رواية سقطت كالنجمه بقلبي وأنارته – الفصل الثاني
رواية ~ سقطت كالنجمه بقلبي وأنارته ~
● كنت أعلم من البدايه أنها لا تحبني ، ولكنني كنت اطلبها في كل دعاء وفي كل لحظه حتى قامت بإخباري بنفسها أنها لا تحبني ●
○ في شقة هشام ○
والدته : ها خلصت يا هشام ؟
هشام بعدما اصلح صنبور الماء : أه تمام كدا مش هينقط تاني
خرج ليرتدي قميصه ويجفف يديه ثم جلس على الأريكه بجانب والدته ف قالت : هي نيروز كانت جايه ليه ؟
هشام : جدتها عملت كريم كراميل ف بعتتلنا منه
والدته : ربنا يديها الصحه والعافيه الوليه دي مقدره وقفتنا جمبهم لكن البت نيروز براويه وقلبها ناشف دا مبتبلش ريقك بكلمه حلوه يابني
هشام : واحده واحده يما باخدها بالراحه وكله مع الوقت بيفك
والدته : طب اقوم احطلك طبق كريم كراميل ؟
هشام : لا انا نازل عندي شغل كتير
والدته : طيب يابني ربنا يديك على قد تعبك
هشام : امين
ثم ذهب لغرفته ليبدل ملابسه
○ في غرفة نيروز ○
كانت تبدل ملابسها وهي تستمع للموسيقى : لو بينا ايه بعدك حبيبي ماقدر يوم عليه لو بينا ايه غيرك حبيبي والله مارضى بيه
كانت ترقص وهي تعدل من بيجامتها البيتيه وتضع ملابس العمل في خزانتها
جدتها بصوت عالي من الخارج : وطي الصوت يا نيرووز
نيروز بتأفف : يووه يا تيته عايزه اسمع شويه
جدتها : اسمعي الكلام يا بنت !
خرجت نيروز من غرفتها وهي تقول بضيق : ليه اوطيه انا عايزه اسمع اغا ..
ولم تكمل حديثها حيث نظرت للجالس مع جدتها ، كان هشام !
كتفت نيروز يديها وهي تقول : هو البيه جاي يأمرنا في بيتنا كمان ؟
جدتها : احترمي نفسك يا بنت !
نيروز : انا في بيتي ومحترمه نفسي لو صوت الاغاني مضايقه يقدر يسد ودانه او يتجاهله.
هشام وهو يقوم بغضب : طيب يا حجه حبيت اقعد معاكي واقولك ان امي بتشكرك ع الكريم كراميل ومش هينفع ارد عليها وانتي قاعده
نيروز : اه مش هينفع ترد اصلك محترم اوي
كور هشام يده بغضب ونظر لعينيها بقوه ، تلك العينان التي لاطالما أذابته يجدها الأن قاسيه وبارده ، قامت جدتها في لحظه وصفعتها على وجهها وهي تقول : لما يكون في حد في بيتي اوعي تطولي لسانك عليه
نيروز وهي تضع يديها على وجهها مكان الصفعه وتنظر لجدتها : انتي بتضربيني انا عشانه؟
جدتها : ادخلي اوضتك لحد ما نتكلم
نيروز بغضب وثوره : مفيش كلام خلاص وطالما هو بيتك بيتك بيتك انا هلم هدومي وهقعد عند عمي ومش عايزه منك اي حاجه
ثم دخلت غرفتها واغلقت الباب بقوه ف التفتت جدتها لهشام وهي تقول : معلش يابني حقك عليا انا
هشام : مكنش المفروض تضربيها نيروز بنت حساسه جدا وبتطلع حساسيتها في العصبيه
جدتها : والله يابني هي ما كانت كدا مش عارفه مالها
○ في غرفة نيروز ○
كانت تضع سماعة الهاتف في أذنها وهي تحادث عمها وفي الوقت ذاته ترتب أغراضها في حقيبتها وهي تقول : أنا خلاص جهزت شنطتي تعالى خدني بقى من عندها لاحسن محدش فيكم يعرفلي طريق
عمها : اهدي يا نيروز دي مهما ان كان جدتك برضو
نيروز : هتيجي تاخدني ولا لا ؟
عمها : هاجي بس توعديني متتكلميش معاها غير لما اجي ؟ عشر دقايق وأكون عندك
نيروز : اوك باي
أغلقت حقيبتها وجلست على الفراش في انتظار عمها
○ في الصاله ○
جدتها : خلي بالك يابني من نفسك ربنا يكفيك شر الشغل
هشام : ربنا يخليكي بس ابقي طمنيني على نيروز ومتقسيش عليها زي ما وعدتيني
جدتها : حاضر يابني متقلقش
هشام : سلام عليكم
جدتها : وعليكم السلام يابني في حفظ الله
أغلقت باب الشقه خلفه ثم التفتت لغرفة نيروز
جدتها وهي تدق الباب : نيروز افتحي الباب عايزه اكلمك
لم ترد
جدتها : يا بت افتحي الباب هنتكلم
وجدت باب الشقه يدق ف ذهبت اليه جدتها ف وجدت عمها يقف ويقول : مساء الخير
جدتها بدهشه : مساء النور يابني ايه جابك السعادي
عمها : ايه يا حجه هنتكلم على الباب ؟ مش الاصول تدخليني ؟
جدتها : اه يابني طبعا اتفضل
