رواية شاهد قبر الفصل الثالث عشر 13 – بقلم اسماعيل موسى
بتضربنى ليه حرام عليك؟ انا عملتلك إيه ؟
اخلصى يا بت الكل_ب وهاتى ايدك
يشد فتحى يدها يربطها فى عامود السرير ،يرى رعبها من نظراته، يرفع الخشبه وينزل بها على ظهرها ويصرخ مش عايزه تجيبيلى عيل ليه ؟
تصرخ نوال مش بايدى والله يا معلم فتحى
ينزل فتحى بالعصا بقوة ،مش بايدك ايه ؟ ليه مش ست ؟
كل البنات إلى زيك بيحملو من اول طلعه وانتى عامله زى الأرض البور مهما اعزق داخلك بلا فائده…
مش عاجبك يا بت ؟ مش عايزه عيل من صلبى ؟
تصرخ نوال عجبنى والله لكن مش بايدى
متقوليش مش بايدك يا كل_به ،بتاخدى حبوب منع حمل من ورايا؟
يزداد غضب فتحى ،الناس تقول عليه ايه؟ كبرت خلاص ومعدتش قادر؟
لازم تجيبيلى حتتة عيل عشان شكلى قدام الناس.
تهمس نوال، انا عملت تحاليل وروحت للدكتور وقال مفيش مانع احمل
تقصدى ايه يا مره؟ يقبض فتحى على عنق نوال ،يخنقها، يلسع عنقها بالكفوف ،تقصدى العيب منى ؟
تصمت نوال لا تفتح فمها، كل ما تريدة ان ينتهى الضرب وتذهب إلى سريرها.
يصرخ فتحى يعنى انا معيوب يا بت تفيده ؟
انا جبت خمس عيال قبلك، والله لو ما جبتى عيل لادبحك بايدى ،قدام مهله اسبوع وتحملى.
تعرف نوال انها بتموت كل ليله بيقرب فيها منها، موت بطيئ
تكتم احاسيسها لكن الليله مش قادره تتحمل اكتر
سمعت فتحى بيتكلم عن ناصر وبيقول انه فتح ورشه كبيره
بتدخل الاف من الجنيهات ،
ترى الوقت مناسب للهرب من الجحيم إلى عايشه فيه
ناصر يقدر يصرف على البيت يقدر يسدد الشيكات والديون
تشعر انها مش قادره تتحمل اكتر من كده.
ترفع وشها وبعيون باكيه مكسوره تهمس العيب مش منى
الدكتوره قالت انا تمام ،روح اكشف انت لو عايز ولد.
اها يصرخ فتحى ،هى وصلت لكده ؟ بتتهمينى فى رجولتى
يا كل_به ؟
يجر قدميها إيديها لسه متكتفه فى عامود السرير
تحس نوال ان جسمها هيتقسم نصين ،تصرخ وتصرخ من الوجع.
ارحمنى، سبنى هموت _
يصرخ فتحى، هو انتى قولتى فيها، انا هقتلك طالما مش نافعه
تهمس نوال بصوت مرتعش ،حرام عليك، طلقنى طيب وريحني وارتاح
اطلقك ؟ ينهرها فتحى ،اطلقك إزاى من غير ما تخلفى ؟
انت مش هتتطلع من هنا حيه، لاما تحملى لاما تموتى.
تنزل العصايه على جسم نوال مرات ومرات، نوال تصرخ وفتحى يضرب ،،تتقلب على الأرض ضهرها وجعها لكن فتحى يثبتها بالعافيه…
ارجوك ارحمنى، ارحمنى وهجبلك العيل إلى انت عايزه
انا عايز سبب، قوليلى سبب يخليكى متحمليش منى انطقى يا مره ؟ قولى انك بتاخدى حبوب وانا اسيبك، اصل مش معقول السبب يكون منى.
تستفهم نوال _يعنى لو قلت إلى انت عايزه هترحمنى ؟
يبتسم فتحى قولى الحقيقه، قولى انك قاصده متحمليش منى.
الوجع شديد، نوال مش قادره تستحمل اكتر ،انا هقول لناصر يرحمنى منك ،ناصر هيجبيلى حقى.
ناصر ؟ بتهديدينى بحتتة عيل لا راح ولا جه؟ انا افعصك وافعص اخوكى ،يخنقها فتحى ،خلى ناصر اخوكى ينفعك
ايده على رقبتها، نوال بتكافح عشآن تتنفس ، تصرخ نوال هموت ،هموت مش قادره اتنفس يا فتحى
ينظر فتحى إلى وجه نوال الأحمر يشعر بالغيظ والحقد
يعرف انه كبر ولم يعد قادر على أشباع رغبة فتاه شابه
كيف يسمح بذلك ؟
يحكم قبضته على رقبتها ،يجرها على الأرض بعد ما فك إيديها يسحبها على الحمام يغرق رأسها فى الحوض
تختنق نوال ولا يشعر فتحى الا وحركتها تنهار ،تتوقف نوال عن المقاومه، يدها تنزل جوار جسدها ،يجرها فتحى من الحوض ويتركها على الأرض ثم يركلها بقدمه فى معدتها
فوقى يا مره لما ارجع عايز كل حاجه تبقى تمام
إلى بتعمليه دا مش هيخيل عليه ،استموتى، استموتى ،رفع فتحى قدمه ونزل بها على دماغ نوال وهو يجز على أسنانه ويصرخ عيله وسخ_ ه كلها
الفصل التالي اضغط هنا
يتبع.. (رواية شاهد قبر) اضغط على اسم الرواية لتجد الفهرس كاملاً بجميع الفصول.