رواية ملاكي الحارس الجزء الثاني 2 – الفصل الحادي عشر
{ البارت بعنوان / الملحمه }
جلست جانيت أمام والدها بصمت وقلق ثم سألته بتلعثم : عملية ايه دي اللي هتحصل في جسمي تضمن بيها ولائي ؟
كريستوفر : عمليه هتتم في منطقة الجنب يعني من ناحية الكلى هنزرع شريحه صغيره بسيطه
جانيت : شريحه ! ويا ترى كل اللي معاك هنا عندهم نفس الشريحه ؟
كريستوفر : كل اللي معايا هنا مناموش مع عدوي في سرير واحد
جانيت وهي تنظر له بصدمه : ولو رفضت ؟
كريستوفر : هيبقى مشكوك فيكي ومش مرحب بيكي وسطنا هنا وترجعي لمزبلة هشام جمال .
نظرت له جانيت بحقد قائله : تمام موافقه أعمل العمليه
كريستوفر : تمام الساعه ٨ بالليل هتتم العمليه
قامت جانيت بعد ان نظرت له بكرهه وغادرت مكتبه على الفور متجاهله كلمات الوداع التي ألقتها السكرتيره الخاصه بوالدها
♡ في متجر جيمي ♡
مارال : انا خايفه عليك ! انا بحبك وماليش غيرك ورحمة هيلين متعملش كدا
جيمي : بنت ! متحلفنيش برحمة أمي ! لازم اعمل كدا مارال انا بدأت الموضوع وهنهيه مينفعش
مارال : طب وانا ؟ والولاد ؟
جيمي وهو يقترب منها ويتلمس خصلات شعرها : هبقى بخير خليكي واثقه فيا
إرتدى قبعته السوداء وأمسك بعصاه ثم مد يده لزوجته ليخرج من المتجر برفقتها ويسيران بأتجاه المنزل وهما يعلمان أن الليله ستكون أسوأ ما مر على المدعو كريستوفر ، زعيم المافيا
♡ في منزل هشام ♡
كانت جانيت تجلس بإرهاق على الكرسي وهشام يقف أمامها وهو يمسك بكأس النبيذ الأحمر الخاص به ويقول بغضب : إبن ال .. شريحة ايه اللي عايز يحطها في جسمك الغبي دا
جانيت : إهدى يا هشام لاحسن الولاد يسمعوا !
هشام : جانيت ! أي فتح في جسمك خطرر انتي حاامل
جانيت : عارفه انا مرعوبه بس معرفتش اعمل ايه خوفت يشك فيا
في نفس اللحظه دخل جيمي المنزل برفقة زوجته قائلآ : واضح أنكم مقللين من شأني جدآ
هشام وهو يضع الكأس على فمه ثم يرتشف منه القليل : واضح انت انك متعرفش أبوها طلب ايه ، الساعه ٨ بالليل عايز يعملها عمليه يزرع شريحه في جسمها
جيمي بإبتسامه غامضه : ما تخليه يعمل كدا ؟
هشام بغضب وهو يكسر الكأس : إنت مجنون صح !!!
مارال : ايه اللي بتقوله دا يا جيمي جانيت حامل
جيمي بغموض : أه ف احنا نقعد نصوت زي النسوان ولا نفكر بالعقل ؟
فؤاد من خلفهم : أنا رأيي يا هشام نروح نخلص معاه الموضوع ومندخلش الحريم وسطهم تاني
هشام : صح مكنش ينفع أعرضها للخطر
جيمي ببرود : في عصير بارد هنا ؟
هشام بغضب : تعرف تسكت عشان أنا اعصابي تعبانه ومش ناقصك ؟
جانيت بإرهاق : بس بقى كفايه خناق وزعيق !
♡ الساعه السادسة ليلآ ♡
كانت جانيت تجلس في حضن هشام بهدوء وسكينه وكان هو يحاول بشتى الطرق التخفيف عنها ، طرق باب غرفتهم ف قال هشام : ادخل
دخل أسر إبنهم قائلآ : بابا ، ماما أونكل جيمي عاوزكم على سطح البيت وبيقول بسرعه
هشام بغضب : البني أدم البارد دا اللي مش حاسس بينا انا لو طلعت هتخانق معاه
جانيت وهي تضع يدها على وجهه : معلش يا حبيبي خلينا نطلع نشوفه عاوز ايه
هشام وهو يقوم : يلا لو طلع حاجه تافهه مش هعتقه
♡ في سطح البنايه ♡
كان جيمي يرتدي قبعته السوداء وهو يقف عند سور السطح موليآ ظهره للباب ووراؤه تقف بيرلا بجانبها فؤاد ومارال ، دخل السطح جانيت وهشام ف قال هشام : ممكن أفهم في ايه ؟
جيمي بإبتسامه والهواء يداعب وجهه : هوريكم أحلى عرض حصل أو هيحصل في مدينة البندقيه على مدار عشرين سنه
فؤاد : خلصنا عشان مش فاضل غير ساعتين ع ميعاد عملية جانيت
أمسك جيمي كأس النبيذ المستند على سور السطح وهو يقول : lets dance ?
أخرج من جيبه جهاز أسود صغير ذو زر واحد فقط بمجرد ما تم الضغط عليه حدث إنفجار هائل في مدينة البندقيه واشتعلت النيراان وحدث دوي مخيف يتخلله صرخات الأهالي
اتسعت عينا هشام وجميع من يقف خلف جيمي بينما وقف جيمي بثبات
هشام : في ايه اللي حصل انت عملت ايه !
جيمي : يؤسفني إن أحد تصاميمي يروح هدر ولكن دا هيفضل الفستان المثالي لانه عمل أجمل مشهد في مدينة البندقيه
مارال بصدمه : اللي انت حطيته في فستان زوجة كريستوفر دا مكنش جهاز تجسس ؟
جيمي : لا طبعا ، كان قنبله .
هشام وهو يبتسم : يا ابن اللذينه وانا اللي حسبتك بارد
فؤاد بابتسامه : كدا جانيت فلتت من العمليه
جانيت برعب : لا طبعا افرض كريستوفر حصله حاجه
جيمي : انتي عبيطه ؟ زمانه في المقر بتاعه بيتفق مع رجالته يشرحوكي ازاي
بينما هم يتحدثون سمعوا أصوات سيارات كثيره تقترب من منزلهم ف علموا انهم رجال المافيا وقد أتوا لتصفيتهم ف قال هشام وهو يخرج السلاح من جانبه كما فعل فؤاد وجيمي : جانيت خدي مارال وبيرلا وانزلوا اقعدوا مع الولاد ومهما حصل متتحركوش من جوا البيت ، مفهوم ؟
الفصل التالي اضغط هنا
يتبع.. (رواية ملاكي الحارس الجزء الثاني 2) اضغط على اسم الرواية لتجد الفهرس كاملاً بجميع الفصول.