ولنا في الخيال حب “تميم ونور” الحكاية الثالثة 3 – بقلم ملك ابراهيم
_أنا مش هَعيش مَعاك يوم واحِد كمان.
وقفت نور وهيَ بتقوله كِدة وجنبها شنطة هدومها.
_إستهدي بالله يا نور علشان واللهِ أنا علىٰ آخري، صدقيني لو إتكلمتي كلمة واحدة لَهتكوني طالِق بالتلاتة.
_طالِق؟! وقدِرت تقولها يا تميم! خلصت الحكاية أنا مِش هَعيش مع شخص بيستغنى وكمان خاين!.
_إنتِ مبتحسيش! معندكيش د.م، قولتلك أنا مبخونش، مبخونش ومخونتكيش ولا هخونك، والسكرتيرة طردتها أعملك إي تاني؟!.
_أدخل عليكم وهيَ مقربة منك! ما هي لو أخلاقها كدة سايبها ليه من الأول.
_بقولك إي ينور، أنا هسيبلك البيت.
فجأة جه يمشي لقاها بتشده جامد وبتقوله:-
_أنا مش هعيش دقيقه واحدة في البيت دا ولا ثانية واحدة معاك، شنطتي وحاجتي معايا، أبعتلي ورقة طلاقي علىٰ بيت أبويا.
ومشيت من قصاده وأول ما خرجت قعد يكسـ.ـر في كل شيء حواليه وكإنه بيحاول يخرج غضبه، يحس إنه بيضيع حبيبتة ومراته، ولما قوته خلصت قعد علىٰ الارض وهو لأول مره دموعه بتنزل وبيقول:-
_متسيبينيش ينور، متسيبيش تميم أنا من غيرك مش هقدر هعيش.
_________________
_وبعدين يا نور، من وقت ما جيتي إمبارح وانتي قاعدة كدة، ولا حكيتي معانا ولا قولتي حصل إي يخليكي تيجي الساعة إتنين بالليل ومعاكي شنطة هدومك!.
نور بصت ليها وهي دموعها علىٰ خدها وبدأت تتكلم بوجع وتقول:-
_أنا تعبانة يا ملك، عدى على جوازنا انا وهو أربع شهور، بدأ يتغير معايا مبقاش يكلمني ولا يهتم بيا برغم اني مراته، وبقيت بحس إنه بيخوني، روحتله الشركة إمبارح على غفلة لقيت السكرتيرة بتقرب منه! بتقرب من شخص مش من حقها تلمحه حتىٰ طول ما عنده زوجة، ولما شافني قام بكل برود طردها وأخدني وروحنا، شايف إني مبحسش، معنديش د.م، قالي هيطلقني! قدر وقالها يملك، بيستغنى عني بسهولة.
_يا حبيبة قلب ملك ليه متقوليش إنه مضغوط، أو دي ساعة شيـ.ـطان وهتروح لحالها، صدقيني واللهِ تَميم بيحبك، ليه مجربتيش تسأليه ماله، ولو علىٰ السكرتيرة ما قولتي إنه طردها يعني مكنش بيخونك، إحنا جوانا غريزة معينة إننا ديمًا بنفكر إن أي راجل في حياتنا هيكون بيخونا، بس تميم والله ما بيشوف غيرك.
_عارفة أنا صعبان عليا نفسي أوي، صعبة لما إللي بتحبيه يتخلى عنك ولو حتى في لحظة غضب، يعني بعد كدة بأي خلاف تاني، هيقدر يضـ.ـربني او يطلقني عادي كدة!.
_فيه فرق بين لحظة غضب وإللي بيتلكك يا نور، هو لو كان عاوز يطلقك كان طلقك علىٰ طول، لكن كل اللي حصل بينكم لحظة غضب، ومسير المايه ترجع لمجاريها.
