رواية شاهد قبر الفصل الرابع عشر 14 – بقلم اسماعيل موسى
شبل !! انا مش قلتلك لو شفتك فى المكان دا تانى هبلغ ابوك
_؟
اقفل بقك يا جزمه هتفضحنا، امشى ،الكلام مش هنا نتكلم بعيد
_لما انت خايف للدرجه دى يا شبل ليه بتعمل كده؟
صفع شبل صدره بأيده ،القلب وما يريد بقا واد ابويا
قلب ايه يا شبل ؟ دى ست متجوزه
_ريح دماغك انت وملكش دعوه ،آمر شبل أخيه الأصغر فؤاد
وبعدين انت بتراقبنى ولا ايه ؟
همس فؤاد _مش براقبك بس كنت خايف جوزها يطب عليك وتبقى فضيحه
رفع شبل ايده ،جوزها دا إلى كان شغال صبى عندنا ؟
ولا يقدر يعمل حاجه…. اسمع يا فؤاد ؟ لو الموضوع دا وصل لابوك هيبقى فيها زعل جامد.
خايف من ابوك يا شبل ومش خايف من ناصر؟ ناصر لو عرف هتبقى مصيبه ونزلت فوق دماغنا
صرخ شبل ناصر مين الى اخاف منه؟ انا سايبه فى حاله عشان ابوك طلب كده لكن لو اتقابلنا وش لوش هقتله
يلا امشى ،ارجع البيت.
رفع فؤاد ايده وهمس وانت هتروح فين يا شبل ؟
انا هروح الغرزه اضرب حجرين وهرجع نص الليل.
همس شبل فى سره، الواد اخويا بيهددنى بناصر ؟
بيحسبنى خايف منه؟ طاب ورحمة ستى اقتلة ذى ما قتلت اخته.
حجر يا زفت انت؟ صرخ شبل اول ما قعد على الكرسى
صرخ النادل.. احلى حجر للمعلم شبل يا جدع وصلحه.
_________
فين اخوك يا فؤاد ؟ مرجعش معاك ليه ؟
تلعثم فؤاد لحظه، شبل فى القهوة يا ابوى
فؤاد لا يعجبه ما يفعله شبل، ما يفعله شبل حرام
لكن فؤاد ميقدرش يعمل حاجه ،اخواته وابوه بيعتبرو ضميره الصاحى ضعف ،بيعتبرو رفضه الصراعات بتاعتهم ضعف
مفيش ولا شخص فيهم بيحترمه، فكر اكتر من مره يقول لابوه، لكن المره دى اندفع بلا تفكير، وقف آمام والده
فيه حاجه عايز اكلمك فيها يا ابوى ؟
همس فتحى، قول يا حيلتها يا اخر العنقود ؟
شبل!!
ماله شبل يا ولا؟ عمل مشكله تانى؟
صرخ فؤاد لا، عمل حاجه أكبر.
حاجة ايه يا فؤاد ؟ صمت فؤاد قبل أن ينطق، شبل رجع تانى لهند
تجهم وجه فتحى لحظه، كان منع ابنه عن بنت تفيده قبل زواجها ،بعدها رفع فتحى حاجبه وحذر فؤاد إياك إى شخص يعرف الكلام دا يا فؤاد فاهم ؟ وبعدين كل واحد يلم معزته
صرخ فؤاد، بقا هو دا كلام يا ابوى؟ بدل ما تمنع شبل على المصيبه دى ؟
بصوت غاضب صرخ فتحى ،زعلان على اخت ناصر؟
ولا على جوزها إلى كان صبى عندنا ؟
ناصر إلى حرق ورشتنا ؟ عارفك خرع من يومك، امشى غور من وشى مش عايز اشوف خلقتك دلوقتى.
لكن فؤاد واصل كلامه، لو مش هتمنعه عشان ناصر ،امنعه عشان حرام ،عشان ربنا ؟
يا ابن ال_كاب، صرخ فتحى انت هعتلمنى الحلال والحرام؟
غور روح غرفتك شفلك كتاب من إلى مصدعنى بيهم.
_______
داخل القهوه همس سبيرتو، المعلم شبل دماغه عاليه اوى النهرده ! خير يا معلم، شريت كأس ولا ايه؟
اياك تكون عملتها من ورانا؟
همس شبل بقا يا بجم كاس هيضبط الدماغ كده ؟
مفيش حاجه تضبط الدماغ غير النسوان
يعرف سبيرتو ان شبل لها مغامرات طائشه مع فتيات ليل
لكن المخدر لعب بدماغ شبل وسرح فى الكلام
انا كنت بعلم على المعلم ناصر ،فتح سبيرتو فمه بجد يا معلم شبل ؟
صرخ شبل بجد يا حيلتها هو انا هكدب عليك، لسه راجع من شقة اخته
عملى فيها معلم كبير واخته بتموت فيا…
استلقط القهوجى فخرى بعض الكلمات ،فخرى يحترم ناصر
يعتبره قدوه له ،بعد ما خلص شغل راح ورشة ناصر
رمى السلام وخده على جنب ،اسمع يا معلم ناصر
انا عايزك تاخد بالك من حريم بيتك.
مسك ناصر رقبته بقوة ،بتقول إيه يا مجنون انت؟
همس فخرى حاسب هتخنقنى يا معلم ناصر، انا قلت إلى عندى ومحبتش انك تكون قرطاس فى الحاره والناس تتكلم من وراك.
ترك ناصر عنق فخرى ،سيطر على نفسه، تقصد مين بحريم بيتى ؟
همس فخرى، اختك يا معلم هند …
مع مين يا فخرى؟
مقدرش اقول يا معلم ناصر، انا مقطوع من شجره وباكل عيش هنا ومش عايز عيشى ينقطع انا كده ريحت ضميرى
ومن فضلك بلاش تجيب أسمى فى إى حاجه ونا عارف انك قد كلمتك.
زرع ناصر الورشه جيئه وذهاب ،هند ؟ اختى ؟
مشك شعر دماغه وشده بأيده ،اختى انا ؟ لمعت عين ناصر من الغضب، فخرى عيل جدع لكن ممكن يكون فخ
الاحتمال موجود ،صرخ ناصر، عونى ؟. الورشة تحت سلطتك لحد ما ارجع.
مش ناصر فى الشارع الرئيسى يشعر ان عيون الناس تنظر اليه، تستحقره، تسخر منه ،مشى محنى الرأس رغم ان لا أحد يهتم، كاد ان يلتصق بالجدار
هند اختى ؟ عقله يكاد يجن، طيب ليه وامتا؟
وقوفه فى الطريق يراقب شقة اخته عار ثم إن عيون أهل الحاره ترمقه، تنهد ناصر بغضب وصعد درج السلم نحو شقة اخته.
الفصل التالي اضغط هنا
يتبع.. (رواية شاهد قبر) اضغط على اسم الرواية لتجد الفهرس كاملاً بجميع الفصول.