رواية ملاكي الحارس – الفصل السادس والعشرون
♡ داخل المنزل ♡
كانت جانيت تركض لتصعد فوق ولكن بيرلا قالت بصوت عال من وراؤها : اقفييييي في ميااه وصابون فوق
توقفت جانيت والتفتت الى بيرلا وهي تلهث وما إن نظرت إلى بيرلا حتى وقعت أرضآ مغشي عليها
ركضت بيرلا ناحيتها وهي لا تعلم ما بها ، أسندتها على أحد المقاعد وذهبت ركضآ إلى هيلين ما إن وصلت اليهم حتى وجدت الفتاتين يجلسون نفس جلستهم ف خافت أن تقول أمامهم لإنهم سيشعرون بالإنتصار ف قالت بهمس في أذن هيلين : حاولي متبينيش خضه او حاجه من اللي هقوله عشان ميشمتوش ، جانيت أغمى عليها
فزعت هيلين ف نظروا لها ف ابتسمت وقالت : كدا يا بيرلا متقوليش اني سايبه الاكل ع النار
أمسكت بيد بيرلا واتجهوا داخل المنزل وما إن رأتها هيلين حتى قالت : يالهويي ! هاتيها ع اوضتي بسرعه
اتجهوا ناحية غرفة هيلين ودخلوا ومددوها على الفراش ف قالت بيرلا : انا عايزه أربيهم ع اللي بيعملوه انتي مش عارفه يا هيلين ان جانيت بتحب ه ..
ولم تكمل حديثها حتى قاطعتها هيلين وهي تقول : عارفه .. بتحب هشام .
بيرلا : طب وبعدين هي جانيت مبتعرفش تاخد حقها هنعمل ايه
هيلين وهي تخرج زجاجة العطر وتضعها بالقرب من أنف جانيت: هنتابع اللي بيحصل بهدوء
بيرلا : مش فاهمه يعني ايه !
هيلين : يعني هنقعد يومين عند جيمي ابني أو عند خطيبته مارال
بيرلا بغضب : واااو دا ايه الحل الخرافي دا ! عيزانا نسيبهم هنا مع بعض لوحدهم ؟
هيلين : طول ما احنا هنا وقدامهم هيفضلوا يخططوا عاوزين نبينلهم اننا انسحبنا من الصوره ونفكرلهم ف أي حاجه
بيرلا : وبعدين ؟
هيلين وجدت جانيت بدأت في الاستيعاب وأفاقت ف قالت : يعني اسمعي كلامي ولمي حاجتك انتي وجانيت وتعالو معايا ، بس الاول يا هوانم هنمسح المياه اللي كبيناها فوق عشان هشام وفؤاد ميتأذوش
بيرلا وهي تضغط على أسنانها : تتكسر سنانهم يارب
هيلين : عيب يا بنت ! متدعيش ع اخواتك
قامت جانيت وهي تضع يديها على رأسها ف قالت هيلين : يلا هاتوا المساحات وحصلوني على فوق ورانا شغل كتير قبل ما نمشي
خرجت هيلين ف قالت بيرلا بغيظ لجانيت التي كانت تبكي : كمان هنشتغلهم خدامين يحرق أبوهم يا شيخه
قامت بيرلا وربطت على رأسها وشاح وأمسكت بالممسحه التي بغرفة هيلين وما إن رأتها جانيت حتى ضحكت ف قالت بيرلا : هيهيهي ماشي ماشي ما انتي هتقومي دلوقتي يا ست الكل
قامت جانيت وارتدت جلباب منزلي من خزانة هيلين ورفعت شعرها إلى فوق وصعدوا خلف هيلين
♡ بعد مرور عشر دقائق ♡
كانت بيرلا تستند على يد الدرج وهي تلهث وبيدها الممسحه وتقول : والله ما هكمل هو ذل ولا ايه
هيلين : هي كلمه هنكمل عشان نلحق نمشي يلا اجمدي ما جانيت بتمسح اهي
بيرلا بغيظ : فين دا دي سرحانه اهو
هيلين : جانيت فووقي وامسحي عدل وانتي يا بيرلا يلا ايدك معانا
بيرلا : هخلص وهنزل اطلع عنيهم
هيلين بضحك : ماشي يا ستي بس خلينا نخلص
كانت جانيت قد شردت مره حتى انزلقت قدميها ووقعت وهي تجر بيرلا من قميصها معها حتى قادتهم المياه الى أخر الممر ، كانت جانيت قد تحول وجهها إلى اللون الأحمر من الضحك بينما كانت بيرلا تقول : قووومي من علياا قامت قيامتك ليكي نفس تضحكي ، يحح المياه تللججج ف ضهري قوومي يا جانيت مبهزرش
هيلين : عيب كدا وطوا صوتكم
بيرلا : ما تقومي البقره الضاحكه دي من فوقي طيب
هيلين : قومي يا جانيت من على بيرلا
قامت جانيت وهي مبتله وتضحك ف حاولت بيرلا أن تعدل من نفسها وهي تقوم وتقول : بقالي ساعه عامله زي المهرج اللي ماشي ع الحبل في السيرك والهانم عشان سرحانه غرقتنا
هيلين : والله لو ما بطلتوا لكاعه وخلصتوا لا همشي وهسيبكم
انتبهوا الفتاتين وساعدوا هيلين بضمير ..
