رواية رهينة الرافع – الفصل الثالث
٣..
اسرار لطمت وقالت بخوف.. على انت ايه اللي جابك هنه يا واكل ناسك
على.. انا سمعت ان انتى هتطلقى من جوزك صوح
اسرار… ايوه هتطلق ان شاء الله بس جيت ليه برضك
على.. انا هطلب يدك من ابوكى و
اسرار قالت بردح.. ليه مالك بيها بقولك ايه يا على انت سبتنى وانا اللى يسيبنى ما اسالش فيه تانى
على.. ما انا مكانش معايا المبلغ..
اسرار.. لا انت ما مكنتش عايز تقف فى وش رافع خوفت استخسرت الله اعلم بيك
على.. انا رايدك يا اسرار انتى قولى اه بس وانا هعوضك عن كل اللى فات يا اسرار بس قولى…… اااااااه
قالها لما رافع مسكو من قفاه وخبط دماغو فى الباب لحد ما نزف ووقع على الارض.. اسرار بصتله بصدمه وبلعت ريقها بخوف وقالت…
ر رافع
رافع مسكها من دراعها وقال بغضب.. بتتخطبى وانتى على زمتى انا هخليكى تقولى الاه لتسع ايام جاين ع العربيه يلا
خيرى جيه وقال… انت هتطلقها سمعت مش خدت فلوسك
رافع.. اه خدت فلوس اخوووويا واخد بالك… اخويا اللى جيبنا واحد تاخد منو وتديلى انت اهبل يا راجل انت
خيرى.. اخوك اللى جيه ودهالى
رافع بصلو وقال ببرود.. اخويا غير مؤها ها اهبل عبيط ممشينو من الشغل مقعدينو كده شفقه مش اكتر والفلوس فلوس الكل لما يبقى ينام العصر من غير ما يتغطى ويحلم انو بيقيلو دخل خاص ان شاء اللله هبقى ادخل حلمو واعكشهملك حاضر عشان تديهملى بس دلوقت فلوسو هى فلوسى مع الاسف
واخد اسرار بضيق ومشى بيها واحو على السرايا وزقها لجوه بغضب واول ما دخلت السرايا لقيته رابط كمال في عمود في السرايا برقت بشده وقالت.
يالهوى انت ربطت اخوك يا مجنون حرام عليك انت ايه
رافع مسكها وقال بضيق.. اخويا ده اخويا اربطو اولع فيه انتى ما تتدخليش بيني وبين اخويا وما تنسيش انتى ايه هنه انتى رهينه لحد ما فلوسى ترجع يلا غورى ع الاوضه…
وطلع بيها فوق وقفل باب الاوضه وقال بغضب..
مقرطسانى يا بت الجناينى وبتقابلى عريس وانتى على زمتى بتلبسينى قرون اموت واعرف بس اتجرئتى ازاى تعمليها
اسرار بضيق.. انا كنت مستنياك وفتحت الباب لانى فكرتو انت وهو فضل يقول الكلام ده وانت دخلت كيف التور الهايج وما ستنيتش تسمع ردى وفتحتلو وشو خلصنا عاد انا اصلا ما كنتش هعبرو كده كده
رافع… لا ما خلصناش انتى مش هتمشى من هنه حته لو جبتى الفلوس ايه رايك عاد
اسرار وقفت قصادو بتحدى وقالت.. ليه ها ليه.. ليه شغلت روحك ابوى جاب الفلوس من فين ليه جيت ورايا وجبتنى لما مشيت وبعت ناس يضربو ابوى.. كنت فاكره لانك تهمك الفلوس بس لما ابوى رمالك الفلوس ما فرحتش لو كيف ما انا فاكره كنت هتاخدها وتطلقنى ليه كل البرم ورانا ده مش مرتحالو يا عمده
رافع بتوتر وقال… احم..فضول يعنى جبتو المبلغ من فين ولما عرفت انو اخويا زعلت انكم كنتو هتقرطسونى وتاخدو مننا وتدونا كانى اهبل
اسرار.. لا.. انا لاول مره احسك كداب وكلامك مش داخل الراس واصل
رافع… ان شا الله عنو ما دخلو يلا غورى من هنه
اسرار قعدت على السرير بضيق وقالت…
طب مشينى وانا هشتغل واجبلك الفلوس
رافع.. ههه هتجيبى نص مليون جنيه من فين ابوكى عمر بحالو ما جمعهوش.. ايه هتشتغلى رقاصه وترفعى شعار هزها تجيب رزقها
اسرار.. انت سافل
رافع… وانتى هبله.. هبله قوى يا اسرار لو كنتى تركزى وتشوفى كويس كنتى هتعرفى انى اخر همى الفلوس دى واصلا هى بالنسبالى حبة فكة
اسرار وقفت قصادو وقالت… ماهو ده اللى هيجننى حابسنى عندك ليه… ليه راهنى لحد الفلوس ما ترجع
رافع.. ..لان الفلوس عمرها ما هترجع عمر ابوكى ما هيجمعها
اسرار… وانت عايز تخلينى فى خلقتك طول العمر ليه
رافع باندفاع… عشان انا
اسرار… انت ايه
رافع.. هنزل افك اخوى
ونزل بسرعه لتحت وقال لكمال….
