجليه في حب اولاده ويحس أنه مش قادر يبعد عنهم و بأكد لك انه تقريبا رجله بدأت تغرز ما شفتيش دموعه اول ما شالهم 

: وده معناه ايه 

: معناه أنه حس بالابوة اللي اتحرم منها على ايد لمياء 

بقلمي سحر السحرتي 

*دخل ادهم وعلامات الغي-ظ على وجهه 

:هو انت طلبت من المستشفى انك تقعدي فيها اربع ايام زياده ليه وكأن ما لكيش اهل 

سماح : انت عملتي كده بجد 

سماء :اعمل ايه يا سماح وانا لوحدي وما كنتش اعرف هولد طبيعي او لا … المستشفى هتهتم بالاولاد على ما اقدر اقف على رجلي واخدمهم 

 سماح : زعلانه منك وانا رحت فين 

:ما اقدرش اخدك من جوزك وبيتك 

:هو احنا عرسان جداد واذا على جوزي نقعد عند ماما الفتره دي هو متعود وهي خالته

ادهم :عموما انا بلغتهم انك هتمشي بكره الصبح لما الدكتور قال إن حالتك تسمح

:لو سمحت ما تتصرفيش من نفسك ثاني 

*بعيون غاض-بة فتراجعت للخلف 

:نعم سمعيني بتقولي حاجه 

:بقول استغفر الله العظيم 

: الاستغفار حلو 

*عادت سماء الى منزلها وجميع جيرانها فرحين بعودتها 

*بعد ان صعدت الى شقتها سمعت صوت عنتر فتحت الباب وهي سعيده 

:تعالى وحشتني شوف انا جبت ايه … هتخلي بالك منهم و تربيهم معايا 

*حدث ادهم نفسه :  ده اللي ناقص كل-ب يربي عيالي

*مر اسبوع كانت سماح لا تترك سماء وكان ادهم سعيدا جدا ودائم السؤال على الاطفال وحملهم واحتضانهم 

*وكانت سماء سعيده برؤية فرحه ادهم في عينيه

*كانت سماء اكثر سعاده عندما اقام ادهم عقيقه كبيره لاولادها  …ولكن ما كان يحزنها انه لم يخبر الناس انهم اولاده فقد كان يقول اولاد سماء 

*احضر ادهم صينيه طعام كبيره في شقة سماء من العقيقه كي ياكلوا جميعا ودعى اليها والدته و عمار و سماح 

*اثناء ذلك اتصلت لمياء فرد ادهم وكانت مكالمه فيديو 

: خير يا لمياء فكيتي الحظر غريبه ايه اللي فكرك بيا 

:هو انت عمال تبعزق في فلوس بابا على كيفك وعلى الست سماء 

:يا تتكلمي كويس يا اما هقفل السكه … ليه بتقولي كده

: العقيقه اللي انت عاملها من جيب مين 

:وانت عرفتي ازاي 

:اختك فرحانه قوي ومنزله على النت .. مش كفايه مصاريف على الست سماء ولا لسه مش مكفيها الشقه اللي بابا كاتبها باسمها والسنين اللي كان بيصرف عليها 

*رد بحده وحزم

: اولا العقيقه  من جيب ابوهم مش من جيب ابوكي

:  و ابوهم اللي مش لاقي ياكل و مسافر بره ونزل مراته عشان مصاريف الولاده هي-دبح ثلاث عجول مرة واحدة وكل عجل بمبلغ و قدره

:انت بتالفي قصص دلوقتي مين قالك التخاريف دي اولا ابوهم معاه كثير وكثير قوي ولو انه ما يخصكيش بس هو نزل مراته عشان تولد وسط اهلها و يهتموا بيها 

:ولما هو معاه ما جابلهاش بيت و سكنت بره وخلصنا منها للابد ليه 

:انت مالك هي قاعده في بيتها اللي بأسمها وعشان تبقى جمبنا نراعيها ونشوف هي تؤمر بأيه ولا انت مف-روسة عشان بنحبها وبنخدمها بعيونا وعارفه انك لو مكانها مكانش حد عبرك

: انت عارف ان مش دي اللي تضا-يقني … يعني انت متاكد ان العقيقه دي من جيب ابوهم عشان اطمن على فلوس بابا 

: لا من خير ابوهم واخر مره تدخلي في اي شيء يخص سماء لان انا اللي هقف لك … ولعلمك انا اللي هعمل لك حظر لان طريقتك في الكلام وق-حه ما بقتش اسمح بيها ولا اقبلها … دى غير اته-امك ليا اني مش امين على فلوس عمي 

