رواية مرات اخويا – الفصل العشرون
الفصل العشرون
الفصل العشرون _مرات أخُويا.
_____
كانت شهد تجلس بجانب ياسين في إحدي المعامل، وهي تفحص شيء حتي زن هاتفها برساله، أخذته بحذر وهي تنظر حولها خيفةً ان يراها أحد، ف أخرجت علي الهاتف صور ل مريم وطه وهم يتناولون الطعام ، قالت وهي تعطي الصور ل ياسين
=مراتك وأخوك !
نظر للصور بحنين جارف قائلا
=وحشوني أوي بجد.
حكت شهد مؤخرة رأسها قائله
=هي الصور انت شايفها عادية؟
=عادية ازاي يعني .. اه عادية اومال هيكون فيها إيه مش فاهم يعني؟
=بص انا هشرح ليك حاجه جت في بالي بس أتمني متفهمش غلط.. انت قولت اني مريم كانت حامل وسقطت، العدة تسقط بوضع الحمل، وكده مريم يمكن تكون اتجوزت طه، أصل وجودهم مع بعض في كل مكان مش طبيعي خالص وتحسهم عاديين ومبسوطين…
نهض بغضب والقي بالكؤوس بعيدًا قائلا بنبرة صارخه فيها
=انتِ بتقولي ايييه شكلك اتجننتي حافظي على ملافظك، انا مريم مراتي وبتحبني مش معقول تفكر في اخويا بعد موتي بأسبوع ايه الجنان والهبل ده، وطه راجل مستحيل يبص لمرات اخوه ابدًا !!
قالت وهي تبكي بخوف منه
=اهدي يا ياسين انا بفترض حاجه ما اقصدش يعني والله انا بس كانت بحاول احلل معاك حاجه بسيطه .. انا اسفه اوي..
حاولت ان ترحل ف امسك بيديها قائلا بأسف
=متزعليش مني يا شهد، انتِ بس قولتي حاجه عصبتني مستحيل تيجي في بالي، انا بثق في حب مريم اوي ورجولة أخويا طه ما أظنش الاتنين يعملوا فيا حاجه زى كده ابدًا يعني .. بعدين انا مشوش اوى اديكي شايفة كل حاجه فوق راسي وبين يوم وليله بقيت ميت في نظر العالم وغير مواضيع وحاجات كتير ف اسف…
مسحت دموعها قائلة
=انا مقدرة وحاسه باللى انت فيه مش زعلانه وبكرا ان شاء الله كل حاجه تتحل ..!
=يارب…
نظر للفراغ أمامه وبدء كلام شهد يبعث في عقله، وأقسم انه اذا كان هذا الحديث حقيقةً سيقلب الدُنيا رأساً علي عقب.
___
نطقت فاطمه بإعتراض
=يعني ايه طه يسافر ويسبنا في الظروف دى ميولع الشغل يا مريم يابنتي.. كفاية خسرت عيل من عيالي مش عاوزة أخسر التاني وازاي يمشي من غير حتى ما يودعنا ولا يقولنا .. لا اتصلي بيه خليه يرجع.
قالت مريم بتنهيدة
=ياطنط الموضوع مستعجل شويه وعلشان كده للاسف طه اضطر يمشي الصبح من غير ما يقولكم، هو تلاقيه دلوقتي في الطيارة بس ومشغول أول ما هيوصل هيكلمنا ونطمئن عليه كُلنا ان شاء الله.
قال حرب بعدم رضا
=لاول مرة طه يتصرف تصرف ميعجبنيش خالص انا زعلان منه بس لما اشوفه..
عانقته تالا وهي تبكي هي الاخري
=وانا كمان زعلانه منه اوي، بيعمل زي بابا هيسافر مش هييجي ولا يرجع زى الاول.. انا مش هكلمه لو جه !
انسحبت مريم برفق تتركهم يتحدثون فيما بعدهم، ثم خرجت خارج الفيلا وهي تضبط حجابها قائلة ل رئيس الحرس الذي اخفض بصره
=الشرطة برا بيقولوا انهم عاوزينك يا مريم هانم.
=طيب اهدي بس علشان محدش يسمع ومتجبش سيرة ولا تبلغ أي حد تمام.
هز الاخر رأسه ودلف الظابط الذي قام بالسلام على مريم وظلوا يتمشون في الحديقة توجد مسافه بينهم، وظلت هي تحكي لهُ ان طه مختفي من أمس وهي قلقه ان يصيبه شيء وبعد فقرة طويلة من الاسئله قال الاخر
=انا شاكك انه فيه حاجه غريبة، نفس اللى حصل ل ياسين حصل ل طه بإختلاف تواجد الجثة
شعرت مريم بالخوف الشديد قائله ببكاء
=لو سمحت متجبش سيرة الموت، طه ان شاء الله يكون بخير ومش هيحصله أي حاجه !!
