رواية عشق الجاسر الفصل السادس بقلم مروة عبد الجواد
رواية عشق الجاسر الفصل السادس بقلم مروة عبد الجواد
#البارت_السادس.
#عشق_الجاسر .
ياربت نبحبح ادينا شويا في التصويت والكومنتات التصويت ببلاش والله 🤣🤣
دنيا : خرجت بسرعه تشاور لجاسر لا لا هلبس الدريس .
جاسر : ايوه يا عمي دنيا بتلبس وجاين لك علي طول .. سلام .
دنيا : عااااااااااااا .
جاسر : يلا البسي مستنيا ايه .
دنيا : بعند ، مبعرفش البس دريسات .
جاسر : مسك اديها ، خلاص تعالي البسك .
دنيا : بعدت ايده ، ايه دا تلبس مين انت هتستهبل .
جاسر : بسخرية ، ما انتي يادندن اللي مبتعرفيش تلبسي فساتين ، تعالي بس اساعدك دا انا حتي بلبس حلو ، وبيشدها .
دنيا : بعدت عنه ، ايه .. دا بجد .
جاسر : قربلها ومال براسه عليها وغمز لها ، اه بجد يادندن .
دنيا : بخوف شدت منه الدريس دخلت التواليت بسرعه ، خلاص بعرف البسه .
لبست الدريس وكان لونه ابيض منقوش بورد روز ، كان قمه الجمال والاناقه عليها .
جاسر : انبهر بجمال الدريس عليها فاول مره يشوفها بملابس تبرز نضوجها .
دنيا : ذهبت للمرايا بتشوف الدريس عجبها جدا ، ما الفستان حلو اهو .
جاسر : والله يعني عجبك .
دنيا : بص هو حلو بس حساه مكبرني شويا .
جاسر : ليه وانتي فاكره نفسك صغيره ، مش احسن من لبس العيال اللي بتلبسيه .
دنيا : انا بلبس لبس عيال ، وبعدين انا لسه ١٩ سنه.
جاسر : ١٩ سنه وتمن شهور وواحد وعشرين يوم .
دنيا : انت عدتهم .
جاسر : حاول يغير الموضوع ، الفطار هيطلع افطرى وننزل علي طول .
دنيا : لا مش جعانه ، انا لما بصحي مبقاش ليا نفس للاكل .
جاسر : اومال ليكي نفس لايه .. للايس كريم .
دنيا : ايه دا انت عرفت منين .
جاسر : مفيش نزول قبل ماتفطرى .
دنيا : بس كده مش هلحق اشوف بابا واقعد معاه .
جاسر : خلاص هخليهم يعملولك سندوتشات تاكليها في الطريق .
دنيا : برجر واندومي .
جاسر : بصلها بضيق ، مردش عليها ومسك التلفون واتصل .
الو عايزك تجهز سندوتشات بيض وجبنه ولبن لفرد واحد ، بس بسرعه … سلام .
دنيا : ايه دا ، بيض أي ولبن ايه هو انت هتاكل كتكوت .
جاسر : كتكوت !! لا هاكل عيله ، سيبك من أكل الرمرمه ده ، وكلي اكل مغذي .
دنيا : بقي الاندومي رمرمة .
جاسر : هتفضلي تتكلمى كتير ، يلا علشان ننزل .
دنيا : وهي ماشيه معاه ونازلين ، بس انا مش عايزه لبن .
جاسر : براحتك نجيب بداله عصير برتقال ، وضحك .
دنيا : لا عصير تاني لا .
جاسر : ضحك ، ليه دا حتي حلو .
دنيا : لبن لبن هشرب اللبن ، اصل انا معزه .
جاسر : ضحك ، لا انت غزاله ، وغمز لها .
…….
ذهب طارق الرفاعي الى منار في شركتها .
طارق : علي فكره انا مبروحش لحد في الشغل اللي عايزني هو اللي بجيلي ، لكن انت مش اي احد يا منار ، عشان كده جيتلك اول لما كلمتيني .
منار : عايزين نتفق .
طارق : افهم الاول .
منار : مش مهم المهم المصلحة .
