القائمة الرئيسية

الصفحات

رواية فتاة أوقعت قلبي الفصل الثالث و العشرون 23 بقلم سماح عزت

 رواية فتاة أوقعت قلبي بقلم سماح عزت 


 رواية فتاة أوقعت قلبي الفصل الثالث و العشرون 23


هيا :قصدك حور
ريم: يعني انتي تعرفيها
هيا: دي البيست بتاعتي اصلا
ريم ببكاء: يعني انتي كنتي صاحبتها اووي
هيا ببكاء: ايووه
ريم: طب عايزه اتكلم معاكي
اياد: مش وقته ياريم انا هاخد هيا اوصلها وابقو اتقابلو مره تانيه يلا يا هيا عشان متتاخريش وعشان نور متاخدش بالها
ريم : تمام هقبلك بكره
هيا: تمام
بعد ماريم دخلت البيت
نور: في ايه يا ريم هي هيا كانت بتعيط ليه انتي قولتلها ايه
ريم: مفيش هي مكنتش بتعيط دي في حاجه دخلت في عينيها
نور: وانتي كمان في حاجه دخلت في عينيكي 
ريم: كانت بتكلمني في موضوع فهد ولما عيطت هي كمان عيطت ارتاحتي كده
نور: انا مش قصدي حاجه
ريم: انا داخله انام تصبحي على خير
نور: استني ياريم.. انا مش قصدي تزعلي مني
ريم بابتسامه: بس انا مزعلتش منك يا نور انا مستحيل ازعل منك في يوم ... ده انتي لو طلبتي حياتي اديهالك .. انتي الحاجه الحلوة في حياتي... تعرفي يا نور انك انتي اللي بتحلي حياتي .... انتي اللي رجعتيني للحياه ...انتي لحقتيني قبل ما اموت
نور: مش فاهمه ازاي لحقتك
ريم ببكاء: لا مفيش يا حبيبتي
نور وهي تبكي: مالك يا ريم
ريم وهي تحتضنها: مفيش كل الحكايه اني افتكرت يوم الحادثه واللي حصل وان نور راحت من ايدي......
نور: انتي ليه بتكلمي عليا كانك بتكلمي على حد تاني يعني بتقولي نور راحت هو انا مش نور؟؟
ريم:احممم انا قصدي انتي لحقتيني يومها لما الدكتور قال انك بقيتي كويسه وانك مرحتيش ولا حاجه يا نور ... ولما قولت نور راحت من ايدي كان قصدي لما الدكتور قال انك خلاص بتموتي بس رجع الدكتور وقال انك بقيتي كويسه
نور وهي تمسح دموع ريم: طب خلاص متعيطيش بقا وانسي ياريم انسي اليوم ده 
ريم: مش هقدر أنساه عمري ما اقدر أنساه يا نور اليوم ده واللي حصل كنت انا السبب
نور: انتي مش السبب في حاجه يا حبيبتي
ريم: انا لو كنت وصلته...قصدي لو كنت وصلتك يومها مكنش هيحصل حاجه مكنتش حصلت الحادثه
نور: ايه اللي انتي بتقوليه ده الحادثه كانت هتحصل يعني هتحصل يمكن ربنا حب يخفف الألم علي العيله مش يمكن لو كنا روحنا مع بعض في نفس العربيه كنا عملنا الحادثه وكنا احنا الاتنين اتآذينا ويمكن كانت واحده فينا تموت
ريم ببكاء: انا عايزاكي تفضلي جنبي علطول مش عايزاكي تبعدي عني ما يحصل حتى لو كرهتيني متبعديش عني
نور وهي تحتضن ريم: متقوليش كده يا حبيبتي انا عمري ما ابعد عنك أو اكرهك 
ريم: ممكن تنامي معايا النهاردة
نور وهي تحاول تخفيف الوضع: بس تستحملي نومي بقا انتي عارفه اني بلعب مصارعه وانا نايمه
ريم وهي تضحك: لا روحي نامي في اوضتك احسن
نور: طب والله هنام هنا بقا 
ريم: هو عند وخلاص
نور: اه عند وغصب عنك
ريم وهي تنام على السرير: طب تعالي جنبي تعالي
"عند أحمد"
ايهاب: بتقولي ايه انا جاي حالا
