رواية شوف بقينا فين الفصل الخامس 5 – بقلم ميمي عوالي

اللَّهُمَّ لَكَ أَسْلَمْتُ وَبِكَ آمَنْتُ، وَعَلَيْكَ تَوَكَّلْتُ وَإِلَيْكَ أَنَبْتُ وَبِكَ خَاصَمْتُ، اللَّهُمَّ إِنِّي أَعُوذُ بِعِزَّتِكَ لَا إِلَهَ إِلَّا أَنْتَ أَنْ تُضِلَّنِي، أَنْتَ الْحَيُّ الَّذِي لَا يَمُوتُ وَالْجِنُّ وَالْإِنْسُ يَمُوتُونَ

5

#شوف_بقينا_فين

البارت الخامس

محمد لليلى : اقعدى هنا بقى كده و فهمينى بالراحة و من غير كلفتة .. ايه اللى حصل تحت وقت الغدا ده بالظبط

ليلى : حصل ايه #ميمى_عوالى

محمد بترصد : كلامك و هجو .مك على العريس اللى متقدم لنادين من غير سبب و لا مناسبة

ليلى : هو انا عشان قلت رايى ابقى بها .جم

محمد : و هو اللى يقول رايه .. يقوله برضة بالشكل ده  ، ده انتى كان فاضل تكلميه و تقوليله طلبك مرفوض و مالكش جواز مننا ، ثم انتى مالك انتى ان كان ارمل و اللا مطلق انا مش فاهم

ليلى : يعنى ايه انا مالى ، ماحنا طول عمرنا عايشين مع بعض و كل واحد بيقول رايه عادى يعنى

محمد : بس فى دى مش عادى يا ليلى ، فى دى انتى غلطتي ، و بعدين مالاحظتيش ان ماحدش اصلا علق بولا كلمة غيرك ، لولا بس عبد الرحمن شكر فى اخلاق الراجل ، ده حتى نبيلة استغربتك و انتى عمالة تعملى اللى عملتيه ده

ده انا ياللى عمها مانطقتش و لا انا و لا مأمون ، ثم فرضا بقى ان البنت وافقت ، تفتكرى هينسوا انك انتقدتيه و ها .جمتيه بالشكل ده

ليلى : تف من بقك بس ، قال توافق عليه قال ، ثم هو سايب السنين اللى فاتت دى كلها و جاى يتقدم دلوقتى

محمد : اما انك والله امرك عاجب ، و هو انتى عاوزاها ترفضه ليه انا مش فاهم ، و تفرق معاكى فى ايه دلوقتى من قبل كده

ليلى بضيق : تفرق انى ما صدقت انى اقنع ابنك انه يتجوزها

محمد بصدمة : مصطفى و نادين

ليلى : ايوة و فيها ايه دى

محمد : و بتقولى كمان ان ابنك اقتنع

ليلى : ايوة .. انت مالك مستغرب كده ليه

محمد : مستغرب عشان ابنك كان لسه من كام شهر  بس قايل لي اخطب له شكران عشان بيحبها و بيموت فيها ، لحق ينساها و ينقل العطا على نادين امتى انا مش فاهم

ليلى بصدمة : طلب منك تخطب له شكران ، و ازاى ماحدش فيكم قاللى الحكاية دى قبل كده ، و هو انت خطبتهاله من ابوها فعلا

محمد : لا .. انا اتكلمت مع شكران بعيد عن ابوها عشان اعرف رايها

ليلى باهتمام : و بعدين

محمد : ردت عليا يوم المسابقة بتاعتها و قالتلى انها عملت استخارة و ما استريحتش للموضوع

ليلى : و انت قلت لابنك الكلام ده

محمد : من يوميها

ليلى : ازاى كل ده يحصل من غير ماتقولولى

محمد : اللى خلانى ماقلتش لابوها عشان الكلام مايكترش و نزعل من بعض

ليلى : و لا هو انت كنت عارف انها هترفض

محمد : كنت حاسس

ليلى : اشمعنى بقى

محمد : دى حاجة بينى و بين بنت اختى ، و كل ده مالوش علاقة بموضوعنا اصلا

ليلى و اللى نسيت اصلا موضوع نادين : موضوع ايه ده

محمد بتعجب : انك بتقولى ان ابنك وافق انه يخطب نادين

ليلى : طب و هو انت تكره ان ابنك ياخد بنت اخوك

محمد : اكره انه ياخدها تعويض يا ليلى ، ابنك كان بيحب شكران و مايتهيأليش انه لحق ينساها ، و اللا انتى مش واخدة بالك من حبسته اللى حابسها لروحه من يوم المسابقة ، و اللا واخدة بالك و بتحاولى تداويه على طريقتك #شوف_بقينا_فين

