رواية وسط الزحمة حكايات الفصل الحادى عشر 11 – بقلم Memo
البارت_11
رواية_وسط_الزحمة_حكايات
بقلم_Memo
_____________________________________
وفي صباح يوم جديد
بتصحي فيروز من النوم وبتلبس هدومها وبتستعد عشان تروح للشركه وبتكون نشيطه علي غير العادة
ومامتها بتدخل عشان تصحيها ولكنها بتنصدم اول ما بتشوفها صاحية وكمان لابسه وجاهزة
صفاء: بسم الله الرحمن الرحيم انتي مين يا بنتي وبنتي فيروز راحت فين
فيروز: اي يا ماما انا فيروز بنتك في اي
صفاء: اي دا بنتي فيروز سبحان الله مالك يا حبيبتي فيكي حاجه
فيروز بضحك: مفييش حاجه يا ماما ما انا زي الفل قدامك اهو.
صفاء: يا سبحان الله قايمة من نفسك كدا لا ولابسة وجاهزة كمان دا اي النشاط دا كله.
فيروز بضحك: هههه يلا قلت اوفر عليكي الساعتين اللي هتقعدي تصحيني فيهم.
صفاء بابتسامة: طب يا رب النشاط دا يفضل علي طول.
فيروز بضحك: لا لا لا متتعوديش علي كدا.
صفاء: طيب ياختي اقعدي بقا علي اما اجهزلك فطار.
فيروز: تمام بس بسرعه بقا لحسن انا عصافير بطني بتصوصو.
بتجهز صفاء لفيروز الفطار وبيقعدو يفطرو سوا
…
فيروز : الحمد لله تسلم ايدك
صفاء: بالهنا والشفا يا حبيبتي
فيروز: يلا سلامُ عليكو بقا انا ماشيه
صفاء: وعليكم السلام يا حبيبتي خدي بالك من نفسك
فيروز: حاضر سلام
صفاء: سلام
….
فيروز بتتصل علي نور.
نور: الو.
فيروز: الو يا نوري انا مستنياكي عند الموقف اهو.
نور: اي دا انتي هناك تمام تمام دقيقه واحدة وهتلاقيني عندك.
فيروز: تمام سلام.
نور: سلام.
بتوصل نور عند فيروز وبيروحو الشركة.
وكل واحدة بتروح علي مكتبها.
بتفتح فيروز باب مكتب آسر بعفوية و كمان من غير ما تخبط.
فيروز: السلام عليكم.
آسر بهدوء: وعليكم السلام انسه فيروز …… بس سؤال.
فيروز باستغراب: نعم حضرتك سؤال اي؟!!
آسر:حضرتك مش ملاحظة حاجه؟!
فيروز باستغراب: مش ملاحظة اي مش فاهمة في اي؟!!
آسر:فيه انك مثلا يعني دخلتي من غير ما تخبطي يعني نوو زوق خالص مش واخدة بالك.
فيروز: يلا معلش آسفه المرة الجاية بقا.
آسر برفعة حاجب: نعم!!.
فيروز: اي بقولك معلش المرة الجاية.
آسر ببسمة استفزاز: تمام اطلعي برة.
فيروز بصدمة واستغراب: نعم!!
اسر باستفزاز: اي مسمعتيش بقولك اطلعي برة.
بتسكت فيروز شوية وبتفضل واقفه مكانها وكانت لسه بتستوعب كلامه.
بيخرجها اسر من هدوئها
اسر : اي لسه واقفه مكانك ليه اتفضلي اطلعي برة وخبطي ولما انا أئذنلك انك تدخلي تبقي تدخلي يلا بقا اتفضلي.
فيروز ف سرها: اعااااا انسان مستفز عبو شكلك.
آسر: سامعك علي فكرة.
بتتجمد فيروز ف مكانها: اا اا اا ان اناا نااا.
اسر: انتي لسه هتنأنأِي كتير يلا اتفضلي زي ما قولتلك.
فيروز وهي بتضغط علي سنانها: حاااضر.
وبتطلع برة المكتب وبتقفل الباب وراها وبتخبط.
فيروز ف نفسها: اي الكائن اللي كله استفزاز دا اوووف.
