رواية وسط الزحمة حكايات الفصل العاشر 10 – بقلم Memo
البارت_10
رواية_وسط_الزحمة_حكايات
بقلم_Memo
____________________________________
لؤي واهله بيروحو
وملك في اوضتها لسه مصدومه ومش مستوعبه اللي حصل
ملك: هو ا اي اللي حصل من شويه دا انا مش قادرة استوعب اي حاجه بجد انا مش فاهمه اي حاجه اي اللي حصل داا
بيرن موبايل ملك برقم غريب
ملك: مين دا كمان مش فضيالك
مبتفتحش ملك ع الرقم والرقم بيرن مره تانيه وبردو مبتفتحش
ملك: يا ربي بقا
بيرن الموبايل تاني
ملك: اوف بقا
ملك: الو
_ الو عامله اي يا عمري
ملك: مين
_اي دا انتي لحقتي نسيتي صوتي لا كدا بقا ازعل منك
ملك: انت مين يا عم انت انجز الله
_لا كدا ازعل منك بقا بجد بقا حد ينسي صوت زوجه المستقبلي لا عيب عليكي
ملك: لؤي!
لؤي: اسمي طالع منك زي العسل
ملك: انت متخلف يلا اي اللي انت عملته دا
لؤي: لسانك الطويل دا انا هقصهولك قريب
ملك وهي بتحاول تسيطر علي أعصابها: بقولك اي يلااااا انا علي اخري منك
لؤي: بت لسانك دا ميتعوجش معايا
ملك: بت اما تبتك انت عبيط يلا
لؤي: لسانك دا لو متظبتش هقصهولك خالص وهريح البشريه كلها منه
ملك بسخريه: يا مامي لا تصدق خفت تعالي الحقيني يا مامي انا خايفه اوووي
لؤي: شكلك لسه معرفتيش مين هو لؤي الجارحي
ملك: لا ومش عايزة اعرف يلا جود بااااي وقتك خلص
وقفلت الخط في وشه
_______________________
اللهم صلِّ وسلم علي سيدنا محمد وعلي آله الطيبين الطاهرين اجمعين وسلم تسليما كثيرا
…………………
عند لؤي
لؤي: الو……. قفلت ف وشي بنت ال.. ان معرفتك الادب وعدت تربيتك من جديد ميبقاش اسمي لؤي الجارحي ويا انا يا انتي
____________________
عند ملك
ملك: ان ما وريتك يا لؤي الكلب ميبقاش اسمي ملك ويا انا يا انت هخليك تندم و تقول حقي في رقبتي اصبر عليا انت بس
___________________________________
لا حول ولا قوة إلا بالله
…………………
~تاني يوم ~
بتصحي فيروز علي صوت المنبه وبتقوم تلبس هدومها
فيروز : صباح الخير يا ماما
صفاء: صباح النور يا حبيبتي اقعدي يلا عشان تفطري
فيروز: حاضر
بتخلص فيروز فطارها وبتقوم
صفاء: كملي اكلك يا بنتي
فيروز: لا يا ماما الحمد لله شبعت يلا سلام بقا عشان متأخرش
صفاء: طيب يا حبيبتي ربنا معاكي
___
بتمشي فيروز
فيروز: الو نوري انتي فين
نور: انا قدامك اهو
بتقفل فيروز الخط مع نور
نور: روزي عامله اي
فيروز: الحمد لله يا نوري انتي عامله اي
نور: الحمد لله يا روحي يلا بقا عشان منتأخرش
فيروز: تمام يلا ربنا يستر النهاردة تاني يوم
نور: يا رب ياختي وميكونش زي اول يوم كدا
____
بتدخل فيروز ونور ل الشركه وبتروح كل واحدة علي مكتبها
في مكتب فيروز
بيرن اسر عليها
فيروز: الو
اسر: هاتي الفايلات وتعالي
فيروز: تمام يا فندم
بتخبط فيروز علي الباب
اسر: ادخل
بتدخل فيروز وبتقدم الفايلات لاسر
فيروز: اتفضل يا فندم
اسر بجدية: في اجتماعين النهاردة، وواحد منهم خاص…. ميدخلش اي حد من غير إذني
فيروز: تمام يا فندم
اسر: تمام يلا اتفضلي
بتخرج فيروز من المكتب وبتقعد علي مكتبها، وبتفتح الفايلات اللي لازم تراجعهم قبل الاجتماع
وفجأة….