مراد: في ايه يا ايهاب
ايهاب: هيا اختي جت من السفر 
فهد: بجد... ومقولتش ليه كنا روحنا جبناها من المطار
ايهاب: لسه جايلي تليفون ومتفاجأ يبقى اكيد مكنتش اعرف يا ابو مخ تخين
فهد: انا مخي تخين
ايهاب: نسيب بقا موضوع أن اختي جت من السفر ونمسك في ابو مخ تخين
فهد : ده انت مصمم بقا 
ايهاب: انا ماشي
ايهاب وهو يفتح الباب وجد اياد في وجهه
اياد: لا متقولش حاسس بيا 
ايهاب: وانا هحس بيك يا عم ليه انا كنت ماشي
اياد: لسه ذي ما انت دمك تقيل
ايهاب؛ يا اخي معرفش مبتنزليش من زور ليه
اياد: بكره غصب عنك تقولي يا عمي
ايهاب: لا ده انت اتجننت عارف لو مش مستعجل كنت علمتك الادب
احمد: بس بقا يا شباب هو انتو كل ما هتشوفو وش بعض تعملو شغل ابتدائي ده
ايهاب: يعني أنت مش شايف هو بيقول ايه
اياد: احسن حاجه والله انك مش صاحبي كفايه اوي انك صاحب صاحب صاحبي
ايهاب: يا عم غور من وشي 
احمد: ادخل يا اياد ادخل 
اياد وهو يدخل: خليك فاكر عمي اه هتقولي يا عمي 
ايهاب وهو يتوجه إلى الخارج: لما اشوفك تاني هعرفك اقولك عمي ازاي
مراد: حبيبي بالحضن بقا
اياد: ايه مش هنسهر ولا ايه
احمد: ايه يا فهد جاي معانا
فهد: اكيد استاذ اياد مش هيعجبه وجودي عشان كده مش جاي
اياد: الله يسلمك 
فهد: نعم
اياد: مش قولت حمدلله على السلامه ولا انا سمعت غلط
فهد: شكله لسه ميعرفش حاجه
اياد: عارف وعرفت كل حاجه بس الرجوله بتقول انك لو عايزها تاخدها من بيتها مش تسوء سمعتها
فهد: مهما يحصل يا اياد مش نخليها تتجوز غيري
اياد: وانا مقولتش تخليها تتجوز غيرك عايز تتجوزها اجوزها غصب عين الكل لكن متسوءش سمعتها يا ... فهد
احمد: والله يا اخي ما اعرف انت بتحب فهد ليه
اياد: عشان بيفكرني بحد عزيز على قلبي
مراد: بقولكوا ايه سيبكوا من الكلام ده انا عايز اسهر 
اياد: انت مستني لما انا اجي واسهرك  هو انا كنت امك ومستني منها الرضعه
مراد: يا عم الناس دي كئيبه ومش بيخرجوني
اياد: انت ليه محسسني انك واحده وهم رجالتك وعايزهم يخرجوك
مراد: يا عم المشاكل اللي كانت بينهم انت عارف من يوم ما بقا في مشاكل بينهم وانا مش عارف اخد نفسي 
اياد: ازاي بقا
مراد: يعني أنا كنت اشوف احمد ناوي على ايه وأبلغ ايهاب وايهاب يشوف فهد ناوي على ايه ويبلغني
اياد: كداب بإمارة ما فهد خطف البنات وانت متعرفش حاجه وبرضوا انت وأحمد هجمتوا على المكان وايهاب ميعرفش حاجه
مراد: يا عم الموضوع مش كده المشكله ان فهد لما خطط أنه يخطف البنات نفذ في نفس الوقت وخد تليفون ايهاب 
فمعرفتش اتواصل معاه ولا هو يتواصل معايا
اياد: كداب وباطنك فاضيه
مراد: طب والله ده اللي كان بيحصل طب اقولك انا اللي سرقت المسدس والطلقات بتاعة فهد اللي كانت تثبت أنه حاول يقتل ام احمد
اياد: قابل عندك يا عم
مراد: اقابل ايه
اياد: بص للي واقفين وراك وشكلهم هيعملوا منك كفته
مراد وهو يلتفت: انتوا واقفين وبتبصولي كده ليه
احمد: بقا انت اللي سرقت المسدس 
فهد: لا وكنت بتشتغلنا كمان
