رواية عودة النصيب – الفصل الخامس
البارت الخامس والاخير بس سميه قالت بهتمام ….وقلك حاجه تميزه يعنى اياد بصلها
وقال…حاجه زى ايه
سميه قال…زى انو اعرج مثلا اياد بصلها شويه
وقال….لا ماقالش حاجه زى كده انا طالع اوضتى
سميه قالت …الحفله باليل شويه وهيوصلك شاب هيعملك شعرك وكده علشان الحفله ولو احتجت حاجه انا فى أوضتى متقلقش انا معاك
اياد قال …تمام ومشى وسميه راحت على أوضتها باليل كانت سميه لبست فستان سهره وبقت تحفه وراحت على اوضت اياد وخبطت على الباب واياد راح فتح
وقال ..سميه الحقينى انا شوفت الناس من البلكونه وكانو كتار قوى انا خايف ما انزل سميه كانت بتبصله باعجاب كان لابس البدله وكان شكله شيك جدا فيها
واياد قال…ايه يا سميه بكلمك انا خايف انزل انا أول مره اشوفهم فى حياتى
سميه قالت ….ليه بس ما انت اتدربت على كل حاجه خايف من ايه يااياد
اياد قال….لا انا خايف طب انزلى معايا ايدك فى ايدى
سميه قالت…مش هينفع انزل معاك كده انت انزل وانا هنزل وراك او انزل انا الاول لاكن ننزل سوا مش هينفع
اياد قال…لا والنبى يا سميه انا ببقى مرتاح معاكى بجد انا قلقان قوى
سميه قالت بتردد ….طيب طيب ماشى هنزل معاك وامرى لله يلا اياد مسك ايدها ونزلو سوا والناس بقت تتعرف على اياد واياد كان ماسك فى ايدها ومش راضى يسيبها وسميه كانت واقفه معاه والبنات اتلمو حوليه وبقو يتكلمو معاه
وسميه قالت…اياد انا هروح اظبط الميكاب بتاعى واجى
اياد قال ….طيب تمام بس بسرعه متطوليش
سميه قالت…تمام وراحت واياد كان واقف وجيه مازن ومد عليه كاس
وقال …اشرب يااياد
اياد قال …لا انا مش عايز
مازن قال …ليه ده عادى جدا مش بيعمل حاجه ده مشروب عادى انا معايا زيه اهوه
اياد اخدو وشرب وجات سميه ووقفت جمبه
وقالت…ايه كان بيقولك ايه مازن
اياد قال…جابلى عصير شربته
سميه قالت…عصير ايه الى شربته
اياد قال…معرفش طعمه غريب قوى اول مره اشربه وبقى يضحك
وسميه قالت…انت بتضحك ليه
اياد قال…انا مش عارف وضحك تانى سميه بصتله بشك وجريت عند عمتها
وقالت….مشى الناس ياعمتى بسرعه
رجاء قالت…الحفله لسه مبتديا امشيها ليه
سميه قال ..اياد شرب الزفت ده وبيضحك من غير سبب يلا بسرعه قبل ما يعك وراحت تانى عند اياد ولقته بيشرب تانى سميه مسكته من ايدو
وقالت…. تعال هنسلم على الناس علشان الحفله خلصت ومتتكلمش ولا كلمه هيسلمو عليك تسلم وانت ساكت والناس بقت تسلم عليه وسميه كانت واقفه جمبه وجات ست كبيره سلمت عليه
واياد قال…ست نوسه نجيلك وانتى عروسه الست بصتله بزهول وجوزها بصله بغضب
وقال..يلا يامنال واخدها ومش وجات واحده تانيه سلمت عليه
اياد قال …عيشه انتى جيتى هنا وحشانى وبس
سميه قالت بحده… دى مداد شهيناز يا اياد وبصت للست
وقالت…معلش يا مدام بس فى واحده تشبهك شافها وهو جاى ومسكت ايد اياد ووداست عليها بحده وسلمو على البقايه واول ما الناس مشيت
سميه قالت….اياد يلا هنطلع فوق يلا معايا هوديك اوضتك اياد طلع معها وسميه دخلتو الاوضته وقفلت الباب
وقالت….. ليه تشرب ها ليه انت ناقص
اياد قال ….عادى هو ادالى الكاس وانا شربته بس
سميه قالت …تلت دقايق بس غبتهم عنك ارجع الاقيك عاكك الدنيا اياد قرب منها وشدها ليه من وسطها
وقال …طالعه حلوه قوى انتى النهارده صاروخ ومن جمالك بدوخ عالميه انتى احلى واحده فى الحفله كلها لا احلى واحده فى الدنيا كلها سميه بعدت
وقالت…بس يلا ابعد ونيمتو على السرير بس اياد شدها وقعت جمبه وبصلها
وقال…شوفتوه انا
سميه قعدت و قالت بستغراب ….هو مين ده اياد قعد قبالها