*اغلق الهاتف في وجهها وشعر بانتصار عليها

*الا ان دموع سماء سبقتها 

:عن اذنكم داخله اشوف الولاد 

ادهم :استني يا سماء ما تعمليش اللي كانت عايزاه

 :اللي هو ايه 

:انها تكس-ر فرحتك بعقيقه اولادك 

:انا فاهمه بس سامعه حد من الاولاد بيعيط هروح اطمن وارجع

 *و اسرعت وهي تبكي فذهب ادهم خلفها وقال لهم 

: معلش هدخل اتكلم معاها دقيقه اتفضلوا انتم 

*بعد ان دخل خلفها مسح دموعها بكفي يده

:زعلانه ليه هو ردي ما كانش كافي 

*نظرت بحزن في عينيه 

:تفتكر لو كانت تعرف انك ابوهم كانت هتتجرأ وتقول الكلام ده  …قد ايه انا كنت فرحانه وانت واقف تحت تدب-ح و شايفاك مبسوط … متخيل كس-ره قلبي وانا سامعه الناس تسألك بمناسبه ايه تقول عقيقه اولاد سماء 

*احتضنها وهو يجفف دموعها 

: انا اسف اديني وقت وهصلح كل حاجه صدقيني

*ثم قبلها على خدها وامسك يدها لتخرج معه

: يلا اقعدي كلي لاني مش هاكل من غيرك 

فوزيه : واحده زي دي حطي كلامها تحت جزمت-ك ولا تعمليلها قيمة 

: كلامها جا-رح قوي يا طنط 

: يا بنتي هي تركيبتها كده مش معاكي لوحدك شوفي عملت ايه في ابني ويارب يفوق هي هتم-وت من الغي-ظ عشان ابوها كتب الشقة باسمك وغير انك متأكدة أن العقيقه بفلوس جوزك …. تصدقي انا فرحانة بالمكالمة دي عشان عملها حظر واول مره اشوفه بيرد عليها بالشكل ده 

ادهم: في ايه يا ماما هو انا قبل كده كنت بسكت لها 

: اه كنت بتفوت وتعدي كثير عشان ترضى عليك

: عشان كنا مخطوبين أو متجوزين وبخ-اف على زعلها مش عشان ترضى عليا انما دلوقتي هي انتهت من حياتي 

: اتمنى اصدقك دى انا هدب-ح عجل… كلي يا سماء يا بنتي يا بخت جوزك بيك تصدقي كان نفسي اوقف جوازتك واجوزك لادهم بس النصيب 

سماح: يا ريت فعلا كان يبقى من حسن حظه مفيش في اخلاق سماء وبتعرف تطبخ كويس ومنظمة عيبها الوحيد انها ضاكتوره بهايم هههههه 

سماء: كده يا سماح طب هتروحي تباتي عند مامتك ومش هتشيلي حد من العيال 

: لا اخص عليك دى انا عايزه اتوحم عليهم اصل نويت خلاص هجرب حظي ثاني 

: ربنا يرزقك يا حبيبتي من غير عمليات دى انا دعيت لك وانا بولد ربنا يستجيب

:بجد ربنا يسمع منك… وبعدين مقدرش يعدي يوم من غير ما اشوفهم انا بحبهم قوي مش عارفه ليه 

فوزيه: تصدقي يا سماح انا كمان بحبهم قوي و بحسهم احفادي يمكن من حبنا لسماء

*سمعت سماء بكاء أحد الأطفال لكن ادهم اسرع اليهم 

: خليكي كملي اكل انا هشوفهم

فوزيه: يا حبيبي شفتي مشتاق للخلفة ازاي منك لله يا لمياء ربنا يرزقني واشوف احفادي منك يا ادهم انت وسماح 

سماح: ما هما احفادك يا ماما 

*نظرت لها سماء تنبهها فاكملت

: مش انت لسة بتقولي انك بتعتبري سماء بنتك 

: وأكثر طبعا انا بحبها زيك انت وادهم وربنا العالم معزتها في قلبي 

: خلاص يبقوا احفادك ولاد بنتك سماء

*عاد ادهم بعد أن اطمئن على الأطفال 

سماء: لو سمحت يا طنط هسيب الولاد معاكي ساعة وارجع

: رايحة فين يا حبيبتي 

: هروح مع سماح وعمار المستشفى عشان افك السلك 

: وماله يا حبيبتي في عيوني

: تسلمي يا طنط 

ادهم: ماما مش هتقدر خلي سماح تقعد معاهم وانا هوصلك 

: لا شكرا مش عايزه اتعبك 

*نظر لها لتصمت

: قصدي كفايه وقفتك في العقيقه اكيد تعبت 

: تعبك راحه احنا عندنا كام سماء وكريم وكارما

*ذهب معها وكان يمسك يدها ليسندها وهي تمشي ويشعر بسعادة كبيرة سعادة حرم منها مع لمياء 

