رواية شاهد قبر الفصل الثاني عشر 12 – بقلم اسماعيل موسى

ترك ناصر كل شيء فى يده، رغم ان سن ناصر لسه صغير لكن الدنيا فرمته بما فيه الكفايه ليعرف ان هناك مرحله لا ينفع فيها التردد، اختار ناصر اتنين من زمايله، رغم انهم كانو شغالين عنده لكنه كان بيعتبرهم ذى اخواته ،فى الطريق وضح ناصر ليهم الخطه، انا الى هدخل فى الأول، انتو مجرد تأمين، انا مش جايبكم عشان تموتو ومش عايز اى شخص ياخدلى حقى.

العربيه وقفت بعيد وكمل ناصر المسافه مشى ،سمع الضحك قبل ما يوصل العشه، المزاج كان عالى وريحة الحشيش طالعه فى الشارع، ابتسم ناصر للحظه ،اولع فيهم ؟

حضرت ناصر الفكره للحظه ،يشعل النار فى العشه ثم يتلقفهم واحد ورا التانى، كل إلى يخرج يثبته ،بس ناصر شعر بالخزى لمجرد ان الفكره جات فى دماغه.

ما الفرق بينك وبين فتحى اذآ ؟

الرجل يظل رجل حتى فى أصعب أوقاته ،تنهد ناصر وسحب مسدسه ،عليه ان يكون حازم وسريع ،تمنى ان يكون عددهم ثلاثه، لكن لما دخل العشه وجد اربعه يدخنون السجائر بعيون منتشيه.

ذى ما انتو أمرهم ناصر وهو يلوح بمسدسة، طبعآ انتو مش عارفين مين انا؟

او بعمل ايه هنا؟

أسمى ناصر والورشة إلى انتو حرقتوها تبقى بتاعتى ،واحد فيهم حس بالخطر حرك إيده يسحب سيف ناصر بلا تردد ضرب عليه رصاصه خلته رجع مكانه

ولا؟ انت فاكر انى جاى هنا اهزر ؟

الرجاله إلى معايا بره كانو عايزين يولعو فى العشه لكن انا

هقابكلم راجل لراجل.

والرجولة بتقول انكم غلطتم غلط كبير وانا عايز حقى

وحقى دم وأطلق ناصر رصاصه أخرى فى سقف العشه

كلكم مطلوبين فى أحكام ولو قتلتكم مفيش بنى ادم هيسأل عليكم.

مين الى وزكم عليه ؟

عايز اسم؟

سكتو للحظه ،صرخ ناصر كده مش هينفع انا مش فاضى لشغل العيال ،انتو فاكرين انى بمثل مشهد فى مسلسل ؟

مين الملعم فيكم ؟

أشار الرجال إلى واحد فيهم، ناصر انت الكبير بقا؟

الراجل هز دماغه ،اطلق ناصر رصاصه على رجله فورآ

رصاصه خلته قعد يصرخ

مين الى كراكم عليه ؟

فتحى وعياله صرخ الرجل.

طيب قدامكم حلين ملهوش تالت ،اكتفكم واجركم قدام أهل الحاره وبعدها اسلمكم للشرطه ،

او تحرقو ورشة فتحى…

ترك ناصر الكلمه معلقه قبل ما يكمل، وهدفع ضعف الفلوس إلى فتحى دفعها.

ثم دى مش هتبقى جريمه، دا قصاص، ورشه بورشه ولا انتو شايفين ايه ؟

فعلا يا معلم دا العدل ورشه بورشه

ابتسم ناصر يعنى تعملوها بضمير مرتاح والليله.

رمى ناصر رزمة دولارات على الأرض ،دا حقكم، وحقى عايزه بكره الصبح، ورشة فتحى تبقى رماد.

مش عايز اشغل دماغى دماغكم بحجات ملهاش لازمه ذى هعمل ايه لو منفذتوش إلى اتفقنا عليه، لانه اتفاق رجاله

وبالنسبه للمعلم انا هاخدو معايا وهعالجه على حسابى

قرب ناصر من الرجل النازف وشده لحد ما وقف وسننده على كتفه وخرج بيه من العشه وقال السلام عليكم.

استأجر ناصر جراح اخرج رصاصة بكتيريا وفرش له مخزنه ليرقد فيه حتى يتلئم جرحة وعين عليه حراسه من بعيد

مضت الليله طويله على ناصر وقبل الفجر ارتفع الصراخ واللطم ،ورشة المعلم فتحى بتولع ،حريقه كبيره اووى

النار حرقت ورشة المعلم فتحى كلها وكمان عربيتين كانو بيتصلحو فى المخزن.

جلس ناصر فى ورشته يتابع الحريق وعربات الإطفاء وجرى فتحى وكسرته.

محدش عملها غير ناصر يا ابوى ،لازم نبلغ عنه الشرطه _

فتح فتحى فمه بغيط والشرطه هتعمل ايه ؟

هتحقق معاه ؟

هتسجنه ؟

دا مش هيشفى غليلى ،الواد دا لازم يختفى، يموت ،وقبل ما يموت هيشوف عذاب ما شفتهوش اخته نفسها

اخته إلى كانت بتحبه اكتر منى ولما هددتنى باخوها سبع البرمبى شفتو عملت ايه فيها؟