رواية في السماء نور الفصل الخامس عشر 15 – بقلم نهله جمال

رواية في السما نور part 15 بعنوان ( زوجة الوريث الملكي )

¤ جاء في حياتي مُتأخرًا وبتوقيتٍ مميز، ودقيقٌ، كاليد التي تُعيدك من حافة الإنتحار بعد أن باتت في عينيك جميع الأشياء مُتشابهه¤

• في غرفة الزواج •

كانت تجلس على الفراش المغطى بأرقى أنواع الأغطيه الملكيه البيضاء ، بفستان زفافها بخصلات شعرها الفوضاويه ك فتاه كانت تركض للتو وللحظه إستندت على حائط لتستريح ، أخذتها دوامة الحياه إلى أتجاهات خاطئه رفض عقلها الخضوع لها ولو لثوان ، جائت لقصر الكاشف في المره الأولى ك طبيبه متدربه تتسلم الحاله التي تجعلها تفتتح عيادتها النفسيه الخاصه بها من دون العمل تحت ضغط أحد الأطباء كبار السن والقى بها القدر إلى علاج ذلك الشاب الذي يعاني من رهاب البالونات ، حاولت بقصارى جهدها أن تساعده في تخطي تلك الأزمه التي يراها والديه شيئآ مستعصيآ يعيقه عن ممارسة حياته الملكيه بشكل طبيعي ولكنها فشلت بل وقد سجنت هنا أسيره تحت أيديهم بلا رحمه ، ما يفتت قلبها إلى قطع نظرات والديها لها بالحسره في حفل زفافها ، كانت تبكي على الفراش كما لم تبكي من قبل حتى طرق هو باب الغرفه برقه وهدوء قائلآ : تيا ؟ ممكن أدخل ؟

جففت دموعها بطرف إصبعها ثم قالت : إتفضل

دخل هو واغلق الباب خلفه ثم نظر لها قائلآ : متخافيش ، مش هسمح لحد يضايقك وفهمتهم كدا تحت ، إنتي كويسه ؟

تيا : ماشي الحال مرهقه بس مش اكتر

هاري : متقلقيش انا مش هقربلك وهسيبك تاخدي راحتك مش عايزك تخافي

تيا : أنا فشلت إني أتجوز برضايا ورضا اهلي ف ارجوك ساعدني ومتخلنيش أفشل في الأمل الوحيد اللي فاضل ليا

هاري : قصدك موضوع علاجي

تيا : بالظبط ، ارجوك !

هاري وهو يضع يده بجيبه : وانتي شايفه دا وقت مناسب نتكلم في حاجه زي كدا ؟

أمسكت بأطراف فستانها ثم سارت بإتجاهه قائله : كنا بنتعامل ك صحاب في فترة علاجك اللي أنا فشلت فيها بس دلوقتي مضطرين نتعامل ك أتنين متحوزين لإن دا الواقع ، إنت شخص كويس جدا وألف بنت تتمناك وأنا أوعدك مش هضايقك ومش هخليك تحس إننا إتجوزنا غصب أو بإرادة والدك هعاملك معاملة الزوجه الكويسه بس محتاجه وقت

وبينما هم يتحدثون دخلت والدته قائله بنبرة إستعلاء : تؤ إسمها هعاملك معاملة زوجة الوريث الملكي ، إحنا اللي أتجبرنا عليكي يا دكتوره مش العكس إحنا كنا بنضحك ونبتسم عشان الصحافه بس مش اكتر وعشان منظرنا ك عائله ملكيه قدام الناس بعد الفضيحه اللي سعادتك عملتيها وبوستي إبني وخليتي الصحافه تصورك ، عل الأقل دلوقتي الصوره ليها مبرر إنك زوجته ولا إنتي شايفه حاجه عكس كدا ؟ بتحبي الفضايح والمسخره إنتي وعيلتك؟

هاري بنفاذ صبر : هو مش في باب وإستئذان ؟

والدته بحزم : القصر هنا هيكون ليه حرمته لما تاخد حقك منها ك زوجها ، أي نعم الجواز تم بطريقه مش مستحبه بس في الأخر إسمه جواز ولازم يتم على اصوله ولازم تفهمي دا كويس وعلى فكرا المره دي مش كلامي أنا بس دا كلام والظك الكاشف باشا ، مراسم الزواج هتتم كامله إنهارده ووالدتك عندها علم بالموضوع دا لإن هي كمان مش عايزه فضايح وطلاق وإحنا ك عيله ملكيه معندناش أوبشن الطلاق والجواز الكتير إحنا للأسف مضطرين نخليكي أم أحفادنا ..

