رواية صراع الأخوة الفصل الثالث عشر 13 – بقلم مصطفى محسن
رانيا وعاطف اتجمدوا مكانهم من الصدمة، الشقة كلها كانت مقلوبة والعفش متكسر، عاطف بص لرانيا وقالها: إيه ده؟ رانيا قالته بصوت متقطع: أنا… أنا مش عارفة، عاطف قالها: ومش هنقدر نعرف مين عمل كدة لأنّي مسحت كل التسجيلات كاميرات المراقبه.
–
عاطف قالها: لازم نروح القسم الشرطة دلوقتي حالا، رانيا قالتل: الموضوع مش محتاج شرطة، أنا عرفت مين اللي عمل كده، عاطف قالها: مين؟ قالت: مافيش غيرها… شيماء، وفجأة أحمد دخل من باب الشقة لأنه كان مفتوح وقال بغضب: لا يا رانيا، مش شيماء، أنا اللي عملت كده ولازم أعرف ابني راح فين.
–
رانيا وقفت قصاده وقالت بتحدي: ابنك مش عندي، ابنك مع شيماء، أحمد قالها: شيماء أصلاً كانت متفقة معايا من وقت ما أخوها اتقبض عليه وكنا متفقين تدفعي لها مليون جنيه من ميراثك، ويوسف كان فى شقتى الجديده، ولما قالتلي إنك كلمتيها وقلتي مالكيش دعوة بيوسف قلت نوقف اللعبة.
–
ولما روحنا نجيب يوسف لقينا باب الشقة مكسور ويوسف مش موجود، وانا قولت مافيش حد حقير غيرك إنتي وجوزك يعمل كده، عاطف تدخل بغضب وقاله: إنت يا وسخ بتتهمني إني اخذت ابنك؟، أحمد قاله: حمزة ابني اتاخد من شقتى وهعمل فيكم محضر دلوقتي.
–
رانيا صرخت وقالت: انا كمان هعملك محضر انك اخذت حمزة ابني، ومفيش غيرك اللي كسر شقتي وخده، أحمد قرب من رانيا وضربها بالقلم على وشها فوقعِت على الأرض، عاطف جري على أحمد وضربه بوكس في وشه فوقع هو كمان، الجيران اتلموا وفرقوهم، والشرطة وصلت، رانيا جريت على الضابط وقالت: كسر شقتي وخد ابني يا حضرة الضابط.
–
أحمد قاله بسرعة: لا والله، رانيا وجوزها هما اللي خدوا ابني، الضابط بص لهم الاتنين وقال بغضب: هو انا مش ورايا غيركم؟ بتاكلوا في بعض ليه؟ وأخدهم التلاتة في عربية الشرطة وراحوا القسم، الضابط قرب من الثلاثه وقالهم: امال لو مكنتشوا إخوات كنتوا عملتوا في بعض إيه؟.
–
رانيا قالت للضابط وهي بتعيط: والله ما عملتش حاجة، انت شفت بنفسك الشقة متكسرة وأحمد هو اللي خد ابني، أحمد قال بسرعة: والله هي اللي كذابة، هي اللي خدت ابني، الضابط بص لأحمد وقاله بغضب: انت اللي كسرت شقتها؟ أحمد اتردد شوية وبعدين قال: أيوة… أنا اللي كسرت الشقة، كنت بدور على ابني.
–
الضابط رن الجرس ودخل العسكري، الضابط قاله: خده حطه في الحجز، وبعدها بص لرانيا وقالها: ابنك هيرجعلك متقلقيش، دلوقتي قسم المباحث بيكمل إجراءاته وأنا هكتب المحضر، اتفضلوا برا، رانيا خرجت هي وعاطف وقعدوا على الكرسي بره، عاطف بص لها وقال: مش قلتلك أنا مش مطمن؟ رانيا قالته: ده كله في مصلحتنا، دلوقتي أحمد هيبوس على إيدي عشان يخرج، وساعتها هقوله يتنازل عن حقي في الشركة.
–
فجأة موبايل رانيا رن، بصت لقيتها سعاد، ردت بسرعة، سعاد قالت وهي منهارة: الحقيني يا رانيا، حمزة خرج ومش عارفة راح فين، الموبايل وقع من إيد رانيا من الصدمة، عاطف خطفه بسرعة وقالها: في إيه يا سعاد؟ حمزة بخير؟ سعاد قالته بصوت مكسور: لا… حمزة مش لاقياه.
–
عاطف قال لسعاد بعصبية: إزاي؟ وانتي كنتي فين؟ سعاد قالت وهي بتعيط: والله دورنا في كل مكان ومالوش أي أثر، عاطف قفل المكالمة ومسك رانيا من كتفها وقال: ضيعتي حمزة… حرام عليكي، رانيا قالته: بتلومني ليه؟ لوم نفسك انت اللي بدأت كل ده من الأول، عاطف كان لسه هيرد لكن شاف دينا مرات أحمد وشيماء داخليين مكتب الضابط.
–
رانيا قالت: هما جايين ليه؟ وليه شيماء معاها؟ عاطف قال: مش مهم دلوقتي، المهم نمشي نشوف حمزة فين، قاموا يمشوا لكن العسكري ناداهم وقال: حضرة الضابط عاوزكم حالاً، دخلوا لقوا شيماء ودينا قاعدين، الضابط وقف وقال: دينا بتتهمك إنك اللي اخذتى يوسف، رانيا قالت: محصلش، شيماء قاطعتها وقالت: حصل وعندي تسجيلات مكالمات.
–
الضابط قال: لازم اعمل محضر وأتحفظ عليكي، رانيا بصت لعاطف وقالت: متسيبش حمزة، دور عليه، عاطف ما ردش وخرج، في نفس اليوم أحمد ورانيا اتعرضوا على النيابة واتقررت حجزهم لحد الجلسة، وبعد أيام اترحلوا المحكمة ووقفوا قدام القاضي والقاعة كلها هدوء.
–
القاضي كان بيقلب في الأوراق وبدأ يسمع أقوالهم، وقبل النطق بالحكم فجأة أمهم دخلت القاعة ومعاها حمزة ويوسف، القاعة كلها اتصدمت، الأم قربت من القاضي وقالت: أنا أم أحمد ورانيا، أنا اللى عملت كدة، شيماء صديقة رانيا كلمتنى وحكتلى اللى حصل وانا قوتلها تسمع كلام رانيا بس وتجيب يوسف عندى، وبالصدفة سعاد بنت اختى كلمتنى وقالتلى رانيا سبتلى حمزة معايا قوتلها انا هاجى اخده ومتقوليش لرانيا انا عملت كدة يا حضرة القاضي عشان أعلمهم يحافظوا على أولادهم ويعرفوا إن الفلوس مش كل حاجة، القاضي هز راسه وبص في الأوراق وقال: حكمت المحكمة ببراءة كل من رانيا سامي وأحمد سامي، في اللحظة دي الأم قربت من القفص، رانيا وأحمد مسكوا إيديها وباسوا إيديها وهم بيعيطوا.
- اقرأ ايضا روايات ترند – كوكب الروايات
يتبع.. (رواية صراع الأخوة) اضغط على اسم الرواية لتجد الفهرس كاملاً بجميع الفصول