رواية شاهد قبر – الفصل الثاني
غرفة والدتى فضلت مقفوله وقت طويل ،والدتى مكنتش بتحب تنهار قدامنا، بعدها خرجت من غرفتها
والدى كان قاعد فى الصاله من اكتر من ساعه عينه على غرفة والدتى، البنات فى اوضتهم وانا قاعد جنب الجدار فى الصاله متكوم على بعضى ،الغريب ان والدتى طلعت مبتسمه
والدى نادى عليها وشفت الدموع نازله من عنيه، والدتى قربت منه، والدى قالها انا اسف بلغه نصف مفهومه لكن كنا عرفنا نفهمه وقتها ،ورمى دماغه فى حضن والدتى التى قعدت تقله متبكيش ربنا هيفرجها من عنده.
قعدنا اسبوع مش قادرين نجيب العلاج، والدتى كانت بتقعد فترات اكتر بره ،كان وقت مغرب لما سمعت خبط على الباب
جريت افتح ،قلت آمى رجعت، بس مكنتش امى كان صاحب العماره ،فين امك؟
قلتله امى لسه مرجعتش
طيب فين ابوك ؟
قلتله قاعد جوة
الراجل دخل الشقه ووقف قدام والدى ،بص يا عبد الحميد
انا صبرت بما فيه الكفايه، الإيجار متراكم بقاله اكتر من تلت شهور، انا مقدر ظروفك، بس حط نفسك مطرحى انا كمان محتاج فلوس ومصاريف
والدى قاله والحل ايه ؟
الراجل قال تدفع الإيجار، لاما تعزل وتشفلك شقه أصغر تقدر تدفع ايجارها
بس نظرات الراجل مكنتش مريحه حتى وانا صغير قدرت المح فى عنيه تشفى وغل.
يا عبد الحميد انت اتشليت ومرضك ملوش علاج ،شفلك شقه تانيه انا مش هقدر استحمل اكتر من كده
والدى قاله ادينى مهله اسبوع !!
وانت اديتني مهله يا عبد الحميد لما جيتلك اول مره ؟
طردتنى من الشقه رغم انى كنت جايلك فى حاجه مش حرام
ملكش مهله عندى انا كده عدانى العيب
والدى رفع وشه المهزوم تقصد ايه يا فتحى؟ عايزنى اخد عيالى وننزل نقعد فى الشارع هى دى اخلاق ولاد البلد؟
صاحب العماره فتحى انحنى عند دماغ والدى ،لاما الإيجار لاما تعزل من الشقه ،بس انا هطلع راجل معاك يا عبد الحميد
وعرضى لسه موجود
ولدى ارتعش وعنيه غمضت واتفتحت اكتر من مره، جوزنى نوال يا عبد الحميد ونبقى عيله وننسى موضوع الإيجار ده
والدى فتح بقه بالعافيه، نوال تانى يا عبد الحميد؟
انت راجل متجوز ونوال من عمر بنتك دى كانت بتاخد معاها درس ؟!
اقلك ايه؟ صرخ فتحى انا مش فاضى ولا عندى وقت على بال ما تفضل تهتهه وتتكلم
جوزنى نوال لاما تعزل من الشقه بكره
كرهت الراجل ده اكتر من انا بكرهه وقفت وقلتله عامل والدى بطريقه كويسه من فضلك ميصحش كده
رفع إيده ونزل على وشى بالقلم، منقصش غير حتت عيل زيك يعلمنى الادب
والدى قال اسكت يا ناصر، ادخل اوضتك، بس انا كان نفسى اض_ربه، نفسى اجيب سك_ينه واغرسها فى قلبه ااو اق_طع لسانه
صرخت مش هتتجوز اختى مهما حصل ،على جثتى
فتحى ضحك ،ليك حق تتكلم، اصل والدك مات مبقاش منه فايده، لا راجل يلا..
والدى قال _ملوش لازمه الكلام دا يا فتحى، بكره الصبح هرد عليك.
قعدت الليل كله اسمع كلام والدى مع والدتى وهما بيتناقشو على جواز نوال، نوال أكبر منى بسبع سنين عندها 17 سنه
اكتر واحده من اخواتى قريبه منى ،والدتى كانت رافضه
ووالدى مضغطش عليها.
وسط كل ده نوال طلعت من غرفتها وقالت انا موافقه
بصيت فى وش نوال وحسيت بالخيانه قعدت اصرخ
انتى وحشه ، انتى مش اختى، انا مش بحبك، نوال كانت واقفه ثابته بس لما راحت على الغرفه شفت الدموع فى عنيها ،مكنتش قادر استحمل جريت وراها وشدتها من ايدها
وانا بصرخ بتعملى كده ليه؟
نوال صرخت فى وشى ،يعنى عايزنى اسيبك انت واخواتى تترمو فى الشارع ؟
مش شايف والدك المريض ؟ وامك إلى بتطلع من الفجر عشان شوية جنيهات، سبنى فى حالى ارجوك.
الفصل التالي اضغط هنا
يتبع.. (رواية شاهد قبر) اضغط على اسم الرواية لتجد الفهرس كاملاً بجميع الفصول.