تيا : الكلام اللي حضرتك بتقوليه دا مستحيل ماما تكون وافقت عليه

هاري : دا موضوع بيني وبين تيا يا ماما مش من حق حد يتدخل فيه

والدته : لا مبقاش يخصكم دا بقى يخص شكلنا قدام الناس ، معندناش مانع تكمليله علاجه بس إوعي يخطر في بالك أنك هتشتغلي بعدها دكتوره ! إنتي نسيبة العائله الملكيه

تيا بغيظ : الملكيه الملكيه القوانين والقواعد انتوا ايه معندكمش قلب ! فجأه كدا رضيتوا عننا وعايزينها جوازه رسمي لا وكمان بتفكري في أحفادك من دلوقتي !

والدته بحسم : هاري ! لو مراسم الجواز متمتش كامله إنهارده وخدت حقوقك كامله من مراتك إعتبر نفسك خارج عيلة الكاشف نهائي ، القرار في إيدك

ثم خرجت واغلقت الباب خلفها ثم فتحته مره أخرى قائله : بكرا الصبح هنطمن عليكي أنا ووالدتك يا دكتوره ..

ثم خرجت مره اخرى ، نظر هاري لأرضية الغرفه ف قالت تيا : إنت أكيد مش هتعمل كدا ، أكيد مش هتلمسني والدتك دي معندهاش قلب إديني وقت طيب وهوافق والله

إقترب منها بخطوات ثابته وعيناه متحجرتين ثم مد يده ببطيء لشعرها مزيلآ التاج المرصع بالماس وبأصابعه حرر شعرها ثم إحضتنها هامسآ في أذنها بضعف : سامحيني يا تيا .. مفيش قدامنا أي وقت..

• صباح اليوم التالي •

أشرقت الشمس بأشعتها الذهبيه على نوافذ وحديقة القصر بأريحيه وعم الهدوء في ارجائه ، إستيقظ الخدم في نشاط يعملون في ترتيب وتنظيف القصر كلآ في مهامه الخاصه

والدة هاري وهي تأكل طعام الإفطار في الحديقه : صح النوم إيه كل دا هو انت العريس ؟

الكاشف باشا وهو يجلس بالقرب منها : ميري قهوه مظبوطه بتاعتي مع فرينش توست ولوتس

والدة هاري : أنا عملت كل اللي إنت قولتلي عليه

الكاشف باشا : مبسوط منك جدآ

والدة هاري : بس إنت وعدتني !

الكاشف باشا : متقلقيش بقى قولتلك هكتبلك الفيلا بإسمك خلاص

أحضرت الخادمه الإفطار الخاص به ووضعته أمامه ف جلس يأكل برفقة زوجته قبل أن يقترب الحارس الشخصي لبوابة القصر قائلآ : في مدام واقفه برا ومعاها سلة بتقول فيها اكل الصباحيه وبتقول إنها والدة دكتوره تيا نسيبتكم

والدة هاري : شايف البيئه ! جايبه سلة أكل ؟ هي مجوزه بنتها في حواري المعادي ! ناس عمرها ما هترتقي

الحارس الشخصي : ناخد السله منها يافندم ؟

والدة هاري : ايوه طبعآ

والد هاري بحسم : لا ! خليها تدخل بالسله

ذهب الحارس الشخصي ف قالت والدة هاري : بقى بذمتك حد ييجي الصبح بدري اوي كدا ؟ ايه هو ابني هياكل بنتها ؟ دا جوزها ! واللي يغيظك رافعين راسهم لفوق معرفش على إيه هما يطولوا أساسا

