رواية في السماء نور الفصل السادس 6 – بقلم نهله جمال

رواية في السما نور part 6

¤ وبين نبضه ونبضه قربك ، يحييني ! أنا لا أعلم ماذا يحدث ولكنني سعيده ، هل للوقت أن يتوقف قليلآ ؟ ¤

دكتوره تيا مازن أستشاريه في أمراض الطب النفسي ، أحدثكم من قصر الكاشف بعد ما بقيت الليدي اللي كل الأخبار بتتكلم عنها وعن البوسه المشهوره بتاعت الخطوبه والحقيقه واضح أن والدة المريض بتاعي شيلاها في قلبها لحد دلوقتي والحقيقه برضو إن كتير من قرايبي والجيران أتصلوا ” تيا ! إزاي دا يحصل ؟ شغلك مع ولاد الأكابر نساكي أصلك وتربيتك !”

أنا منستش ولا عمري هنسى والبوسه دي سبب خناقاتي الكتير مع هاري بعد الخطوبه ، بدأنا العلاج بقالنا يومين والحقيقه هو مش مندمج خالص ، هياخد وقت أنا عارفه بس مش هستسلم ، تعرفوا عني كدا برضو ؟ دا مستقبلي وكارير شغلي اللي لازم أتمسك بيه ! دا حلمي

بيقولوا اللي بيدور على الحب مش بيلاقيه بسهوله أما بقى اللي مبيشغلس باله بيبقى ..

إحم بصوا قاعد جمبي أزاي ؟ منتهى التناكه وقلة الذوق وكإنه إشتراني مش جايه أعالجه ، ما علينا أنا مش هسيبك غير لما أعالجك

هاري : بقالك ساعه بصالي .. مش هنبدأ ؟

تيا : هنبدأ أكيد بس حابه أتأكد إنت جاهز ولا لأ

هاري : مش عارف !

تيا : لا فوق كداا ! يعني ايه مش عارف ، بص أنا ك طبيبتك بضمنلك الموضوع شكة دبوس حاول تكون صريح معايا بس وكل حاجه هتبقى كويسه

هاري ببرود : أنا صريح ، انتي اللي مش محدده عايزه إيه ؟

تيا بتنهيده : تمام ، إيه اللي بيخوفك من البلونه ؟ شكلها ولا ا ..

قاطعها هاري : كلها بتوترني وبتتعب اعصابي ، كلها على بعضها كدا إختراع فاشل والمفروض تعالجي اللي بيحبوها مش تعالجيني أنا

خلعت تيا نظارتها الطبيه وأغلقت دفترها الصغير وقالت : أنا مش قادره أوصل لنقطه أبدأ منها العلاج ! مينفعش تشوف نفسك شخص طبيعي ابدا

صرخ هاري بغضب : لييييه مش طبيعي

تياا : عشان البالونات حاجه تافهه لازم تتعالج من الرهاب دا !

تنهد هاري بصبر ثم أرجع ظهره للوراء وقال : مش قادر أقتنع

تيا بغضب : أمال خطبتني ليه ؟

هاري : على فكرا إنتي الدكتوره بتاعتي يعني حتى لو انا اتعصبت انتي متتعصبيش !

تنهدت تيا وقالت : طيب بمنتهى الهدوء لو انا ناو جبتلك بالونه هيحصل ايه ؟

هاري ببرود : هكسر على دماغك الأوضه دي

تيا : ايه السبب ؟

هاري : ممكن نكمل علاج بعدين ؟ انا تعبت !

تيا : بعدين دا اللي هو إمتى ؟ أنا بقالي ٣ أيام بحاول أبدأ معاك

هاري : ولا أنا عارف هتبدأي منين والموضوع بقى يتعبني

تيا : طب نبدأ من السهل ، هجبلك صورة بالونه

هاري : لا لا لا لا اياااك تعملي كدا انا مش عايز أأذيكي

وضعت تيا يدها على رأسها بيأس حتى أنها التقطت نفس وتوقع هاري أن تبكي ف أقترب منها وأمسك بذراعيها وجعلها تقف أمامه وقال وهو يزيح خصلات شعرها عن عينيها : لو إنتي حسيتي باليأس أنا هبقى ضعييف عشان إنتي مصدر قوتي ! فهمتي ؟