وقال …عمى هو الى ودانى الملجأ هو الى ودانى وضحك بوجع وقال…انا كدبت عليكى لما قولتلك ان محروس مقالش انو اعرج لا قالى نفس الوصف ياسميه نفسه وبقى بين اديها
وقال…ليه يودينى هناك علشان الفلوس يعنى طب ما كان اخدها وانا هنا ليه يودنى بس سكت سميه مسكت وشو باديها وبصتله بحزن بس اياد نام وسميه سندتو ونيمتو على السرير واخدت جزمته وحطتها مكانها ومسكت ايدو بحزن و قعدت جمبه وفضلت تفكر فيه لحد ماراحت فى النوم فى صباح يوم جديد قام اياد لقى سميه قاعده جمبه ونايمه وهى قاعده اياد قعد باستغراب بس افتكر الى حصل بص لسميه
وقال سميه سميه
سميه فتحت عنيها وقالت بضيق ….انت صحيت
اياد قال….امم لو بتسألى فايوه ولو بتقوليلى انا عارف
سميه قالت بضيق ….وبتهزر كمان ليك نفس بعد العك الى عكيته تحت ده انا روحى طلعت معاك وانا اعلمك واقولك فى ناس فى الحفله مهمه ومرموقه ومركز وبس اياد ولا كأنه سامعها وقاعد شارد
سميه قالت بحده …اياد
اياد بصلها وقال….ايه
سميه قالت بغضب … ايه انت انا بكلمك هو ايه الى ايه انت ازاى تشرب انا بقالى بساعه بسألك وانت ولا هنا
اياد قال …هو قالى انو عصير وانا اول مره اشربه
سميه قالت….بغضب وانت ليه النهارده بالتحديد تشرب حاجه متعرفهاش ومن مازن كمان انت غبى
اياد بصلها بضيق وقال ….انا اول مره اشرب البتاع الى تحت ده واول مره اكل من الأكل الى على السفر واول مره البس بدله واول مره اشوف ناس زى ده كلو غريب بنسبالى بس الى اغرب انو يعمل معايا كده قولت يمكن هو مش زى أبوه ليه يعملو معايا كده ها ليه انا أزيتهم فى ايه انا عشت محروم طول عمرى فرحت لما قالولى اهلك لاقوك كنت بس عايز اهل يطلعو اهلى بجد ويحبونى واحد رمانى وبعدنى عن اهلى وواحد يخرب الحفله بتاعتى ويبوظ فرحتى انا مش عايز العيله دى انا عايز ارجع الملجأ تانى هناك احرم بكتير على الاقل محدش طمعان فى حد
سميه قالت…وفى من ناحيه تانى مامتك بتحبك وكانت عايشه علشان تلاقيك وفى انا كمان اياد بص لعيونها
وقال …انتى ايه
سميه قالت…انا يعنى وحمحمت وقالت…يعنى عيزاك ومش بأزيك وادينى جمبك وخايفه عليك
اياد قال …طب هو عمى ليه عمل كده
سميه قالت…جدك كان بيحب باباك لان بباك الى كان ماسك الشغل وكتبلو كل حاجه وعمك سليم كان طايش ومستهتر ومكانش بيروح الشغل ابدا فاجدك مكتبلوش ولا حاجه يمكن علشان مايبقالهوش ورثه رماك هناك
اياد قال…طب وماجابش اولاد بعدى
سميه قالت….مرضيوش يجيبو تانى خافو يتخطفو منهم تانى
اياد قال… وكان قاعد فين قبل مابابا يموت
سميه قالت….ابوك كان رافض فكرة انو يحرموه من ورثو ومقسمش اصلا ساب كل حاجه زى ماهيه بأسمو بس ساب سليم قاعد فى الفيلا بتاعته وبيدير الشركه ويديلو الفلوس كل شهر لحد عنده
اياد قال….اه ودى كانت جزاته وسكت شويه
وقال …طب حيث كده بقى روحى غيرى الهدوم دى علشان انا عايز اروح شركت بابا وادير كل أملاكه انا رجعت رجعه تخض وهدخل الفيران لجحورها اجهزى عشان الى جاى أفعى وناى سميه بصتله بزهول
وقالت…انت قد الموضوع
اياد قال…قدو وقد عشره منه انا كان نفسى الاقى أهلى بس طالما ده اهلى انا هغير واشجع الزمالك سميه راحت تجهز واياد كمان وبعد شوية وقت كانو واقفين قدام باب الشركه واياد مسك ايد سميه
وقال …يلا
سميه قالت …يلا ودخلو الشركه والموظفين بقو يبصولهم واياد راح عند مكتب سليم والسكرتيره
قالت..طيب نديلو خبر يافندم اياد بعدها
وقال…اركنى انتى انا اللى هديلو بنفسى ودخل وسليم اول ماشافو وقف
وقال …اياد اهلا ياابنى اتفضل اياد قعد وحط رجل على التانيه