اسر بينادي عليها
فيروز ف نفسها: اي يا عم انت لحقت دا انا لسه خارجه من عندك دلوقتي
بتدخل فيروز المكتب
فيروز: نعم يا فندم
اسر: بصي، الاجتماع الخاص دا هنعمله هنا في المكتب مش في قاعة الاجتماعات، خدي بالك…
اي حد ييجي تقوليلي فورا
فيروز: تمام يا فندم
اسر: واه لو اي حد من الادارة طلب فايل من الفايلات دي، متديهاش لحد من غير ما ترجعيلي
فيروز: تمام يا فندم، ولا يهم حضرتك
اسر: تمام اتفضلي انتي دلوقتي علي مكتبك
فيروز: تمام شكرا لحضرتك يا فندم
اسر بمزاح: لا لا بطلي تقولي”يا فندم” كتير كدا بحس اني شاويش في الجيش.
فيروز بابتسامه: حاضر.. يا… مستر آسر
اسر (بابتسامه): تمام اتفضلي
___________________________
﴿ إِنَّ اللَّهَ بِالنَّاسِ لَرَءُوفٌ رَحِيمٌ ﴾
كل الناس وأنت منهم محفوف برحمة الله ورأفته.
……………………………
~نروح بقا عند نور ف المكتب ~
آدم بيرن علي مكتب نور
نور: الو، ايوه يا فندم.
ادم: انسه نور محتاجك في مكتبي لو سمحتي
بتروح تخبط علي الباب
ادم: ادخل.
نور (بصوت خفيف): السلام عليكم
ادم: وعليكم السلام، اتفضلي اقعدي
نور: شكرا يا فندم
ادم: انا رجعتلك الاوراق اللي انتي قدمتيها ، وشغلك في المجمل منظم…
بس في نقطتين محتاجين تدقيق اكتر، وبما انك جديدة حبيت اوضحهم ليكي بنفسي.
نور(بقلق): تمام يا فندم، انا اسفه لو في اي تقصير.
ادم (بنبرة هاديه):مفيش داعي للاسف، احنا كلنا بنتعلم… انا بس بحب كل حاجه تبقي دقيقه، خاصة في الملفات اللي بتخص الادارة العليا.
نور: مفهوم تمام… حضرتك ممكن توريني الغلطات؟
ادم (بياخد فايل من علي المكتب ويفتحه): بصي هنا، دي ملاحظات عن ترتيب البيانات… التواريخ مش بنفس التنسيق، ودي حاجات بتبان بسيطه، بس بتفرق في شغلنا.
نور (بتهز راسها) عند حضرتك حق… دي غلطه مني.
ادم (بهدوء): مش مشكله، شوفيهم وراجعيهم..
(بيسكت لحظه وبعدين يكمل وهو بيبصلها)
: وعموما… خدي راحتك في الشغل، بس متنسيش ان التركيز اهم من السرعه.
نور (بابتسامه خفيفه وهدوء): حاضر، شكرا ع النصيحه يا مستر ادم
ادم (بيرد بهدوء): تمام اتفضلي راجعيهم، وبلغيني لما تخلصي.
نور: تمام… عن اذن حضرتك
بتقوم وتخرج بهدوء وهي بتتنفس من التوتر
__________________________________
لا حول ولا قوة إلا بالله العلي العظيم
………………………….
~عند فيروز ~
فيروز قاعدة على مكتبها، عينيها رايحة جاية بين الساعة والفايلات، وكل شوية تبص لباب مكتب آسر.