♡ في محل الخياطه الشهير ♡
كان جيمي يمسك بيده المتر ويضعه على القماس ويبدأ بالقص .. ومارال كانت جالسه على الاريكه تنظر اليه وهي تأكل اللب وتقذف بالقشور على الارض
جيمي : هو انتي معندكيش شغل !
مارال وهي ترقص حاجبيها باستفزاز له : أجازه وقاعده ع قلبك
جيمي : صبرني يارب ، طب متحذفيش قشر على الارضيه والقماش افرضي حد زبون جه دخل
مارال : لا ما انا حطيت لوحة مغلق براا ف محدش هيجي
جيمي بصدمه : نهارك ازرق ! بتقطعي لقمة عيشي
مارال : ايه الاوفر دا انا قولت عشان تركز ع الفستان بس
جيمي : ولا قولتي عشان ابهدله المحل وارمي قشور لب
مارال : بصراحه الاتنين
جيمي : بلاء ربنا انتي
وفجأه دخلت هيلين وهي تخلع الشال الخاص بها ووراؤها جانيت وبيرلا ف قال جيمي وهو يخفي القماش عنهم : اا ماما اهلا وسهلا نورتوا اتفضلوا
هيلين : ايه القشر دا كله
كاد جيمي ان يتحدث ولكن قاطعته مارال وهي تقول : قالي زهقان حطي لوحة مغلق عشان اقزقز لب شويه واهو بهدل مكان اكل عيشه زي ما انتي شايفه يا حماتي
جيمي بصدمه : انا !
هيلين بعتاب : هتفضل طول عمرك طفل في نفسك ، يلا يا بيرلا انتي وجانيت اكنسوا الارضيه
قالت بيرلا بصوت بكاء : كفااايه كنس ومسح انتي بتعاقبينا ولا ايه
هيلين : ساعدوا مارال عشان عيب
أحضرت مارال أدوات التنظيف وبدأوا في إزالة القشور بعيدا .. بينما قالت هيلين لجيمي : عايزين نقعد معاكم يابني يومين انت ومارال
جيمي بغضب : حد ضايقكم هناك ؟
هيلين : لا يابني بس البنتين أعصابهم تعبانه وبيشدوا مع نجلاء ونشوى خطيبة هشام وفؤاد ف قولت نبعد نريح أعصابنا شويه
جيمي : ماما إوعي يكون حد كلمك كلمه تضايقك !
هيلين : متقلقش يابني كله كويس انا بس عشان جانيت وبيرلا
جيمي بصوت عال : خلاص اقعدوا مع مارال هي عايشه لوحدها هنا وأهلها في النمسا
مارال بسعاده : بجد ! تنوروا والله
هيلين : ربنا يسعدك يابنتي
جيمي : يلا هساعدكم في الشنط
هيلين : لا اقعد هنا كمل شغلك يابني احنا هنروح مع مارال نظبط أمورنا ، يلا يا بنات
خرجوا الى الخارج بينما اقتربت مارال من مكتب جيمي لتلتقط مفاتيح الشقه الخاصه بها ف أمسك جيمي يدها بقوه وهو يضغط على اسنانه ويقول : بيقزقز لب هاا !
