رواية عشق بين بحور الدم – الفصل السابع والثلاثون 37
بيوصل ادهم عند السكه الحديد وتحديدا عند البيت الي كان فييه دهب وبيكسر الباب…….
بيدخل وكان البيت فاضي تماماً بيمشي ببطيء وخلفه رجالته وهو ماسك سلاحه وبيدور بعينه علي روحه…
لحد ما بيدخل الغرفه وبيبص وكان السرير متبهدل ولكنه بيلاحظ نقط دم علي الحيطه وعلي السجاده…..
ولكنه بيتصدم اكتر لما بيلاقي طرحه دهب مرميه علي الارض وقال برعب:معني كدا ان دهب كانت هنا ب الفعل
ياترا انتي فيين يا عمري….. وبيحط الطرحه في جيبه
وبيفضل يدور لحد مابيلاقي الخاتم بتاعها مرمي علي الارض وبيتصدم اكتر…..
ادهم بقلق وصدمه:كدا الخيط الوحيد الي كان هيوصلني بيها ضااع….. بيقعد علي السرير بصدمه وهو مش عارف يعمل اييه….
ولكن فجأه بيدخل احد رجاله:ادهم بييه لقينا حاجه….
ادهم:لقيت اييه….
بيقرب منه الحارس وبيديله شنتطها الي كان فيها كل حاجه حتي الموبايل…… وبيضايق اكتر وبياخد الشنطه والحاجه وبيخرج وهو في قمه غضبه….
ولكنه بيتصدم لمت بيلاقي عمران في وشه وهو ملهووف..
عمران بصدمه:يعني كلام خلف صوح وبتي مخطوفه..
ادهم بغضب وحده:يعني مين الي خطفها اكده.
عمران بقلق:مني مرت اخوي خطفتها عشان عشان…
ادهم بحده:عشان اييه….
عمران بغضب:عشان امير ابنها يغتصبها ويبعتولك الفيديو ويذلوني اني وانت بييه….
بيبتسم ادهم:عموماً اطمن اني متجوز الست الصح دهب قتلت ولد اخوك وهيا بتدافع عن نفسها…..
عمران بيبتسم بفخر ولكن بقلق وتوعد:القيها بس وانا هعمل فيهم الي محدش يتوقعه….
ادهم:اني مش هعرف اعيش من غير ما الاقي مرتي دي عمري وهلاقيها معايا ولا تروح وتستني لما اجيبها….
عمران بتوعد:معاك ياكبير هم بينا……
وبيركب عمران مع ادهم والرجال وراهم ب السيارات…
وب الفعل كانت الدنيا مقلوبه رأساً علي عقب…
وخبر خطف بت العمده ومرت الكبير انتشر بسرعه مش طبيعيه في الصعيد كلها……
في مكان مجهول.وفيه ظلام دامس..
… كانت دهب نايمه علي الارض وايدها ورجلها فيهم اساور حديد بسلاسل..
بتفتح عيونها ببطيء وبتشوف ضلمه بس وبتخاف وبتتسند لحد مابتقعد وتسند ضهرها علي الحيطه….
دهب بتعب ودموع:يارب نجيني يارب انا تعبانه….
وعكس رد الفعل المتوقع مبتصرخش وبتفضل ساكته وهيا مش شايفه حتي ايدها من الظلام…كانت بتبكي بس في صمت….
وفجأه بيتفتح باب زي باب غرفه وبيتفتح النور والصدمه لما بتكون مني وان دهب في بيت مهجور…..
وكانت في غرفه كلها من حجاره ومفيش اي عفش ولا بلاط ……
مني بشماته:فرحانه فيكي وفي قعدتك يابت عمران….
دهب كانت باصه قدامها زي ماهيا ومبصتلهاش حتي ولا كانها موجوده وهيا اشتعلت غضب وغل اكثر….
وقربت عليها ونزلت لمستواها ومسكتها من شعرها جامد لدرجه انها توجعت وبصوت كفحيح الافاعي:انا هخلص عليكي زي ما خلصت علي ابنك اووف نسيت اقولك مش انا الي اديت حاجه لتماره تحطهالك في العصير والاكل وكمان مع العربيه الي اتقلبت الحمل نزل اسرع ب اسبوعين كدا ولا حاجه بس مش مشكله هدمرك ومش هخلي حد يوصلك لو عملو اييه حتي عمك الغبي فاته مات اصلي حطاله السم قبل ما اجي في الشاي والمفروض انه كان هيحطه لابوكي الي محبوس دلوقتي اصل انا وحيت خلف وحطله مخدرات واثار لاء وكمان اوراق مزوره وراح هو واخوكي وحبيب القلب ابن الجرايحه مش هيلاقيكي لو لف الكون كله عليكي مش هيلاقيكي وهتموتي هنا من الجوع والبرد ومش هفكر اساعدك حتي وانا هكون اسعد اانسانه لما اشوفك بتموتي ب البطيء….. ولو علي امير الي مات ف هو اصلا ً مش ابن خلف دا ابني انا بس في الحراام ورقيه الغبيه بس الي بنتي وبنته بس انا مبحبهاش البت دي دايما عامله فيها شريفه وعفيفه وهيا اصلاً متجوزه من غالب الجارحي من اربع سنين….