بتخبط فيروز شوية وهو مبيردش.
فيروز: ما ترد بقا عن شكلك ايدي وجعتني.
…
آسر: مين.
فيروز ف نفسها :هو عندة زهايمر دا ولا اي انسان مستفز.
فيروز بضيق: انا يا مستر آسر.
آسر بهدوء: تمام اتفضلي.
بتدخل فيروز وهي بتحاول ترسم ابتسامه رسمية علي وشها.
فيروز: السلام عليكم.
آسر: وعليكم السلام اتفضلي اقعدي.
فيروز ف نفسها: يا اخي بعد اي تك نيلة.
اسر: بتقولي حاجه.
فيروز بضيق وهي بتحاول ترسم الابتسامه: لا لا ولا اي حاجه مبقولش اي حاجه خالص.
اسر ببسمة استفزاز: تمام بصي بقا شايفه كل الملفات دي.
فيروز باستغراب: ايوه يعني مالهم.
اسر: عايزك بقا زي الشاطرة كدا تاخديهم كدا يا حلوة وتراجعيهم.
فيروز: نعم!!
اسر بابتسامه: نعم الله عليكي زي ما سمعتي كدا يا شاطرة يلا ياختي علي شغلك.
فيروز: بس دول كتير اوي.
اسر: والله بقا مش شغلي مليش دعوة انا عايزهم النهاردة يلا يلا قومي متضيعيش وقت اخلصي.
فيروز وهي بتجز علي اسنانها: حااضر.
وبتخدهم فيروز وبتروح علي مكتبها وهي عماله تبرطم بالكلام.
اسر بابتسامه عليها: ولسه ياما هتشوفي اصبري عليا .
________________________________________
_نفسي الاقي حد جنبي..
=ونحن اقرب إليه من حبل الوريد ❤❤🌹🌹💗💗.
– أنا مش قادر أستحمل..
= لا يكلف الله نفسا إلا وسعها 💚💚🌺 .
-اللي أنا فيه مش بيتغير تعبت..
=لا تدري لعل الله يحدث بعد ذلك إمرا 🤍🤍🌹🌹🌼🌼.
-بس دي صعبة أوي..
=والله علي كل شئ قدير 💚💚🪻🪻💮.
…………………………………………….
♡♡♡♡♡♡♡♡♡♡♡♡♡♡♡♡♡♡♡♡♡♡♡
~ عند ملك ~
بتصحي ملك من النوم وبتروح تغسل وشها وتقعد مع مامتها وباباها.
ملك: صباح الخير يا جماعة الخير.
محمود و رقية: صباح النور يا حبيبتي .
رقية: بقولك اي يا حبيبتي عايزاكي بقا النهاردة تغيري هدومك دي كدا وتلبسي كدا حاجه حلوة.
ملك: ليه يا ماما هو حد جاي ولا اي.
رقية: اه يا حبيبتي خطيبك جاي النهاردة.
ملك بصدمة: خطيبي………خطيبي مين.
رقيه باستغراب: الله هو اي اللي خطيبك مين انتي فقدتي الذاكرة ولا اي يا حبيبتي مالك.
ملك: ااا اه صح طب وهو جاي يعمل اي.
رقيه باستغراب: مفيش انا كلمته وعزمته علي الغدا وهو وافق.
ملك (بضيق): طب وانتي بتعزميه ليه يا ماما مكنش لزوم يعني.
محمود: الله مالك يا بت في اي بتتكلمي كدا ليه.
ملك: لا ولا اي حاجه انا بتكلم عادي.
بتقوم ملك وبتدخل اوضتها
ملك بضيق: اعااا وهو دا جاي يعمل اي دا كمان ماشي يا لؤي الكلب ان ما وريتك.
وفجأة بتلمع ف راسها فكرة.
ملك بضحكه خبيثة: هعهعهع ماشي يا معلم اصبر انت بس عليا وشوف…. تيك تاك توك هعهعهع.