*عادت وبكل امتنان بعد أن كان حريص على راحتها وفي منتهى الحنية

: شكرا تعبت النهارده في العقيقه و كمان مشوار المستشفى 

: دى أقل حاجه اقدر اقدمهالك

*وقبل مقدمه راسها بحب كان يريد أكثر لكنه يعلم انها سترفض

بقلمي سحر السحرتي 

*بعد مرور اسبوع اخر كان ادهم يصعد السلم فندهت عليه فتاه شابه 

: لو سمحت مش هنا بيت سماء 

: اه حضرتك عيزاها

: اه بس مستعجلة انت قريبها

: اه ابن عمها 

: طب ممكن تديها الحاجات دي كانت طلبتها والسلسلة دي كمان قول لها اني اسفة ما لحقتش أبيعها واشتريت الطلبات من فلوسي وهبقى اخودهم منها بعدين 

: استنى بس حساب الحاجة كام 

: خلاص انا هبقى احاسبها وما رضيتش اقول لها في التليفون هترفض تاخدهم كويس اني قابلتك كدة هتاخدهم غص-بن عنها

: لا هتزعل انها مش هتدفع قوليلي كام وانا هبقى احاسبها

*بعد ان دفع لها صعد وهو غاض-ب من تصرفات سماء فهي مصرة أن تهمش دوره معها فطرق الباب ب-شده فتحت سماح 

: مالك يا ادهم بتخبط كده ليه 

: سماء فين 

: جوة ليه 

: انا داخل وسعي

: استنى هنا رجلك خدت على هنا بزيادة وبعدين هي بترضع هتدخل ازاي

: عادي هدخل

: بقولك بترضع هي مراتك انت غريب عنها

: طب خليها تطلع لما تخلص هستنى في الصاله 

*كانت سماء قد انتهت وخرجت 

: في ايه وطي صوتك الولاد ناموا والصوت العالي ممكن يف-زعهم

: انا عايز افهم بتبيعي دهبك ليه مش بتطلبي مني فلوس 

: اطلب بصفتك ايه 

سماح: صحيح هتطلب منك ليه يا ادهم و سماء اصلا بتتكسف تطلب مني

: سماح ماما عيزاكي روحي وانا هتفاهم مع سماء لان حسابات عمي معايا وهو موصيني اديها اللي تطلبه

*وهي تذهب غمزت لسماء دون أن يراها ادهم بمعنى هدي الدنيا 

: نعم يا معلم ادهم كنت بتقول ايه 

: لما انت محتاجه فلوس ليه مش بتطلبي مني انا مسؤول عن ولادي

: دي طلباتي الشخصية مش طلبات ولادك

: انت كمان مسؤولة مني 

: لا انا هسمحلك تصرف عليهم لانك مصر مش لاني مش قادره انا بس الفلوس خلصت في مصاريف المستشفى والهدوم بتاعتهم و مستنية اول الشهر هقبض

: انت مراتي ومسؤولة مني يا سماء 

*ترقرت الدموع في عينيها لكنها تحكمت بهم

: لا المفروض تنفذ الجزء الخاص بيك اننا نطلق بعد الولادة 

: عايزة تطلقي ليه

: مش ده كان اتفقنا عشان لو لمياء حبت ترجع تقدر ترجع لها وانت عاذب …. وبلاش نغمة انك عايز تتعامل معايا على اني مراتك وعايز تحس اني مسؤولة منك

: انت فعلا مراتي أمام الله ودي حقيقة 

: أمام الله ما كملتش أمام الناس دى تقريبا مش جواز وطبعا عشان لما لمياء توصل ترميني من غير ما حد يحس