ليلى : و ايه المشكلة يعنى لما ادور على سعادة ابنى و هناه

ليلى : سعادته و هناه مش على حساب نادين ياليلى حرام عليكى

ليلى باستنكار : حرام عليا .. طب دى نادين تتمنى

محمد بسخرية : عارف

ليلى : و لما انت عارف زعلان ليه بقى ، ماهى هتاخد اللى بتتمناه اهو

محمد : لما يكون هو كمان بيتمناها ياليلى

ليلى : و هو يعنى كل اللى بيتجوزوا بيتجوزوا عن حب

محمد و هو بيقوم من مكانه : لو تقبلى ان ابنك يتجوز واحدة و هى قلبها مع غيره .. ابقى انا كمان اقبل اللى انتى عاوزة تعمليه فى بنت اخويا اللى انتى بذات نفسك مربياها على ايديكى ياليلى ،

لو اللى انتى عاوزاه ده حصل و البنت انكسرت .. كسرة قلبها هتكسرنا كلنا و اولهم ابنك

بعد ما محمد سابها و دخل على اوضة النوم ليلى قالت بصدمة : شوفى ياختى الراجل اللى عمال يهنن و يدافع عن بنات اخواته و بيدور على مصلحة كل واحدة فيهم من يامة و مش فارق معاه الواد ابنه و قهرة قلبه

و قامت بغيظ راحت على اوضة مصطفى اللى لقته بيحاول ينام و قفلت الباب وراها و هى بتقول بضيق  : هو انت ليه ما قلتليش ان ابوك اتكلم مع شكران و انها رفضت #ميمى_عوالى

مصطفى بامتعاض : و هتفرق فى ايه

ليلى : انت يا واد انت هتجننى ، يعنى ايه تفرق فى ايه ، مش المفروض ابقى عارفة اللى بيحصل حواليا ، تقوم انت و ابوك تخبوا عليا بالشكل ده ، لا و كنت لسه بقول لك اخلى ابوك يخطبهالك تقوللى يرضيكى برضة ترفضنى ، انتو بتستهبلونى انتو الاتنين

مصطفى : بابا قال بلاش نقول لك عشان ماتاخديش منها موقف

ليلى : طب مانا لازم اخد منها موقف ، هو انا حيلتى غيرك

مصطفى بضيق : ماما ارجوكى .. الموضوع عدى و انتهينا خلاص

ليلى بترصد : و نادين

مصطفى : مالها هى كمان

ليلى : هو مش انت امبارح وافقت عليها

مصطفى : و اهو جالها عريس النهاردة ، هنعمل ايه بقى

ليلى : تروح لنادين و تقول لها انك عاوز تتقدم لها من غير ما ابوك و لا ابوها ولا حد فيهم يعرف

مصطفى : ازاى يعنى الكلام ده

ليلى : زى ما ابوك عمل كده مع شكران

مصطفى : لا يا ماما .. انا ما اعرفش اعمل كده

ليلى : خلاص انا هقول لها

مصطفى : ماينفعش تقوليلها دلوقتى و فى حد متقدملها .. اصبرى اما نشوف هيبقى رايها ايه ، مش يمكن توافق عليه

ليلى : مش هتوافق .. بقى ترفض كل اللى اتقدمولها دول و توافق على ده

مصطفى : بكرة يبان .. بس برضة المهم انك ماتجيبيش سيرة حاجة خالص دلوقتى لو سمحتى

ليلى : و ايه المشكلة اما نعرفها انك اخيرا فكرت فيها و نويت تخطبها ، على الاقل انها لو فكرت تشوف لها سكة بعد ما يئست منك نعدللها دماغها

