رواية ملاكي الحارس الجزء الثاني 2 الفصل التاسع 9 – بقلم نهله جمال

[ ولكن جهودي في الغفران لك حطمت قلبي لم أعد أتحمل المزيد من الصدمات التي تأتي منك ]

وقف هشام وعيناه تبعث القسوه لعيناها ، وقفت هي ترتجف بالقرب من باب الحمام ثم قالت بنبره مرتجفه : أنا هشرحلك

هشام : جانيت كريستوفر

جانيت بسرعه وهي ترفع رأسها لهشام بقسوه : جانيت هشام جمال

توقف هشام عن أتمام حديثه بألم ف بكت هي ومسحت الدموع من عيناها ثم نظرت له قائله : انا بنتك وحبيبتك ومراتك ، كريستوفر دا طان فين وانا باكل من الزباله ونايمه على أرصفة البندقيه ؟ إنت عارف أنا بكرهه ونفسي أنتقم منه أكتر منك ! أنا بنت حرام يا هشام بس انت أبويا وحبيبي ، انا بحبك ، انا روحي فيك أنت ، إنت وهيلين أبويا وأمي اللي حضنوني وخلوني بني أدمه محترمه ، نظرات الحب الحقيقيه مشوفتهاش غير في عينيك إنت

وقعت الأوراق من يد هشام وهو ينظر لها ب ألم ف إقتربت منه وهي تجفف دموعها ثم وضعت يدها عل يسار صدره قائله : دا ! قلبك بسمع صوته أول ما تشوفني رغم انك بتحاول تبين ان مفيش حاجه بتأثر فيك ومش بقدر أوصفلك فرحتي ازاي اني ملكته

ثم أمسكت يده ووضعتها على بطنها وقالت : ودا اللي جه في وقت عشان يرجعني لحضنك تاني ، هشام انا بحبك اوي ! لو عاوزه أذيك مش هشيل جوايا حته منك ، انا خوفت اقولك متسمعنيش وترميني برا مملكتك دي ! في اليزم اللي استلمت فيه متجر الحلوى من عمتى جتلي علبه حمراء بتاعة هدايا بمناسبة إفتتاح المتجر ، فتحتها لقيت الورق دا وخبيته وانا معرفش مين كريستوفر دا كل همي ان ميظهرليش عيله فجأه تاخدني منك ، معرفتوش ألا يوم جنازة هيلين ، أنا حبيبتك ومراتك وملكك وهقف جمبك وهنجيب حقنا منه ، متسبنيش

ثم دفنت رأسها في صدره وهي تبكي ف احتضنها بقوه قائلآ : إزاي ملاك زيك يطلع من وسط كومة تعابين زيهم ، مستحيل أستغلك انك تدخلي وسطهم عشان أخد حقي أنا أرجل من كدا يا جانيت

جانيت : متسبنيش

احتضنها هشام بقوه وهو يستنشق خصلات شعرها الذهبيه التي يعشقها ثم قال : مقدرش اسيبك ، بس لازم نقول للباقي

♡ في حديقة منزلهم ♡

بيرلا : يعني انتي بنت زعيم المافيا ؟

احتضنت مارال ولديها ثم قالت : يعني احنا كدا في خطر ؟

أرجع فؤاد ظهره إلى الوراء قائلآ : دا من هنا هيبدأ اللعب ع التقيل

هشام : إوعى تكون بتفكر في اللي في بالي

فؤاد : جانيت هتروح لأبوها وتعمل الإبنه المطيعه ، متنساش إن إبن كريستوفر مات السنه اللي فاتت بإن عربيته إنحرفت عن المنحدر ووقعت اتفحمت ، ابنه من مراته التانيه مش شقيق جانيت

هشام : والمطلوب ؟

فؤاد : جانيت هي الابنه الوحيده وانت عارف زعيم المافيا فلوسه مبتروحش لأعمال خيريه لان دمه وسخ ولا بيثق في رجالته حتى عشان يديهم فلوسه بعد ما يغور يموت ف مفيش قدامه إلا الوريثه الوحيده ، بنته جانيت

جانيت : بس أنا مش هقبل فلوس عليها دم ناس

فؤاد : فهمتيني غلط ، أنا أقصد تروحي ك ابنه مطيعه لأبوكي هيديكي أسراره ونقطة ضعفه اللي هندمره منها

هشام : وانت فاكر ان واحد بدماغ زعيم مافيا هيثق في مرات عدوه حتى لو كانت بنته ؟

فؤاد : لو جانيت اه هيثق فيها ، أما دورنا احنا التلاته ك رجاله هيبتدي يحلو

ابتسم هشام ف رفع جيمي عصاه في وجه فؤاد وقال : ولد ! فهمني تقصد ايه

غمز فؤاد له قائلآ : هفهمك ..