الكاشف باشا : أنا عايزك تتعاملي معاها كويس وميكونش في بينك وبينها أي حساسيات

والدة هاري : هحاول ، وبس بقى عشان هي مقربه علينا أهو

إقتربت والدة تيا قائله : صباح الخير معلش بقى معرفتش أنام طول الليل عايزه أتطمن على تيا

والدة هاري لم تتماسك ف قالت بهدوء : وهي بنتك نايمه في الشارع ؟ دي نايمه في قصر عريض طويل في حضن جوزها اللي هو الوريث الملكي ! هو مستحيل يأذيها وبعدين حد يطول ؟

الكاشف باشا : وبعدين أنا قولت إيه ؟ إتفضلي يا مدام فطار بسيط

والدة تيا : لا كتر خيرك فطرت وعملتلهم أكل الصباحيه

والدة هاري : ممكن أعرف عباره عن ايه ؟

والدة تيا : فطير وعسل إسود بالطحينه وعسل ابيض بالقشطه وفراخ بانيه ومكرونه بشاميل

والدة هاري : الأكل دا مستحيل يطلع الأوضه !

والدة تيا : ليه بس دا أكل عرايس

والدة هاري : إنتي عايزه تجيبيلهم تلبك معوي ؟ هما عشان عرايس لازم نحشيهم كدا

والدة تيا : خلاص لو خايفه بلاش ابنك ياكل أنا عايزه أغذي بنتي

والدة هاري : اووه ياااكي شايف الكلام ؟ أغذي ومش أغذي بنتك بس لو صقفت بإيديها وطلبت حاجه خدم القصر كلهم يطبخولها أحلى طبخ وفطار صحي مش زيوت ولحوم ع الصبح ! مش ممكن كمية الكالوريز اللي ذكرتيها في أكلاتك

والدة تيا : ماهي عشان عروسه مينفعش تفطر زي حضرتك لبن خالي الدسم وجبنه بزيت زيتون وزيتون اخضر وفطير صغير

والدة هاري : خلاص انتي حره ! انتي وبنتك بس الأكل دا تنبهي على بنتك إبني ميقربلهوش !

والدة تيا : أمال العرسان الحلوين هيصحوا إمتى ؟

• في غرفة تيا وهاري •

كان هاري مازال نائمآ وتيا قد أخذت حمامها وجسدها مازال يؤلمها ، ارتدت طقم أستقبال العروس الذي وضعته لها حماتها المتعجرفه ثم وقفت على نافذة الغرفه المطله على الحديقه ف وجدت والدتها تجلس معهم ف وضعت يدها على فمها بسعاده ثم أتجهت ناحية الفراش قائله بهدوء : هاري !

تململ هو في الفراش قائلآ : همم

تيا ببرود : من فضلك إصحى وألبس عشان والدتي تحت وحابه أقعد معاها

قام هاري ثم تثائب قائلآ : تيا أكيد انتي مش زعلانه من اللي حصل إمبارح انا .

قاطعته قائله : هستناك تغير هدومك وتفوق عشان ننزل سوى ياريت متتأخرش

جائت لتقوم من الفراش ف أمسك بيدها قائلآ : لا ثواني بس ! أنا اضطريت اعمل كدا انتي مسمعتيش كلام والدتي إمبارح ؟

تيا ببرود وألم مخفي : من فضلك سيب إيدي وإلبس حاجه عشان ننزل

هاري : أوك يا تيا هسيبك بس عايز اقولك أن الدخله تمت عشان والدي ووالدتي وأظن والدتك وافقت

نظرت له تيا بألم قائله : بس انا اترجيتك تديني وقت وانت مسمعتنيش !

ثم قامت من الفراش ووقفت أمام النافذه وأعطته ظهرها بينما قام هو ليأخذ حمامآ ساخنآ ويرتدي شيئآ لتبدأ مشاكسات العائله الملكيه على زوجته الطبيبه البائسه ..

رأيكم يا حلوين ؟ وأكمل ولا لا ؟