طارق : المصلحه لازم تكون على نور ، مش يمكن لعبه من لعب جاسر الحديدي وبلعبها عليا .
منار : جاسر مش بتاع لعب في الشغل ، وبصوت واطي ده بيلعب بالقلوب بس .
طارق : يعني فعلا سبتوا بعض .
منار : بتأثر ، اه .
طارق : وياتري الشغل معايا هيبقي بيزنس ولا انتقام .
منار : بتحدى ، الاثنين .
طارق : لو كنت قلتي غير كده مكنتش هصدق ، بحب انا الدماغ اللي شغاله .
……..
وقف معتز الخولي أمام شركة العدل ينتظر ساره ولكنه وجد طارق الرويعي ومنار نازلين مع بعض وهو بسلم عليها وسابعا وركب عربيته .
معتز : واقف بعيد وبدهشه ، ايه الحكاية وايه اللي لم الشامي على المغربي .
ثم نزلت ساره وركبت مع منار ومشيوا سوا .
معتز : يوه يعني لازم تركبي معها .
ثم أخذ سيارته وذهب وراهم .
……
ساره في السياره مع منار.
ساره : لا يا منار ازاي تتفقي مع طارق وعايزه تشتغلي معاه ، دا واحد سمعته مش كويسه في المجال وبتاع لعب وقرف .
منار : انا ميهمنيش طارق ولا غيرو ، المهم عندي اني ارد القلم لجاسر .
ساره : انتي ايه اللي حصلك ، انتي مكنتيش بدخلي الشغل في حياتك الشخصية .
منار : لازم يدخل ياساره ، السوق كله هيعرف ان جاسر الحديدي اتجوز بنت عمه وساب منار العدلي ، شكلي هيبقي ايه وقتها .
منار : يمكن مظلوم يا منار اسمعي منه وافهمي ايه اللي خلاه يعمل كده .
منار : متجننيش انه يسيبنى قبل الفرح باسبوعين يبقى مظلوم بقولك ايه اسكتي اسكتي احسن .
……..
تجلس ياسمين مع فارس في احدى الكافيهات .
ياسمين : هتعمل ايه دلوقت ، العصفوره هتطير منك .
فارس : عاوزك تكلميها تشوفي ايه الاخبار ، هو فعلا زي ما هي بتقول ملمسهاش .
ياسمين : و هتستفاد ايه ما كل حاجه باظت خالص واتجوزت .
فارس : لا طبعا لو لسه ملمسهاش ، يبقي خطتنا كده ماشيه صح .
ياسمين : ازاي احنا كنا عاملين حسابنا انك تتجوزها وكل حاجه تكون تحت يدك .
فارس : لو كنت اتجوزتها كان ابوها وابن عمها وقفولي ، لو حاولت اخذ منها حاجه ، انما دلوقت ابوها مسافر هيعمل عمليه واحتمال كبير ربنا ياخذه وابن عمها بدل ما هيكون جمبها ، لو اطلقت منه مش هيبص في وشها ، ويبقى كده العصفوره جت متشفيه وعلى الاكل علي طول .
ياسمين : يخرب بيت دماغك ، طيب وجاسر الحديدي هيسبهالك بالساهل كده ، اسمع انه صعب قوي .
فارس : وقتها مش هيكون له اي لازمه لو عمه مات وهي ورثت كل حاجه .
ياسمين : خلاص انا هكلمها في الموبايل .
فارس : لا عايزك تروحيلها علشان تشوفي كل حاجه علي الطبيعه .
ياسمين : قشطه
……..
جاسر ودنيا ذهبوا الى قصر والدها ، اول لما شافته جريت عليه وحضنته .
دنيا : وحشتيني يا بابا قوي .
خالد : حضنها وعيط ، انتي اللي وحشتيني قوي ولسه هتوحشيني يا دنيا .
جاسر: فهم قصد عمه انه حاسس انه هيروح مش هيرجع وان دا اللقاء الاخير بينهم فحب يسيبهم سوا لوحدهم شويا ، طيب هطلع اعمل مكالمه بره واكلم الدكتور .
