رواية شاهد قبر الفصل العاشر 10 – بقلم اسماعيل موسى

نهض ناصر من مكانه لما شاف فتحى ماشى ناحية الورشة

_همس صبى المعلم فتحى ،شايف يا معلم ناصر قام ازاى لما شافك جاى ناحيته ؟

ابتسم المعلم فتحى ،امال ايه ياد هو الى انا عملته فيه قليل؟

ولو كان نسى افكره تانى.

تحرك ناصر خطوات خارج الورشه وقف فى الشارع، ووقف فى صمت ينتظر وصول فتحى

قال فتحى __السلام عليكم يا ناصر، هو انت اترقيت ولا اية ؟

سأل ناصر لية ؟

ارتفع صوت فتحى ،اصل شايفك قاعد فى مكان مش مكانك

يعنى مش مرمى تحت عربيه ولا بتغير زيت؟

ابتسم ناصر، هو انت متعرفش ولا ايه؟

الورشه دى بتاعتى يا فتحى ،اه نسيت قصدى واحده من الافرع بتاعتى إلى انا فتحتها جديد.

احس فتحى بطعنه فى صدره، هذا الولد، الصبى ؟ يمتلك ورشه كبيره ؟

لكن الغضب والحقد لم يظهر على وجهه، مبروك يا اسطى ناصر، متخفش انا هنبه على العيال مفيش حد فيهم يتعرضلك، انت فى حمايتى يا ناصر.

رفع ناصر ايده بحده ،كويس يا فتحى انك اتكلمت فى الموضوع ده، لو شفت عيل من عيالك قرب من الورشه هكسر رجله ،هخليه يرجعلك زاحف.

ضحك فتحى ودا من امتا ان شاء الله؟ وقرب من ناصر حط إيده على رقبته هو انت نسيت إلى حصلك اخر مره ولا ايه؟

دفع ناصر ايد فتحى بقوة ،قوة احسها فتحى فى كتفه ،ليست اليد المرتخيه إلى كانت المره إلى فاتت

المره إلى فاتت يا فتحى اتلميتو عليه بجبن ،انت وعيالك خمسه على واحد يا فتحى، لكن إلى فات مات احنا ولاد النهرده ولو عايز تحافظ على شيبتك ولمس ناصر دقن فتحى الطويل خليك بعيد عنى.

بتقول إيه يا جدع انت صرخ صبى فتحى ،اتكلم مع المعلم كويس!

نزل ناصر بكف على وش الصبى خلاه يترنح ،لما المعلمين تتكلم إلى زيك يسكت.

وماله يا معلم ناصر، اخيرا تكلم فتحى ،كل واحد ادرى بنفسه

انا مديت ليك ايدى بالخير، لكن انت مصر على الشر

والشر مفيش احلى منه.

فيه ايه يا أبا صرخ شبل ابن فتحى إلى وصل راكض للورشه

الصبى صرخ الجدع ده بيهين والدك يا معلم شبل.

صرخ شبل يبقى لازم نعلم عليه تانى يا ابوى تعالى ياض

ودفع ناصر لوسط الشارع ،عمال الورشه راحو يتدخلو لكن ناصر منعهم بأشاره من ايده

الولد قرب من ناصر بسخريه نسيت الى حصل؟ يبقى نعلمك الادب وصوب لكمه لوش ناصر

ناصر تفادى اللكمه، حرك دماغه وركل شبل برجله تحت الحزام ،شبل صرخ ووطى ناصر مسكه من دماغه وعصره وقلبه على الأرض بعدها قلع قميصه وظهرت الفرمه الجديده

جسم رياضى متقسم عضلات صلبه.

مسك شبل مره تانيه ورفعه ونزل بيه على الأرض بعدها قعد يضربه برجله قدام الورشة وفتحى واقف مش مصدق نفسه ولا إلى بيشوفه.

ناصر حط رجله على دماغك شبل، قلتلك يا فتحى خليك بعيد وخلى ولادك تحت طوعك ،انا هسيب الكلب ده عشانك يمكن تعقل ويلا من هنا مش عايز اشوف وشكم مره تانيه.

ارتفع صراخ الحريم والناس اتجمعت من كل مكان ،فتحى صرخ بقا كده يا ابن تفيده ؟

ابقا شوف بقا مين هيرحمك منى، على صوت الصراخ وصل اولا فتحى وفتحى بداء يشعر بالقوه

شبل كان تحت رجل ناصر لما اخوته وصلو وكل واحد فيهم ماسك خشبه كبيره.

اتين من الصنايعية وقفو جنب ناصر ،ولأول مره يحس فتحى انهم مش مجرد عمال، دول فورمه تحسهم بودى جارد

صرخ ناصر اى كلب فيكم هيقرب منى هعمله زي اخوه

لكنه كان مجرد كلام بالنسبه لعيال فتحى البلطجيه

لأنهم هجمو على ناصر عشان يخلصو شبل من تحت رجله

ناصر تلقى اول ضربه وبسرعه سحب الخشبة ونزل بيها ضرب فى شبل وأخوه إلى قرب منه، والاتنين إلى معاه كل واحد فيهم استفرد بعيل من عيال فتحى وزنقه فى الحيطه

فهم عليك فتحى الموضوع، صرخ وهو بيبص على أهل الحاره شايفين يا رجاله ؟

ناصر جايب شوية بلطجية يخربو الحاره دا يرضى مين يا ناس؟

بس ناصر لم يمنحه فرصه، إى شخص هيقرب من عيال فتحى هيكون مصيره زيهم

مش هعمل إى اعتبار لناس شافت الغلط بعنيها ووفقت ساكته

تتفرج على الظلم، خد عيالك يا فتحى وخليك فاكر وبقلها قدام أهل الحاره كلهم حقى لسه ما اخدتوش كامل، ورحمة نوال يا فتحى لخليك تطلب الموت بنفسك ومتلاقيه ،لم فتحى أولاده، سحق مقاومتهم لعصيانه ،غمز بعينه مرات وتوعد ناصر فى سره، ان ينكسر مره افضل من ان يسحق تماما، وقف ناصر قدام الورشه وقال دقى يا مزيكا النهرده فرح اختى إلى جوزت بحق وحقيقى.

ابتعد فتحى بأولاده الصارخين ينفع كده يا ابوى؟

الحارة هتاكل بوشنا عيش ؟

فتحى مردش، الموجه كانت عاليه والحكمه بتقول يوطى

لكن فى البيت جمع أولاده، ناصر كان مستعد وجرنا لخناقه واحنا ادناها إلى عايزه لكن متقلقوش انا هقضى عليه خالص

خليكم انتو بعيد عن ناصر، انا بنفسى هتصرف معاه

ديته رصاصه بمية جنيه تيجى بعيد عنا.