=مدام مريم اهدي احنا هنبذل قصارى جهدنا لمعرفة الحقيقة وان شاء الله طه بيه يكون بخير.
هزت رأسها بتنهيده قائله
=تمام واتمني متجبش سيرة قدام اهله انا كذبت عليهم، انت عارف هما لسه طالعين من مصيبة مش حِمل التانية خالص.
=متقلقيش يا فندم ، عن اذنك.
هزت رأسها بهدوء ف رحل الاخر وجاءت هي لتدلف استمعت لصوت قوي يدوي في المكان وكان صوت أميرة الذي دخلت رغماً عن الحرس وهم يمسكوها، قالت مريم بصدمة
=أميرة !
=اااه أميره يا خطافه الرجاله يا *** ايه مكونتيش متوقعة إني أرجع.
=اهدي طيب وبلاش الألفاظ دي، سيبوها تدخل.
دخلت أميرة بغضب قائله
=إنتِ لسه شوفتي الفاظ ، ده انا هطلع على جتتك البلاوي الزرق كلهم وهتشوفي.. لحقتي ؟ لحقتي تخطفي جوزي مني بعد ما جوزك مات قولتي لا اخش ع اخوه ياخطافه الرجالة يا بنت ***
انهالت أميرة عليها لتوقفها مريم بكلتا يديها قائله بغضب
=اهدي بقي اهدي وخليني اشرح ليكي انا لا خطفت طه ولا نيلة كل الموضوع غصب عني افهمي ارجوكي…
=افهم ايه لا شغل الجواري ده ميخلش عليا، لازم يطلقك وارجع لجوزي انا احق بكل الهالوما دي مش تيجي انتِ وبنتك تاخدوا كل حاجه على الجاهز كده… !!
خرج حرب على هذا الصوت قائلا بغضب
=ايه فيه ايه يا أميرة ايه الصوت ده يعني يوم ما ترجعي ترجعي بالهبهبة دي كلها…؟؟
=أخص عليك يا عمي، هان عليك تجوز طه واحدة من الشارع.
=يابنتي عيب كده تتحكمي في الفاظك دي شوية، علي قد ما الواحد كان زعلان على غيبتك بس كان مرتاح، اهدي يا أميرة وادخلي يا بنتي ارتاحي جوا علشان نكلم ابوكي الراجل العيان وامك بسبب غيابك…
=لا شكرا انا راجعة لبيت اهلي، ومش جايه هنا غير اما طه يطلق دي وييجي يترجاني أرجعله ! ويانا يانتي يا خطافة الرجالة مرا ناقصة صحيح.
خرجت من الفيلا بغضب شديد وهي تنوي إفتعال الكثير من المصائب بها وان تُرَجع طه لها ولحضنها.
ضرب حرب كفاً بكف قائلا
=لا حول ولا قوة الا بالله ، إدخلي يا مريم يا بنتي بالله عليكِ ومتزعليش سيبك منها .
نظرت له مريم بهدوء ولم تعقب ثم دلفت الى الداخل منه الي غرفتها أوصدتها جيدًا ثم إنهارت باكية.
____
في إحدي الغرفة المغلقة جيدًا حيث عباس وطه والعميد وبعض من اصحاب الرُتب العالية.
نطق العميد إبراهيم بإمنتنان وهو يقترب من طه
=انا فخور بيك جدًا يا طه وان فيه شباب زيك يهمه مصلحة البلد وفخور بمساعدتك لينا جدًا وعلى الاكيد انك هتتكرم وتحصل على جائزة كبيرة جدًا…
=انا مش مُهم عندي الجائزة ، قد ما مُهم اني أحقق الهدف اللى في دماغي، وزي ما بلغت حضرتك انا معاك في اى حاجه مش مهم خطر عليا، المهم مفيش خطر يمس اهلي ابدًا.
=متقلقش أهلك في عيوننا، المهم الخطوة الثانية لازم نجيب عينات من الشركة أو المصنع اللى بيصنع الحاجات دي تحديدًا وبعدها هنقارنها بشوية حاجات في المعمل، ووقتها كل الشغل هيبقي خلص ومفيش غير القبض عليهم مع نقطة كمان كده تعتبر دليل برضو.
=انا معاكم في اي حاجه، بس إيه هي الخطة اللى جايه؟
=لازم حد يدخل الشركة الاول بعدين المعمل الكيميائي علشان يجيب عينه من الدواء اللى موجود فيها.
نظر طه الى عباس وهو يقوص فمه ويبدو ان الاثنان قد فهما بعضهم البعض جيدًا !