مراد: في ايه ما انا كنت على حق وبعدين انت يا فهد المفروض تشكرني انا نقذتك من الاعدام
احمد: ده انت اللي هيتحكم عليك بالاعدام
مراد: بقولك ايه انت وهو أنا ظابط وليا مكنتي
احمد: امسكه معايا يا فهد 
"احمد وفهد مسكوا مراد وقعدوا يضربوا فيه واياد قعد يضحك عليهم"
(ملحوظه كانوا بيضربوه بهزار مش جد)
اياد:😂😂😂😂 خلاص يا جماعه كفايه الواد هيموت في ايديكوا
فهد: بقا هو وايهاب يشتغلوني 
مراد: طب والله لاقول انت عملت ايه يا احمد
احمد وهو يكتم فم مراد: لا بقولك ايه متحاولش 
فهد: هو عمل ايه
احمد: ده بيحاول يوقع بينا
مراد: لا والله هقول الحقيقه
فهد: لو اتكلمت كلمه واحده هعلقك من رجليك وبعدين متعرفش توقع بيني وبين احمد
مراد: طب انا ماشي ومش قاعد معاكوا
اياد: تعال هنا بس نطلع نسهر ده انا هسهرك سهره النهاردة تعوضك عن كل الضرب ده
مراد: مسكتني من ايدي اللي بتوجعني. يلا
"تاني يوم"
"نور راحت تقابل احمد ورمي راحت تقابل هيا"
احمد: كنت قلقان متجيش
نور: هتاخدنا فين بقا
احمد: قوليلي الاول جدو عارف انك معايا
نور: طبعا انا استأذنت منه امبارح
احمد: توكلنا على الله تعالي معايا 
بعد شويه
نور: انت جايبنا الملاهي
احمد: ايه مبتحبهاش
نور: لا طبعا بحبها مووت
احمد: قلبك جامد بقا ولا هنقضيها لعب عيال
نور: شوف اصعب لعبه فين وهركبها
احمد: مش لوحدك هتركبي معايا
نور: بيتهيألي قلبك ميجيبكش 
احمد: هاا لا يا شاطره ده انا قلبي جامد
نور: هنشوف
"عند ريم"
هيا: كنتي عايزاني في ايه
ريم: عايزاكي تساعديني عشان حور ترجعلها الذاكرة
هيا: ازاي
ريم: احكيلي كل حاجه عنها
هيا: بيتهيألي انك مش عايزاها تفتكر عشان تفصل معاكوا
ريم: حقها أنها تفتكر حياتها وبعدين مفيش نتيجه من يوم ما فقدت الذاكره 
هيا: حياتها اللي هي عايشاها معاكوا افضل مئة مره من الحياه اللي عاشتها مع ابوها
ريم: هي برضوا ليها حق الاختيار
هيا: طب هتعملي ايه
ريم: هقولك
عند أحمد
احمد: تعرفي إن ده احلى يوم في حياتي
نور: وانا كمان اتبسط اوي
احمد: اتمنا أن نخرج تاني 
نور: المره الجايه ابقى قول انت لجدو عشان مش هقولو تاني
احمد: إن كان كده هقول لجدو كل يوم 
نور:😂😂 انا هنزل بقا
احمد: متخليكي شويه
نور: احنا قاعدين بقالنا شويه في العربيه
احمد: هتوحشيني
نور: احمم... سلام
احمد: هي بقت كده يعني براحتك 
نور: ما هو براحتي اومال براحتك
احمد: مسيرك يا توم تيجي في الهون
نور: انا توم
احمد: انتي فراوله ومانجه
نور: طب هي الفراوله بتيجي في الهون
احمد: يبقى مسيرك تيجي في الخلاط
نور: دمك تقيل😂😂😂
احمد: طب والله عجبتك'
نور: سلاااااااام
"في الداخل"
ريم: نور كنت عايزاكي لما تتغدي ابقي تعالي نقعد في اوضتي شويه
نور: لا انا جايه انا اتغديت مع احمد
"عند ريم"
نور: كنتي عايزاني في ايه
ريم: خدي الدوا ده بينشط الذاكره هيخليكي تفتكري

يتبع الفصل التالي: اضغط هنا

الفهرس يحتوي على جميع فصول الرواية كاملة: " رواية فتاة أوقعت قلبي" اضغط على أسم الرواية

reaction:

تعليقات