رواية وسط الزحمة حكايات الفصل التاسع 9 – بقلم Memo
البارت التاسع 🌹❣️
رواية وســـــــط الزحمــــــــة………حكايـــــــات ✨
بقلم 🦋๓є๓๏
____________________________________
ملك: اوبس اسفة مكنش قصدي
لؤي بيتعصب: انتي مجنونة يا بت انتي
ملك بلا مبالاه: ما قلتلك اسفه مكنش بقصدي
حور: اي يا ملك اللي انتي عملتيه دا
لؤي: انتي لسه شكلك متعرفيش انا مين انا لؤي الجارحي وممكن افعصك بكل سهولة
ملك خافت شويه بس حاولت متبينش: هتعمل اي يعني متقدرش تعمل حاجه
حور (بضيق من ملك): خلاص يا ملك بقا زودتيها
لؤي: هوريكي اللي ميقدرش يعمل حاجه ده هيعمل اي
حور: خلاص يا لؤي انت كمان روح اغسل هدومك ولا اي حاجه عشان نمشي
لؤي: ماشي هروح اغسل هدومي بس صدقيني يا شبر ونص انتي ان عدتلك الموضوع دا بالساهل ميبقاش انا لؤي الجارحي
ملك خافت من تهديده بس بتحاول انها متبينش
مشي لؤي وراح ع الحمام
حور: ايه اللي انتي عملتيه دا
ملك: ما قلت مرة مكنش بقصدي
حور: لا بقصدك يا ملك وبعدين لؤي خلاص حطك فدماغه يعني خدي بالك وخليكي مستعدة
ملك: هو في اي يا حور ما خلصنا
حور: لا يا ملك مخلصناش ملك انت تبقي انتيمتي وهو يبقي اخويا يوووه انا مش عارفه ملقتيش غير اخويا اللي تتخانقي معاه
ملك: هو اللي غلطان
حور: ملك يا حبيبتي ارجوكي لما ييجي اتنازلي عن كبريائك شوية واعتذريله
ملك: نعم اعتذر لميين ليه ان شاء الله
حور: يا حبيبتي تعالي علي نفسك المرادي واعتذري دا اخويا وانا عرفاه
ملك: حور انتي عرفاني كويس وانا مستحيل اعتذر لعمود النور دا
حور: يا ملك يعني لاحظي ان عمود النور دا يبقي اخويا
ملك: اخوكي طب ما انا كمان صاحبتك
حور: يا بنتي بقا انتي بتفهمي علي مزاجك وبعدين انا بقولك تعتذريله عشان هو اخويا وعرفاه كويس ومش هيعدي الموضوع دا بالساهل
ملك: حور انا قلت اخر كلامي مش هعتذر من حد هو اللي المفروض ييجي يعتذر مني
حور: يعتذر منك ليه هو اللي دلق عليكي العصير بت انتي هي مرارة واحدة تصدقي بالله انا غلطانه والله غلطانة انا اللي قلتلك تيجي
ملك: ما خلاص بقا يا حور انتي عماله بتقلقيني وخلاص وبعدين هيعمل اي يعني
حور: هيعمل اي دي صدقيني والله ما اعرف بس اللي اعرفه انه خليكي مستعدة لانه يعتبر خلاص حطك في دماغه
ملك: علي فكرة انتي كدة بتخوفيني
حور : طب ما في زفت حل يا ملك بس انتي اللي مكبرة دماغك
ملك: اعتذار مش هعتذر تمام
حور: خلاص خلاص انتي حرة هي مرارة واحدة
ملك: هو جاي هناك اهو همشي انا بقا
حور: اهربي ياختي اهربي بس خليكي مستعدة
بتمشي ملك
لؤي: يلا
حور: حاضر……… اا اا ابيه هو انت هتعمل اي مع ملك
لؤي بخبث: كل خير ان شاء الله
حور: معلشي يا ابيه عديها المرادي هي ملك كدا
مبيردش عليها لؤي بس كان بيفكر وحور متوترة اخوها وعرفاه والنظرات دي اكيد وراها حاجه
المهم بييجو بقيت البنات وبيركبو العربيه
حياة: الله اي اللي بالل هدومك كدا
لؤي:: لا ولا حاجه كنت بشرب عصير واتدلق علي هدومي
ندي: طيب ابقا خلي بالك بعد كدا
بيروحو البيت واخيرا
بالليل وهما قاعدين ع السفرة بيتعشوا
لؤي: احم انا عايز اقولكم حاجه هو هيبقي خبر حلو ليكم
هيثم: اي يا ابني في اي
لؤي: احم بصراحه كدا انا قررت اخطب
ميار: بجد لولولولولولولولولوي اخيرا نويت تفرحني يا ابن بطني
يوسف: اي دا لؤي بنفسه عايز يتجوز
هيثم: وهي مين سعيدة الحظ
لؤي: هي تبقي صديقة حور اختي اسمها ملك
حور اول ما سمعت اسم صاحبتها شرقت وهي بتاكل وبقت تكح جامد
يوسف وهو بيناولها كوباية الماية: خدي اشربي اشربي.