________________________________________
اللَّهُمَّ اغْفِرْ لِوَالِدَيَّ وَ ارْحَمْهُمَا كَمَا رَبَّيَانِي صَغِيرًاَ
♕♕♕♕♕♕♕♕♕♕♕♕♕♕♕♕♕♕♕♕
وبينما كانت فيروز منهمكه في العمل وتضع كل حواسها في الملفات التي أمامها حتي أخرجها من تركيزها ذلك الصوت الانثوي..
تولين: هاي
بترفع فيروز وشها وبتقول ف نفسها: اي دا دي انثي البطريق اس اتنين دي ولا اي .
فيروز: وعليكم السلام ورحمة الله وبركاته تحت أمرك.
تولين: ابلغي مستر آسر ان تولين تريد مقابلته.
فيروز: هل يوجد ميعاد سابق.
تولين: لا انتي فقط اخبريه اني اريد مقابلته.
فيروز: أعتذر لا استطيع أن أسمح لكي بالدخول ما لم يوجد ميعاد سابق.
تولين: قولت لكي اخبريه اني هنا فقط.
فيروز ف نفسها: استغفر الله العظيم واتوب إليه طب ادخلها ازاي دي بس يا ربي المنظر دا غلط ع الراجل و ع البشرية كلها بس طب دي مصممه تدخل وشكلها مهمة وان ما دخلتش هخسر شغلي واتشلوح انا مالي انا هعمل اللي عليا وابلغه يقبل بقا يرفض هو حر.
تولين: انتي يا فتاة.
فيروز (بهدوء): حسنا سأبلغه.
#(تولين فتاة شقراء ذات عيون زرقاء طويلة القامة ترتدي فستان يصل إلي ما قبل الركبة ملتصق بجسدها وتضع ميك اب صارخ)
خبطت فيروز ع باب المكتب فاذن لها بالدخول.
اسر: خير يا فيروز في حاجه؟.
فيروز: احم في واحدة لابسه مش لابسه عاوزة حضرتك.
اسر باستغراب: نعم يعني اي واحدة لابسه مش لابسه انتي شاربه حاجه يا فيروز مأثرة عليكي ولا اي.
فيروز: لا لا بس.. ببس
اسر: اومال اي يا بنتي
فيروز: احم في واحدة اسمها تولين عاوزة حضرتك.
آسر بضحك: تولين ااه ههه تمام بصي قوليلها اني مشغول دلوقتي وممكن اقابلها بالليل.
فيروز: بالليل اي يا فندم الشركة بتخلص قبل المغرب بكتيير.
اسر: مش عارف يا فيروز بس في شغل كتير اوي النهاردة وعندي اجتماعات كتير في الشركة النهاردة فالموظفين كلهم هيسهروا وهيبقي عمل إضافي.
فيروز بغباء: وانا كمان هسهر؟!!!
اسر: اكيد يا فيروز انتي السكرتيرة بتاعتي.
فيروز: تمام حاضر بعد إذنك.
اسر: تمام اتفضلي.
••••••••••♕♕♕♕♕♕♕•••••••••••••
بتخرج فيروز وبتروح عند تولين
فيروز: اعتذر لن يستطيع مقابلتك الان لديه الكثير من العمل سيقابلك اليوم هنا سوف اهاتفك عندما يتفرغ من عمله.
تولين: اممم هو من قال لكي هذا ؟
فيروز: نعم
تولين: تمام وداعا
فيروز: وماله ياختي ميضرش وداعك معاكي… اما اكلم ماما اقولها اني هتأخر بقا قبل ما انسي.
بتتصل فيروز علي مامتها.
فيروز: مامتي حبيبتي عامله اي يا جميل.
صفاء: بخير يا حبيبتي لسه ف شغلك؟
فيروز: اه يا قلبي وكنت عايزة استأذنك اني هتاخر ف الشغل شوية
صفاء: تتاخري لحد امتي يعني
فيروز: ي يعني لبعد المغرب كدا
صفاء: ننععم
فيروز: والله مش انا لوحدي دي الشركة كلها اصل فيه شغل كتير اوي ف هنشتغل إضافي غصب عني والله يا صفصف.
صفاء: يا بنتي متاخر اوي وانا بخاف عليكي.
فيروز: متخافيش يا حب اول ما اخلص هاجي علي طول.
صفاء: تمام خلي بالك من نفسك.