_____
في المساء حيث الجميع قد نام، بينما مازالت مريم تجلس على الفراش تضم قدميها معاً بصمت وهدوء مريب، جاء طه في الاسفل وهو يرتدي نفس الملابس القي التحية على رئيس الحرس الذي عرفه وسمح له بالدخول صعد الدرج على قدمه وهو حذر ان يراه احد حتي وصل ل غرفة مريم قام بالدق بلطف ثم دلف اليها وهو يخلع الخوذة بسرعة قائلا
=قبل ما تصوتي وتصحيهم، انا طه !
رفعت نظرها تنظر له بفراغ شديد ، اوصد الباب قائلا بحرج
=معلش انا هسيب الباب مقفول علينا شويه مش هينفع افتحه …
اقترب وجلس امامها قائلا بحيرة وهو يطالعها
=مالك يا مريم فيكي حاجه ولا إيه؟ شكلك مضايقه !
=طلَّقني !
قالتها بجدية وحسم، فقال بصدمة
=ايه! انتِ بتقولي ايه.. !؟
=زى ما سمعت كده، طلًّقني وبلاش تقولي حمايه وكلام فارغ انا مش عاوزة أفضل على ذمتك، دي اكثر حاجه حسستني بالقرف من نفسي .. انا من الاول مكونتيش عاوزة لو سمحت طلَّقني انا مش عاوزاك ولا عاوزة العلاقة المقرفه دي مهما حصل!
=ع.. علاقة مقرفة؟ علاقتنا بقت مقرفة في نظرك وانا بحسسك بالقرف إنتِ فاهمه بتقولي إيه؟؟
نهضت بغضب تقف امامه تقول وهي تبكي
=دي اكثر مرة حسيت فيها انا بقول إيه كويس جداا .. ايه العلاقة دي انا جوزي لسه ميت وبحبه وبعشقه واروح أتجوز واحد غيره ايه القرف ده انا كده نادله في نظر نفسي أوي، وانت مش مكسوف من نفسك لما تتجوز مرات أخوك ولا ايه ! غصب عننا كان ممكن يحصل فيه تمدد في العلاقة من غير ما نحس وده اللى مش هسمح بيه ابدًا ياطه، سامع مش هسمح بيه ابدًا .. وغير ان مراتك أميرة رجعت فاهم يعني ايه رجعت !
سمعتني كلام زي الزفت، وانا اللى خدتك منها وفرقتكوا، اكيد هي كمان وحشتك، لو كده بقي طلًّقني انا أرتاح، وإنت ترتاح وكل واحد فينا يشوف حياته ويرجعلها، انت لمراتك وانا ل ذكرياتي مع ياسين…
نهض طه برفق ينظر للفراغ ثم عاد ينظر لها يتأمل ملامحها قليلا ثم قال
=عندك حق.. كلامك كله صح وانا فعلًا كان لازم أخد بيه من الاول، مينفعش نكون سوا حتي تحت علاقة مزيفة مقرفة زى دي.. انا ارجع ل أميرة مراتي أحسن بمراحل من اني افضل مع واحدة علاقتنا في نظرها علاقة مقرفة، واسيبك بقي تعيشي في ذكرياتك مع حبيب القلب ، وكده كل واحد في مكانه الطبيعي.. بكرا ورقة طلاقك هتكون عندك، من غير ما نقول لاهلنا حالياً بعدين نقولهم وكده كلنا نخلص مرة واحدة.
إرتدي الخوذة امامها بكل جحود وعينيه المتعبه من الألم تلتهمها، وتظهر فيها كم العتاب والمعاناه والجروح، بينما هي رُغماً عنها أسقطت الدموع، خرج طه من المكان بغضب ثم دلف الى الموتوسيكل يقوده دون ان يستمع لحرف من رئيس الحرس..
ثم قادها بكل قسوة على الطريق وهو يتذكر كل ذكري حلوة معها، ذكريات قليلة جدًا وإنما جميلة أكبر، تمني لو دامت .. تمني لو كانت ذكرياتهم أكثر لكن الحياة لا تعطي أحد ما يريده كاملاً اطلاقاً، كذالك هي جلست ارضاً تبكي بكل قهر، ما قالته آلمها قبل أن يؤلمه يبدو أنها بدأت تكن مشاعر ل طه…
أو أنها في الاصل كانت لها مشاعر له لم تلاحظها سوي الآن ..
وأصبحت المسافة بين
مريم
وطه أكبر من أي مسافة بين
إثنين
عُشاق، رغم قربهم الشديد من بعض.
____
يُتبَّع.
رأيكم مهم.
الفصل التالي: اضغط هنا
يتبع.. (رواية مرات اخويا) اضغط على اسم الرواية لتجد الفهرس كاملاً بجميع الفصول.