خالد : فهم ان جاسر عايز يسيبهم لوحدهم ، فطبطب عليه ، فاهمني انت دايما ياجاسر .
جاسر ابتسم له وخرج علي الحديقه .
دنيا : قعدت جمب والدها وحضنته ، متسبنيش يابابا لوحدي خدني معاك ، انا مش عايزه اقعد مع جاسر
خالد : ليه هو زعلك .
دنيا: لا بس انا مبحبوش .
خالد : هو انتي عندك شك اني مش عايز سعادتك يا دنيا .
دنيا : بعدت عنه شويا ، لكن انا سعادتي مش معك جاسر .
خالد : طول حياتك وانا سايبك تعملي اللي انت عايزاه ، و بتختاري اللي نفسك فيه .
دنيا : صح لكن ليه دلوقتي بقى انت اللي بتختار لي ، وكمان بتحكم عليا اعيش معاه لبقية حياتي .
خالد : علشان زمان لما كنتي بتغلطي كنت بكون جنبك وساندك ، لكن دلوقتي لما تغلطى مش هتلاقي غير جاسر اللي يسندك ويوقف في ظهرك ، لو مش علشان انتي بنت عمو هيكون علشان مراته .
دنيا : بس انا مش متقبلاه ، مش شيفاه غير آبيه جاسر .
خالد : مع الوقت هتقبليه ، جاسر مش وحش يا دنيا اي بنت في الدنيا تتمناه .
دنيا : لكن مش انا البنت دي .
خالد : متتعبيش قلبي معاكي يا بنتي .
دنيا : خلاص يا بابا وانا مش هتكلم معاك دلوقتي ، لما تيجي من السفر نبقى نتكلم .
خالد : بسخريه لما اجى بقى يا دنيا .
جاسر : دخل عليهم ، انا لسه كلام الدكتور اللي هيسافر معاك وهو رايح على المطار دلوقتي .
خالد : تمام يلا علشان منتاخرش .
وذهبوا جميعا الى المطار وبعد وداع دنيا وجاسر لوالدها ، كانت دنيا في قمة الانهيار ، أخذها جاسر وركبوا السياره .
جاسر : بحنيه ، معلش يا دنيا اجمدي ، ان شاء الله يرجع بالسلامه
دنيا : يا رب يا آبيه جاسر .
جاسر : تحبى نخرج في اي مكان تحبيه .
دنيا : لا .
جاسر : طيب ماما كانت عزمانا على الغداء النهارده ، ايه رايك تحبي نروح ولا نروح على الفندق على طول .
دنيا : اوكي ، نروح لطنط انا باحب طنط امينه قوي .
جاسر : تمام بس ممكن اطلب منك طلب .
دنيا : طلب ايه .
جاسر : بصي يادنيا ماما متعرفش اللي بيننا وان جوازنا على الورق ، ياريت متقوليش كلمة آبيه دي قدامها وقولي جاسر على طول .
دنيا : مش فارقه أبيه من جاسر الاحساس واحد .
جاسر : صريحه قوي انتي يادنيا .
دنيا : اه طبعا ، اومال أخدعك واغشك .
جاسر : ضحك لا وعلى ايه ، اجيبلك ايه تسلي بيه في الطريق .
دنيا : ايس كريم .
جاسر : ايه يا بنتي هو انتي صاحيه نايمه ايس كريم .
دنيا : اصل انا بحبه قوي .
جاسر : حاضر كل اللي نفسك فيه واللي بتحلمي بيه هجبهولك لحد عندك انتى تشاورى بس ياست البنات .
دنيا : ضحكت ، دي تماحيك بقي ولا ايه .
جاسر : بتعجب تماحيك ، وانا هتمحك فيكي ليه .
دنيا : علشان اسيط بقي قدام طنط وإنك هيرو بقي والفارس الهمام .
جاسر : ضحك تصيطيني ، يابنتي انتي بتجيبي الكلام دا منين ، علي العموم انا مش عايز تصييط .
وصلو الفيلا عند امينه .
