رواية عودة النصيب – الفصل الرابع
البارت الرابع
سميه وقفت
وقالت برتباك…. انت بتعاكسنى تانى على فكره انا همشى بس اياد مسك ايدها ووقف قصادها
وقال…انا مش بعاكس جد بشوف عيونك بحس ان الشعر ميوصفهمش بحس انو قليل قوى عليهم سميه بصتله بتوهان بس حمحمت بكسوف
وقالت ….انا جيت اصحيك علشان نروح نفطر وتجهز هتدرب شويه علشان هنعمل حفلة استقابل ليك وهنعرفك على العيله هتشوف ازاى هتتكلم معاهم بأسلوب راقى وازاى لو حبيت ترقص مع واحده ترقص ازاى لو حبيت تاكل فى الحفله او تشرب وكده يعنى
اياد قال….حتى الرقص هتعلموهونى طب ده انا تحفه فى الرقص هبهرك استنينى كده وراح اخد شور ولبس ونزل فطر
وقال بحماس يلا نبتدى الرقص
سميه قالت..هو ده الى علق معاك
اياد قال .. اه علق معايا قوى يلا بقى ونادى على الخدامه
وقال…شيلى الاكل من هنا ووقف فوق التربيزه وشغل التليفون مهرجان
وقال …هوبا يلا وطلع مطوه من جيبه وفتحهاوبقى يرقص بيها وسميه كانت واقفه بتبصله بزهول كأنها شايفه شبح
واياد قال بضحك …عتبه عتبه ونزل وقفل تليفونو
وقال…تامر ده مسخره وبيسى النكش ايه بتبصيلى كده ليه بهرتك صح
سميه قالت….ايه ده
اياد قال….رقص حتتنا طب ده انا مره مسكت المطوه دى ورقصت بيها مع سميحه سوسته فى فرح الود أوشه الى فى العزبه كان زميلى فى الورشه بتاعت عم بندق الناس كانت هتتهبل لا والبت ميحه سوسته كانت عامله شغل بقلم جيجى
سميه حطت ايدها على بقه وقالت بغضب …..بس بس اسكت خالص دى اسمها لوحده فضايح عايزه قضيه ايه الى انت بتهببو ده سوسته ايه فى واحده اسمها سوسته
اياد قال….لا ما ده مش اسمها ده لقب هى اصلها كانت تمشى وتسيب سوستت العبايه مفتوحه كل اما حد يقولها لمى نفسك تقولو السوسته بتتفتح لوحدها وانا ماشيه فى سميناها سميحه سوسته
سميه قالت …انت تنسى الشكليات دى خالص تنسى انك شوفتها ماشى والهبل الى كنت بتعمله ده اسمو عك اياد شال شمله كان لابسها حوالين رقبته وربطها على وسطها وبقى يحركها شمال ويمين
وقال ….طب انتى ورينى الرقص بتاعكم كده هزى وانا احكم سميه بصتله بغيظ وفكت الربطه
وقالت …احنا مابنرقصش كده ركز معايا وشغلت الفون بتاعها ميوزك هادى ومسكت ايدووحطتها على وسطها و
قالت ….ايدك دى كده وانا ايدى دى هحطها على كتفك وايدك دى تمسك بيها ايدى وهتمشى معايا على نغمة الميوزك بس
وأياد قربها ليه وبقى يروح وياجى معاها
وقال …اه تصدقى ده احسن
سميه قالت …طبعا
واياد قال بوقاحه …الرقص بتاعنا بالنظرات والرقص بتاعكم بالهمسات واللمسات بس سميه بصتله بغيظ وداست على رجله
وقالت …لم نفسك يلا ها لم نفسك اياد مسك رجله
وقال…اه يابت المتضايقه الكعب اتغرز فى رجلى ولا سهم نشان ليه كده يا جاحده
سميه قالت …علشان تلم نفسك وتبطل قلت ادب كفايه كده انشاء الله عنك مارقصت انت لبست بدل قبل كده ولا هتفضحنا
اياد قال…لا هفضحكم انا لما بيكون فرح واحد معرفه بلبس قمصان ومنطيل العريس بيلبس بدله وقرب شويه
وقال….وانا متجوزتش قبل كده وخبط كتفه فى كتفها وسميه بصتله بحده
واياد قال ….خالص اصل انا ملقتش البنت الى يدقلها قلبى وتشتقلها عيونى وغمز
وقال.. اصل انا مش كل البنات بيعجبونى
سميه قالت…تمام يلا نشوف الى ورانا بقى ولا ايه
اياد قال …اه يلا سميه اخدتو وراحو اوضتو واياد بقى يقيس البدل
وسميه قالت…هوريلك دلوقتى صور لكل العيله تمام عشان تبقى حافظ اشكالهم وبقت توريلو الصور وأياد مسك صوره منهم لراجل فى الستين
وقال…مين ده
سميه قالت….ده عمك سليم اشمعنا ده يعنى الى مسكت صورته ده ابو مازن انت قابلتو قبل كده
اياد قال…الراجل ده فى واحد اسمو محروس يبقى حارس فى الملجأ قال انو شافو وهو بيحطنى عند الباب وجرى ومحروس نادالو كتير بس هو مردش عليه ولما كبرت قالى وانا سألته على أوصافه وصفلى وصف يشبه شكل الراجل قوى ده بس طالما ده عمى يبقى اكيد يشبهو بس مش هو يعنى كملى يلا
بس سميه قالت بهتمام ….وقلك حاجه تميزه يعنى اياد بصلها
وقال…حاجه زى ايه
سميه قال…زى انو اعرج مثلا اياد بصلها شويه
وقال….لا ماقالش حاجه زى كده انا طالع اوضتى
الفصل التالي اضغط هنا
يتبع.. (رواية عودة النصيب) اضغط على اسم الرواية لتجد الفهرس كاملاً بجميع الفصول.