ولنا في الخيال حب “تميم ونور” الحكاية الرابعه 4 – بقلم ملك ابراهيم

ولنا في الخيال حب “تميم ونور” الحكاية الرابعه 4 – بقلم ملك ابراهيم

_علىٰ جُثتـ.ـي يا نور، واللهِ ما هعملها، مش هعمل كدة أبدًا.

بصت ليه وهي مربعة إيديها ورفعت حاجبها وهي بتقوله:-

_يعني مِش هتلف مَحشي معايا؟!.

_أنا ألِف حوالين نفسي ولا إني ألف محشي، إتجنـ.ـنتي يا نور عوزاني أقعد معاكي وأربع رجلي وألف محشي!.

_خلاص إنتَ حُر، أنا هروح أعمل الغدا براحتك.

ومشيت من قصاده، وقِف لشوية وهو بيفكر ولكن بالنهاية قال في سره:-

_لا معملهاش، تميم باشا صاحب أكبر شركة بمصر يقعد يلف محشي!.
________________
_يا حبيبي المَحشي إستوىٰ، إحدفلي صباع في الهوا، يا حبيبي المحشي خطير، إحدفلي صباع وأنا أطير يا حبيبـ….

قاطعته نور وهي قاعدة قصاده ووشها مش باين من كتر ما هي بتمسح عليه بإيديها إللي مليانة رز وبتقول:-

_المحشي بيتلف مستواش لسه يا تميم، ولفه كويس إنتَ بتلف محشي ولا ورق بفرا، إنتَ لافِف الصُباع زي القلم الجاف، لازِم اللفه تكون صغنونة ومفيهاش رُز كتير علشان الصُباع يطلع قد صباع إيدك الصُغير.

بصلها تميم وهو بيقول في سِره:-

_بعد ما كُنت بتعلم في مجالي بالالاف أصبحت قاعد مع نور إللي مكنتش بتعرف تسلق بيض بتعلمني كيفية لف المحشي في خمس دقايق بدون مُعلم، لإن ببساطة هي مش مُعلم هي مراتي ولازم أستحملها.

نور لاحظت إنه بيتكلم في سره ومتأكدة إنه عليها قالتله وهيَ بتبصله بسخرية من مظهره إللي متبهدل من الاكل:-

_بتقول إيه يا تميم، سمعني علشان وداني محتاجة صيانة.

_بقول ويا حبيبي المحشي إستوىٰ.

_طب إحنا خلصنا قوم علشان نحطه علىٰ النار ويستوي فعلًا.

وفعلًا قاموا من علىٰ الأرض وبدأت نور تكمل باقي تحضير الغدا، وتميم قرر يغير هدومة علشان إتبهدلت جامد، ولما راح المطبخ ووقف جنبها وهو بيغني وبيقول:-

_هوا يا هوا المَحشي إستوىٰ، مين يجيب حبيبي نتعشىٰ سوا، وهـ….

قاطعته نور وهي بترفع حاجبها وبتقوله:-

_ويا ترىٰ مين حبيبك يا تميم، وأنا روحت فين شيلتني من علىٰ بطاقة التموين ولا عملتلي إسترجاع؟!.

_ياختي هو إللي يتجوز يفكر يِبُص برا، دا عامِل زي إللي خبطـ.ـته مقطوره، وطول الوقت ماشي خايف لتخبـ.ـطه مقطوره تانيه.

_شاطر يا حَبيبي يالا خُد الأطباق علشان ناكل أنا تعبت في الأكل إنهارده وحاسه إني بقيت هفتانه كدة.
__________________
_شوفي المَحشي عامِل إزاي؟!، بُصي حاجة فخمة فخمة فخمة، فخامة الفخامة.

_هتخرجني فين إنهارده يا تميم.

_طب إمدحينـ…..

فجأة مكملش كلامه ولقىٰ صوتها عالي وهو بتبصله بتحذير وبتقوله:-

_تمـــــــــــــــــــيم.

_هفسحك فُسحه مشافهاش حد في كُل المتفسحين كُلهم.

_إمتىٰ؟!.

_قومي غيري هدومك يا نور، لازِم دلوقتي علشان متنـ.ـكديش عليا ووشك يقلب ألوان.
__________________
_تميم إحنا بقالنا حبة حلوين ماشيين وإنتَ حاطط إيدك علىٰ عيني، طب رايحين فين، أنا رجلي وجعتني وفضولي شغال.

_وصلنا خلاص، هشيل إيدي أهو، بس أتمنىٰ ميأغمش عليكي يا نور قلبي من جوا.

وشال تميم إيده، فتحت نور عينيها براحة وهي مش مصدقة إللي شافته، بصت لتميم ورجعت تبص للحاجة إللي قصاده وتحاول تصدق إن دا حقيقة، وقالتله بمنتهىٰ الصدمة:-

_مش معقول، بتحققلي حِلمي.

_ركبتي عربية، وركبتي عجله، فاضل إيه.

_الريس، جبتلي ريس، وهوندا كمان!.

_يالا يا ستي أهو فلست علشانك، خُدي الخوذة دي وألبسيها علشان هنعمل تجربة دلوقتي يا ننجح سوا يا نلبس في أقرب حيط سوا.

أخدت منه نور الخوذة ولبستها وإستنته لما ركب وطلعت وراه علىٰ طول وبدأ يشغله ويستعد ومشي بيه.

_انا حاسه إني بطيــــــــــــــــــــــــــــــــر زي العصـــــــــــــــــــــافير.

_العصافير نامت من بدري وصحيت علىٰ صوتك يا نور.

_فدايا يا أبو التمائم، وبعدين هقفش فيك علشان حاسه إنك هتوقعني.

_أنا سَبق ووقعتك في حُبي، لكن عُمري ما أوقعك في حياتنا أبدًا.

نور قعدت ضحك وهي بتقول:-

_حبيبي وجوزي وأبو عيالي إللي لسه مجوش.

وقِف تميم لحظة وهو بيخلع الخوذة وبيبصلها بكل حب وهو بيقولها:-

_هيجيوا يلاقوا ليهم أم حنينة يا نور، أم هتعملهم المودة والإخلاص والتسامح، بحبك يا نور، بحبك يا ضي عين تميم♡.

الحكاية الخامسة اضغط هنا

يتبع.. (ولنا في الخيال حب “تميم ونور”) اضغط على اسم الرواية لتجد الفهرس كاملاً بجميع الفصول.