رواية لسنا ملائكة الفصل الخامس والعشرون 25 والأخير – بقلم سعاد محمد سلامة

كان الجميع بانتظاره

كانت الهام وناهد هن أكثر المشتاقين لضم ذالك اليونس الذي نجى من وكر العقارب ورد الحياه لأمه

وزهر الربيع التى تفتح بعد غيوم شتاء صقيع

ليدفىء القلوب

ويعود الطيور المهاجرة إلى موطنها بأمل جديد ينشر السعادة ويمزجها برائحة الزهور بالحياة

بمجرد أن دخلوا الى الفيلا إنطلقت الألعاب النارية ورمت عليهم أوراق الورود تنشر الفرحه فى القلوب

اقتربت ناهد من حازم وقامت باحتضانه وهى تقول حمدالله على سلامتك ياتاعب قلب بنتى بس هى تستاهل ليضحك لها ويحتضنها بألفه

قابلتها الهام بالحضن وأخذت منها الصغير

لتقول الهام والله هى تستاهل إلى أحسن منه بس تقولى أيه قدر

ليأتي من خلفهم منير قائلا بتأكيد فعلا كل شىء قدر وأهم حاجه الإيمان بالقدر مهما كان ليقوم باحتضان أريج ويقول وأنت كنت صاحبة أجمل قدر فى حياة حازم

لتبتسم له بحب وتبادله العناق

ليقول كارم بمزح هو أنا مش كنت معاهم والله أنا غلطان كنت تركت ملك خلصت عليهم وارتاحت من جو الاكشن والخيال العلمي إلى كنا فيه

لتقول الهام بنهى بلاش السيره دى وخلينا نفكر فى السعاده إلى بين أيدينا وبس وتأخذه بحضنها وهى مازالت تحمل الصغير

ليدخلوا إلى داخل الفيلا ليجدوا الأرض تفترش بالبالونات الملونه والزينة ترش عليهم من قبل نهى وحسام

لتقوم نهى بعناق أريج وتهمس لها سمعت أنه مسويك على الجانبين استخدمى دهاء الاثني وإنت تخليه يلين وتشكليه زى ماانت عايزه زيى انا وكارم كدا

لتقول أريج وايه هو دهاء الأنثى ده

لتقول لها إنت إلى بتسألينى دا إنت بدأها من قبلى بأمارة ابنك إلى شرف قبل ماتكملى ثمانية أشهر من الفرح

لتقول لها وهى تضحك والله أنا مكنتش اعرف انك قليلة الأدب

لتردنهى بتأكيد لأ اتأكدى إنى قمة قيله الأدب ماهو دا إلى بيجيب نتيجه معاهم ويخليهم يرفعوا الرايه البيضه بأيديهم

اقترب حسام منهم قائلا انتوا بييوشوشو على أيه

لتضحكا معا وتقول نهى وإنت مالك أيه إلى يحشرك بين اتنين ستات أما بارد صحيح

ليرد حسام بتعجب مين إلى بارد تقصدينى انا ماشى شوفى مين إلى هيساعدك بعد كده فى تربية عيالك ولا حتى يعبرك

لتقول نهى سريعا باسترضاء انا مقصدكش أنا بقصد حازم إنت مش شايفه بارد ازاى إنما انت هادى وجميل

لتقول أريج لأ عندحازم واقفى مش علشان مصلحتك تتدعى على جوزى بالبرود

لتنظر نهى حسام إلى بعضهم وينفجروا بالضحك لتقول أريج دا القطب الجنوبي بذات نفسه

بعد قليل تجمع الجميع بغرفة المعيشة يمزحون يمرحون حتى أنهم لم يشعروا بالوقت الذي اقترب من الفجر

لتقول ناهد الوقت اخدنا وقربنا على الفجر أنا هستأذن أروح بيتى ليقول حازم وإحنا كمان هنروح شقتنا