مصطفى : برضة لأ .. انا مش عاوز مشاكل مع بابا

ليلى : و هو هيعرف منين بس

مصطفى بزهق : يا ماما ارجوكى تريحينى المرة دى بس #شوف_بقينا_فين

ليلى و هى بتنفخ بضيق : انت حر .. انا زهقت

اما عند نادين .. نبيلة ندهتلها تقعد معاهم شوية قبل ما يناموا ، و بعد ماقعدت حسين قال لها بمرح : انبسطتوا لما طردتوا ممدوح كده

نادين بضحك : هو يعنى لازم نديله استمارة ستة عشان نعرف ناخد راحتنا شوية ، مايحل هو عنها شوية

نبيلة : بكرة تترد فيكى

نادين : ليه ان شاء الله ، هاخدها منه

حسين : او انتى اللى حد ييجى ياخدك مننا

نادين تعبيرات وشها اتاخدت و قالت : ايه الحكاية

حمزة ضحك و قال : انا من يوم مارجعت من السفر و انا كل يوم بتاكد زيادة ان البت دى مابقيتش سهلة

ابدا

نبيلة طبطبت على ايد نادين و قالت : فى عريس متقدملك

نادين : مين

حسين : قبل ما اقول لك مين هفكرك انك وعدتينا انك هتصلى صلاة استخارة قبل ما تقبلى او ترفضى

نادين بخفوت : و انا عند وعدى يا بابا

حمزة : مالك يابت عملتى كده ليه ، ده انتى المفروض تبقى مبسوطة ان فى حد عبرك

نادين مارديتش على حمزة و بصت لباباها و قالت له بفضول : مين يا بابا .. حد اعرفه

حسين : ايوة يا حبيبتى .. كابتن هاشم مدرب الخيل بتاع شوشو

نبيلة : اخوكى قال لى انك عارفة انه ارمل ، بس كمان لازم تعرفى انه اصلا مهندس و عنده مكتب بتاعه و كمان اخوكى بيقول انه مستريح ماديا

حسين : الراجل طلب من اخوكى انه يحدد له معاد عشان ييجى يتقدم ، بس انا عاوزك تفكرى يا حبيبتى براحتك و تصلى براحتك زى مانتى عاوزة ، و اول ما توصلى لقرار عرفينى عشان نرد عليه

حمزة : و لحد ماتاخدى قرار انا هجيب لبابا كل المعلومات اللى ممكن تفيدنا فى اننا نكون راى عنه و ان شاء الله خير

نادين لحمزة بفضول : لو لقيت ان كل حاجة كويسة .. انت موافق

حمزة : انا من زمان بحبه و بحترمه حتى من قبل ما اسافر ، هاشم للامانة شخصية محترمة و دماغه حلوة

و لازم تعرفى انى مش بقول لك كده عشان توافقى ، انا بس برد على سؤالك

نبيلة : ربنا يهديكى للى فيه الصالح ليكى يا نادين يا بنت نبيلة قادر كريم

نادين قامت و قالت : انا هروح اصلى استخارة قبل ما انام

نادين فعلا صلت استخارة فى خشوع تام و طلعت بعد كده على سريرها و هى بتفتكر كلام وداد ليها وقت ما شكران كانت بتغسل المواعين ، لما وداد قالت لها

فلاش باك

وداد بتردد : فى حاجة كده عرفتها و مش عارفة اقول لك عليها و اللا لا

نادين : حاجة ايه .. ماتقولى على طول

وداد : من كام يوم كده عرفت من ممدوح ان عمى محمد كان كلم شكران على مصطفى و هى ماوافقتش

نادين بانتباه : خطبها يعنى

وداد : قال لها فكرى و ردى عليا بعيد عن ابوكى و لو لقيتى ان مالكيش كيف يبقى خليها بيننا و بين بعض عشان ابوكى ماينحرجش منى بعد كده

نادين : انا اول مرة اسمع الكلام ده

وداد : مانا بقول لك الكلام كان بين عمك و شكران و بس

نادين : و شكران ماحكيتلكيش

وداد : لحد دلوقتى مانطقتش بكلمة ، و انا لما عرفت قلت خلاص مافيش داعى بقى انى اجيبلها سيرة طالما هى ما اتكلمتش