فيروز (بزهق):هو الاجتماع دا هيبدأ امتى بقا؟
بتفتح الباب واحدة من موظفات الإدارة العليا، وبتقرب من مكتبها.
الموظفة:آنسة فيروز، محتاجين نسخة من الفايل اللي مع حضرتك بخصوص تقارير المبيعات السنوية.
فيروز (بهدوء وحزم): آسفة، الأستاذ آسر بلغني محدش ياخد حاجة من الفايلات دي غير بإذنه شخصيًا.
الموظفة (بحدة): بقولك محتاجينه ضروري، مش لعبة!
فيروز : مش بلعب، بس بنفذ التعليمات… لو حضرتك تحبي تستأذني الأستاذ آسر بنفسك، اتفضلي.
الموظفة تطلع من جواها حِتّة “نَفسنة” وتمشي.
فيروز (في سرِّها): ياختي روحي انا ناقصاكي شايفاني بلعب معاكي ولا حاجه
وبتقوم وبتخبط علي باب مكتب اسر
آسر (من جوه): ادخلي.
بتدخل فيروز، تلاقي آسر واقف مع اتنين رجاله بشخصيات قوية جدًا، وواحدة ست شكلها مسؤولة كبيرة.
آسر (بهدوء): فيروز، الاجتماع بدأ… اقفلي الباب وادخلي معايا، هتسجلي الملاحظات.
فيروز (بتوتر):حاضر.
بتقعد فيروز بهدوء وتفتح اللابتوب.
واحد من الحاضرين: أستاذ آسر، كل التقديرات بتقول إن فرعنا الجديد في دبي هيحتاج إعادة تخطيط لو مشينا بالوتيرة الحالية.
آسر (بحزم): متفق معاكم. وعلشان كده، الفترة الجاية هنراجع كل خطط التوسع، وهنشوف مين من الإدارة مناسب يتولى المسؤولية… ومين مش على قد الثقة.
الست اللي كانت ساكتة تكلمت بنبرة قوية: وهل ده ليه علاقة بالفايلات اللي اتحجزت من الوصول؟
لأن في ناس بدأت تتكلم جوه الشركة إن في تفرقة في التعامل مع الأقسام.
آسر (يبص لها بثبات): أنا بحمي مصلحة الشركة، مش بميّز حد.
اللي يزعل علشان تعليمات واضحة، يبقى مش قد الشغل.
آسر يكمل: هيتم عمل مراجعة داخلية لكل الأقسام، ومينفعش يبقى في أي فايل بيتسحب بدون علم الإدارة.
وأي شخص يخالف دا… هيتحاسب، مهما كان منصبه.
الكل يسكت للحظة، الجو مشحون جدًا، وفيروز بتحاول تكتب وهي مش عارفة تمسك نفسها من التوتر.
آسر (بصوت أهدى):الاجتماع خلص، هبعتلكم تقرير كامل خلال ٤٨ ساعة. وشكرًا لحضوركم.
الكل بيخرج وفيروز اما صدقت تخرج
بس وهي خارجه، بتلاحظ شخص، واقف بعيد بيبص للمكتب من اخر الطرقه… بيبص نظرة مش مطمنة خالص بتدقق النظر لاقته كريم الهواري ودا شريك اسر في مشروعه الجديد مهتمتش اوي وخرجت بس حست انها مش مطمنه للراجل دا ابدا المهم معطتش اهتمام وطلعت.
__________________________________
سبحان الله و بحمده سبحان الله العظيم
……………………………
~نروح بقا للكافيتيريا بتاعة الشركه~
نور قاعدة مستنية، و بتشرب عصير مانجا وهي بتبص في موبايلها.