امينه : وحشتيني يا دنيا ، مشوفتكيش من زمان ، معلش يا بنتي معرفتش اجي اباركلك .
دنيا : هنعمل ايه بقى يا طنط ، جاسر بقي مستعجل على الجواز ملحقناش نعمل خطوبه وفرح وكده .
جاسر : بدهشه ، انا .
دنيا : اه يا ميجو انت هتتكسف من طنط ولا ايه .
جاسر : ميجو مين .
دنيا : ميجو انت ياحياتي امواااااه ،
ثم اعطت له قبلة هوائية .
امينه : بسعاده ، ربنا يسعدكم ياولادي .
جاسر : ايه يا ماما احنا مش هناكل ، انا واقع من الجوع مكلتش من الصبح .
امينه : ثواني والاكل يكون جاهز ، ثم ذهبت الى المطبخ .
جاسر : ايه اللي انتي بتقوليه ده ميجو مين ، ومين دا اللي كان مستعجل علي الجواز .
دنيا : انت يا ميجو ، امال انت عايزني اقول لمامتك ، ان انا البنت اللي واقعه و باباها جوزهالك غصبا عنك .
جاسر : علي اساس ان ماما متعرفش
دنيا : اهو بحفظ ماء وجهي شويه ، بدل الكسفه اللي انا فيها .
جاسر : ضحك ، انتي مين اللي اداكي المعلومات الغلط دي ، ماء وجهه ايه اللي بتحفيظه انتي جبتي الكلام دا منين .
دنيا : من الشيوخ اللي في التلفزيون .
جاسر : انتي متاكده .
دنيا : يعني ، وانا بقلب في التلفزيون سمعت حاجه زي كده .
امينه : بصوت عالي ، يلا الاكل جاهز على السفره .
جاسر : لا انتي بتسمعي غلط يلا عشان ناكل .
ذهبوا الى السفره وشاهدت دنيا اصناف اكل غريبه ، وبدا تاكل منبار وشطيطه وكوارع .
دنيا : وهي بتاخد قطعه من الكوارع ، طعمها يجنن
والأكل تحفه وسبايسي ، انا بجد اول مره اكل كده ، تسلم ايدك ياطنط .
امينه : بالهنا يا بنتي ، ما هو ده الاكل المفضل عند جاسر بعد ورق العنب باللحمه .
دنيا : وهي تاخذ قطعه اخرى من الكوارع وتفضي ما بداخلها وتاكله ، البتاع اللي بيتلزق دا اسمه ايه يا طنط .
امينه : دي كوارع ، انتي عمرك ما كلتيها قبل كده .
جاسر : دي رجل الجاموسه .
دنيا : تجاهلته ، لا خالص ياطنط انا اول مره اشوف الاكل ده ، ثم اكلت شطيطه والبتاع اللي بالطماطم دي تحفه ، اسمها ايه .
جاسر : بسخرية ، دي بقي بطن البقرة .
دنيا : ايه القرف اللي بتقوله ده ، احنا بناكل في حد بيقول كده على الأكل ، بطل الش مش وقته .
جاسر : لا بجد دي معدة البقرة بيجيبوها وينظفونها ويقطعوها وتتطبخ وتتاكل .
امينه : بس يا جاسر متقولش كده ، كده هتقرف ، دي امها شطيطه .
دنيا : هي فعلا دي معدة البقرة ياطنط .
امينه : مش بالظبط يعني .
دنيا : اففف ، بعد ما كلتها تركتها واخذت المنبار ، دى بقى طعمها يجنن يهوس والرز فيها مفلفل ويجنن .
جاسر : دي بقي مصارين البقره ، طبعا مقلكيش انتي عارفه المصارين واللي ببقي فيها وبيصرف علي فين .
دنيا : والاكل بفمها اشارت الى امينه ، الكلام ده صح يا طنط .
امينه : ايه الكلام ده يا جاسر ، بصي يادنيا هو مش بالظبط يعني .
دنيا : عااااااا ، رجعت الاكل اللي كان في بقها ودخلت التواليت .
امينه : ايه يا جاسر اللي قلته دا ، كده تخليها قرفت من الاكل .