نادين : اومال ممدوح عرف منين

وداد : مصطفى اللى قال له

نادين هزت راسها و سكتت ، فوداد رجعت قالت : انا قلت اعرفك عشان تعرفى قرارك اللى اخدتيه اخر مرة و قلتيلى عليه كان صح و اللا غلط ، و تفضلى على رايك و اللا لا ، لانه النهاردة .. قال لممدوح كمان ان طنط ليلى عاوزة تخطبك ليه و هو وعدها انه يفكر

نادين : قرارى اللى اخدته قبل كده كان صح يا وداد

وداد : بس هو دلوقتى اكيد هيشيلها من دماغه

نادين : بس مش هيشيلها من قلبه

وداد : طب مش يمكن لما تتخطبوا …

نادين : هرفض #ميمى_عوالى

وداد : طب ماتديله فرصة .. مش يمكن

نادين : لا يا وداد .. انا يمكن اكون حبيته بصحيح ، لكن انا مش هرجع فى قرارى ، عمرى ماهسمح لقلبى انه يقل من كرامتى ابدا

وداد : حقك عليا لو كنت ضايقتك .. بس انا قلت ان من حقك عليا انى ما اخبيش عليكى حاجة زى دى

نادين باست وداد من خدها و قالت : خير ماعملتى

عودة من الفلاش باك

نادين فضلت تدعى ربنا انه يدلها على الخير ، و ان لو مالهاش نصيب فى مصطقى ربنا يشيله من قلبها بقدرته .. لحد ماعنيها راحت فى النوم

فى مكان بعيد فى شقة فى حى راقى .. كان هاشم واقف فى المطبخ بتاع شقته بيعمل قهوة .. لما مامته دخلت عليه و قالت : صباح الخير

هاشم : صباح الخير .. صاحية بدرى يعنى

ناهد : قلقت على صوت باباك و هو نازل و ماعرفتش انام تانى .. فطرت

هاشم : ااه الحمدلله .. هشرب القهوة و اتوكل على الله على طول

ناهد : مافيش اخبار عن البنت بتاعة النادى

هاشم : لسه شوية .. انا يادوب كلمت اخوها امبارح ، لقيته بس بعتلى مسدچ و قاللى انهم هيردوا عليا بعد ماهى تصلى استخارة

ناهد بابتسامة رضا : بداية مبشرة بالخير ان شاء الله

هاشم : انا همشى بقى .. محتاجة حاجة منى ، اعمل لك فطار قبل ما انزل

ناهد : لا ياحبيبى .. نعيمة زمانها جاية ، اكون انا كمان خدت شاور و فوقت شوية

هاشم : ماشى .. سلام

ناهد بعد شوية كانت بتتكلم فى التليفون و بتقول : يا سارة انا مايفرقش معايا المستوى المادى ، احنا مش ناقصين فلوس ، انا ماصدقت ان اخوكى اخيرا فكر يتجوز من تانى بعد هويدا الله يرحمها ، ثم من كلامه ان مستواهم مش بطال او تقدرى تقولى ناس عادية و هى جامعية و اخوها دكتور و باباها موظف كبير ، و بنت عمها تبقى الدكتورة اللى فازت بالسباق الاخرانى مع اخوكى

سارة : طب مش المفروض نشوفهم و نشوفها على الاقل

ناهد : ربنا يسهل ، قالوا له ان البنت هتصلى استخارة و بعد كده هيردوا عليه

سارة : ماشى ، ربنا يسهل

ناهد : طب هتيجى تتغدى معانا زى ماكنتى قايلالى و اللا ايه

سارة : قلت لمنير ييجى بدرى عشان يجيبنى

ناهد : تحبى اكلم بابا يبعتلك حد يجيبك

سارة : لا سيبى بابا براحته ، و انا لو لقيت منير هيتاخر عليا هتصرف

ناهد : ماشى .. براحتك

اما فى شقة حسان .. كانوا الستات التلاتة قاعدين مع بهية بيوضبوا الخضار عشان الغدا و ماجدة قالت لنبيلة : ماقلتيش يا نبيلة .. فاتحتوا نودى فى حكاية العريس و اللا لسه