بتدخل فيروز، بتشيل شنطتها وبتقعد
فيروز (بتمثل الضيق): امم مانجه من غيري
نور (بضحك): ههه وهو انا اقدر من غيرك
فيروز: امم ما هو باين اوي
نور: ههه المهم مال شكلك كدا شكلك هبطانه
فيروز: انا كنت حرفيا في ساحة حرب يا نوري…. الاجتماع اللي مستر اسر قالي عليه، كان كأننا في فيلم سياسي بس من غير مازيكا.
نور (بضحك): طب احكي احكي
فيروز: بصي، اول حاجه، ست من الادارة دخلت عليا وقالتلي “اديني فايل” قولتلها لأ، كنت حاسه اني في مسلسل تركي، وانا البطله اللي عندها ملف سري!
نور: امم وبعدين.
فيروز: وبعدها مستر اسر طلبني ادخل الاجتماع… الناس كلها كانو ماسكين في بعض بالكلام، يعني كل جملة فيها تهديد بس علي شيك!
نور: ههه
فيروز: بس في حاجه غريبة… شفت كريم الهواري واقف بعيد، بيبص ناحيتنا بنظرة غريبة، كأنه بيخطط لحاجه.
نور: امم حاجه غريبه انا برضو مش مرتاحه للراجل دا … بس متشغليش دماغك يمكن بيتهيألك.
فيروز : امم يمكن .
_____________________________________
اللَّهُمَّ إِنَّكَ عَفُوٌّ كَرِيمٌ تُحِبُّ الْعَفْوَ فَاعْفُ عَنَّاَ.
………………………………………
ملك قاعدة في اوضتها وعماله تفكر هتطفشه ازاي
ملك: امم فكري يا ملك فكري يا ملك اطفشه ازاي؟! اطفشه ازاي؟! ها يا ربي بقا
وهي قاعدة بتفكر بتلاقي حور بترن عليها
ملك: الو
حور: الوو عاملة اي يا خطيبة اخويا وحشتيني
ملك: وحش يشيلك يا شيخه وبعدين انتي عارفه لو قلتيلي خطيبة اخويا دي تاني مش هتعرفي انا هعمل فيكي اي
حور( باستفزاز ): الله هو فيه يا بنتي هو انا قلت حاجه غلط مش انتي خطيبة اخويا بردو ولا اي.. ههه
ملك بغضب : بت بقولك اي هي مش ناقصاكي
حور بضحك: في اي يا بنتي اهدي كدا ريلاكس ريلااكس
ملك بضيق: اضحكي ياختي اضحكي لما اشوف وش امك بس
حور:بس بذمتك كدا اخويا موحشكيش
ملك:وحش ياكلك انتي واخوكي يا رخمه
حور : بقا فيه واحدة تقول كدا علي خطيبها
ملك بغضب وخلاص جابت اخرها: حوووووووووووووووووووووووووور
الموبايل كان هيقع من حور
حور (بخضه): ايييييييييه حرااام عليكي خرمتيلي ودني
ملك بغضب: لما اشوف وش امك بس يا زفتة انتي… ويلا اسمعي صوت القطر
وبتروح قافله ف وشها
ملك: اااااه ماشي يا لؤي الكلب اصبر بس انت عليا وانا هوريك مين هي ملك محمود اصبر انت بس وهتشوف
__________________________________________
نقفل البارت بقا علي كدا النهاردة ♥
يا تري
علاقة ملك ولؤي هتتطور ولا علاقتهم هتبقي عامله ازاي؟
ويا تري
كريم الهواري دا فعلا شخص مش كويس زي ما بيتهيأ لفيروز
ولا
هو كويس وفيروز بيتهيألها مش اكتر
كل دا هيوضح ف الاحداث القادمه.
شدوا تفاعل شوية بقا لو التفاعل علي الاقل اقل من 70 مش هنزل البارت اللي بعدو.
يلا س͓̽ل͓̽ا͓̽م͓̽و͓̽و͓̽و͓̽و͓̽و͓̽و͓̽و͓̽ز͓̽ 🥰
• تابع الفصل التالى ” رواية وسط الزحمة حكايات ” اضغط على اسم الرواية