: طب ينفع تهدي وتسمعيني

: عايز تقول ايه 

: سماء اعتبريني مريض بقالي سنين ومحتاج وقت للتعافي 

: مش فاهمه تشبيهك ده عايز توصل لفين

: يعني أنا عشت سنين بحب لمياء وبعشقها وعمري ما تخيلت حياتي من غيرها وهي لما ادتني قلم زي ما قلتي فوقت بس عشان اكمل معاكي بكامل مشاعري محتاج لوقت وقبل ده محتاج ايديكي تشدني من البئر اللي انا واقع فيه و تنوري حياتي من الظلمة اللي عمتني سنين

: وبعد ما اشدك انا هستفاد ايه 

: سماء ما انكرش انك شدتيني وأوقات كنت بحس بالغ-يرة عليك وكنت هتجنن لما كريم خطبك و حسيت بخسا-رة مقدرتش أفسر ده ايه…. ارجوكي خليكي جمبي واوعدك اني بعد وقت هعلن جوازنا وهعلن ان كريم و كارما اولادي

: وقت قد ايه 

: مش عارف 

: وانا ليه اضيع من عمري سنين على ما تعرف 

: سماء القدر هو اللي خلاني أفقد ادراكي وقتها واعمل اللي عملته عشان يجمعنا سوا

: يجمعنا بأب-شع طريقه 

: المهم أنه جمعنا ارجوكي خليني احس اني مسؤول عن ولادي وعنك 

: خليها مبدئيا عن ولادك وبالتدريج تبقى مسؤول عني 

: طيب خودي سلسلتك والمبلغ ده خليه معاكي للاولاد 

: هي مديحة ما بعتش السلسلة امال دفعت ازاي 

: انا خلاص حاسبتها

*ثم سحبها الي حضنه وقبل راسها فبكت بكاء صامت فشعر بها 

: اسف يا اجمل حاجه حصلت لي عارف اني ظلم-تك بس هخف على ايدك واعوضك

: خلاص يا ادهم سيبني اشوف الولاد

*مرت الايام كان ادهم يطمئن على سماء واولاده باستمرار ويلبي طلبتهم 

*بعد مرور شهر كانت سماح في الغرفه عند سماء

 :اه تعبانه قوي يا سماء مش قادره عايزه انام 

:يا بنتي بطلي دلع انا اللي والده ومحتاجه انام العيال طول الليل مسهرني وانت نايمة وجوزك فاهم انك بتساعديني كانت مساعده مهببة

 :بجد مش قادره

: طب روحي نامي في اي اوضه ثانيه

 :لا مش قادره

: قومي بقى يا سماح خليني الحق انام قبل العيال ما تصحى 

: يا غلسه

*وقفت لتذهب ولكنها سقطت فاقده الوعي وص-رخت سماء باسمها 

:سماح .. سماح … فوقي 

*اتصلت سريعا على ادهم

 :الحقني يا ادهم بسرعه

: ايه حصل حاجه للولاد

: لا سماح اغمى عليها واحنا بنتكلم … بسرعه هات الدكتور وانا هبلغ عمار 

*عاد ادهم مسرعا وعمار معه والدكتور ايضا

*بعد الكشف على سماح

: مبروك يا جماعه المدام حامل 

*نظر الجميع لبعض بدهشه وفرحه 

سماء :مبروك يا موحه بركة دعواتي وانا بولد مش محتاجه عمليات يا قلبي … ايه ده بس مين يخدم مين هو ده وقت تحملي فيه

عمار: انت اخدمي نفسك وانا هحط مراتي في عيني..  مبروك يا حبيبتي 

:ماشي يا عمار الحمد لله … بس هي تقوم بالسلامه 

ادهم :مبروك يا حبيبتي 

سماح : الله يبارك فيك عقبالك … هروح افرح ماما

عمار: لا بشويش يا قمر عشان نجيب عيال احلى من عيال اخوك 

:عيال اخويا مين

 :قصدي عيال سماء الفرحة طيرت عقلي 

*تنفست سماء بارتياح ان سماح انتبهت لخطأ عمار ونبهته بشكل غير مباشر

*اضطرت سماح لترك سماء لانها تحتاج الى النوم على ظهرها في الفتره الاولى من الحمل

*كانت تجلس في الليل في البلكونه تشرب مشروب ساخن شعر بها ادهم 

: هاتي بق قهوه من اللي معاك

: قهوه لا بطلت من قبل الولاده 

: ليه 

: عشان العيال ما تسهرش اي حاجه بتأثر عليهم و ممكن يجننوني … فكرتني نفسي فيها بجد 

: امال بتشربي ايه

: ينسون تاخد

: لا شكرا بتشربيه ليه 

:قلت اقعد في الهوا شويه واشرب اي حاجه تهدي الولاد لما يرضعوا عشان يناموا بسرعه اصل مخنوقه من القعده في البيت مش متعوده اقعد فتره طويله بالشكل ده 

