رواية في السماء نور الفصل الخامس 5 – بقلم نهله جمال

رواية في السما نور part 5

كانت تنظر إلي من حين إلى اخر وكإنها تستشعر الأمان مني انا فقط ، وضعنا القدر في البدايه بإختبار قاسي لم نتحمله أنا وهي ولكن قررنا مواجة ما يحدث سويآ ، أصبح الوضع غريب طبيبتي اصبحت .. !

¤ في قصر الكاشف ¤

والدة هاري : بعدين هحاسبك ع المنظر اللي شوفتك بيه ف أوضة إبني

تيا بإنفعال : من فضلك مسمحلكيش انا دكتوره محترمه

والدة هاري : أمال تفسري بإيه وجودك في اوضة نوم إبني

تيا بغضب : كدا كتير أوي انا ماشيه

التفتت لتذهب ولكن هاري أمسك بكف يدها وأغمض عيناه وبدا أنه يحاول السيطره على اعصابه قائلآ : مفيش خروج من هنا

تيا بهدوء : طب إهدى

هاري وهو مغمض عينيه وقد ظهرت عروق عنقه : بحاول

والدته : وحل الورطه اللي إحنا فيها قدام الصحافه دي ايه ؟ وقدام الناس ! ومنظرنا ك مجموعة شركات الكاشف وحياته الشخصيه !

هاري : معرفش

تيا : مش مضطرين نوضح لحد حاجه دي كانت مجرد خروجه عاديه.

والدته : الظاهر اني غلطت لما خليت أوضتك جمب أوضته

هاري بغضب : من فضلك بلاش التلميحات دي ! انتي عارفه انها بتتزفت تعالجني !

والدته : يا ابني يا حبيبي تعالجك ماشي لكن منظرنا اييه قدام الناس ؟ ما تتكلم يا كاشف !

والد هاري بهدوء وهو يجلس : كلمي مكتب تنظيم الحفلات يجهزوا نفسهم بسرعه

والدة هاري : احنا ف ايه ولا ف ايه ؟ بقولك الصحافه صورت ا ب ..

قاطعها زوجها : مش هعيد كلامي تاني

تيا بهدوء : ممكن أسأل حضرتك بتفكر في ايه

والد هاري : بفكر أضمن وجودك في القصر وخروجك مع ابني ومع ذلك محدش يتكلم نص كلمه

هاري وقد بدأ يتشنج : مش فاهم حاجه

والده : ايه اللي مش فاهمينه ؟ هاري هيخطب دكتوره تيا ولما يخلص علاجه ينفصلوا

تيا وهاري نظروا لبعضهم بصدمه فيما قالت والدته : اييييه !

• في الغرفه السريه الخاصه بهاري •

كان يجلس وتيا تجلس أمامه بحزن ف قال : مش مصدق إن إحنا مضطرين نعمل كدا

تيا : المفروض أقول لبابا وماما ايه

هاري وقد قام قال بغضب : بابا وماما ايه! انا ذنبي ايه

تيا : ممكن تهدى الغضب مش كويس عشانك

هاري : شششش انا مش طايق اسمع كلمه

تيا : انا ممكن امشي لو مسببالك اذى

هاري : انتي شايفه دا الحل !

تيا : انا مبقيتش شايفه حاجه من ساعة ما دخلت وسطكم انتوا اللي بتقررولي حياتي

هاري : بسسس مش عايز اسمع

وخبط بيده إحدى المانيكانات ف كادت أن تقع على تيا ولكنه جذبها بيده واحتضنها بينما وقع المانيكان منكسرآ نصفين على الأرض

كانت تيا تتنفس بصوره سريعه وعيناها متسعتين ف احتضنها هاري وقال : اسف

تيا : انت مش طبيعي

أبعدها هاري عنه بهدوء وكور يده في غضب وقال : إوعي تقولي الكلمه دي تاني !

تيا : أمال أقول إيه

هاري : أنا طبيعي مفيش فيا حاجه

إقتربت منه تيا ووقفت أمامه وخصلات شعرها على عيناها وقالت بهدوء : أنا موافقه على الخطوبه وياريت إنت كمان توافق طالما هتبقى وضع مؤقت عشان علاجك بس ، أرجوك ! أنا في ناس كتير ثقتهم هتتهز فيا لو فشلت

هاري بتفكير : معرفش

تيا : لو فشلت في علاجك في فترة الخطوبه المزيفه دي ، نفذ عليا عقابك القاسي

هاري قد أخرج علبة سجائره من جيبه وأشعلها ونفث دخانها فوق رأس تيا ثم اقترب منها كثيرآ وقال : موافق ، يا مااي ليدي

تنهدت تيا بقوه وهي تدعو الله أن تستطيع شرح ما حدث لعائلتها

• في منزل تيا •

كان والدها يجلس وهو محني الرأس ووالدتها مكتفه يديها وقالت : يعني ايه برضو اللي بتقوليه ؟

تيا : يا ماما من فضلك دي الطريقه الوحيده اللي أنا أقدر أعالج بيها الحاله بتاعتي

والد تيا بإنفعال : الحاله الحاله الحاله ! اييه يا ست تيا واحنا اخر من يعلم ؟ وبعدين هيحصل ايه لو متعالجش يعني

تيا بخذلان : ثقة الدكاتره بتوعي هتتهز فيا جامد

والدها : طز ! بس هتتحسب عليكي خطوبه هلى الفاضي وهتطير منك عرسان شاريينك بجد لكن يخطبك عشان تعالجيه وبعد كدا يرميكي لا !