نبيلة : كلمناها بالليل و قالت انها هتصلى استخارة

ليلى بصدمة : استخارة .. ده من امتى ده

نبيلة بضحك : ربنا يجعل كلامنا خفيف عليها  و يهديها

ليلى بضيق : ده انتو اما اتكلمتوا على الاستخارة امبارح قلت انها كانت بتريحكم بس بالكلام عشان تسيبوها براحتها

نبيلة : لا يا ليلى .. مانتى عارفة نادين بتخاف على زعل ابوها اد ايه ، و طالما وعدته بحاجة لازم بتنفذها و لو على رقبتها

بهية : على فكرة انا ميالة للجدع اللى اسمه هاشم ده #ميمى_عوالى

ليلى باستنكار : ده ارمل و كمان اكبر منها

ماجدة : اكبر منها بقد ايه يعنى ، ده تقريبا من عمر حمزة و ممدوح ، و بعدين هو يعنى كان هو اللى موت مراته الله يرحمها ، و كمان لسه فى عز شبابه و ماشاء الله عليه زى القمر و باين عليه ابن ناس و بيفهم فى الاصول كويس ، ده حتى ممدوح قاللى انه لما جه فرحه على وداد لما سلم عليهم كان جايبلهم هدية حلوة اوى رغم ان يعنى مافيش علاقة اوى مابينهم

ليلى بضيق : كان بيرمى الهلب بقى عشان يصطاد

بهية : و انتى الصادقة كان بيقدم السبت ، و بيعرفنا انه بيفهم فى الاصول

ماجدة : ربنا يقدم اللى فيه الخير ، و ان شاء الله ربنا هيرزقها بالخير كله و بكرة تقولوا ماجدة قالت

نبيلة و هى قايمة رايحة المطبخ : يارب يا ماجدة ، ساعتها هبقى احليلك بقك

بهية بامتعاض : بقها لوحدها

نبيلة ضاحكة : و بقك قبلها يا ماما .. هو انا اقدر اتخطاكى برضة

بعد ما نبيلة دخلت المطبخ .. بهية قالت لليلى بصوت خافت : خفى شوية يا ليلى .. مش كده يا بنتى

ليلى : هو انا عملت ايه

بهية : كل ده و ماعملتيش ، ده لو هاشم ده كان ارمل بنتك ماكنتيش قلتى عليه كل اللى قلتيه ده

ليلى بضيق : هو انا عشان بحب نادين و خايفة على مصلحتها ابقى وحشة

ماجدة : ماما ماتقصدش كده يا ليلى ، بس الصراحة انتى متقلة العيار اوى و ماحدش فاهم لكل كلامك ده اى سبب ، و ياريتك بتنتقدى الجدع عشان حاجة بجد ، انما شوية عشان ارمل و شوية اصله كبير عليها ، و شوية شوية هتكلميه تقوليله ماليكش جواز من بناتنا

ليلى بتردد : انا بس عشان عارفة دماغ نادين و عارفة بتفكر ازاى

ماجدة : كلنا عارفين يا ليلى ، بس برضة مش كده

ليلى قامت و قالت : انا هطلع الم الغسيل زمانه نشف

ماجدة : طب استنى هاجى معاكى

فى دخلة نادين اللى قالت : اومال ماما فين

ماجدة : فى المطبخ بتبص على الاكل

بهية : ماخرجتيش يعنى النهاردة يا نودى مع شكران

نادين : ماهو انا قلت انه ماينفعش اروح النادى اليومين دول

بهية برضا : عفارم عليكى يا قلب جدتك ، متربية بصحيح

نادين : طب اعمل معاكم ايه

ليلى : انا كنت طالعة الم الغسيل بتاع جدتك .. تعالى معايا بقى ، و هاتى معاكى السبت بتاع جدتك فى ايدك

ماجدة : طب مانا كنت هطلع معاكى

ليلى : خليكى انتى بقى مع نبيلة عشان مانسيبهاش لوحدها ، و انا هخلص و هنزل على طول

و فعلا  ليلى طلعت و نادين حصلتها و ابتدوا يلموا الغسيل و يطبقوه و يحطوه فى السبت من غير كلام لحد ماخلصوا .. لكن قبل ماينزلوا .. ليلى مسكت نادين و قالت لها : انتى بتفكرى فعلا فى حوار هاشم ده #شوف_بقينا_فين

