رواية سقطت كالنجمه بقلبي وأنارته الفصل الأول 1 – بقلم نهله جمال

رواية ~ سقطت كالنجمه بقلبي وأنارته ~ part 1

● لكنها خلقت لتكون لي ، لا مفر من قدرها ولا ملجأ لديها سوى قلبي ●

○ في المنطقه الشعبيه ○

كانت الفتاه تصعد على الدرج الخاص بالبنايه لشقتها وعندما فتحت باب الشقه ودخلت أغلقت وراؤها ثم اشتمت رائحة الشقه وهي تقول : الله يا تيته إنتي عملتي كريم كراميل إنهارده ؟

جدتها : إنتي جيتي يا نيروز متغيريش هدومك إستني

وضعت نيروز حقيبتها على الأريكه وأمسكت بمفتاح الشقه تداعبه بيديها وما إن إقتربت جدتها وهي تحمل بيديها صحن مغلف بورق الألمونيوم حتى قالت نيروز بضيق : أنا مش هودي حاجه لحد !

جدتها : كدا يا نيرو تكسفي إيد تيتا ؟ بعدين دول مش حد يابنتي دول أكتر ناس ساعدونا ووقفوا معانا

نيروز : قولتلك إني بقيت بشتغل وأقدر أرجعلهم فلوسهم دي ونفض أم المعرفه دي بقى لا يزورونا ولا نزورهم

جدتها بغضب : عارفه لو مخدتيش الطبق دلوقتي وطلعتي وديتيه واتعاملتي بذوق هغضب عليكي وقلبي مش هيرضى عنك

تأففت نيروز وهي تأخذ الطبق من يد جدتها وترتدي خذائها ثم تفتح باب الشقه وتتجه ألى الطابق العلوي ..

○ في الطابق العلوي شقة هشام ووالدته ○

كان هشام يصلح لوالدته صنبور المياه داخل الحمام وكان عاري الصدر سمعت والدته صوت طرق الباب ف قالت : هشام حبيبي إفتح الباب عشان ايديا فيها طبيخ مش فاضيه

هشام : حاضر يا عسليه

إتجه هشام ناحية الباب ثم فتحه وما إن وجد نيروز بعينيها رمادية اللون وشعرها البني الكثيف حتى إبتسم ولكنها صرخت وأدارت وجهها الجهه الأخرى وهي تقول : إيه قلة الذوق والهمجيه دي ! إزاي تفتح الباب للناس بالمنظر دا

هشام بإبتسامه : ربنا ما يحرمني من طلوعك هنا وصوتك دا ، بتتكسفي مني يا عبيطه ؟ دا انا هشام

نيروز بتأفف : تيته عملت كريم كراميل وحبت تدوقكم منه وطلبت مني أطلعلكم الطبق

هشام : غريبه أوي دي

نيروز بضيق : إيه الغريب في كدا ؟

هشام : يعني تعبت نفسها وعملت كريم كراميل وهي عندها كريمه بالقشطه زيك ؟

نيروز بضيق وهي تضع إصبعها بوجهه : لأخر مره بحذرك نقي ألفاظك وتصرفاتك معايا أنا مش هستحملك كتير

هشام وهو يحمل الطبق وينظر إليها بحب : ولا أنا هستحمل كتير والله انا ممكن أكلك وانتي واقفه حالا

جائت نيروز لترد ولكن والدة هشام قالت : مين يا هشام إقفل الباب لاحسن القطط تدخل جوا الشقه وانا لسه منضفه

هشام : دي القطه بتاعتي اقصد نيروز يا ماما

والدته من الداخل : إقلعي الجزمه وخشي يا نيروز تعالي يا حبيبتي

نيروز بصوت عال : ميرسي يا طنط انا إتأخرت على تيته

هشام بلهفه : نيروز استني بس

نيروز : خير ؟

وضع هشام الطبق بالداخل ثم عاد وهو ينظر بأعين نيروز وهي تنظر له وقلبها يرتجف خوف ف قال بارتباك : في ايه ؟

أمسك هشام يدها وقبل باطن كفها ثم قال : قولي لتيتا تعيشي ع الكريم كراميل بس مش اللي في الطبق جوه لا الكريم كراميل اللي واقف قدامي دا

إحمر وجهه نيروز بشده ثم ققالت : انت قليل الادب وانسان وحش وبتشرب سجاير

والتفتت تركض على الدرج بينما هشام يقف على عتبة الباب وهو يبتسم لبرائتها وفجأه سمع والدته تقول : كل داا اقفل يابني الباب القطط هتدخل

هشام : يا ستي حاااضر فصلتيني حااضر

○ في شقة جدة نيروز ○

فتحت الباب وأغلقته وراؤها ثم خلعت حذائها وجلست على الأريكه ، جائت جدتها تحمل طبق من كريم الكراميل ومدت يدها لنيروز التي قالت بغضب طفولي : مش عايزه ! مش من شويه أجبرتيني أطلعلهم الطبق وأنا مش طيقاهم ؟ نفسي انسدت مش عايزه

جلست جدتها على الأريكه ووضعت طبق الحلوى على الطاوله وهي تقول : عنك ما عوزتي اللي ياكل على ضرسه ينفع نفسه

نيروز : كدا ؟ ماشي يا تيتا

جدتها : يا عبيطه دا النبي وصى على سابع جار ودول مش أي جيران كفايه يابنتي اللي عملوه عشاننا

نيروز : بقولك مش بطيقهم وخاصة اللي إسمه هشام دا اللي إشترى المنطقه بالعمارتين بتوع أبوه قارفني خانقني

جدتها بإبتسامه : دا بيخاف عليكي من الهوا الطاير يا عبيطه مش فاكره لما وقفتي تتكلمي مع المدرس بتاعك وهشام نزل كسره

نيروز : ودا موقف يفرحك لما يمد إيده على أستاذي ! دا همجي بعدين مين اللي إداله الحق يعمل كدا أساسآ ويتحكم فيا ؟

جدتها بإبتسامه وهي تضع يدها على قلبها : قلب الراجل وحبه يا بنتي ..