حور شربت المايه وباين عليها الصدمة ولؤي برقلها عشان متقولش حاجه من اللي حصلت وهما بيعملوا الشوبينج
حور: ب بجد ا انت عايز تخطب ﻤ ملك صاحبتي
ميار: اي يا بت في اي دا المفروض تبقي مبسوطه ان صاحبتك هتبقي سعيدة الحظ اللي اختارها اخوكي
قالت حور في سرها: سعيدة الحظ اي قصدك تعيسة الحظ انا قولتها وحذرتها وقولتلها تعتذر بس يالا خليها تلبس بقا
حور: ا الف مبروك يا لؤي
اسر: وانت بقا يا لؤي ناوي تخطبها امتا
لؤي: بابا هيوصل ان شاء الله بكرا الفجر فهنروح بكرة بالليل نتقدملها
ميار: الف مبروك يا حبيبي لولولولولولولوي
يوسف: اي يا حاجه مش لما يتقدم الاول ويوافقوا تبقي تزغرطي براحتك
ميار: بس يا ولا هيوافقوا طبعا هما يطولوا
هيثم: الف مبروك يا حبيبي ربنا يكملك علي خير
ادم: وعلي كدا بقا ناوي فترة الخطوبة تبقي قد اي
لؤي: يعني اسبوعين ونبقي نكتب الكتاب
حور: لي هو سلق بيض
يوسف: هو في بيض بيتسلق في اسبوعين اصلا
حور: دمك يلطش
يوسف: بتقولي حاجه
حور: لا بقولك دمك عسل
يوسف: ميرسي
المهم عدي اليوم وجيه يوم جديد وابو لؤي جيه وعرفوه واتفقوا انهم هيروحو يطلبوا ايد ملك بالليل
حور في اوضتها
عماله بترن علي ملك مبتفتحش
حور: ما تفتحي بقا يا زفتة انتي… يلا بقا البسي انا حذرتك وقولتلك اعتذري قبل ما يحطك في دماغه اكتر انتي اللي دماغك كبيرة البسي بقا
________________________________
رَبَّنَا آتِنَا فِي الدُّنْيَا حَسَنَةً وَفِي الآخِرَةِ حَسَنَةً وَقِنَا عَذَابَ النَّارِ
………………………….
نروح عند ملك
محمود: ملك حبيبتي جهزي نفسك النهاردة في عريس متقدملك
ملك: بابا قولتلك انا مش بفكر في الموضوع دا دلوقتي
محمود: يا حبيبتي جربي مش هتخسري وبعدين انتي رافضه ليه ويا ستي علي موضوع تعليمك ف انتي هتكمليه عادي
ملك: بس يا بابا..
محمود بمقاطعه لكلامها: ملك يا حبيبتي جربي تقعدي معاه النهاردة مش يمكن يعجبك وتوافقي
ملك: حاضر يا بابا
…
رقية: ها وافقت
محمود: اه الحمدلله وافقت يا رب بس توافق عليه ومتطفهوش زي اللي قبله
رقيه: يا رب ياخويا
_______________
بالليل
لؤي بيلبس هدومة وبيرش البرفان بتاعه
وكلهم بيجهزوا بيروح معاه ابوه وامه واخته واسر وادم ويوسف كمان بيروحو
بيروحو هناك وبيخبطوا
بيفتح محمود لهم
محمود: اهلا اهلا يادي النور اتفضلوا
بيدخلوا وبيقعدوا يتكلموا شويه
ملك بتبقي جوة بتجهز بتلبس دريس موڤ وبتحط ميكب خفيف لان هي اصلا جميلة لوحدها فمش محتاجه ميكب
امها بتدخل عندها
رقيه: بسم الله ما شاء الله قمر نفسي بقا افرح بيكي ومتطفيش دا كمان
ملك: يا ماما انا مبطفش حد هما اللي بيطفشوا
رقيه: هما اللي بيطفشوا بردو… المهم يلا عشان تاخدي العصير وتقدميه
….