لتردالهام الفجر قرب يأذن خلينا نبدأ اليوم الجديد كلنا مع بعضنا وبعدها كل واحد يبدأ من جديد

***

بعد مرور أكثر من عشرون يوم

مازال حازم غاضب من أريج وهى تحاول معه بكل الطرق ولا تستسلم إلى أن

دخلت عليه غرفه مكتبه وهى ترتدي إحدى المنامات الناعمه والمغريه

وجدته يعمل على حاسوب لتقف أمامه وتبعد الحاسوب عن يده وتجلس على ساقه وتضع يدها حول عنقه وتقول بدلال وهى تودداليه وتداعب عنقه بانفها وتقول له مبروك ياحبيبي

ليبدأ فى الميل اليها ويقول برويه مبروك على إيه

لتقول وهى مازالت تداعب عنقه بانفها مبروك انك فكيت الجبس إلى كان فى ايدك

ليحاول التماسك أمامها ويقول ببرود أنا فكيته من أربع أيام لسه واخده بالك لتزيد من وتيرة اغرائه وتقول لأ واخده بالى بس أنت فكيته وسافرت مرسى مطروح فورا من غير ماتاخدنى معاك

ليرد حازم بتعجب وكنت هاخدك وتسيبى حبيبك الجديد لمين

لتقول له بتعجب حبيبي الجديد مين

ليقول بغيره حبيبك يونس إلى بتضحي علشان إلى مالى قلبك لوحده

لتقبل عنقه وتقول باغراء إنت إلى حبيبي ومالى قلبى إلى إنت الوحيد ساكن فيه

ليحاول مقاومتها ولكنها تزيد فى اغوائه وتقول وبعدين إنت بتغير من ابنك أمال لو جبنا غيره هتعمل ايه

ليرد حازم على فكره دى مش غيره

لتقول له امال ايه

ليرفع رأسها وينظر إلى عيناها ويقول دا تملك

لتبتسم له وتقول وأنا ملكك انت وبس وتقبله

ليتعجب من فعلتها ويبادلها رغم تمرده فى البداية لكنه استجاب اليها ويبعدها بعد قليل لتقول له بدلال على فكره إنت بتزعلنى وأنا الزعل بالنسبه للى زيي شىء سىء

لينظر اليها ويقول بسؤال سىء للى زيك ليه

لتضع يده على بطنها علشان إلى جوه هنا بيحس بزعلى وبتأثر

لينظر إلى موضع يده ثم ينظر إلى عينها ويقول وايه إلى جوا هنا

لتقول له بيبى صغنون

ليندهش ويقول أنت حامل

لترد أريج بدلال هو أنا مش متأكده قوى بس شكه بكده

ليقول وايه سبب شكك طالما مش متأكده

لتقول أريج يعني حاسه بأعراض

ليقول لها طيب وما كشفتيش ليه واتاكدتى

لتقول له بدلال ما مستنيه تصالحنى الأول وبعدين اتأكد

ليبتسم لها

لتقول له ضحكت يعنى قلبك مال

ليقول لها بحب

إنت شايفه ايه

لتقول أريج شايفه انك سامحتنى وهتصالحنى

ليميل على شفتيها ويقول ودا يثبتلك أنى صالحتك

ليقبل شفتيها بلهفه وشوق ويحملها ويقوم من على المكتب ويذهب بها إلى غرفتهم وهو مازال يأثر شفتيها بين شفتيه

ويضعها على الفراش

ليجد يونس نائما بمنتصفه

ليقول بغيره حتى السرير كمان عايز تخده منى مش عندك واحد ويحمله ويضعه فى مهده

ليجدها تضحك من غيرته الظاهرة

ليقول لها بغيظ وانت كمان بتضحكى على إيه

لتزيد ضحكتها وهو يقترب منها ويعتليها ويقول بحزم الواد دا عنده سريره معدش ينام على سريرى لتضحك ليميل عليها ويقبلها ويقول فاهمه وقبل أن ترد كان الصغير يزوم