تيا بخذلان اكبر : يعني تفتكر يا بابا العرسان مطاروش لما شافوا صوري مع هاري في الجرايد والمجلات ؟

وضع والدها يده على رأسه وقال : مش قادر اصدق اللي بيحصل ؟ ويا ترى هتعزمينا ولا هتستعري مننا عشان هتكوني خطيبة ولي العهد

تيا : يا بابا من فضلك قدر ظروفي ومشاعري وبلاش الكلام دا

والدها : كلام ايه يا شيخه ما انتي وافقتي خلاص وجايه بتدينا خبر ، ماشي يا تيا انا موافق بس هتتحملي نتائج إختياراتك كلها وبكرا تفتكري القعده دي

قام والدها بغضب وأغلق باب غرفة المكتب خلفه ف قالت والدتها : معلش بكرا يروق ويتقبل الأمر الواقع ، في مسقعه باللحمه المفرومه أغرفلك تاكلي وشك خاسس

تيا بإستسلام : أسفه يا ماما بس لازم أرجع القصر عشان هتغدى معاهم ومن فضلك حاولي تهدي بابا

والدتها : متشيليش هم يا بنتي وخلي بالك من نفسك

• بعد ساعه في القصر •

كانت تجلس تيا معخم على طاولة الغداء التي تحتوي على ما لذ وطاب من اطباق ولكنها كانت تنظر للأطباق في خجل بينما والد ووالدة هاري ياكلون في صمت

هاري بهمس : مش عاجبك حاجه في الأطباق ؟

تيا : لا مش دي الفكره بس ..

هاري : بس ايه ؟

تيا : محرجه بس

هاري : لا متتحرجيش تحبي أجبلك سويت أند ساور ولا سموكد تشيكن ولا بتحبي البيف أكتر

تيا : انت بتاكل ايه

هاري: لا دا خضار سوتيه مش هتحبيه

تيا : حطلي منه أجربه

والدة هاري وقد استمعت اليهم ف قالت وهي تنظر لصحنها : هي مامتك مش بتعمل ترولي وخضار سوتيه والكلام دا ؟

تيا بخجل : اا لا ماما بتعمل أصناف تانيه

والدة هاري : أصناف تانيه زي ايه

تيا وقد عضت على شفتها وقالت : زي مسقعه باللحمه المفرومه

وضع هاري يده على فمه حتى لا يضحك ولكن والدته ووالده قد ضحكوا ف قالت والدته : مش هتبقى تقيله عليكم وتعملكم حمو وكدا ؟

خجلت تيا وقررت الندر بصحنها إلى أن قال والد هاري : خلصوا غداكم بأسرع وقت عشان عندنا تجهيزات مهمه لحفل خطوبتكم ، يا ترى رأي اهلك كان ايه يا دكتوره تيا ؟

تيا : موافقين وهييجوا

والد هاري : طب عال جدآ ، أتمنى متخذليناش بعد الموقف الزفت اللي اتحطينا فيه

وضع هاري شوكته بعنف وقال : لو حد اتكلم في الموضوع دا تاني مش هخرج من اوضتي !

ثم صعد بغضب بينما كانت تيا تنظر لأثره ..

• في حديقة القصر ليلآ •

كان والده هاري ووالدته يقفون على بوابة القصر ويستقبلون الحضور والصحافه ، ميلت والدة هاري رأسها على زوجها وقالت : أتمنى أهلها يكون ناس ستايل وراقيين

والد هاري : مش وقت الكلام دا يا هانم المهم الفضيحه تتلم بتاعت الجرايد

دخل والد ووالدة تيا من البوابه وسلموا على والد ووالدة هاري

كان هاري يقف بجوار تيا بعيدآ وهو مرتدي تلك البدله السوداء الراقيه وتيا بجانبه ترتدي فستان أزرق اللون

هاري : دول أهلك اللي دخلوا صح ؟

نظرت تيا إلى البوابه وقالت بصدمه : أه بابا وماما انا هروح أسلم عليهم

كادت أن تذهب ولكن مدير اعمال والد هاري قال : على فين يا دكتوره ، ميصحش الليدي تسيب عريسها كدا

تيا : انا هسلم على بابا وماما

مدير ألاعمال بقصر الكاشف : مينفعش يا فندم عشان هتلبسوا الخواتم حالآ

جائت فتاه تحمل علبة الخواتم وكانت من الماس ف اقترب هاري من تيا بهدوء وقال : هاتي ايدك

نظرت له تيا ثم مدت يدها بارتجاف ف ألبسها الخاتم أعطاها العلبه ف أخرجت الخاتم الخاص به و أدخلته بإصبعه ثم وقفت تبتسم لاحضور الذين يصفقون لهم والصحافه التي تلتقط الصور

همس مدير الأعمال في أذن هاري بشيء ف اقترب هاري من تيا ووقف أمامها بمسافه بسيطه ف قالت : مالك

هاري : إنتي طلبتي نعمل كدا عشان تعالجيني

تيا : أيوه

هاري وهو يهمس : طيب سامحيني ع اللي هعمله لان دي حاجه ضروريه للصحافه اللي بتصور

تيا : مش فاه ..

ولم تكمل حديثها حيث قاطعها هاري بإنه قد أمسكها وقبلها قبله عميقه أثارت دهشة الحاضرين وازدادت لقطات الكاميرا من الصحافه

يا ترى رد فعل تيا ع اللي حصل هيكون ايه ؟ وهل هاري هيقدر يستحمل طريقة علاج تيا ؟ طب مدير الاعمال دا هيكون دوره مهم ولا لا ؟ وايه وضع تيا مع أهل هاري بعد خطوبتها من ابنهم ؟