نادين بسلامة نية : الحقيقة انا صليت استخارة و هفضل اصلى كذا مرة و هسيب ربنا يمشيها بارادته لحد اما اشوفها هترسى على ايه

ليلى : طب و مصطفى

نادين بتردد : ماله مصطفى

ليلى بترصد : نسيتى حبه بسهولة كده

نادين بصدمة : ايه الكلام اللى بتقوليه ده طنط

ليلى بتحدى : بقول اللى انا و انتى عارفينه  كويس

نادين بذهول : و ايه بقى اللى احنا عارفينه ده

ليلى بتحدى : انك بتحبى مصطفى يا نادين ، و ان كل العرسان اللى رفضتيهم قبل كده كان بسبب حبك ليه #ميمى_عوالى

نادين سكتت شوية و هى بتبص لليلى بحيرة و مش عارفة هى عاوزة منها ايه بالظبط ، فليلى رجعت قالت لها : طول عمرك بترفضى اى حد و انتى بتتمنى بس انه يفكر فيكى ، جاية بعد ما اخيرا اقنعته انه يخطبك وتقولى هعمل استخارة

نادين : اقتعتيه يخطبنى انا

ليلى : مانا برضة واخدة بالى منك من زمان و مش هاين عليا كسرة قلبك لو ما اتجوزكيش بعد طول انتظارك ده

نادين بكبرياء : على فكرة واضح ان حضرتك فاهمة غلط

ليلى باستنكار : هو ايه ده بقى اللى انا فاهماه غلط

نادين : حكاية حبى لمصطفى ، انا فعلا بحب مصطفى ، بس برضة بحب ممدوح و هم الاتنين زيهم زى حمزة بالظبط بالنسبة لى ، دول اخواتى اللى اتربيت وسطهم طول عمرى و طبيعى جدا احبهم ، بس مش الحب اللى انتى تقصديه خالص

ليلى : هو انا هبلة و مش هعرف افرق حب من حب ، انتى ليه بتنكرى ، ده انا قلت الفت نظرك انه اخيرا شافك و اتفقت معاه نخطبك عشان ماتاخديش اى قرار اهبل فى ساعة يأس و ترجعى تندمى عليه ، هو بس موضوع هاشم ده اللى جه وقف الدنيا

نادين : و حتى لو ماكانش موضوع هاشم يا طنط ، ماتزعليش منى ، انا ما كنتش هوافق

ليلى بصدمة : انتى بتقولى ايه ، بقى انتى ترفضى مصطفى

نادين : ماهو ماحدش بيتجوز اخوه يا طنط ، مصطفى ده اخويا التالت زى حمزة و ممدوح بالظبط

ليلى : ده اخر كلام عندك

نادين : انا مش عاوزاكى تزعلى منى ، انتى عارفة انا بحبك اد ايه

ليلى : حب ايه بقى بعد اللى قلتيه ده ، بس الحق مش عليكى ، انا اللى غلطانة ، و ياريت بقى الكلام ده يفضل ما بيننا عشان عمك و ابوكى مايقعوش فى بعض بسببك #ميمى_عوالى

ليلى اخدت سبت الغسيل و سابتها و نزلت على تحت و هى الغضب ماليها ، و نادين فضلت واقفة بصة على مكان ماكانت ليلى واقفة بصدمة و مش مصدقة اللى حصل ، بس قررت تنزل لوداد اللى اول مافتحتلها نادين قالت لها : هو ممدوح هنا

وداد بريبة : لأ .. لسه مارجعش

نادين : و عمى #شوف_بقينا_فين

وداد : برضة لسه ماجاش .. انتى مالك فيكى ايه

نادين و عيونها مليانة دموع : هحكيلك

و بعد ماخلصت كلام وداد قالت لها بصدمة : رغم انى كنت متوقعة ان مصطفى هيعمل كده ، بس ما توقعتش ابدا ان ده يحصل

نادين بنشيج : هو انا كان باين عليا اوى كده ، للدرجة دى كرامتى كانت منداسة بالرجلين قدام الكل بالشكل ده