……….
بتتصدم دهب من كل الي سمعته دا وكانت بتبصلها بذهول ودهشه وصدمه وهيا مش مستوعبه اي حاجه…..
دهب بصدمه:انتي شيطانه لاء انتي ألعن من الشيطان….صدقيني انا واثقه اني حبيت واتجوزت الشخص الصح وان شاء الله هيلاقيني انا متأكده وروحي ياشيخه حسبي الله ونعم الوكيل فيكي …….
بتسيبها مني وهيا بتضحك بسخرية:هههه ابقي قابليني يا بت عمران ابوكي واخوكي محبوسين واقل حاجه 15 سنه وحبيب القلب ابن الجرايحه مش هيلاقيكي لاننا غيرنا المكان لمكان عمره ما هيفكر فييه انتي في وسط جبال الصعيد لا حوالينا ناس ولا اي شيء غير الديابه والضباع في كل مكان اني هرجع للصعيد دلوك وهسيبك اهنه لوحدك وهبقا اجيلك بعدين هههههه…….
بتدخل تماره وبتبصلها بشماته :وانا بقا هاخد ادهم حبيبي وهنتجوز وانتي هتموتي اهنه….
دهب بغضب:عمر ادهم ما هيفكر في شيطانه زيك لاء وهيفكر ازاي بعد ما قتلتي جده وحطتيله السم في العصير بتاع قبل النوم……
بتتصدم تماره ومني انها عارفه بس بيضحكو……..
تماره بخبث:انا عاوزه حقي
مني:حق اييه يا ام حق….
تماره بغل:حقي في كل الي حصل مش قولتي هتديني 20 مليون وعليهم ادهم بعد ما نخلص انا عاوزه ال20 مليون.
مني بتضحك بسخريه: غالي والطلب رخيص يا حبيبتي..
بتبتسم تماره بخبث وبتلف تبص لدهب الي بتبصلهم بقرف واحتقار ولكن فجأه بتطلع مني سك/ين وبتطعن تماره في ضهرها وتماره بتتصدم ومني بتبتسم وبتطعنها مره تانيه لحد ما بتقع علي الارض ميته ودهب بتتصدم وتصرخ…
دهب برعب:اعاااااا اعااااااااااا……
مني بحده:اخرسي متوجعيش دماغي احسن اقتلك وارتاح جتك الهم….. يا ابو سريع انت ياواد…
بيدخل رجل ضخم:ايوا يا ست……
مني ببرود:خد الزباله دي من اهنه وامسح الدم ده واقفل علي المحروسه واياك حد يجي جنبها ولا تهرب اني فهمتك اهوو اني همشي دلووك وهرجع تاني…..
وبتبصلهم بقرف وبتخرج اما دهب بتعيط وهيا مرعوبه ومنهاره والرجل بيشيلها علي كتفه وبيخرج وبيدخل شخص تاني وبياخد السكين ويمسح الدم وبيخرج وبيقفل عليها باب حديد والنور بيروح ودهب بتعيط ب انهيار….
دهب برعب:يارب نجيني يارب ادهن ونبي تعالي بقا انا هموت من غيرك…..
_&&&&&&&&&&_&&&&&&&&&_&&&&&&&_
في قصر العميري…… وتحديدا في الصالون..
كان قاعده جليله ونواره جميع حريم عائله العميري ويرتدون اسود …….. وورقيه بتعيط وجليله حاطه ايدها علي خدها وبتبص قدامها بحزن اما نواره كانت بتبكي قلق علي بنتها في صمت وقلبها محروق…..
احد السيدات:مكنش يومكم يا ولاد العمايره الموت بياخدكم واحد ورا التاني يا ولددي….. ربنا يرحمك ياحماد ويرحمك ياخلف…… ربنا يصبرك يا جليله متزعليش يا حبيبتي….
جليله:اني مهزعلش علي قدر ربنا بس هاخد حق ولادي…
وفجأه بتدخل صفيه وعايده وجواهر الي كانت بتعيط..
جواهر بحزن ودموع:حصل امتا وازاي ياما…
جليله بجبروت:حصل الي حصل يابت بطني اخوكي قابل رب كريم وحقه راجع راجع…….
جواهر بوجع:مين الي عملها ياما قوليلي……
جليله مبتردش عليها………. وفجأه بيدخل الغفير…
الغفير:ياست جليله ياست جليله….
جليله بحده:خيرر يا فقر اخبارك ما بتفرحش…
الغفير وهو بينهج:عبد الصمد الجارحي لقوه مقتوول علي الطريق الصحراوي والي قتله اخد كل اعضائه حتي عيونه وكمان لاقو ضباع الجبل بتنهش في لحمه…
بيتصدم الجميع ولكن كانت صدمتهم الاكبر لما وقفت جليله وزغرطت بكل فرحه:حق حماد ولدي رجع رجع حقك ياولدي ربنا مبيسبش حق حد…..ارتاح ياولدي ارتاح..
