رواية ملاكي الحارس – الفصل الخامس والعشرون
♡ في منزل السيد جمال ♡
جلست نشوى ونجلاء وفؤاد وهيلين على طاولة العشاء وطانت نشوى تتصفح الانترنت في هاتفها ، قالت نجلاء : هما إتأخروا كدا ليه
فؤاد : هما كدا كل يوم عشان المتجر
نجلاء : واحنا مالنا ومالهم انا اقصد هشام !
فؤاد : ما انتي عارفه يا نوجا انا مش بتدخل في شغل هشام
نشوى ببرود : طب طالما متأخرين ما ناكل احنا ولا مستنيين وفد من اميريكا مثلا ؟
هيلين : احنا اتعودنا نتعشى كلنا مع بعض ف وجود بعض
نشوى : لا ميخصنيش الكلام دا يا تحطي الاكل يا هطلب من برا لنفسي واستنيهم انتي
فؤاد بغضب : نشوى !!!
نشوى وهي تنظر اليه : في ايه انا مش فاهمه ايه القوانين الغريبه دي انا هطلع اوضتي واطلب
فؤاد بحسم : اقعدي مكانك ! ومتنسيش انا مين وليا صلاحيات ايه مفيش حاجه هتطلب ومفيش اكل من برا هيدخل البيت هتقعدي تستني زيك زينا
جلست نشوى ونظرت إلى نجلاء التي نظرت لها بحيره .
♡ في المتجر ♡
إنتهت جانيت وبيرلا من كل شيء وجاؤوا ليغلقوا المتجر ، اقترب هشام من باب المتجر وأغلقه وقال : يلا هوصلكم بعربيتي
بيرلا ببرود : مينفعش عشان انا جايه بعربيتي انهارده
هشام : انا استنيت معاكم عشان أوصلكم
بيرلا : خد جانيت معاك وانا وراكم بعربيتي
هشام : ماشي ، يلا يا جانيت
ذهبت جانيت وركبت بجانب هشام وانطلق ووراؤه سيارة بيرلا ..
♡ في سيارة هشام ♡
كانت جانيت متوتره وتفرك أصابع يديها ببعض نظر هشام إلى يدها وقال : مالك
لم تنظر إليه ف قال : زمان وانتي صغيره أما كنتي تخرجي معايا كنتي بتبقي ع راحتك جداا كأنك تعرفيني من زمان . دلوقتي مش عارف ليه بقيتي تشوفيني تعيطي وتتوتري ..
نظرت له جانيت ف نظر لها وقال : أه إكتبي
تجاهلته ونظرت إلى النافذه ، كانوا قد وصلوا إلى المنزل بالأساس .. توقفت سيارة بيرلا ونزلت بتعب ونظرت لهم داخل السياره وهي تشير بيدها ( ألن تأتوا ؟ )
نزل هشام وفتح باب السياره لجانيت التي نزلت وتعثرت ف استندت على هشام قبل أن تقع ، كان ينظر اليها عن قرب ولكنها خجلت وركضت بإتجاه بيرلا فورآ ، أحدهم كان يراقب ما يحدث من نافذة غرفة العشاء .. وكان يحترق .
♡ في المنزل ♡
دخلوا ثلاثتهم إلى غرفة العشاء وجلسوا وهنا قامت هيلين تحضر أواني الطعام ليبدأوا في تناول العشاء ، قالت نجلاء : إتأخرت كدا ليه يا هشام
هشام نظر لها ولم يرد ، ف فهمت أنه لا يريد التحدث عن أموره الشخصيه
كانوا قد بدأوا في تناول الطعام ولكن الوحيده التي كانت لا تأكل نشوى ، كانت تتفحص بيرلا وجانيت جيدآ قبل أن تقول ببرود : إنتوا بقى بيرلا وجانيت ؟
بيرلا وهي تنظر اليها : وانتي بقى نشوى ؟
نشوى ببرود : كويس إنك سمعتي عني مكنتش حابه أضيع وقتي في تعارف ملهوش لازمه
بيرلا : مش حابه تضيعي وقتك في تعارف بس بتضيعيه وانتي بتحللي شكلنا بنظرك ؟
نشوى ببرود : امم هو مضايقك ف حاجه اني اتفحص ؟ اللي بيكون فيه عيب بيضايقه
بيرلا : واللي بيكون فيه نقص مبيبقاش في حاله
هشام بصوت غاضب : مش عايز اسمع كلمه زياده .. لحد ما الاكل يخلص وكل واحده تطلع ع اوضتها
نظرت نشوى ونجلاء الى الفتاتين ببرود قاتل بينما بادلتهم بيرلا النظر بحقد ..