مارال بألم : خلااص اخر مره والله
جيمي : انا هعلمك يا فأر الاقمشه انتي يلا روحي عشان متسيبهمش في البرد
مارال وهي ترقص بحاجبيها باستفزاز : هشيلهم في عيوني
جيمي وهو يضحك : مجنونه اقسم بالله
ثم عاد لعمله بينما ذهبت مارال برفقة هيلين والفتاتين ..
♡ في منزل السيد جمال ♡
جلس هشام برفقة نجلاء وفؤاد ونشوى في الكوخ ، كان فؤاد يقطع الأخشاب ويضعها في المدفئه ونجلاء تجلس بقرب هشام تراقب معه أخر التطورات في واشنطن ، أم نشوى ف كانت تفعل شيئآ مختلفآ وفجأه قالت : هالوو بابا من فضلك اسمعني !! بابا ع فكرا انا هنا مينفعش تعمل كدا الووو بابا !!
هشام بصدمه : في ايه !
نشوى : احنا في خطر
هشام : احنا مين !
نشوى : اي حد تبعك هيمسوا الخطر
هشام : هو مش انتي ابوكي زعيم المافيا خليه يوقفهم !
نشوى برعب : الموضوع ميخصش بابا المره دي .. حتى انا ف خطر وهو اتصل يقولي اهربي ..
هشام بصدمه : يعني ايه !
فؤاد : يعني نهررب انت لسه هتفكر ..
نجلاء وهي تندب حظها : قولتلكم لو جينا البندقيه هيعرفوا مكاننا ويوصلولنا
نشوى : مش ناسيين تارهم من ابوك من ١٢ سنه..
شعر هشام بالقلق على هيلين وجانيت وبيرلا ..
♡ في منزل مارال ♡
كانوا يجلسون أمام التلفاز ف قالت هيلين : معلش يا بنتي لو تقلت عليكي
مارال : انا مبسوطه اوووي والله اصل انا كل يوم لوحدي
هيلين : الله يحفظك
بيرلا وهي تنظر للهاتف بملل وتضعه مكانه قالت هيلين : في ايه يا بيرلا ؟
بيرلا : هشام بيتصل
انتفض قلب جانيت ف قالت هيلين : طب مبترديش ليه يا ماما
بيرلا : عايزه اريح راسي من المشاكل والزفت
هيلين : ردي يابنتي يمكن عايز يتطمن علينا
بيرلا وهي تقوم وتدخل الشرفه إتصلت على هشام الذي قال بصوت عال : مبترديش ليييه !
بيرلا : بالراحه شويه في ايه
هشام : انا تحت انزلوا حالااا
بيرلا : تحت فين !
هشام : هفهمكم بعدين احنا في خطر انزلوا بسرعه
ارتدت بيرلا وهيلين وجانيت ملابسهم بينما قال هشام لفؤاد : اطلع هاتهم بسرعه
نزل فؤاد من السياره وصعد الى البنايه ليحضرهم .. بينما نزلت جانيت أول فتاه وما ان وجدت سيارة هشام حتى فتحت باب السياره وركبت بجانبه
هشام : فين هيلين وبيرلا !
جانيت وهي تشير الى فوق ف قال هشام : يارب ينجزوا
وفجأه حضرت سيارات ضوئها عال أمام سيارتهم ف قال هشام : لا مش وقته لااا
نزل أفراد المافيا من السيارات وأمسكوا بهشام وجانيت ف نظر احدهم الى جانيت وقال لهشام : مش هي دي نجلاء اللي كنت معاها ف واشنطن وحامل منك ؟
صعقت جانيت ولم تعد تشعر بالخوف ! شعرت بنصل حاد في قلبها يؤلمها بعد سماع تلك الكلمه ! هل اقترب من نجلاء ! هل لديه منها طفل !
هل في بطنها الان شيئآ منه ! لم تكمل التفكير ف وقعت مغشيا عليها في يدهم بينما خدر أحدهم هشام وأخذوهم في سياراتهم وانطلقوا بعيدآ ..
رأيكم في البارت ٢٧؟ وفي رواية ملاكي الحارس ؟
البنوتات اللي في شات الملائكيين توقعاتكم قولوها هناك ❤ رأيكم اكتبوه هنا في كومنت ..
الفصل التالي: اضغط هنا
يتبع.. (رواية ملاكي الحارس) اضغط على اسم الرواية لتجد الفهرس كاملاً بجميع الفصول.