بصت نور ليها بقـ.ـرف وهي بتقولها:-
_مجاريها اه، جتـ.ـك نيلـ.ـة في أمثالك، المهم قوليلي بابا وماما فين.
_سافروا الصبح ياستي بعد ما جيتي بكام ساعة عندهم فرح في البلد وكنت هروح معاهم بس قالولي أفضل معاكي لحد ما يرجعوا ويشوفوا حصل إي معاكي.
_طيب قومي نحضر أكل أنا جعانة.
بصت ليها ملك وهي بترفع حاجبها وبتقولها:-
_طب وتميم؟!.
_أخطأ، وأنا كمان أخطأت بس خليه يحاول شوية لما أشوف محاولاته هتوصل لحد فين.
________________
_نـــــــــــــــــور.
_فزعتيني عاوزة إيه أنا مش طايقه نفسي دلوقتي.
_مالك ينور، متدايقه علشان تميم مجاش صح؟!.
_أربع أيام وهو مفكرش يسأل عليا، بعيد عني ومقربش ولو خطوة واحدة، كإن مفيش في حياته شخصية بلقب مراته، كنت فكراه هيحاول علشاني بس طلعت مُغفلة.
_طب تعالي ننزل نركب عجل يالا.
_مليش نفس لحاجة يملك، أطلعي برا وسيبيني أنام دلوقتي.
_لا هتقومي وهننزل يالا بدل ما أزعـ.ـلك.
_________________
_مغمية عيني ليها وفين العجل كل دا موصلناش ليه؟!.
_متقلقيش، هشيل إيدي أهو، واحد، إتنين، تلاته.
وشالت ملك إيديها ونور بدأت تفتح عينيها وفجأة شافته قصادها، واقف وجنبه عجلتين، بيبصلها بحب، نظراته إللي ديمًا محفوره في قلبها، ماسك في إيديه بوكيه ورد، باللون إللي هي بتعشقه، فاقت وبصت ليه ببرود متصنعاه، وقالت:-
_إيه إللي جابه هِنا.
_جاي أدي ملك الورد دا، خدي يا ملك علشان هاخد بداله حاجه تانيه بإيدي.
وتميم إدىٰ لملك الورد، وأخد نور من إيديها ورجع قصاد العجل تاني، وقالها بكل جدية:-
_بعد ما جبت عجلتين معايا ودفعت فيهم الشيء الفلاني ومكلفاني ديمًا وبتتصالحي بألافات، فـ هنركب عجلة واحدة ونسيب التانية لملك السنجل تمشي بيها.
_سمعاك، سمعاك يا أبو التماتيم، إفتكر إني إللي جبتلك الضحـ.ـية لحد عندك.
_تسلم يا أبو عمو علىٰ الواجب دا، إسرحي بقى.
_مش بكلمك.
_يالا علشان هاخدك فسحة بسيطة زي عبد الحليم حافظ وشادية.
_حتى لو ركبت، هكون زعلانة برضو.
_في حد بيزعل من روحه؟!.
_وفيه حد بيستغنى بسهولة؟!.
_لا واللهِ مش إستغناء، بس كنت بحضرلك المفاجأة دي، عارف إني طولت عليكي بس لما شوفتك دلوقتي كإن روحي رجعت ليا ينور، إنتي نفسي يا نور، إللي لو خسرتها مش هعيش ثانية واحدة.
_مش هتزعلني تاني؟!.
_مش هزعلك يا نور، هحبك وهحافظ علىٰ بيتنا سوا، بحبك ينور.
فاقوا وسمعوا صوت ملك وهي وراهم بالعجله وبتقول بغيظ قعدوا يضحكوا عليها:-
_أنا وراكم ومعايا البوكيه والمطره بتمطر علينا يا عبحليم ياكشي نخلص.
الحكاية الرابعة اضغط هنا
يتبع.. (ولنا في الخيال حب “تميم ونور”) اضغط على اسم الرواية لتجد الفهرس كاملاً بجميع الفصول.