لاحظ فؤاد النظرات المتبادله ف قال : بس الاكل جميل يا هيلين تسلم ايدك
هيلين : ألف هنا يا ابني
إنتهى العشاء ف قال هشام : البنات هيشيلوا الاكل ارتاحي انتي يا هيلين عشان تعبتي انهارده
نشوى : بنات مين اللي يشيلوا الاكل ؟
هشام ببرود : انتوا الاربعه يا نشوى
نشوى : ليه هو انت شايفني خدامه ؟
هشام : شايفك خطيبة اخويا وعايز اشوفك بتفهمي ف حجات البيت ولا لا وياريت كلامي يتنفذ
إلتقط مفاتيحه وصعد بينما خرج فؤاد الى الكوخ ، بقي الاربع بنات ينظرون لبعضهم على طاولة العشاء ف قالت بيرلا : هتفضلوا متنحين كتير ؟ ما تتحركوا
قامت جانيت وحملت أطباق السلطه وحملت بيرلا أكواب العصير بينما ابتسمت نشوى بخبث ف قالت نجلاء : هموت من الغيظ
نشوى : إصبري بس ..
حملت نشوى الحساء الساخن ووجدت جانيت تقترب منها ف قالت نشوى : جيتي لقضاكي
ثم سكبت على جانيت الحساء الساخن وحذفت إناء الحساء على الارض لينكسر
احمر وجهه جانيت وهي تقفز من سخونة الحساء بينما ضحكت نجلاء وقالت : يخرب عقلك
جائت بيرلا وهيلين يركضون ف قالت بيرلا : حصلها ايه !!
نشوى : كانت شايله الشوربه ووقعتها ع نفسها
بيرلا : ع نفسها برضو ؟
نشوى ببرود : يلا يا نجلاء نطلع فوق
كانت نجلاء تضع يدها على فمها وهي تضحك بينما صعدت مع نشوى وكانت بيرلا تنظر لهم بكل حقد العالم
هيلين : تعالي يا بنتي احطلك مرهم حروق حسبي الله ونعم الوكيل فيهم
بيرلا : ورحمة ابويا لا هعرفهم
هيلين : انا مش عارفه هما ليه كدا ربنا يعين هشام وفؤاد عليهم
كانت جانيت ترتجف وتبكي وملابسها مغرقه بالحساء ..
♡ في غرفة نجلاء ♡
كانت نجلاء تجلس على الفراش وتضحك وهي تقول : زمانهم شايطين تحت
نشوى : هما لسه شافوا حاجه مش دول اللي حاطين عينهم ع فؤاد وهشام ، هنعرفهم ان احنا موجودين
نجلاء : بس خايفه جانيت تشتكي لهشام
نشوى وهي تضع مرطب على يديها : انتي هبله يا بنتي ! دي خرساء مبتتكلمش يعني نأذيها وتتكتم اعتبري لسانها مقطوع
نجلاء : طب مش هنرجع واشنطن؟
نشوى : ريلاكس واعتبري نفسك ف اجازه ، البنتين دول بيشاغلوا خطيبي وخطيبك نربيهم واوعدك هنرجع احنا الاربعه واشنطن
نجلاء بسعاده : يا حيااتي بجدد
نظرت نشوى إلى المرأه وهي تكمل تزيين نفسها
♡ في غرفة هيلين ♡
كانت جانيت قد خلعت ملابسها وهيلين تضع لها مرهم الحروق وتقول : استغلوا ضعفك وجم عليكي ربنا ينتقم منهم
بيرلا بغيظ : انا متأكده ان العقربتين دول اللي عملوا كدا والله لاربيهم
هيلين : بس بالعقل يا بيرلا
بيرلا : بالعقل ازاي ؟
هيلين : زي ما هما بيعملوا كدا اعملي
بيرلا : برضو مش فاهمه ؟
هيلين : يعني ايه رأيك نغرق البيت بكرا صابون عشان نمسح الارضيات ؟
ثم غمزت لبيرلا التي ابتسمت وقالت : يالهوي يا هيلين دي تبقى ليله 😀
أكملت هيلين تضميد الحرق بجسد جانيت ..
