رواية فتاة أوقعت قلبي بقلم سماح عزت
رواية فتاة أوقعت قلبي الفصل الثاني و العشرون 22
نور: مستحيل
اياد بابتسامه: قولتلك جميله
ريم: انت عارف دي مين
اياد وهو يلتفت للبنت: انتي بالذات متتكلميش…….مين دي
نور: انت اللي تقولنا انت ازاي تجيب دي بيتنا
ريم: باين كده حظنا بيوقعنا في ناس متستاهلش
اياد: انتو بتقولو ايه انا معرفهاش
ريم: يعني مش هي دي البنت اللي كنت عايز تعرفنا عليها
اياد: انا ابص لواحده زي دي… انتي مش شايفه لبسها خليع ازاي
ميار: تؤتؤ ….. متقولش عليا كده قلبي الصغير لا يتحمل
ريم: انتي جايه هنا ليه
ميار: عرفت أن في واحده جايه تاخد حبيبي مني
نور: بقولك ايه احنا عارفين كل حاجه وعارفين انتي مين يا… ميار😒😒
ميار: انتي بقى حبيبة احمد صح …. اصلك شبهه اسلوبك زيه بالظبط
نور: عشان مناولكيش اللي في بالك صح
ميار: ويا ترى انتي متاكده اني منلتوش
نور: اه متاكده وواثقه في كلامي كويس
ميار: وانا مش حابه اكسر الثقه دي بالحقيقه
ريم: انهي جايه هنا ليه
ميار وهي تقرب من ريم وتوشوشها في أذنها: جايه اقولك ابعدي عن فهد عشان فهد ملكي انا وبس ….. واظن متحبيش تجوزي واحد كان على علاقه بواحده تانيه
ريم: هو محبكيش اصلا
ميار: بس حب جس*مي اووي
ريم: انتي كدابه هو مقربلكيش
ميار: ابقي اساليه
ريم: عمتا انتي ولا هو تفرقوا معايا
ميار: انا حذرتك ابعدي عن فهد عشان مش عايزه ائذيكي
اياد: انتو تعرفوها منين دي وازاي تعرفوا واحده بالاشكال دي
ميار وهي تقرب من اياد: لا محبكش كده
اياد بقرف: اطلعي بره
هيا: اياااااااد….. مين ديييي
اياد: حبيبتي انتي وصلتي..تعالي
ميار وهي تضع اصبعها على وجهه: متخلنيش احطك في دماغي عشان لو حطيتك في دماغي مش هتكون لحد غيري
هيا ذهبت بسرعه وامسكت اصبع ميار وكسرته وهي تقول
هيا: متبقيش تلمسي حاجه مش بتاعتك
ميار: آااااااااااه
هيا مسكتها من شعرها وشدتها ورمتها بره
ميار بعياط ووجع: هتندمي هخليكي تكرهي اليوم اللي شوفتيني فيه
هيا وهي تقفل الباب: يبقى احسنلك لو مخلتنيش شوفت وشك عشان مخلهوش شوارع
نور لريم: هي دي اللي عمك حبها😳😳
ريم: قصدك هي دي اللي كانت معاه في الجامعة 🙂🙂
هيا لاياد: ميين دي
اياد: والله معرفها
هيا: اومال لو كنت تعرفها كانت خدتك بالحضن
اياد: اتكلمي منك ليها انا اعرف البنت دي
ريم: والله اول مره يشوفها
هيا: اومال كانت مقربه منه اووي كده ليه
نور: عشان هي واحده متربتش
هيا: حسابك معايا بعدين
هشوف البنات الحلوه دي الاول
ريم: انا ريم
هيا: عارفه اياد مبيبطلش كلام عليكو
نور: وعارفه انا مين بقا
هيا وهي تقوم باحتضانها: عارفه وعارفه اوووي كمان وحشتيني
نور: احمم هو انا كنت اعرفك
اياد: آاااه …. هي كانت قابلتك كام مره قبل الحادثه
نور: آاااه بس تعرف أن ذوقك حلو اووي
ريم: بس انا معرفكيش ولا شوفتك قبل كده
هيا: لا انا شوفت نور كذا مره بس هي تتحب بسرعه
اياد : تعالي يا هيا اعرفك على باقي العيله
هيا وهي تداري دموعها: يلااا
ريم: حاسه انها غريبه شويه
نور: مش عارفه بس انا حاسه اني عارفاها لكن مش فاكره
ريم: اممممم طب يلا ندخل نقعد معاهم شويه
هيا بعد ما العيله كلها اتعرفوا عليها وقعدو مع بعض
هيا: همشي انا بقا
الجد عبدالله: خليكي لسه بدري
هيا: شكرا بس كفايه كده انا لسه مشوفتش اخويا
الجده: ليه ده زمانه استغيبك دلوقتي
هيا: انا قعدت مع بابا وماما بس اخويا قاعد مع صاحبه
الجده: أخص عليه بدل ما يجي يشوفك قاعد مع صحابه
هيا : هو مكنش يعرف اني جايه كنت عاملاها مفاجأة زي اياد ما كان عملكو مفاجاه كده
اياد: تعالي انا هوصلك بالموتسيكل بتاعي
حامد: خد مفاتيح عربيتي وروح وصلها بالعربيه
اياد: مش لازم هوصلها انا
محمد: اسمع الكلام يا اياد الماكنه بتاعتك بقالها كتير مركونه وقبل ما تركبها لازم تشيك عليها الاول عشان ميحصلش حاجه للقمورة
اياد: ماشي يلا يا قمري
ريم: استنا هاجي معاك اوصلها
نور: متبقيش خنيقه خليهم مع بعض شويه
ريم: ملكيش دعوه خليكي انتي في حالك
في الخارج
ريم: انتي تعرفي نور منين
اياد: ريم الكلام ده مش وقته
هيا: لا وقته يا اياد…. اللي في بالك صحيح
ريم: يعني انتي عارفه أن اللي جوه مش نور
هيا: قصدك حور
يتبع الفصل التالي: اضغط هنا
الفهرس يحتوي على جميع فصول الرواية كاملة: ” رواية فتاة أوقعت قلبي” اضغط على أسم الرواية