ليقول حازم بتحذير اياكى تفكرى تقومى من على السرير

لتقول أريج هشوفه بيزوم ليه

لينظر لها ويقول سيبكى منه وركزى معايا هو هيسكت لوحده

لتذهب معه لشواطىء الغرام وترتوى من تقلبات عشقه

بعد ستة شهور دخل كارم إلى حازم بغرفة مكتبه وجده يحتسى اللبن البارد

ليقول له بتريقه إيه إنت مش اتفطمت من زمان ولا هتعيده

لينظر إليه بغضب ويقول مش فايق لتريقتك

ليقول كارم أنا مش بتريق أنا بسألك دى تانى مره ادخل عليك اشوفك بتشرب لبن لأ وبارد كمان

ليرد بتذمر أريج السبب

ليقول كارم بتريقه أريج بتقولك اشرب اللبن علشان تكبر وتربى عضلات

ليقول حازم مش شاطر غير فى التريقه لكن لو كلت الفلفل الحار إلى أنا باكله هتمشى بكوباية اللبن فى ايدك زى السكرانين

ليسأله كارم وايه إلى يخليك تأكل الفلفل الحار

ليقول بتذمر أريج بتتوحم عليه

ليقول كارم بتعجب بتتوحم دى قربت تولد دى بقت فى السابع

ليقول حازم اه لسه بتتوحم وإلى يغيظ أنها تأكل منه حته صغيره وادبس أنا فى الباقى وان رفضت تطلع هرمونات الحمل وتتهمنى انى بقيت مابحبهاش

وكمان تأكل وتصحى طول الليل تعيط من حرقه الفلفل فى معدتها وتقولى كمان شفايفها ورمت من الفلفل الحار

ليضحك كارم ويقول لأ دى أنا متأكد أنها مش من الفلفل دى بالذات بسببك أنت

ليقول كارم قال وأنا إلى جاي اشكيلك

ليقول حازم وعايز تشكلى من ايه

ليقول بزهق أنت عارف ان نهى حامل فى شهرين وبتتوحم هى كمان

ليسأله حازم بتهكم وبتتوحم على إيه هي كمان

ليرد كارم سريعا رنجه بتتوحم على رنجه لأ وإلى يغيظك ماما وبابا وكمان الزفت حسام موافقينها وقلبوا المطبخ رنجه

الفطار رنجه الغدا رنجه والعشا كمان أنا حاسس أننا لو فى رمضان هنفطر ونتسحر رنجه

ليجلسا يواسيان بعضهم

ليدخل عليهم منير وينظر إليهم باستغراب قائلا مالكم شكلكم زى إلى غرقت سفنه

ليقول حازم ولا حاجه دا إحنا بنفكر فى مشروع جديد

ليقول منير وايه المشروع إلى مخليكم مسهمين كده قولوا لى يمكن افيدكم

ليقول كارم أما نعرف أبعاده هنبقى نقولك عليه

ليقول منير انتم أحرار أنا حبيت اساعدك المهم أنا كنت عايز اقولكم على حاجه كده ويصمت

ليرد كارم بمزح اوعى تقول لنا أن ماما حامل فى ولد وهتخلى حازم يدخل الجيش

ليقوم حازم بضربه ضربه خفيفه بصدره

ليقول منير مش وقت سخافتك أنا كنت جاي اقول لكم إنى قررت ارتاح نهائيا من الشغل واسلمه كله لكم واسافر أنا والهام

وكمان الحمار التالت حسام هيبدء من النهاردة فى الشغل معاكم عايزكم تعلموه

يلا سلام وتركهم

وقبل أن يغادر قال لهم بأمر ياريت ما سمعش منه شكاوى عليكم

ليقول حازم والله أنى أدخل الجيش أرحم من الغبى ده ويقولك أنا عقلى الكتروني

ليقول كارم وهو عنده عقل اساسا

ليجلس حازم بجوار كارم يناقشون فى بعض الأعمال إلى أن دخل حسام بعد أن استئاذن بالدخول