وداد : بعد الشر عليكى و على كرامتك ، مافيش ابدا حاجة حصلت من الكلام ده

نادين : اومال هى عرفت منين

وداد : يمكن بحاسة الامومة مش اكتر

نادين : تقوم تجرحنى بالشكل ده ، دى كانت بتكلمنى اكنها بتدينى ماية المحاياة و اكنى هجرى اخدها بالحضن و هرقص من الفرحة لمجرد انه اخيرا فكر فيا بعد ما شكران رفضته

وداد بخضة : اوعى تكونى جيبتيلها سيرة شكران

نادين : لأ طبعا .. ماتقلقيش

وداد : طب ماتزعليش منى ، انتى متاكدة انك مش هتندمى على رفضك لمصطفى فى يوم من الايام

نادين : انا لا يمكن اربط حياتى بواحد خدنى استبن ابدا يا وداد

وداد : اقصد انك يعنى مقتنعة تماما بقرارك ده

نادين : ايوة

وداد : يبقى خلاص ، اللى انتى شايفاه طبعا ، و كمان انا مش عاوزاكى تزعلى من اللى طنط ليلى قالتهولك ، هو ممكن برضة من صدمتها انك رفضتيه ، ماهو برضة مش سهل عليها ابدا ان ابنها يترفض ، لا و كمان مرتين ورا بعض ، و لا هتبقى سهلة كمان على مصطفى

نادين : ما اعتقدش ان رفضى هيفرق معاه فى حاجة ، ماكانش شايفنى اصلا

وداد : متهيالك ، مهما ان كان .. الراجل الحتة دى بتوجعه اوى ، و يمكن يتوجع برفضك اكتر من رفض شكران كمان

نادين : طب انا اعمل ايه دلوقتى مع طنط ليلى

وداد : ولا تعملى حاجة خالص ، اتعاملى و لا كأن حاجة حصلت

نادين : حاسة انى مش هعرف

وداد : طب قومى خلينا ننزل سوا و عاوزاكى تجارينى فى الكلام عشان تساعدينى نك/ سر حدة اللى حصل ده

اول ما وداد دخلت من الباب بتاع جدها رمت السلام و قالت : ازيكم

نبيلة : ايه ده .. هى ماجدة اديتك افراج النهاردة و اللا ايه

وداد بضحك : ابدا  .. بس انا اديت لنفسى ، زهقت من القاعدة لوحدى ، و اما لقيت نودى نازلة على هنا قلتلها تدخل تقعد معايا .. قالت لى انها عاوزة تنزل تقعد هنا فقلت انزل معاها انا كمان

بهية : المهم تبقى تنزلى على مهلك زى ما الدكتورة منبهة عليكى

وداد : ماتقلقيش يا تيتا .. نادين كانت شوية شوية هتشيلنى و احنا نازلين و كل شوية تقولى بالراحة عشان ماتصحيش حبظلم .. قال حبظلم قال ، ده انا هسمى اسم مودرن كده ماحصلش

نادين و هى بتحاول تجارى وداد : هو فى احلى من حبظلم ، على الاقل يبقى اسمه مختلف كده عن كل زمايله فى المدرسة و يبقى له هيبه

نبيلة بضحك : وجهة نظر برضة يا ودة ، حلو حبظلم .. انتى فكرى بس كويس

دخل حسان عليهم و حط اكياس فاكهة على الترابيزة و قال بعد ما رمى السلام : عروستنا الحلوة قاعدة معاكم اهو #شوف_بقينا_فين

وداد : يا ترى تقصدنى انا يا جدو و اللا تقصد حد تانى

حسان : انتى قدمتى بقى ياقلب جدك ، انا بتكلم على الوارد الجديد #ميمى_عوالى

نادين بمرح و هى بتطلع لسانها لوداد : ماتكسفتيش بقى يا جدو

فضلوا يتكلموا و يضحكوا شوية لحد ما اليوم تقريبا عدى ، و عدى بعده كذا يوم تانى و نادين مواظبة على صلاتها و دعائها ، لحد ما فى يوم و هم بيتغدوا .. حسين قال بانشراح : ان شاء الله هاشم هييجى يوم الخميس اللى جاى هو و اهله ، يقعد معانا و يطلب نادين رسمى و يمكن كمان نقرا القاتحة 💃