: معلش فتره وتعدي عارف انك محبوسة بقالك فترة لو كانت سماح تقدر تخرج كنت خرجتكم شويه 

: شكرا ما تشغلش بالك … طبعا ما تقدرش تخرجني لوحدي الناس هتتكلم 

: لا دايما دماغك بتحدف ظلط عشان حد يمسك معاك الولاد لاني هبقى بسوق فهمتي 

: اي حجة تصبح على خير 

: انت مش معقوله بجد

*تركته ودخلت 

*ذات ليلة سمع ادهم سماء وهي تقول بصوت مبحوح

: حرام عليكم بقى بتبدلوا مع بعض انا تعبت قوي ما كنتم ولاد حلال تناموا سوا وتصحوا سوا مش قادره افتح عيني 

*قفز ادهم في شرفتها وطرق على الشيش ففتحت له

: مالك يا سماء 

: بقالي يومين مش بنام سهروني وتعبوني ودايخة 

: طب نامي وانا هسهر بيهم 

: انت عندك شغل 

: عادي مش مشكله فيها ايه لما اخد يوم إجازة أو انزل متاخر على ما اشوف واحده أمينة تيجي تساعدك 

: لا هما بس عشان كان عندهم دور برد لكن هما نومهم مظبوط الحمد لله ساعات بيسهروا بس احسن من أطفال كثير بسمع عنهم

*كان مخ-ضوض 

: عندهم برد ازاي يعني 

: عادي اطفال وجالهم دور برد احنا في الشتاء 

: وكشفتي عليهم امتى

: خلاص اتعاملت

: سماء انت بعقلك اوعي تكوني كشفتي انت عليهم 

: لا كلمت الدكتور ووصفت له الأعراض وعرفته اني مش هقدر انزل بيهم لاني لوحدي ووصف لي العلاج والحمد لله جاب نتيجه معاهم 

: وما طلبتيش اروح معاكي ليه 

: كان عندك شغل

: يتح-رق الشغل ولادي عندي اهم من حياتي نفسها لو سمحت اخر مره … اتفضلي نامي 

: طب انا مرضعاهم ومغيرة لهم هز بس السرير بتاعهم بالراحه 

: ليه ما اشيلهم

: لا يا ادهم احسن ياخدوا على الشيل و اتسوح انا ..  وبعدين انا هنام هنا على السرير جنبك عشان لو احتاجت حاجه تصحيني

: نامي انت بس وانا هتعامل

:متاكد

: اه ما تخا-فيش 

: لا خا-يفه

: يا شيخه نامي بقى فيك حيل للمناهدة

*ذهبت في نوم عميق من التعب وبعد مده من الوقت نام الصغيران فاستلقى ادهم بجانبها 

*وجد نفسه يجذبها بداخل حضنه فشعر بشيء غريب ولكن هذا الشيء جعله سعيدا ويشعر بارتياح وهي بداخل حضنه 

*بعد مرور فترة من الوقت بكى الطفلان فاستيقظت سماء فز-عه 

*وجدت ادهم يحتضنها برغم ذلك اسرعت للطفلين وهي تنهض استيقظ ادهم 

:في ايه مالك 

:صحيوا وده معاد رضعتهم 

:طيب هترضعيهم ازاي

: هعمل رضعه لكريم وانت ممكن ترضعها له وهرضع انا كارما 

: هما الاثنين مش بيرضعوا منك طبيعي 

 :اه بس مره ومره مش بقدر لهم الاثنين مره واحده 

:طيب هاتي

*وشرحت له كيف يرضع صغيره 

*طلبت منه بخجل

:ادهم ممكن تلف تديني ظهرك عشان اعرف ارضع  كارما

: انا جوزك على فكره

:عارفه على فكره بس بتكسف 

:حاضر …ايه ده كريم قرب يخلص الرضعه

 :اه الرضعه الصناعي بيخلصوها بسرعه … اما يخلص بقى حط الفوطه دي على كتفك وكرعه 

:ايه اكرعه يعني ايه

: يعني تطلع الغازات من بطنه عشان ما يعملوش مغص

 *نفذ ادهم كلام سماء ولكن نسى وضع الفوطه كما قالت له 

:سماء انا حاسس بميه دافيه على ظهري

: يا خبر يا ادهم مش قلت لك حط الفوطه

: نسيت هو ايه ده

 :قشط عليك 

:يعني ايه

: يعني رجع شويه لبن 

:مش مشكله

: اه اما ترجع غرفتك ابقى غير هدومك

: ليه يعني ده لبن ابني على قلبي زي العسل

: هههههه عسل قوي ابقى شم ريحته الاول قبل ما تتكلم … خذ بقى كارما كرعها وهات كريم اغير له الحفاضه

