رواية الضوء الخافت الفصل الأول 1 – بقلم نهله جمال

رواية الضوء الخافت part 1

* لماذا أبحث عن الأمل ؟ وضوئه الخافت هنا في قلبي *

صاح رجل في العقد الرابع من عمره قائلآ : خلاص ولا لسه ؟ هستناك في العربيه تكون حطيت كل حاجتك

سمعه ذلك الشاب الذي كان يضع أغراضه الخاصه في الحقيبه ثم أغلقها بهدوء ، ألقى على غرفته نظره أخيره ف تلك الغرفه أحتضنته في أسوأ حالاته

نزل على الدرج يجر حقيبته خلفه حتى وصل ألى السياره الخاصه بشقيق والده ، فتح الباب الخلفي ووضع حقيبته ثم فتح الباب الأمامي وجلس بالسياره بجانب عمه من دون أن يتحدث ولو بحرف

عمه : بص يا كريم لو الخطوه دي هتضايقك بلاش ناخدها إحنا لسه متحركناش أنا بعمل كدا عشانك وعشان والدك موصيني عليك

كريم بهدوء : مش هتضايقني عادي

عمه : أكيد ؟

كريم أومأ رأسه بإبتسامه باهته مزيفه ، ف ابتسم له عمه وأدار سيارته وقادها بينما نظر كريم لزجاج السياره والشوارع المغطاه بمياه الامطار ف أسند رأسه ألى الوراء في هدوء تام

* بعد ساعه ونصف *

عمه بهدوء : كريم انت نمت ؟

أفاق كريم وهو ينظر حوله ثم تذكر أين هو ف قال بهدوء : وصلنا ؟

عمه : أيوه ، يلا عشان أدخلك ..

المكان : مبنى أوسكارز oscars house

الوقت : التاسعه والنصف مساء يوم الأربعاء

سار ذلك الشاب في الحديقه التي تؤدي لبوابة المبنى وهو يضع ذلك الوشاح الأسود حول رقبته وعلى ظهره كانت حقيبته السوداء التي تحتوي على أشيائه المفضله بغض النظر عن حقيبة ملابسه التي كان يحملها شقيق والده

شقيق والد الشاب : هبقى أطمن عليك من فتره لفتره أشوف أحوالك وياريت متحطش في بالك إننا إتخلينا عنك ! صدقني يابني دا الحل المناسب ليك هنا هتتعلم تحط هدف لحياتك وهتشوف الدنيا بمفهوم تاني

نظر كريم لعمه ثم قال بهدوء ك عادته : ماشي

شقيق والده : ماشي ! إنت ليه مصمم تحسسني بالذنب ؟ إنت قعدت معايا فتره وكانت كل حاجه بتعملها إنك بتسيب أي طريق أنت فيه سواء شغلك أو حياتك العاطفيه او

قاطعه كريم بنفس النبره : أنا كويس حضرتك تقدر تروح

شقيق والده : طب إستنى أدخلك المبنى ؟ اعرفك على المشرفين وعلى الناس اللي هتكمل معاهم هنا ، في شباب وبنات كتير جوا جم هنا لنفس السبب

كريم بأبتسامه ونبره منكسره : اللي هو الإكتئاب وأن معندهمش أهداف ؟

شقيق والده : إنت عندك يابني وإنسان ناجح بس مش عاوز تكمل عشان نجاحك يزيد

ربت كريم على يد عمه ثم أخذ حقيبته وأتجه داخل مبنى أوسكار

كان المبنى كلاسيكي ولا يمت للروح الشبابيه ب صله ، أضواءه معتمده أعتماد كلي على تلك الشموع المعلقه في كل حائط ، وصور غربيه من بلاد الإنكليز كئيبه لا تسر الروح إطلاقآ ، إبتسم كريم وهو يسير بين الممرات وتعجب كيف لهذا المكان أن يدب في روحه الأمل بالرغم من إنه مكان يبدو كئيبآ بلا ألوان ولا روح ! أكمل سيره بين الممرات عله يجد من يدله على غرفته ف هو لا يحتمل التحدث أو التناقش مع أحد كل ما يريده هو الجلوس بمفرده !

وفجأه ظهرت أمامه سيده في العقد الرابع من العمر ف توقف ورفع رأسه تجاهها بينما هي إبتسمت بعمليه وقالت : أهلآ بيك نورت مبنى أوسكار تعالى أعرفك على بقية الشباب اللي هتعيش معاهم الفتره دي وبالمره تعرف بعض القواعد اللي مينفعش نتجاهلها

سار كريم وراؤها بهدوء حتى وصل ألى مجموعه من الشباب الواقفين بجانب بعضهم البعض

ف نظر كريم بتعجب إلى السيده التي قالت : لما بنعرف إن في حد جديد هينضم لينا ف لازم نجهز نفسنا عشان نستقبله

فتاه ذات شعر أشقر غامق وثقيل قالت من بين مجموعة الشباب : ممكن نتعرف بسرعه عشان حابه أروح غرفتي ؟

مرر كريم عينه بين مجموعة الشباب حتى وصلت عيناه ألى تلك الفتاه قصيرة القامه ذات عينان رماديتان هادئتين وشعر اشقر غامق اللون وملابسها كانت لا تمت للأنوثه ب صله !