♡ صباح اليوم التالي ♡
كان فؤاد وهشام يجلسون في الحديقه وهيلين تضع لهم أكواب القهوه الصباحيه ، أما بيرلا وجانيت كانوا يمسكون الادوات الموسيقيه ويعزفون لحن سويآ
كان هشام يستمع إليهم ويغمض عينيه كإن اللحن يتخلل خلايا رأسه ليهدأها
وكان فؤاد ينظر لأصابع بيرلا على الكمان وهي تجلس على المقعد وتغلق عينيها بإحساس
أما هشام نظر لجانيت بفستانها الاحمر وهي تقف بجانب بيرلا وتعزف وخصلاتها الذهبيه تطاير من حولها
♡ في غرفة نجلاء ♡
قامت نشوى وهي تتثائب وجدت نجلاء تخرج ملابسها لتلبس ف قالت : مصحيتينش ليه معاكي
نجلاء : قولت أسيبك تنامي حبه كمان
نشوى : هغسل وشي واسناني والبس ننزل مع بعض
نجلاء : اوكاااي
بعدما انتهوا من ارتداء ملابسهم كانوا يتحدثون وهم يضحكون وما ان خرجوا من باب الغرفه حتى وقعوا أرضآ بسبب المياه والصابون المنتشر بالارض
ما ان تعثرت نجلاء في الميااه حتى وقعت الى أخر الممر وهي تصرخ أما عن نشوى حاولت التمسك بيد الدرج ولكن رأسها اصطدم بالطاوله الصغيره ف وقعت بالكامل في الصابون
وجدت نشوى أن ملابسها وشعرها قد تلوث بالصابون ف صرخت بأعلى صوت : يااااااااا وقحييييييين
بينما كانت نجلاء تجلس وهي تنظر الى نفسها وتبكي ..
♡ في متجر الخياطه الشهير ♡
دخلت مارال وهي تقول : احمم
نظر لها جيمي وقال : جيتي في وقتك تعالي
دخلت مارال وأغلقت الباب خلفها وهي تقول : إيه مالك
جيمي وهو ينظر للوحه أمامه : انتي اللون الاخضر هيليق عليكي ا في حفلة الكريسماس ف عملتلك الفستان أخضر ، ب جانيت أعملها لون الفستان ايه ؟ بقالي ساعه بفكر ايه اللون اللي يليق عليها ؟
تذكرت مارال ملامح جانيت الطفوليه البريئه ف ابتسمت وقالت : اللون الازرق
جيمي : متأكده ؟
مارال : طبعآ يا ولد بس تخيل معايا شكلها بفستان أزرق طويل وملتف عليها ومنفوش حولها مع خصلاتها الطوييله دي
تخيل جيمي وقال : يا بنت الايه
مارال وهي تغمز له : عيب دا انا دارسه برا وجوا
جيمي : طب بطلي رغي وخشي هاتيلي القماش الازرق اللي فوق الرف في المخزن
مارال : هتبدأ فيه من دلوقتي ؟
جيمي وهو ينظر للرسمه أمامه ويتخيل شكل جانيت قال : يادوب عشان يلحق يخلص …
♡ في غرفة نشوى ونجلاء ♡
كانت نجلاء بعدما أخذت حمام ساخن تجلس على الفراش وتبكي ، خرجت نشوى من الحمام وهي مبتله من الحموم ف قالت : خلاص اخدنا شاور بطلي زفت عياط
نجلاء : مش مصدقه الاهانه اللي اتعرضنالها دي
نشوى : لا في نفس الوقت ردوا الاهانه ميعرفوش انا هعمل فيهم ايه
نجلاء وهي تمسح دموعها : هتعملي ايه !
نشوى : والله لاكرههم في اليوم اللي فكروا يعملوا فيه كدا معانا
نجلاء : ازاي برضو
نشوى : بطلي أسأله وقومي نلبس أنا وانتي
نجلاء : لا خايفه نتبهدل مياه وصابون تاني
نشوى : متخافيش هنمشي بحذر قومي بس
قامت نجلاء ونشوى ليرتدوا ملابس أخرى غير التي تلطخت
♡ في الحديقه ♡
كان هشام وفؤاد مازالوا مندمجين مع عزف بيرلا وجانيت الى أن اقترب منهم نجلاء ونشوى
جليت نجوى على فؤاد وهي تضع رأسها على صدره ف توقفت بيرلا عن العزف في غيظ
بينما نجلاء قبلت هشام أمام عينا جانيت ف قالت هيلين : صحيح اللي اختشوا ماتوا
حذفت جانيت الاله الموسيقيه من يدها وركضت داخل المنزل ، لم تركز بيرلا مع جانيت ف قالت هيلين بصوت عال لبيرلا : جانيت يا بيرلا
انتفضت بيرلا ف قالت : هتتزحلق في المياه !! ركضت وراؤها وهي تنادي عليهاا
بينما نظر هشام لهيلين وقال : هو في ايه ؟؟
هيلين نظرت اليه ثم الى نجلاء وتجاهلتهم ودخلت المنزل ..
رأيكم يا ملائكيين في البارت ٢٦ ؟ وفي رواية ملاكي الحارس ؟
الفصل التالي: اضغط هنا
يتبع.. (رواية ملاكي الحارس) اضغط على اسم الرواية لتجد الفهرس كاملاً بجميع الفصول.