لينظر كارم إلى ساعته ويقول من أول يوم جاى متأخر أيه إلى اخرك

ليرد حسام كنت بجيب طلبات لماما ووديتها الفيلا وجيت على هنا

ليقول حازم وايه هى الطلبات دى

ليرد حسام وهو يبتسم رنجه وفلفل حار

لينصدم الاثنان ويقفان سويا ويقولون بنفس واحد ماما هى إلى طلبتهم

ليقول حسام اه بس هى عايزه علشان حريمكم

ليقول حازم حريمكم ونعم الألفاظ كمل واشجينا

ليقول حسام أصلها عازمه أريج على حفله مشاوى هى ونهى ودى كانت طلبتهم وأنا جبتها

لينظر كارم لحازم ويقول احنا عندنا شغل كتير النهاردة وهنبات فى الشركه

بعد مرور عدة اشهر

خرج بعد أن ألقى محاضراته ليغادر الأكاديمية ولكن بعض الطالبات وقفن معه للاستفسار عن بعض المعلومات وهو يرد عليهن بدبلوماسيه غافلين عن تلك العيون التى تنظر إليهم

بعد وقت

ذهب إلى سيارته ووقف أمامها يقول

ممكن المهندسه تنزل من على كبوت العربيه علشان مستعجل وعايز امشى

لتقول وهى تبتسم ممكن بس بشرط توصلنى فى سكتك

ليبتسم ويقول أفكر ليميل عليها ويقبلها من إحدى وجنتيها سريعا ويقول لازم أخد اجرتى الأول

انصدمت من فعلته لتنزل من على السياره

ليمسك يدها وهى تنزل ويقول خلينى اساعدك مش عايز إصابات

لتضحك له وتقول مش عايز إصابات دى ارحم من إلى هيحصل

ليفتح باب السياره لتركب ويجلس هو على المقود ويقول

وايه إلى هيحصل

لترد عليه وتقول يكون حد صورك وينشر الصوره ويقول دكتور أكاديمي يقبل طالبه فعل فاضح فى الأكاديمية

ليضحك ويقول وقتها هقول لهم أنا كنت باخد نفسى من عطر قلبى إلى مقدرش أتنفس من غيرها

وينظر اليها ويسألها

الولاد فين

لترداريج وهى تبتسم وتقول سربتهم

ليقول بلهفه بجد سربتهم فين

لتقول أريج عند ماما روحت بيهم هناك واتسحبت من غير ما تحس بيا وتركتهم وجيت

ليقول لها دى فرصه عظيمه ولازم نستغلها

لتقول أريج بسؤال ونستغلها فى أيه

ليقول بمغزى أما نروح شقتنا هتعرفى هنستغلها أحلى استغلال ازاى

لتقول له إنت ناسى أن النهاردة السبوع بتاع يمنى بنت كارم ولازم نروح

ليقول لها أنا فاكر وهنروح بس لازم نستغل غياب الاشرار الأول

لتبتسم على حديثه

ليقول بمزح انا بفكر احجز يمنى لواحد من ولادنا

لتنظر له بتعجب وتقول ليه حرام عليك البنت كيوته وبسكوته وشكلهاهاديه ليه تبليها بواحد من الأشرار

أن كان هولاكو ولا جنكيز خان الاتنين أسوء من بعض

لتقول له وبعدين الهام مبسوطه قوى دى بتقول محدش هياخدها منها حتى أمها

ليضحك وهو يقول أصل الهام بتحب البنات وبتقول تربيتهم بتبقى أسهل دا حتى حسام إلى مكنش عندها غيرة تركته ومعدتش بتسأل فيه

لتقول أريج والله طنط الهام دى عندها حق دا حتى البنات تروح تشتري لها أى حاجه تلاقى اختيارت والوان والاذواق مبهجه وكتيره إنما الولاد الاختيار والألوان والاذواق واحده

