ولنا في الخيال حب “تميم ونور” الحكاية الثالثة عشر 13 – بقلم ملك ابراهيم
_بُصي يا نور، آخر كلامي إن لو ملتزمتيش يبقى متلزمينيش وتروحي بيت اهلك!.
_إهدىٰ يا تميم، هيَ هتسمع الكلام واللهِ.
_أنا مِش هسمع كلام حد، من إمتى وإنتَ بتحاكمني وبتفرض رأيك عليا، لا فوق انا عُمري ما هعمِل حاجه وأنا مش مقتنعه بيها.
_عاوزة تخلعي الحِجاب وكمان مبطله صلاة ليكي خمس أيام؟! فين مبررك إللي بدور عليه وأديني إتصلت بأختك تحضرنا، كلمتك بالهدوء وبالحكمة وإنتي برضو مش عاوزة تسمعي لا مني ولا من أختك يبقى تطلعي برا.
_بتطردني برا بيتي يا تميم! دي أخرتها؟!.
_ممكن تسكتوا لإن بنتكم قاعدة معانا وبدأت تستوعب، مينفعش إنتم كأب وأم تعملوا كدة قصادها.
_وإنتَ يا تميم، من إمتى بقيت بتتكلم كدة، إيه بدأتو تتغيروا بالشكل دا من إمتى هي مبتصليش وإنتَ بقيت بتتصرف بطريقة مش كويسه.
_طول ما هيَ بتعاندني هتلاقي أسوأ معاملة مني، إزاي يعني مبتصليش وعاوزة تخلع الحِجاب وعوزاني اتكلم بهدوء، ما أدعمها وأصقفلها كمان بالمرة بقىٰ.
_وهو النصيحة والحِكمة بتكون بالشكل دا يا تميم! إنك تعنفها وعاوز تمشيها من البيت، إنت بتقول إيه يا تميم بجد، من إمتى وإنتَ بقيت كدة.
_بقيت انا الغلطان دلوقتي، أنا هسيبلكم البيت وماشي دي بقت عيشه تطهـ.ـق.
ومشي تميم وهو متعصب جامد، ونور فضلت تعيط هيَ مش بإيديها بس تفكيرها بدأ يتغير، ملك شالت ليليان إللي كانت ملامحها زعلانة لكنها مش فهمه حاجه، وقعدت جنب ملك وبدأت تتكلم وتقول:-
_لما خلفتي ليليان وعدتيني إنك هتكوني أم وزوجة ناجحه، دلوقتي تفكيرك دا جه منين؟! بعد ما ربنا هداكي وأتحجبتي وكمان بتصلي الفرض بفرضه ترجعي لورا ليه.
_انا بشر يا ملك، وكل البشر بيغلطوا، نفسي ضعيفه.
_وليه تكوني زي كل البشر وتغلطي، من إمتى وإنتي بقيتي كدة، أكيد حد كلمك.
_صاحبتي مريم قالتلي إن شكلي وحش بالحجاب، وإنها بشعرها وبتلبس إللي عوزاه!.
_مريم إتطلـ.ـقت مرتين يا نور بسبب تصرفاتها، بتمشي ورا واحدة فاشله في حياتها علشان تهـ.ـد بيتك؟!، عاملة زي الشيـ.ـطان بتوسوس ليكِ.
_يعني أعمل إيه دلوقتي يا ملك.
_راضي جوزك يا نور، راضيه وحافظي على بيتك وجوزك وبنتك، مريم لو اتطلقتي هي اول شخص هيقولك وأنا مالي إنتي عملتي كدة بنفسك وبرغبتك.
_وتميم طريقته كانت غلط، بس انتي غلط برضو ينور، كلميه أو إستنيه هيهدى ويرجع من نفسه.
_طب إنتي رايحة فين دلوقتي.
_مش هروح أكيد الوقت اتأخر هنام بس انهارده عندكم وكدة كدة سليم وماما وبابا عارفين.
_ماشي يا حبيبتي هاتي ليليان خليها معايا.
_لا هتنام في حضني حبيبة خالتوا سيبيها.
_ماشي.
_____________________
_يا نور، يا نور إصحي، نايمه ليه هنا بالبرد؟!.
_تميم إنتَ جيت، كنت مستنياك ونمت من التعب، متزعلش مني أنا اخطأت بس زعلت منك لما كنت عاوز تمشيني من البيت.
_لا يا نور عُمري ما هعمل كدة، بس كنت محتاج أفوقك من اللي انتي فيه، وعارف ان مريم صاحبتك هي اللي كانت بتخليكي تفكري كدة علشان كدة اتعاملت بالشكل دا، متزعليش انتي مني انا برضو غلطان ولازم اعترف بـ دا.
_طب البوكس دا جواه إيه؟!.
_جبتلك حاجه كان نفسك فيها من زمان أوي.
_كُشري؟!.
_همك على بطنك ديمًا يا عيون تميم، لا إفتحيه وشوفي بنفسك.
_قطة، قطة، يالهوي كان نفسي ليها من زمان أوي.
_إلعبي معاها وبكره هجيب ليها كل إحتياجتها، جايه عليا بخسارة أهو بس فداكي الدنيا كلها.
_تشرب شاي؟!.
_نشرب شاي ياختي منشربش ليه.
__________________
_لسه بتحبني!.
_لسه بحبك.
_طب مش هتزهق مني بما ان عدى سبع سنين علىٰ جوازنا منهم أربعة للسحلفة بنتنا؟!.
_ولو عدى مية خمسه وخمسين سنة ونصف مش هزهق.
_وإحنا هنعيش كل دا؟!.
_هعيش على قد ما هعيش مش هلاقي زيك يا أم ليليان، ربنا يديمك ليا ويجعلني سند ليكي ديمًا، إنتي فوق راسي وعلى رمش عيوني كمان.
_حبيبي يا أبو ليليان.
_حبيبتي قومي بقىٰ أعمليلنا كام ساندويتش بما إن ملك نايمه هي وليليان، في الخبـ.ـاثه كدة.
_من عيوني يا حبيبي.
الحكاية الرابعة عشر اضغط هنا
يتبع.. (ولنا في الخيال حب “تميم ونور”) اضغط على اسم الرواية لتجد الفهرس كاملاً بجميع الفصول.