في ايه قاعد تصرخ كيف الحريم ليه
كمال… انت مجنون حد يربط اخوه الربطه دي
رافع… وانت بتتدخل بيني وبين مرتي ليه مش قايلك مية مره ما تدخلش بينا
كمال.. ماهو اللى انت عملتو ده ما يرضيش ربنا يا رافع بعت ناس ضربو راجل قد ابوك وجايب البنيه غصب وكل ده ليه عشان حبة فلوس خدهم ابوها فى زنقة وقال هرجعهم ولسه ما فرجتش عليه احنا محتاجين فلوس يعنى اعتبرهم زكاه يا اخى احنا فى رمضان..
رافع.. من كل عقلك فاكر ان انا بعمل كده عشان الفلوس حتى انت ما فاهمنيش يا ولد ابوى
وقعد على الارض عند رجليه وكمال بص لتحت عليه لانو كان مربوط وقال…
امال بتعمل كده ليه
رافع… لانى عاشق.. يا كمال.. عشقتها من زمان واما ابوها اتعزر فى الفلوس ادتهملو وكنت رايح طلبها بعد ما امها ماتت بفتره وقبل ما تكلم معاه بس لقيتو بيقولى على ولد خالها طالب يدها.. لسه بقولو وهتديهالو قالى اه هو ولد خالها واولى بيها قولتلو دى انا هتجوزها لحد ما تجبلى فلوسى هتفضل رهينه حدايا
كمال… طب ليه ليه ما قولتلهاش..
رافع.. خوفت لاول مره فى حياتى اخاف لو قالت ما بتحبنيش كرامتي ما هتجيبنيش اقعد وياها خليها كده فاكره انى مش بحبها..
كمال.. ده هبل هو كل اللي اتقدم لواحده واترفض يبقى اتمسح به الارض هى عمرها ما تحبك وانت كاسر عين ابوها.. بعدين الست قلبها في ودنها يعني لو سمعت منك كلمتين حلوين هتلاقي قلبها بيرقصلك
رافع.. مالى انا بالقلب انا عاوزها هي كلها ترقصلى على واحده ونص ببدله مفتوحة الجناب وعصايتى محاوطه خصرها يا ابوى… حكم القلب اشتكى من قلة الهشتكى
كمال بغيظ.. الدنيا رمضان.. الدنيا رمضان.. فكني خلينى اغور انا اكلمك فى ايه وانت فى ايه… فكني وانا هدعيلك ان شاء الله الدنيا تتصلح… ونعملوا مكان حلو ونزينه وتاخدها وتروح تقعد فيه وتقولها ان انت بتحبها وبعد كده تاخدلك شويه حاجات كده وتروح عند ابوها واختها تقولهم رمضان وكل سنه وانتم طيبين ينعاد عليكم بالخير وتديها الهدايا وتقوله عمي حقك عليا وخلاص
رافع.. انا اتأسف هه خسئت انا بتكلم مع مين اصلا ناقص اغنيلها كوتي قمور كوتي شطور.. ده انت فضلك حبه وتقولى هتلها ورد واقف تحت بلكونتها وغنى جاتك البلا
وطلع لفوق بضيق.. وهو بيقول.. انا غلطان كمان صوح اللى يحدت العيال.. ما يسلمش من قيل وقال…
الواد تفك معاه لجل تطلع روحك من اللى انت فيه يقول حديت يطلع روحك للي خلقها اوف
وكمال بقى ينادى ويقول..
طب فكنى… يا رافع… عيب عليك الكلام ده.. ياض عايز اصلي الضهر.. لا اله الا الله..
رافع راح اوضته واسرار قالت..
فكيت اخوك
رافع هز دماغه بالرفض وقال.. تؤ
اسرار.. ليه مش انت نازل عشان تفكه اصلا
رافع… نسيت قعد يقول كلام شرقي غربي ونسيت خلاص هو تحقيق هاتيلي شويه ميه اشرب ريقى نشف من الكلام معاه
اسرار… انت صايم
رافع.. ايوه صح كنت ناسي.. تؤ طب ما كنتى اديتيني الميه وشربت وانا ناسي ما كنتش فطرت..