لينظر لها ويقول بمغزى خلاص ياعطر قلبى نجيب لنا شجره الدر علشان نكمل المجموعة

لتقول بعدم فهم مجموعه ايه

ليرد حازم مجموعة الأشرار

لتقول له لأ أنسى أنى اخلف تانى وبعدين يوم مخلف بنت أسميها شجره الدر علشان تنضرب بالقباقيب

ليضحك ويقول عندك حق إحنا نسميها جهاد وندور معاها على سلامه

لتقول له أنسى لا جهاد ولا شجرة الدر اناخلاص اخدت قرار أنى مش هخلف تانى قبل خمس ست سنين وساعتها نبقي نفكر فى الاسامى

ليقول لها يلا يا عطر قلبى وصلنا

لتقول إنت جبتنا هنا ليه مرحناش عند ماما علشان الولاد

ليقول لها بمغزى أنا جيبتك هنا علشان نفكر فى اسم حلو لبنتنا إلى هتيجى قريب

لتقول له مستحيل اخلف تانى

ليجذبها إليه ويدخل إلى شقته وهو يحملها ويقول فى الموضوع ده مفيش مستحيل

بعد قليل كانت تنام على صدره ليرن هاتفها لتمسكه وتقول برعب دى ماما

ليمسك الهاتف من يدها ويضعه على طاولة بجواره ويقول لها بعشق مترديش

لتقول وأما اروح لها هقولها ايه

ليبدء فى تقبيل وجهها وعنقها قولى لها مسعمتوش

لتتوه معه فى اودية العشق

بعد وقت وقفت ترتدى ملابسها

لتسمع صوت هاتفها لترد سريعا لتسمع صوت والدتها الغاضب تقول

إنت فين ياحيوانه خلال نص ساعه لو مجتيش تاخدى ولادك انا هوديهم الملجأ وتغلق فى وجهها الهاتف

لتجد حازم انتهى هو الآخر من ارتداء ملابسه

لتقول له أريج يلا بسرعه دى بتقول هتودى الولاد الملجأ

ليقول حازم والله يبقى كتر خيرها

لتنظر له بغضب

ليقول وهو يضحك خلاص نروح ناخدهم علشان خاطرك

**

فى السبوع

كان المرح والسعادة هما المسيطران على الجميع

ليأتي كارم وهو يحمل يونس ابن حازم الأكبر ويعطيه له بغضب ويقول

خد ابنك

ليقول حازم هو عمل ايه مضايق منه كده

ليقول كارم ماسك شعر بنتى وهيقطعه فى أيده

ليقول حازم وايه يعنى بينغشها يمكن يحبها ونجوزها له

ليقول كارم مستحيل واحده من بناتى تتجوز واحد من ولادك أنا مش مستغنى عنهم علشان اجوزهم لاشرار طالعين لابوهم كفايه الغلبانه إلى معاك ربنا يكون فى عونها

ليقول حازم بكره أنت إلى تطلبهم بلسانك وأنا إلى مش هوافق

ليقول كارم دا انا عندى يعنسوا أرحم ويتركه ويغادر

لتأتي له أريج وتقول كارم كان عايز ايه ليضحك ويقول كان بتشكى من ابنك البكري

لتضحك وتقول والله أمة لا اله الا الله بتتشكى من ولادى

وقفت الهام تنظر إلى السعادة التى تشعر بها وتنظر إلى أبنائها وهى تبتسم وتتذكر جروح الماضى وعذابه

لتأتي لعينها دمعه سرعان ما جففتها بيدها ونست تلك الآلام

ونظرت إلى أبنائها

لترى لمعة السعاده بعيونهم

لتغفر لماضى كان سببا لعذابهم

وتغفر وتغفر

لتعترف أن الغفران هو الطريق إلى نسيان الأحزان والآلام

وتقول

المغفرة سر راحة القلوب

لتبدأ البدايات فدائما توجد البدايات ولا توجد نهايات فالمغفره مستمره