دنيا : خرجت من التواليت ، وبتالم اه يا بطني آه يا بطني .
جاسر : اه يابطني ايه احنا هنستهبل ، دا انتي خلصتي الاكل كله .
دنيا : كده تاكلني أحشاء البقر يامفترى .
جاسر وأمينة ضحكوا على كلامها وحاولوا كتم ضحكتهم
جاسر : ما انا باكلها اهو ، وبعدين دي حتى أحشاء البقره لذيذه و طعمها يجنن قوي .
دنيا : اففف ، وهي تكتم انفها بيدها ذهبت للبراندا وذهبت وراءها امينه ، وأكمل جاسر طعامه .
جاسر : والله الاكل طعمه تحفه .
امينه: بزعل ، معلش يا دنيا حقك عليا ، انا سالته تتغدى ايه هو اللي قالي عايز الاصناف دي ، قلتله ودنيا بتحبهم ولا اعملها اكل تاني ، قالي اه اه بتحبهم .
دنيا : قالك اتنين اه ..
امينه : اه والله حتي اساليه .
دنيا : ضحكت ، لا والله الاكل حلو جدا بس انا فعلا اللي متعودتش عليه مش اكثر تسلم ايدك .
امينه : انتي مكلتيش حلو ، هطلبلك من بره .
دنيا : لا يا طنط انا شبعت خلاص .
امينه : لا والله لازم اجبلك اكلك غيره .
دنيا : لو مصممه ممكن بروست ، بس بشرط تاكلي معايا .
امينه : ايه ابو الروس دا يا دنيا .
دنيا : بضحك ، ابو الروس مين ياطنط مش كفايه الأحشاء اللي كلتها ، بروست ياطنط بروست ، دي فراخ كده زي الكنتاكي بس بخلطه تانيه .
امينه : خلاص نجيبه ، بس والله لو اعرف انك مبتحبيش الاكل دا مكنتش هعمله ، هو اللي طلبه مخصوص مني .
دنيا : بتريقه ، معلشي اصل نفسه حلوه .
جاسر : جه من خلفها ، اكيد نفسي حلوه عشان اتجوزتك
دنيا : يعني انا وحشه .
جاسر : امال انا اللى ذوقي وحش في الأكل .
دنيا : اه اعترف في احد ياكل رجل البقره وكمان بتلزق
جاسر : مالها رجل البقره دي حتى ملفوفه وكلها بهريز .
دنيا : يعععععععع ، بهاريز .
جاسر : يعع بعد ما فضيتي الماسوره و اكلتي منها تلات حتت يامفتريه
دنيا : هي الحاجات اللي كانت سايحه في بعضها دي اسمها بهاريز .
جاسر : اه .
دنيا : بتصنع ، لا كان طعمها وحش .
جاسر : علشان كده سبتلك منها واحده .
دنيا : طيب بالنسبه للجلد اللي محشي رز باللحمه ده لسه في منه
جاسر : اه قصدك على مصارين البقرة .
الدنيا : يعععع مصارين ، لا مش عايزه .
جاسر : ضحك عليها ، اه في منها اربع قطع ، انا رايحه اعمل قهوه اعملك عصير برتقال
دنيا : لا برتقال لا لا .
جاسر ضحك وذهب الى المطبخ .
امينه : انا هروح الم الاكل من على السفره واقول لجاسر يطلب لنا الحاجات اللي انتي قلتي عليها .
دنيا : بصوت واطي ، انا باقول يا طنط حرام الاكل اللي على سفره ده وانتي تعبتي فيه ، احنا نروح ناكله احسن ، اصل بصراحه بغض النظر عن القرف اللي جاسر بيقوله ، انما طعمه حلو قوي .
امينه : وهي تضحك ، انا هروح اعملي سندوتشين جبنه ،
اصل معدتي مش هتستحمل اكل الشطه ، وياخساره العزومه اللي باظت .
ذهبت دنيا بسرعه الى الاكل واكلت قبل أن يشاهدها جاسر ، ولكنه كان يراقبها ……….
لمتابعة الفصل السابع اضغط هنا