اسرار بصتلو بدهشه وقالت… ايوه بس انا فاكره وانت بتقولي كده حرام عليا انا
رافع.. خلاص خلاص اسكتى هنام ساعه
اسرار… ماشى
وقعدتوبقت تقرا الورد بتاعها من القران الكريم ورافع بقى متابعها بعيونو لحد ما نام.. وباليل كانو خلصو صلاة التراويح وطلعو ينامو.. رافع قال وهو بيقلع عبايتو
صوت البمب ده مزعج ده انا كتر خير ناسى منى… زمان كان ياجى الضيف احطها تحت الكنبه اللى قاعد عليها واول ما يقعد تفرقع تحتو… ياه على كسفة اهلى سعيتها ٣ ساعات اعتذار… وكنت احطها تحت سرير ابوى وفى قاعدة الحمام
اسرار قالت بشهقه.. يالهوى.. فى الحمام
رافع بضحك.. اه والله بس ربنا ستر الغريب كنت اضحك عليها
اسرار ضحكت وقالت… ولسه بتضحك لحد دلوقت
رافع.. امم وكل ما افتكر اضحك تانى كنت مسخره انا.. ايه مالك شكلك عاوزه تقولى حاجه..
اسرار… هو انا ينفع اطلب منك طلب شوف انا عارفه ان قلبك حجر وراسك جزمه ولا هقولو انت ما هتعملهوش بس عشان ما اقولش يمكن لو كنت قلت.. يمكن ربنا يحرك فيك النخوه نص ساعه
رافع بصلها بطرف عينه وقال.. هو انتى كده عايزاني اعمل اللي انتى عايزاه متاكده.. ده انتى لو بتقوليلي ما تعملهوش مش هتتكلمي بالطريقه دي في ايه يا بت ما تتكلمي عدل لاعدلك..
وقعد على السرير واسرار قعدت جمبه وقالت…
شوف ابوي زعل قوي لما انت بعتت رجالك.. وانا جيت وزعل قوي لما خد الفلوس اصلا بس والله امى كانت بتموت واضطر ياخدهم منك وتاخر فى الدفع عشان مصاريفنا كتير واختى فى جامعه وانت اديك اتجوزتني وجبتني ومرمطتني وانا ما اتكلمتش وابوى نفسه مكسوره وحاسس انه مش قادر يعمل حاجه وان هو السبب في اللي انا فيه
رافع… هو فعلا السبب في اللي انتى فيه
اسرار… بس انا مش عايزاه يحس كده مش عوزاه يحس ان انا متهانه ولا نفسي مكسوره ولا ان انا في مصيبه وهو مش قادر يعملي حاجه
رافع.. ما كنتيش مشيتي ورحتيله
اسرار بحزن… ما انت عارف انا مشيت ليه
رافع.. لا مش عارف انا رجعت ما لقيتكيش
اسرا .. هي امك ما قالتلكش مشيت ليه مش حبيبه القلب جت هنا وشرشحتلي
رافع.. ومين حبيبه القلب دي بقى ان شاء الله
اسرار بضيق… عفت جات وقالت كلام وسخ قال انا زباله وان ابويا جعان وان احنا عملنا كل ده عشان اتجوز.. قال يعنى خدنا منها الامله تؤ وقالتلي انه هي هتعرف ترجعك تاني وترجع المال الاصحابو
رافع بحماس لانو شاف الغيره فى عيونها….
ها وقلتيلها ايه
اسرار.. قلتلها بالساحق والماحق والغضب المتلاحق في داهيه انتى وهو..
رافع بغيظ….. حسبي الله فيا…. ها ومشيتى ليه لما انتى هزقتيها ودعيتي علينا
اسرار… امك اللى منها لله تتشك فى معاميعها اما قلتلها انتى فاكره ان انا قاعده هنا بارادتي ولا بمزاجي انا قاعده مغصوبه على ولدك وولدك لو راجل خليه يطلقنى قالتلي غوري عند ابوكى وانا هجيبلك ورقتك بكره الصبح ولا جابت ولا نيله
رافع بصلها وقال…. ما فيش مخلوق في الدنيا هيقدر يمشيكي من البيت ده طالما انا عايزك فيه واللى حصلك ده عشان ما تسمعيش كلام حد تانى.. ها كنتي عايزه تطلبي طلب..
الفصل التالي اضغط هنا
يتبع.. (رواية رهينة الرافع) اضغط على اسم الرواية لتجد الفهرس كاملاً بجميع الفصول.