صفيه بصدمه:وماله بولدك حماد يا حاجه جليله..
جليله بفرحه وكأنها مجروحه وجرحها لم:هو الي قتل ولدي زيدان الجارحي بريء من دم ولدي……
بيتصدمو اكتر اما جليله كانت فرحانه وباقي العمايره كانو فرحانين….
(عمر ربنا مابيسيب حد ولا بينسي حق حد لو مظلوم خليك واثق ان ليك رب كريم واشهد ان لا اله الا الله واشهد ان محمداً عبده ورسوله…..)
+++++++/////////////////////////////////////+++++++++
عند دهب…. كانت لسا قاعد بتعيط وحاسه بتعب ووجع مش طبيعي…. وكانت بردانه بشده
دهب برعب:يارب يارب انا خايفه اووي وبردانه يارب انت القادر علي كل شيء….
وبتنام علي جمبها اليمين وهيا حاسه ان روحها بتروح..
وكانت بتعيط بحرقه:ادهم ارجوك تعالي بقا انا تعبانه اووي..
في الخارج……. وتحديدا علي الباب….
كان قاعد اربع رجال ضخام وقال احدهم:متعرفش دي مين الي جوا دي…
واحد منهم بتوتر:دي دي مرات الكبير ادهم الجارحي كبير البلد…..
بيتصدم الرجل:بتقول اييه وهيا ازاي اتجرأت ياجدع يعني الي جوا دي بت العمده عمران ومرت الكبير يامصيبتي…
رجل اخر:وماله الكبير ده يعني مش احنا واخدين فلوس…
الرجل برعب:ادهم الجارحي مش انسان طبيعي دا لو عرف المكان دا هيقلبها مجزره دا لا يعرف رحمه ولا اي شيء انا اعرف انه كان في ايطاليا اكبر زعيم مافيا انا كنت شغال مع واحد من اعضاء المافيا لمده سنين بس سبته دا مره عمل مجزره في لندن وقتل فيها 5000 شخص بطوله هو ورجالته بس وعشان بس سرق بضاعته دا اسمع ذئب الموت لاء انا مليش في المصلحه دي انا ماشي…………
رجل اخر:واحنا مالنا هيا دفعت واحنا ملناش دعوه بيها احنا عبد المأمور….
الرجل:ادهم الجارحي لا يعرف عبد المأمور ولا غيره دا بيقتل اي حد بيجي في طريقه……
بيقلق الرجال ولكنهم بيكملووو شغلهم والرجل كان مرعوب…
بعد مرور اربع ايام كاملين وكان العزا خلص وادهم منامش حتي وبيلف علي دهب في كل مكان ومني اختفت ولكنها كانت بتراقبهم في صمت والجميع كان مرعوب علي دهب وعمران مغمضلوش عين وبيدور عليها في كل مكان مع ادهم… ولكن لا اثر لها ولا خبر……حتي سامر كان بيحاول معاهم والبلد كلها بتدور عليها …
في سياره ادهم كان سايق علي احد الطرق الصحراويه وراجع من منطقه بعيده وكان معاه عرفه……….
فجأه بيوقف العربيه في نص الطريق وبيرجع ضهره للخلف وبيغمض عينه بتعب واضح….. وبيبدأ يولع سيجاره وبيدخن….
عرفه بحزن ومواسه:لازم ترتاح يا ادهم عشان تقدر تكمل وتدور…. انت من يوم ما اختفت وانت مرجعتش القصر حتي ولا نمت ولحد دلوقتى في الشوارع…..
بيطلع ادهم نفس من فمه وهو بيبص للطريق:انا مقدرش ادخل البيت من غيرها مقدرش ابص علي السرير وهيا مش نايمه عليه ولا اقدر اروح مكان وريحتها مش فييه دهب بقت ادمان ب النسبه ليا انا بقيت مقدرش اعيش من غير روحي وهيا روحي…. انا منكرش اني تعبت اووي بس مش من اللف والتدوير من بعدها ازاي افضل 4 ايام و8ساعات و36 دقيقه و47 ثانيه من غيرها…….
بيتصدم عرفه ان ادهم عارف الوقت ب الدقايق والثواني كمان….. عرفه:معلش يا صاحبي هنلاقيها والله خير…
ادهم بيحس بنغزه في قلبه لدرجه انه بيتوجع:ااه…. وبيحط ايده علي قلبه…
عرفه بحده:لازم نشوف حل للتعب دا انت مش راضي تعمل العمليه حتي…. بس بعد ما هنلاقيها هتعملها يا ادهم تعالي وانا هسوق مكانك…..
بيبصله ادهم ببغضب:انا مراتي وابني مخطوفين وعاوزني افكر في نفسي وعمليه وزفت…
عرفه بصدمه:ابنك هيا حامل…..
بيدور ادهم العربيه وبينطلق بسرعه……. وعرفه بيسكت.
يتبع.. (رواية عشق بين بحور الدم) اضغط على اسم الرواية لتجد الفهرس كاملاً بجميع الفصول.