رواية رهينة الرافع – الفصل الرابع
٤…..رافع بحماس لانو شاف الغيره فى عيونها….
ها وقلتيلها ايه
اسرار.. قلتلها بالساحق والماحق والغضب المتلاحق في داهيه انتى وهو..
رافع بغيظ….. حسبي الله.. ها ومشيتى ليه لما انتى هزقتيها ودعيتي علينا
اسرار… امك اللى منها لله تتشك فى معاميعها اما قلتلها انتى فاكره ان انا قاعده هنا بارادتي ولا بمزاجي انا قاعده مغصوبه على ولدك وولدك لو راجل خليه يطلقنى قالتلي غوري عند ابوكى وانا هجيبلك ورقتك بكره الصبح ولا جابت ولا نيله
رافع بصلها وقال…. ما فيش مخلوق في الدنيا هيقدر يمشيكي من البيت ده طالما انا عايزك فيه واللى حصلك ده عشان ما تسمعيش كلام حد تانى.. ها كنتي عايزه تطلبي طلب..
اسرار.. ايوه كنت عايزه اطلب طلب منك يعني انا عارفه عارفه ان احنا اللي عملناه غلط وان احنا اخذنا فلوسك وما رجعنهاش وكل حاجه بس يعني ابوى كبير في السن ما ينفعش واصل اللي انت بتعمله ده.. بصراحه عاوزه اروح اتطمن عليه واقلو ان انا كويسه
رافع… كلميه وقوليلو هنروح نفطر عندهم بكره باذن الله
اسرار… ايه مين هنروح دول
رافع.. انا وانتى
اسرار.. امم ماهو كده ما حدش يروح غيرك اصلا كنت عارفه انك هتتريق عليا على فكره
رافع… انا بتكلم بجد يا اسرار كلميهم فى التلفون وانا هروح اجيب شويه هدايا ونروحلهم بكره ان شاء الله ونقولهم رمضان كريم ونفطر معاهم وبالمره استسمح ابوكى على اللي عملته فيه
اسرار ضحكه ضحكه جميله وقالت بوجع..
تصدق اللي يشوفك يقول عليك بتتكلم صح
رافع لف ايدو على كتفها من ورا وقال.. طب وحياه الضحكه الحلوه دي لا هروح وهستسمحو كمان
اسرار… جد يعني… طب انت هتقوله ايه يعنى
رافع… هاقولو حقك على انا غلطت وانت غلطت سامحني واسامحك وخلاص على كده بس مش هترجعي هناك هتقعدي وياي
اسرار بسرعه… اقعد اقعد بس ابويا يبقى فاكر ان انا قاعده بمزاجي ما يبقاش فاكر اني مغصوبه عليك هو زعلان قوي بكى بسببى
رافع.. خلاص كلميهم وانا هنزل اجيب الحاجات اللي هناخدها معانا
اسرار.. لاه ما فيش داعي ناخد حاجه يعني هنروح على كده
رافع… لا ما ينفعش عيب اول مره نفطر عندكم
ومشى وهى طلعت التليفون وبقت تكلم اختها..
تانى يوم قدام المغرب بنص ساعه كانو واقفين عند البيت فتحتلها اختها وقالت…
يا مراحب
رافع.. كيفك يا مها
مها.. كنت زينه قبل ما اشوفك اتفضل
اسرار.. مها بتحب تهزر اتفضل
دخلو ورافع قال.. ازيك يا عم خيرى
خيرى.. الحمد لله يا رافع بيه بخير
رافع.. بص يا عم خيرى انت خدت الفلوس وما رجعتهاش.. وانا تجوزت بتك.. وبتك سابت البيت من غير علمى… وانا بعت بلطجيه مرمطوك.. وانت ضحكت عليا وخدت الفلوس من اخوى ودتهالى.. خلاص كده خالصين.. المسامح كريم
خيرى بفرحه.. يعني هترجع بتي لداري من تانى يا عمده خلاص انا مسامحك في كل حاجه
رافع… مين اللي سامح مين بنتك اهى لو عايزه ترجع هرجعها
وبص لاسرار وغمزلها.. اسرار بصتلو بغيظ وقالت ببتسامه
انا هرجع يا ابوي بس مع رافع اتفقنا ان احنا هناخد فرصه جديد اعتبره بيطلبني منك دلوك
خيرى.. ها انا هصدق الكلام ده يا بتى مش قلتى عليه اول امبارح كيف عزرائيل بيخنقك وهتطلقى
رافع بصلها بتوعد واسرار حمحمت بحرج وقالت..
يا ابوي بقولك الجدع طالب فرصه جديده وانا هديه فرصه احنا في رمضان عاد وكل سنه وانت طيب.. ولا انت ما تنساش عشاني
خيرى… انا اصلا زعلان عشانك
اسرار.. خلاص وانا مرتاحه كده يلا هروح مع مها نجهز الفطره
ودخلت المطبخ مع اختها.. وخيرى بص لرافع بضيق وقال..
فى ايه مره مبهدلنا ومره مفرج علينا الخلق ومره جاى تصالحنا ما فاهمكش يا عمده
رافع.. انا اقولك.. انت لما كنت تشتغل عندى جناينى واتعزرت فى فلوس ادتهالك بس انت ما رجعتهاش واخدت بتك رهينه حدايا عشان ما احبسكش… بس بعدين ما كدبش عليك يعني قلت كده كده في يوم من الايام هتجوز ومواصفات البنت اللي انا هتجوزها يعني موجوده في بتك ف ليه ما تكونش هى انا لما مشت من ورايا اتعصبت وبعتلك ناس وبعدين عرفت اللى زعلها وحليناه خلاص.. وقلنا نبدا ويا بعض صفحه جديده والعروسه للعريس الضرب للمتاعيس
خيرى.. ما تنفعكش يا عده…. بنت الجناينى ما تبقاش مرت عمده الصعيد
رافع… مش مهم تكون بت ناس مهمين.. المهم تملى القلب والعين.. قصدى المهم تكون بتعرف تصون لو تعرف تصون الباقي كله يهون
خيرى.. غريب متحول 180 درجه يا ولد الجبالى
رافع.. فى ايه مخلاص عاد انا لما اديكم على قفاكم تزعلوا ولما اجي اصالحكم تزعلوا يا باى ناس وش فقر
اسرار لطمت على خدودها وطلعت قالت…
يلا يا ابوي جهزنا الوكل احنا
خيرى… خدى جوزك خليه يغسل يده
رافع… على فكره انا مستحمى قبل ما اجي
اسرار شدتو من ايدو ومشيت بيه وقالت.. اهو الحمام رافع دخل وبقى يغسل ايدو واسرار كانت واقفه على عتبة الحمام عند الباب وحاطه البشكير على كتفها ورافع قال…
ابوكى ده يا ساتر عليه ولا حاجه تعدى من تحت يدو
اسرار بضحك.. هه بيعزك حبتين
رافع قرب منها وبص لعنيها وبقى يمسح ايدو فى البشكير وهو على كتفها وقال..
بس يحقلو يكرهنى انا لو عندي مره حلوه زيك كده وجي حد خدها مني اخزق عنيه التنين
اسرا… هو في ايه كانك مش مظبوط النهارده عنيك بتبصلى بطريقه غريبه…
الفصل التالي اضغط هنا
يتبع.. (رواية رهينة الرافع) اضغط على اسم الرواية لتجد الفهرس كاملاً بجميع الفصول.