حور في نفسها:: ربنا يستر
..
بتروح ملك عشان تقدم العصير وبتتصدم اول ما بتشوف لؤي
ملك بتدعي ف نفسها ان ميكونش دا العريس بس بتتصدم لما ابوها بيقولها
محمود: قدمي العصير لعريسك يا بنتي وبيشاور عليه
ملك بتتصدم والعصير كان هيقع من ايدها بس لؤي بيمسكه منها قبل ما يقع
لؤي: ابقي خدي بالك يا عروسه
ميار: ما شاء الله قمر
ملك بتبص ل ندي
حور بتبتسملها وزي اللي بتقولها بعنيها: البسي انتي اللي جبتيه لنفسك
بيقعدو يتكلمو شويه وف الاخر بيسيبو ملك ولؤي لوحدهم
ملك بعصبية بس بتحاول توطي صوتها : انت جاي هنا تعمل اي بقولك اي انت تاخد اهلك وتمشي حالا
لؤي: بصي بقا اولا كدا صوتك دا ميعلاش عليا ثانيا انتي هتطلعي وتقوليلهم انك موافقة ورجلك فوق رقبتك
ملك: انت بتقول اي لا انا مش موافقه طبعا
لؤي: متخلنيش اقلب عليكي يا بنت الناس احسنلك تطلعي تقوليلهم انك موافقه والا هيبقي في تصرف تاني مش هيعجبك
ملك: بقولك اي انا مبتهددش واللي عندك اعملوا…. بس ممكن افهم انت عايز تخطبني ليه متقوليش بقا معجب بيا والكلام دا اكيد في سبب تاني
لؤي: اي دا بسم الله ما شاء الله طلعتي ذكية
ملك: لي حد قلك قبل كدا اني غبية ولا اي
بيفضلوا يتخانقوا شويه وبيبقوا عاملين زي الناقر والنقير.
و شوية وبيرجعوا يقعدوا كلهم تاني
لؤي: خلاص يا عمي احنا اتفقنا علي كل حاجه وبنت حضرتك موافقه الحمد لله
محمود: يعني انتي موافقه يا ملك
ملك لسه راحه تتكلم قاطعها لؤي: ايوا طبعا موافقه يا عمي هي بس هتلاقيها مكسوفه شويه عادي
ميار: خلاص نبقي نقرأ الفاتحه وبيبدأو كلهم يقرأوا الفاتحه وملك مصدومة
ملك: .. 😳😳
رقية: اي يا ملك يا حبيبتي مبتقرأيش الفاتحه ليه
ملك: .. 😳
ميار: اي يا حبيبتي مالك
ملك: اا هقرا اهو
قرأوا الفاتحه وخلصوا وملك بردو لسه مش مستوعبة
ميار: الف مبروك يا عروستنا
ملك: ا اا الله يبارك فيكي يا طنط
بتسلم عليها حور وبتحضنها: البسي يا قلبي انتي اللي جبتيه لنفسك وانا حذرتك وعلي فكرة رنيت عليكي ييجي عشرين مرة امبارح بس انتي مردتيش
ملك وهي مصدومة: علي فكرة انا موافقتش
حور: عارفه يا روحي بس البسي بقا
حور بعد ما بتخلص تسليم عليها
حور: الف مبروك يا قلبي
ملك: اا ا الله يبارك فيكي يا روحي
ودا كله وملك لسه بردو لسه مش قادرة تستوعب اللي حصل و كمان ان هي موافقتش عليه اصلا
____________________________________
استووووووووووووب
يلا يا ملك انتي اللي جبتيه لنفسك البسي بقا 😂
يلا نشوف بقا بقيت الاحداث البارت الجاي 😘
تفاعل كتيير بقا ها علي الاقل حتي 60 تفاعل مع ان ال 60 قليل جدا بس لما يجيب 60 تفاعل انا هنزل البارت اللي بعده.
سلاموووووووووز 👏🏻👏🏻👏🏻👏🏻👏🏻
• تابع الفصل التالى ” رواية وسط الزحمة حكايات ” اضغط على اسم الرواية