دخل عم نيروز الشقه ف اغلقت جدتها الباب وراؤه ف جلس وهو يعدل من سترته
جدتها : خير يابني
عمها : أنا جاي أخد نيروز تعيش معايا
جدتها : وليه بقى هو انا قصرت معاها في حاجه ؟
عمها : حضرتك مديتي ايدك عليها وهي اتصلت وطلبت مني اخدها
جدتها : من حقي أمد ايدي عليها لما الاقيها بتغلط ف حد موجود في بيتي
عمها : اهو دا بقى اسلوب غلط اولا مش من حقك خالص تمدي ايدك على البنت لان اهل ابوها موجودين وانتي والدة والدتها وعلى عنينا وراسنا بس من ساعة وفاة والد ووالدة نيروز وهي امانه في رقبتك متمديش ايدم عليها ولا تهينيها قدام حد ثانيا متحسسيهاش انها عاله عليكي وكل شويه تقوليلها بيتي وبيتي ماهو بيتها هو كمان ولو حضرتك شةيفه غير كدا ف انا هاخد بنت اخويا تعيش في بيتي انا اللي هو بيتها
جدتها : ولو انا رفضت ان نيروز تروح معاك ؟
عمها : ساعتها توعديني انك متمديش ايدك عليها وتعامليها بما يرضي الله وتخليها تحس ان دا بيتها فعلا
جدتها : هي مش راضيه تخرج من الاوضه عشان اكلمها
عمها : انا هقوم اخرجها
ذهب عم نيروز ناحية غرفتها ودق الباب وهو يقول : يا نيروز افتحي يا بابا انا عمو أسامه
فتحت نيروز الباب واحتضنته بقوه وهي تبكي
عمها : خلاص انا اتكلمت مع تيته وهي وعدتني تغير معاملتها معاكي تمامآ
نيروز : لا انا مش مسمحاها ومش عايزه اقعد معاها دي ضربتني قدام حد بكرهه
جدتها : وبتكرهيه ليه كان عملك ايه هو حد ساعدنا غيره دا حتى عمك اللي واقف دا لما اتصلنا بيه واحنا في الشارع مجاش وقال عربيته خربانه
عمها : دي كانت ظروف وراحت لحالها يا حجه
جدتها : لا ما انا بفكرك بس عشان كل واحد يعرف اللي ليه واللي عليه واسمعيني كويس يا نيروز لو خرجتي مع عمك من باب البيت انا اللي مش مسمحاكي عشان محدش شالك وقت ضيقتك زيي وعمك اللي بتتحامي ف حضنه مني دا اول واحد مردش لما كنا في الشارع
العم : انا كدا عملت اللي عليا نيروز اقعدي مع تيته وانا همشي
ثم خرج سريعا واغلق الباب خلفه ف قالت جدتها : بالسلامه
نيروز : لو مديتي ايدك عليا تاني او حسستيني اني عاله عليكي همشي فعلا
جدتها : مش همد ايدي عليكي يا نيروز بس دا مش عشانك ، عشان هشام طلب مني كدا
○ بعد نصف ساعه في غرفة نيروز ○
نيروز : انت تحت ؟ طب انا لبست ونازله اهو يلا باي
خرجت نيروز من غرفتها وقالت لجدتها : زميلي واقف تحت هسلم عليه واجي
جدتها : طيب متتأخريش
نزلت نيروز الدرج ف وجدت زميلها يستند على دراجته الناريه ف احتضنته بقوه وهي تقول : مش متخيل حصلي ايه شكرا انك جيت
زميلها : انا معاكي يا حبيبتي احكيلي حصل ايه
نيروز : خليني احضنك بس وبعدين هحكي
كان هشام يخرج من معرض السيارات الخاص به ليدخن سيجار ف وجد نيروز تحتضن رجل يستند على دراجه ناريه ف رمى السيجار وركض ناحيتهم وشدها من يدها بقوه أرجعها للخلف ثم انهال على الشاب بالضرب وبدأت نيروز بالصراخ والبكاء ومن هنا بدأ الشاب يقاوم حتى أخذ دراجته الناريه بعيدا وذهب
كانت نيروز تبكي وهي تذهب للبنايه لتص لشقتها ف أمسكها هشام بقوه وهو يقول : ايه اللي انا شوفته دا
نيروز بغل : وانت مااالك انت ! انت فاكر نفسك مين تتحشر في حياتي ؟ من شويه عملتلي مشكله مع تيته ودلوقتي خسرتني الانسان الوحيد اللي حبيته انا بكررررهكككك انت معيشني في جحيم ملكش علاقه بيا اساسا بكرهكك ولو اخر راجل في الدنيا مستحيل ابص لواحد زيك فووق لنفسك وشوف انا فين وانت فين !
ثم سحبت يدها بقوه وصعدت الدرج بينما وقف هشام ينظر لطيففها الراحل وعيناه حمراوان كالدم والدموع تآبى أن تخرج
اهكذا تراه ؟ اهكذا تشعر تجاهه ؟ هل هو صغير بنظرها لتلك الدرجه ؟
رأيكم يا حلوين ؟ واكمل ولا لا ؟
إهداء : لأسيل ..
الفصل التالي اضغط هنا
يتبع.. (رواية سقطت كالنجمه بقلبي وأنارته) اضغط على اسم الرواية لتجد الفهرس كاملاً بجميع الفصول.