رواية الضيف المجهول – الفصل الثاني
٢… سميحه… الله يخرب بيتك يا رباب….. ايه اللى جابو تانى قرش برانى يرموه يرجع تانى… معقول حد شافنى…
بعد عشرين سنه عدت عليهم وسميحه بتحاول بكل الطرق تمشيه.. ورباب ماسكه فيه.. كانت قاعده بتحكيلو وقالت…
بس يا سيدى.. وده كل اللي حصل من ساعت ما لقيناك ومن ساعتها وانت قاعد متربي معانا هنه.. وسمناك سامى.. على عمى الله يرحمو.. اصلو مات قبل ولادتك بست شهور..
سامى… يعنى انا كنت في سله قدام البيت..
رباب بضحك…. ايوه انت كان شكلك متبهدل… وكنت وعاملها على روحك.. التقيله مش اى حاجه وكانت وريحتك طالعه وشكلك يقرف… وريحتك ترجع النفس…
سامى بغيظ… هى تفاصيل العمله دي هتفيدني بحاجه يعنى..
رباب بضحك… ما اعرفش مش انت قلتلي قوليلي كل حاجه من ساعه ما حصلت اي تفصيله انتى تشوفيها صغيره ملهاش لزمه انا اشوفها كبيره وهتفيدني…
سامى.. ايوه بس هي اللي هيفيدني في انى كنت عاملها على روحي..
رباب.. ماعرفش بس انا غيرتلك كذا مره عشان امي ما كانتش راضيه تغيرلك..
سامى بضيق… شكرا..
رباب.. ههه العفو..
سامى.. بتضحكي يحقلك…
رباب زقتو بكتفها وقالت… تعرف على كد ما اتمنيت تلاقى ابوك وتروح معاه.. على كد ما نفسى ما تلاقيش اهلك…
سامى.. ليه يا بت الفقريه ده انا هموت وعرف مين ابويا.
رباب…. ما انت في اليوم اللي هتلاقيهم فيه هتنسانا وهتروح مع ناسك…
سامى… يا هبله وانا لو كان ليا ناس عايزيني اصلا كانو سابونى زمان مرمي هناك..
رباب.. مش يمكن ابوك ظابط مثلا بيقبض على الحراميه فالحراميه كانوا خاطفينك من ابوك وحصلت لهم حاجه زي ما بنشوف في الافلام.. قامو ملقحينك قدام بيتنا ويطلع ابوك ظابط وامك دكتوره مثلا وقالبين الدنيا عليك.. وعندهم بت حلوه كده صغيوره… تكون مثلا بنت خالتك بنت عمتك تقوم انت تقابلها الهوا يفرفر شعركم… وتخبطو في بعض كده وتحبوا بعض ويبقى حب من اول خبطه…
سامى… جيالك نفس بتهزري في المر اللي احنا فيه ده..
رباب.. انت عاوزهم ليه ما اهينا معاك.. انت زعلان كمنا يعنى خليناك تنام في الصاله من كبرت… وقولنالك ما ينفعش تبيت معايا في الاوضه… بس انت حتى لو شقيقى كنت هنومك بره برضو.. بس انا مخليالك هدومك في دولابي…
سامى.. لا كتر خيرك.. بعدين انا ما زعلانش عشان انا بنام في الصاله… ولا انا كرهتكم وعايز امشي منكم.. انا بس عايز اعرف انا مين.. اعرف اقول انا ولد فلان… عايز اطلع بطاقه.. يبقى عندى هويه… كلهم بيقولو عنى ولد حرام…
رباب.. انا ما اعرفش انت ولد حرام ولا لأ بس حتى لو انت ذنبك ايه… انت جيت لقيت نفسك كده بعدين احنا هندور وهنلاقى اهلك..
سامى.. هندور بعد 20 سنه !!
رباب… اها وندور بعد 30… لازم عودك يشد حتى نقولك يعنى يكون عندك خمس سنين ونقولك روح دور..
سامى.. طيب لو فرضا يعني ان انا هدور عليهم.. ابدء من فين… !!
رباب.. من مطرح مالقناك..