تيا : مش عارفه أبدأ منين حاسه كل دراستي راحت هدر

هاري : طب وريني صوره .. هحاول أتمالك أعصابي

نظرت له تيا وقالت : وعد ؟

هاري بغضب : موعدكيش بس هحاول

ارتعدت تيا وقالت : لا هتحاول إيه دا انت بتتعصب من دلوقتي

هاري : من فضلك متستفزنيش

تيا : طالما هتحاول تتمالك أعصابك غمض عنيك

أغمض هاري عيناه ويده ترتعش بقوه ، فتحت تيا الخزانه وأخرجت بالونه أطلقتها في الجو ثم قالت وهي تقف أمامه : فتح عيونك بالراحه وإفتكر إني جمبك ومفيش حاجه هتأذيك

فتح هاري عيناه ببطأ ف لمح البالونه اتسعت عيناه وعرق وجهه ثم وضع أصابعه بين خصلات سعره وهو يركل كل ما يقابله ويقول بصوت مرعوب : افتحي الباب بسرعه دي جايه عليا

تيا : اهدى دي مفيهاش حاجه

هاري : افتحي الباب بقوللك !! اااااه

وقع على الأرض وظل جسده يرتعش لمدة خمس ثوان ثم فقد الوعي كليآ

صرخت تيا من الصدمه وقالت : هااااري !

• أمام غرفة هاري •

والدة هاري تنظر بحقد ل تيا : لا والدكتور بتاعك يقولنا دي ممتازه وموهوبه خسارة سبع سنين تعليم

تيا : من فضلك أنا مشيت فعلآ على طرق العلاج اللي درستها في كليتي بس واضح إن الرهاب عنده وصل لأعلى درجه أنا مكنتش متوقعه إن الحاله سيئه أوي كدا !

والدة هاري بغضب : أمال إحنا جايبينك ليه وخليناكي خطيبته ! بنهزر معاكي مثلا ؟

ارتعشت شقيقة هاري الصغيره ووقفت بجوار الحائط ف أقتربت منها تيا وهي تقول : متخافيش يا حبيبتي وعد مش هضايق أخوكي تاني

والدة هاري بحزم : دا أحسنلك عشان ولادي بالنسبالي خط أحمر لو مسهم ضرر هيمسك أضعافه

• بعد عشر دقائق •

دخلت تيا غرفة هاري ووجدته يجلس على فراشه وبيده قطن إثر حقنة مهديء وقميصه مفتوح وهو مرتديه وكان ينظر لشرفة غرفته

جلست تيا على طرف الفراش وقالت بهدوء : أنا بعتذرلك

هاري : ….

تيا : من فضلك متسكتش أنا عارفه اني قولتلك هعالجك الأول بالصوره بس إحنا عندنا حاجه في مجال دراستنا بتقول إن العلاج بالصدمه أفضل علاج عشان تتعود

هاري : ف جبتيلي أكتر حاجه بكرهها في حياتي ؟ أنا ضعيف

تيا : إنت مش ضعيف ! إنت قوي وشخصيتك قويه ومحبوب جدا وجميل

هاري بإبتسامه جانبيه : ما إنتي كمان جميله ، بس غبيه

تيا : غبيه !

هاري وقد إعتدل وإقترب منها بسرعه ثم أمسك وجهها : إنتي ليه عايزه تعالجيني بسرعه وتمشي ! ليه مش قادره تحسي إني محتاجك تحسي بتعبي بجد من قلبك مش تعالجيني وخلاص ! مش يمكن هو دا علاجي ؟؟؟ ما تردي

تيا : مين قالك مش حاسه بيك

ابتعد عنها هاري وقال : أه صح حاسه أوي عشان كدا عملتي اللي عملتيه إنهارده

مدت تيا يدها بكسره وقالت : إديني ثقتك مره تانيه وأوعدك إني مش هخذلك المره دي

نظر لها هاري داخل عيناها بغضب ف قالت تيا بنبرة أستعطاف : أوعدك !

أمسك هاري بيدها وقبلها ثم إبتسم وقال : موافق

نظرت له تيا وهي تأخذ نفسها بصعوبه وهواء الشرفه يحرك خصلات شعرهم وظلهم على الحائط !

الجاي أحلى يا أميراتي