: طب هاتي الفوطه احسن تعمل زي اخوها

 :ما خلاص في جميع الاحوال هتغير 

*عادت سماء بكريم

: ايه خلاص كارما اتكرعت

: اه طلعت محترمه مش زي اخوها

: هههههه طب هلبس كريم واغير لها 

:طب علميني بتعملي ايه

: انت عايز تغير لهم

: اه فيها ايه 

: اصل في ناس كتير بتقرف 

: انا عايز اشارك ولادي في كل حاجه واكيد مش هقرف منهم

:طب اهو شوف 

*علمته كيف يلبس الصغار الحفاضه فنفذ مع كارما وكان شعور أكثر من رائع لانه يشاركها الاهتمام باولاده 

:الحقي يا سماء دي بتضحك لي

:اه يا مج-رمه تقعدي معايا اليوم كله و تضحكي لبابا  من اول خمس دقائق  مش عيب

*ما هذا الشعور ؟ هل هذا شعور الأبوة الذي حرم منه سنين ؟

: الله حلوه كلمه بابا دي وانت يا استاذ كريم مش عايز تضحك لبابا

:لا ده بيضحك لماما بس 

:طب ايه رايك انه هيضحك لي 

:لا بعينك كفايه عليك الست كارما بقت حبيبة ابوها ونسيت ماما

:لا بصي … اضحك يا واد انت ..  يا واد 

: هههههه بص انت بقى بضحكه ازاي 

 *قامت باخفاء وجهها بيدها ثم ظهرت فجاه فضحك الطفل

: لا انت بتغشي

:لا مش بغش

: طب خليني اجرب 

:لا طبعا كفايه عليك الست كارما ضحكت من غير حاجه 

:ما تبقيش غلسه هاتي الواد بقى 

*حملته وجرت به وهو حمل كارما وجرى خلفها وهم يضحكون والاطفال تبتسم 

:شوف بيضحك لوحده 

:شوفي وكارما كمان بتضحك 

:طب كفايه كده بقى روح نام في غرفتك وانا هنيمهم وانام 

:ينفع انيمهم معاكي 

:هتتعب كده انا استريحت ساعتين و هكمل معاهم

: واضح انك بتتعبي قوي وياهم هحاول الاقي حد يساعدك

: لا مش محتاجه انا بعرف انظم اموري … هشش وطي صوتك بقى بداوا يناموا 

*بالفعل نام الطفلين واستاذن ادهم كان ينام بجوارها فلم تمانع

بقلمي سحر السحرتي 

*في ذلك الوقت دخلت والده ادهم غرفته فلم تجده

: هو نزل بدري كده ليه … طب نزل ازاي والباب لسه مقفول بالترباس … يمكن سماح قفلت وراه 

*استيقظ ادهم بهدوء وقبل خد سماء لكنها شعرت به و تظاهرت انها لا زالت نائمه وعاد الى غرفته 

*دخلت والدته عندما سمعت صوت في الغرفه

 :انت كنت فين يا ادهم

$ ؟؟؟؟؟ بماذا سيجيب وهل ستكتشف والدته ما كان يخفيه ؟

¥ شكرا لكل الناس اللي قالت كلام جميل وبعتذر لكل اللي التفاعل مع الرواية وحس بخيبة أمل وظ-لم لسماء بس كل شىء هيتغير بس اتمنى اللي عنده راي معارض لاحداث الرواية يقوله باحترام مفيش عندي مشكله في النقد وكل شئ بكتبه بيحصل منه في الحياة وفي اشياء من الخيال دي مجرد تخيلات كاتب رفضت فكره بلاش تقراء 

& انا بحب ارد على كل نقد بقدر الإمكان لكن بعتذر للي يدخل خاص ويقول كلام مرفوض لمجرد اختلاف في وجهات النظر 

$ دعواتكم بكرة نتيجة الثانوية العامة ربنا يجبر بخاطر كل اللي تعب

• تابع الفصل التالى ” رواية أحببت من لا يرانى  ” اضغط على اسم الرواية