بس سمعو سميحه بتقول من بره.. انتى يا بنت انتى. والزفت ده تعالوا اطفحو..
رباب.. يلا نطفح.. قصدى نفطر..
وطلعو.. رباب… صباح الخير يا اما..
سامى.. صباح الخير يا خاله..
سميحه… يخلخل ضروسك من مطرحهم يا بعيد..
سميحه… جدتك جايه وجايبه معاها هنيه ما عرفش جايه معاها ليه… وليه حشريه.. المهم انت تطلع تقعد فوق لحد ما ينكشحو يلا.. ما عايزاكش تقعد معاهم سمعت..
رباب.. هو انتى ياما ليه كل ما بتاجى عندنا هنيه بتمشيه فوق حتى مش بيسلم عليها..
سميحه.. عشان هو مش منينا وما ينفعش يدخل في خصوصيات العيله ويتزرع وسطينا.
سامى… تمام تمام هاقعد في اوضتك يا رباب لحد ما يمشوا..
ودخل الاوضه وقفل الباب..
رباب بضيق… انتى ليه بتعملي كده ليه.. الكره ده كلو.. بقالك 20 سنه بتحاولي تمشيه.. وكلامك زي السيف هو يلاقيها منك ولا من الدنيا اللي ملطشه معاه..
سميحه.. انا ما حايشنيش منو غيرك.. يمين بالله لوما سكتى لأرميكى معاه وما أسأل فيكى… روحي افتحى الباب شكلهم جو فى صوت عربيه…
رباب راحت فتحت وكانو سعاد جدتها.. ٦٠ سنه وهنيه ٤٣ سنه…
رباب.. اهلا يا جده اتفضلى كيفك يا خاله هنيه عامله ايه ..
هنيه كانت بتبص فى البيت كانها بتدور بعنيها على حد..
قالت بتوهان..
الحمد لله…
ودخلو.. سميحه… ازيك يا هنيه غريبه يعني جوزك بيسيبك تاجى تزورينا..
هنيه.. ايه اللى غريب فيها يعني !!
سميحه…اصل ما فيش راجل يرضى لمرتو تروح تزور اهل جوزها اللى كانت متجوزاه قبل منه…
هنيه.. سعاد خالتى قبل ما تبقى حماتى.. وجوزك ولد خالتى… وجوزى مات هيرفض ليه.. باجي ازور خالتي وولد خالتي لو متضايقه من جيتنا ممكن نتقابل في بيت العيله وما نجيش عندك…
سميحه… لا هتضايق من ايه… انا بسأل بس..
بصت لرباب وقالت.. هروح اعمل شاى.. ما انتى لو فالحه في حاجه غير افندينا اللي بلتينا بيه كنتى عملتى الشاي..
ودخلت المطبخ..
هنيه… صح هو فين كل ما بناجى.. ما بياجيش يسلم علينا
رباب.. امي قالتلو يقعد فى الاوضه وما ينزلش.. عشان مش من العيله..
هنيه.. حرام انتم لو كنتم سبتوه كان يمكن لقى حد رباه لكن انتوا لا اكرمتوه ولا سبتوه لغيركم يكرمو..
رباب… ويمكن كان اتلطش في الدنيا..
هنينه.. ويمكن كان لقى اللى اكرمو… بقولك ايه ما تيجي تعرفينى عليه..
سعاد.. لا ما تطلعيش يا هنيه..
هنيه.. لا ليه نشوفو حتى انا شوفتو من اسبوع كان واقف مستنى رباب بره شكلو غلبان قوى.. يلا بينا
وراحو الاوضه.. وخبطو على الباب…
قال من جوه.. رباب روحى ما تجيبيليش الكلام مع امك..
رباب.. مرت عمي الله يرحمه جايه تسلم افتح ياض..
فتح الباب وقال.. يا مرحب..
هنيه بصتلو بابتسامه.. بدموع..
الفصل التالي اضغط هنا
يتبع.. (رواية الضيف المجهول) اضغط على اسم الرواية لتجد الفهرس كاملاً بجميع الفصول.