نظرت الفتاه لكريم بعينان مرتبكتان وتضايقت كثيرآ عندما وجدته ينظر لها ف أدارت وجهها الجهه الأخرى حتى عقد هو حاجبيه استغرابآ لردة فعلها ثم أطلق تنهيده متعبه وقصيره ، يبدو أن هذا المبنى سيمكث به الكثير من الوقت ..

المشرفه : ملاحظه إن في شخصين مش حاضرين ! هيتعاقبوا طبعآ على مخالفتهم لقوانين مبنى أوسكار ، دلوقتي عرف عن نفسكم ليهم ..

كريم : أسمي كريم ..

ثم صمت ف نظروا له بتعجب ف قالت المشرفه لتحثه على أكمال حديثه : تعريف واضح من فضلك

كريم بملل : أسمي كريم رفعت ، عشرين سنه من الاسكندريه

المشرفه : إيه نوع الحاله اللي وصلتك لمبنى أوسكار ؟

كريم بتعجب : حاله ؟

المشرفه : يعني سبب أقتراح عيلتك عليك أنك تيجي هنا

كريم بهدوء : بيقولوا اني كئيب ..

همهم الواقفون من الشباب بالضحك الهامس ف قالت المشرفه : بس ! دلوقتي كل واحد بالترتيب يعرف عن نفسه وحالته

الشاب الأول : إسمي رائد عندي ١٨ سنه من القاهره يعني من هنا عندي فوبيا من الظلام

الشاب الثاني : أسمي منير عندي ٢٢ سنه من القاهره برضو عندي اصوات

أتسعت عينا كريم أستيعابآ لكلمة ” أصوات ” ! ف قال الشاب موضحآ وهو يضحك ضحكه قصيره : أقصد بسمع حجات مبيسمعهاش غيري ، أصوات في دماغي أنا وبس

أومأ كريم برأسه تفهمآ حتى جاء الدور على الفتاه ذات العينان الرماديتان ف نظر لها منتظرآ أن تعرف عن نفسها ك البقيه ولكنها ظلت صامته وهي تشيح بعيناها بعيدآ عنه حتى قالت المشرفه : هتفضلي ساكته ؟

الفتاه : مش هجاوب ومستعده للعقاب

المشرفه : انتي عارفه مش هعاقبك لا لانك بتحبي تأذي نفسك وعقابك الوحيد التجاهل ، أتفضلوا على غرفكم وانا هاخد كريم وأوصله غرفته

إنصرفوا جميعهم وسار كريم وراء تلك المشرفه ..

أشعر أنني الحي وكل شيء حولي صامت وثابت ! ك الأيام المتشابهه التي أمر بها الان لا يتغير بها سوى التاريخ

قادتني تلك المشرفه إلى غرفتي من دون أن تبث على مسامعي كلمه اخرى ولكنها قالت قبل ان تذهب : كدا انت اتعرفت على الشباب اللي في مبنى اوسكار واللي هتتعامل معاهم الأيام الجايه كتير بس ناقص اتنين معرفش ليه محضروش بس هيتعاقبوا على كدا

كريم بإيجاز : تمام تصبحي على خير

تركته المشرفه وذهبت ببنما هو دخل الغرفه وخلع وشاحه الاسود ووضعه على الفراش

دقق بنظره في الغرفه وجد فراشين ف تعجب ، هل يشاركه أحد الغرفه ؟ اللعنه ألا يمكن أن يحظى بغرفه خاصه به إنه يحب الجلوس وحيدآ

تنهد بياس ثم سحب حقيبته خلفه بإتجاه الخزانه الخاصه بالملابس ، وما أن فتحها حتى وجد رجلآ يخرج منها ويقع أرضآ ف انتفض كريم للخلف قليلآ ثم قال : انت مين وبتعمل ايه في الدولاب ؟

الشاب الملقى على الارض يتألم : في ايه يابني حد يفتح الدولاب بعنف كدا ؟

كريم بسخريه : اعذرني كان لازم اخبط لايكون حد جوا

الشاب : بتتريق ! ماشي يا عم ، انا ايبو زميلك في الاوضه

كريم بهدوء : للأسف

ايبو : للاسف ؟

كريم بخجل : مقصدش انا بس .. بحب اقعد لوحدي

ايبو : من الناحيه دي اتطمن انا اصلا مبقعدش في الاوضه كتير

ابتسم له كريم وحاول ان يتجاهله ف رأسه معبأ وغير قادر على النقاش ولكن ايبو قال : انت اول يوم هنا ؟

كريم بهدوء : ايوه

ايبو : تمام نورت

كريم : كنت بتعمل ايه في الدولاب ؟

ايبو : المشرفات اكيد بيدوروا عليا ف قولت استخبى

ضحك كريم ضحكه قصيره لم تتعدى الثوان الثلاث ف ابتسم ايبو قائلا : ما ضحكتك حلوه اهو يا عمنا لازمته ايه اللبس الاسود والسرحان الكتير

وضع كريم حقيبته جانبا ثم قال : انا هنام شويه ..

ايبو بتعجب : براحتك !

اغلق كريم ضوء الغرفه وجلس على فراشه ثم وضع سماعات الاذن وقام بتشغيل الموسيقى لتشوش على كل تلك الأفكار المتراكمه في عقله عله يستطيع النوم قليلا !

” لماذا ابحث عن الامل وضوئه الخافت هنا في قلبي ؟ “