فيروز: تمام يا حبيبتي سلام.
صفاء: سلام.
بتقفل فيروز مع مامتها وبتقعد تكمل شغلها.
فيروز بضيق: يا ربي بقا اي كل الملفات دي اووف اشوفك زي ما انا عايزة يا بعيد .
بتسمع فيروز صوت من وراها
-امم وعايزة تشوفيني ازاي بقا.
فيروز: ااا ههه ق قصدي يعني كدا ا اني اشوفك كدا يعني وانت جاي من الحج يا رب.
آسر: ههه آمين ياختي يسمع من بوقك ربنا.
فيروز: هههه ه هو حضرتك كنت جاي ليه.
آسر: اه صح كنت جاي عشان اقولك جهزيلي ملف شركة (##).
فيروز: تمام حاضر.
آسر: و اه صحيح متنسيش تبعتي ايميل للموظفين ان النهاردة عمل إضافي ومحدش يمشي تمام.
فيروز: تمام.
_____________________________________
هتبقي انت الكسبان في الحياة لما تبقي مرتاح مع فكرة ان مش كل الناس…
•هيحبوك
•هيوافقوك
•هيتمنولك الخير
•هيشوفوا ان اللي انت بتعمله صح
لما توصل للمرحلة دي ، محدش هيقدر يهزك .
♕♕♕♕♕♕♕♕♕♕♕♕♕♕♕♕♕♕♕♕
♡♡♡♡♡♡♡♡♡♡♡♡♡♡♡♡♡♡♡♡♡♡♡
~ عند ملك ~
الباب كان بيخبط.
رقية: ملك يا ملك.
ملك: نعم يا ماما.
رقية: قومي افتحي الباب انتي مش سامعه؟.
ملك: حاضر يا ماما اديني قايمة .
بتفتح ملك الباب.
ملك بضيق: امم هو انت.
لؤي: خطيبتي بنفسها جاية تفتحلي الباب.
ملك: خطبتك عقربة يا بعيد.
لؤي باستفزاز: امم ما هي واقفة قدامي اهي.
ملك بضيق: اعااا رخخخمم.
رقية: مين يا بت اللي ع الباب .
ملك بضيق: دا لؤي يا ماما.
بتروح رقية عندهم.
رقية: لؤي حبيبي منور يابني.
لؤي: دا نورك يا أمي.
رقية: تعالي ادخل يابني انت واقف ع الباب كدا ليه.
بيدخل لؤي وبيسلم علي محمود.
لؤي: ازيك يا عمي عامل ايه.
محمود: الحمد لله يابني انت اي أخبارك.
لؤي: الحمد لله يا عمي بخير.
رقية: قومي يا ملك يلا عشان نجهز الغدا
ملك: حاضر يا ماما
ملك في نفسها: يلا يا حبي كلها كام دقيقة يلا تيك تاك توك ههه..
بتدخل ملك المطبخ هي ومامتها
ملك بغناء ف سرها: تيك تاك توك تيك يا حبيبي تيك تاك توك .
________________________________________
استووووووووووووووووووب 🙈🙈
يا تري ملك بتفكر ف اي 🤔
طب وهي ناوية علي اي 🙈
و اي الفكرة اللي لبست ف دماغها مرة واحدة دي 🤔🙃✨
هنعرف دا ان شاء الله في البارت اللي جاي 🙈🙈✨
البارت اللي فات التفاعل مكنش حلو خالص فعشان كدا التفاعل احبطني ومنشرتش
يا ريت تشدو تفاعل شوية لان التفاعل دا ضعيف جدا ودا شيئ بيحبطني ويخليني مكملش
لو عجبكم البارت متنسوش اللايك والكومنت عشان اوصل لكم بسرعه باللي جاي؛ لأن البارت اللي جاي في قلبه مفاجآت 💥
متنساش تسيب بصمتك ب لايك او كومنت ✨
يلا جوووووود باااااااي 👋🏻👋🏻
كانت معاڪم 🎀🦋 𝓜𝓮𝓶𝓸 🦋🎀
• تابع الفصل التالى ” رواية وسط الزحمة حكايات ” اضغط على اسم الرواية