رواية حب في زمن اخر – الفصل السادس
روايه:حب في زمن اخر.
البارت السادس.
بقلمي:نجمه الشمال.
بعد شوية وقت صحّت ملك على أصوات عالية جدًا. راحت فتحت البلكونة ولقت ناس كتير في الساحة، ملامحهم باين عليها الخوف والرعب، والعرق بينزل من جبينهم، وشافت إيفان واقف بيص على حد بشر، وفي إيده كرباج، وفي واحدة وقعت على الأرض قدام رجليه.
ملك نزلت بسرعة، وقفت قدامه بدموع وقالت: “إيفان هتعمل إيه؟”
إيفان: “هاخد حقي وبعدها هقطع رأسها، كانت عايزني أموت.”
ملك قربت منه ومسكت إيده وقالت وهي بتبص في عيونه: “ارجوك بلاش، أكيد عندها أولاد، كفاية ظلم في الناس، شايف الكل خايف منك، ازاي في كتير غيره عايزنك تموت؟ خلي في قلبك شوية رحمة وإنسانية، خليهم يحبوك. تعرف لم كنت بتموت؟ محدش كان عايز يساعدني عشان الكل بيكرهك.”
أخذت نفس وكملت وقالت: “تعرف إن الحيوانات في قلبهم رحمة أكتر رغم أنهم مش عندهم عقل، حتى الصخور اللي الناس بتقول قلبك زي الصخر مش بتحس، لكن الصخر بيقي بيحسه مش بيضروا حد. بلاش تخلي الغل والحقد والقسوة يتحكموا فيك، جرّب تسامح، دي ربنا نفسه اللي أحسن من الكل بيسامح ويغفر. إنت البشر مش هتعمل كده؟”
إيفان كان بيص لها جامد أوي، وكل كلامه بتقولها بتوجعه.
ملك: “إنت مش وحش، إنت اتعرضت لحاجات صعبة خلتك كده، أنا ممكن جيت الزمن ده عشان أحاول أغير فيك حاجة بسيطة.”
إيفان بص في عيونه ومسك إيدها وحطها على قلبه وقال بضعف: “أنا مين كان بيرحمني؟ لم بغلط؟ مين كان بيخاف عليا؟ ردّي أنا مش عايز حد يحبني، عايزني أسيبهم ليه؟”
ملك دمعت أكتر وقالت: “سيبهم عشان نفسك، عشان تحسِّن إنك عملت حاجة صح في حياتك، مش لازم كل حاجة حصلت ليك وحشة تعملها مع الناس، خليك أحسن من اللي ضروك، اعتبره أمنية مني قبل ما أمشي.”
إيفان بلهفة: “هتمشي؟ لا، أنا لسه متعافتش بالكامل، أنا عايزك معايا.”
ملك: “للأسف مش بإيدي، قوليلي قرارك.”
إيفان بعد إيدها وقف في نص الساحة وقال بصوت قوي: “أنا سامحتها، لكن مش عايز أشوفها تاني، واتمنى أنتم كمان تسامحوني على الرعب اللي عملته ليكم.”
ملك وقفت جانبه واتكلمت: “جربوا تحبه، هو جوه طائر صغير مجروح.”
الناس بقوا يصقفوا ويدعوا لملك.
إيفان: “عايز أقول حاجة، أنا اتغيرت بسبب وجودك فترة صغيرة اللي شوفتك فيها بس غيرتني، أنا بحبك أوي.”
ملك ابتسمت ولسه هترد، ظهر دوامة سودا، وكانت بتسحبها.
إيفان كان بيحاول يشدها، لكن الدوامة كانت أقوى وسحبتها ووقفت. إيفان وقع على الأرض وهو بيص لأثر الدوامة، وعيونه كان فيها دموع.
ملك غمضت عيونها وقالت: “القدر بيعرفني على كل حاجة فيكي يا زوجي المستقبلي، ياترى إيه اللي جاي.”
لقت نفسها وقعت في شارع قديم، وفي كاميرات كبيرة حواليها، وإضاءة قوية، دوشة، مصورين، مساعدين، ميك أب.
كانت واقفة في النص، وقدامه رجل وقف بضحكة خفيفة وقال: “يلا استعدي، مش فاضل غير وقت بسيط أوي، ونبدأ في تصوير الفيلم.”
ملك بصت على نفسها ولقت نفسها لابسة دريس شيك وقالت بصوت شبه مسموع: “أنا شوفته الفستان ده قبل كده في فيلم، والأجواء والمكان ده، ياترى ده فيلم إيه؟”
سمعت حد بيقول: “كلاكيت أول مرة.”
والمخرج صراخ وقال: “أكشن.”
في مكان أول مرة نروحه في الصعيد،
نزل شاب طويل، ملامح قمحوية، شعره أسود طويل، نزل على عيونه الخضر، وجسمه كله عضلات، ولبس طقم كاجوال، قرب من السفرة وباس إيد مامته وقعد يفطر.
الأم بحنان: “مالك يا أمير يا ولدي.”
أمير: “معرفش يا أمي، بقي لي فترة بحلم بحاجات غريبة.”
الأم: “زي إيه يا حبيبي؟”
أمير: “أنا بقيت في زمن مختلف، ومعايا بنت بتضحك وبتجري، وأنا مرة أكون قاسي ومرة طيب، مرة أحميها، مرة أسجنها، وآخر حاجة النهارده إننا واقفين بنصور فيلم. الحاجة الوحيدة اللي مش بتغير اسمه وشخصيتها.”
الأم ابتسمت وقالت: “تلاقيها شريكة حياتك المستقبلية، هي اسمها إيه؟”
أمير بسرحان: “ملك، أنا عايز أخلص عشان أجي أنام وأشوفها.”
{أمير نور الأسيوطي 29 سنة، مهندس بترول، بيحب القراءة والقصص الفانتازيا}
عيسي خرج من عند الدكتور حزين جدًا، قلبه اتقطع مليون حتة، لما عرف الدكتور حكى له كل حاجة، لقى جامع قريب، دخل اتوضى وصلى، وكانت دموعه بتنزل، وكان بيدعي أن ملك ترجع كويسة، وإن ربنا يسامحه على كل حاجة وحشة كان بيعاملها معاها.
واخرج الجواب وفتحه وبدأ يقرأ محتواه:
“بابا حبيبي الأول وصديقي، أنا بحبك أوي. لو الجواب ده في إيدك دلوقتي، هبقى انتقلت عبر الزمن وممكن مرجعش. دخلت التجربة دي عشان أريحك من وجودي، معرفش هرجع ولا لأ، أنا مش زعلانة منك.”
دموعه كانت بتنزل أكتر على الجواب، واخد مصحف وبدأ يقرأ قرآن.
عند سيد، نادي على ديما.
أول ما دخلت، سيد مسك اللاب توب وقال: “قدرت افتح فيديو ونشوف ملك.”
ديما بفرحة: اخدت اللاب وفتحت تسجيل فيديو عشان تبعته لعيسي.
ديما ركزت في المكان وقالت: “ملك، إنت دلوقتي في فيلم…”
الفصل التالي اضغط هنا
يتبع.. (رواية حب في زمن اخر) اضغط على اسم الرواية لتجد الفهرس كاملاً بجميع الفصول.