وقال….بالصلاه على الحبيب كده والى مايصلى يخيب انا عايز كل فلوس ابويا انا هشغلها بمعرفتى انت تشكر لحد هنا ياسطى
وقال بتحزير .. انا جيت بنفسى عشان اخد حقى حابب تديهولى ولا تحب اخدو انا لوحدى سليم بصله بغضب
وقال… انت عايز ايه بالظبط
اياد قال…امم واضح موصلش عندك الى انا عايزه انا عايز كل حاجه سابها جدى لأبوى يعنى كل املاك عيلة الالفى وانت وأبنك تتشوفو حته تانيه تقعدو فيها علشان انا الفيلا بتاعتكم معلش بقى هعملها ميتم اصل الميتم الى انا كنت قاعد فيه كان سقفه مخروم بينزل المطر سلام ياسلو اه بالحق احنا عملنا مشوار للبنك بالورق الى بيثبت انى الوريث الوحيد لبابا ومالك لممتلكات العيله والحساب البنكى بتاعكم انت وابنك انا شفطته حطينا ورقه مكتوب فيها تنازل عن فلوسك لابن اخوك الى رجع وانت لسه ماضى عليها من ساعتين وانا روحت سحبت كل حاجه
وضحك وقال…اه والله اصل انا مفترى مش زى ابوى اصل انتو مش وش خير قولى مضيتنى ازى كده والنبى ياعمى وزقه من على الكرسى وقعد
وقال…طب اسألينى انتى ياسميه بقلم جيجى
سميه قالت… ازاى يا اياد
اياد قال.. بنت حلال فى بنوته كيوته بتشتغل مع بابا ولماعرفت انى راجع قلبت عليها المواجع و ساعدتنى كتر خيرها محترمه محترمه يعنى ما اخدتش غير العربيه بتاعتك الابالحق ابقى سيبلها المفتاح وانت طالع انت عرفتها طبعا نتاشا الى ابنك كان بيضايقها يلا ياسلو غلطت عمرك لما مقتلتنيش قلبك ضعيف وده غلط مخيف وسلم على الشهدا الى معاك
وقال…سميه روحى اجمعيلى الموظفين كلهم علشان يتعرفو على مديرهم الجديد سليم مشى بغضب
واياد قال…سوما قولى بصراحه عجبتك صح
سميه قالت…بهرتنى سحرتنى جننتنى
واياد قال…تمام روحى يلا نادى للموظفينى
سميه قال…تمام يا ريس وراحت نادتلهم وتعرفو على اياد ومشيو
واياد قال…تمام سوما انا مش فاهم ولاحاجه من الورق ده ولا الهوى ميح ابيض ياورد
سميه قالت…بس انا فاهمه انا فهمك وعيونك وايدك هنا تمام تعال وقعدت جمبه وبقت تشرحلو واياد كان بيتجاوب معاها وبقى يتعلم بسرعه وبقو يشتغلو سوا
واياد قال…يلا نقلب الفيلا ميتم يا سوما
سميه قالت…جد هتعمل كده دى تصميم ودى تصميم تانى
اياد قال….ياستى اهو مأوى يأويهم وخلاص هما لاقين انا هخليهم يقعدو فيها على بال ما ابنى الميتم واجدده وراحو
سوا وجهزو الفيلا وعدى عليهم أسبوع وهما بيقربو من بعض اكتر واياد بقى يبنى الملجأ القديم ويجدده وبقى يروح الشركه وبيدرس وسميه معاه وبتساعده فى اى حاجه تقف معاه اياد راح على اوضت سميه وخبط على الباب
وقال..سوما سميه راحت فتحت
و قالت..ايه يا اياد خير
اياد دخل وقال…انا محتاس على الأخر
سميه قالت…ليه ايه الى حصل
اياد قال ..انهارده هنفتتح الميتم
سميه قالت….اه ما انا عارفه
اياد قال…طيب انا متوتر عايز اعمل ميزانيه زى مبلغ شهرى ليهم ومش عارف ازاى اعمله انا تايه خالص سميه قعدت جمبه
وقالت ..اعملك انا بس كده ورينى الورق وبقت تكتب معاه بس اياد كان شارد فيها قوى
وقال سميه ..انتى بتساعدينى ليه سميه بصتله بارتباك
وقالت..انت بتسأل ليه يعنى
اياد قال…يا اما لان انا ابن عمتك يا اما لأن انا صعبان عليكى يا اما انتى حاسه بالى انا حاسس بيه انهى واحده
وسميه قالت…وايه هوا الى انت حاسس بيه
اياد قال ..حاسس انى تاعبك معايا قوى وساحبك فى كل البلاوى بتاعتى زى الى ساحب بقره ومطلع عينك فا فكرت انى اسحب دبله ولبسهالك وأسحلك معايا هنا كمان فى الأوضه يعنى اتشاركنا فى كل حاجه ناقصه بس الأوضه نتشارك فيها وتبقى تمام ها قولتى ايه بقلم جيجى
سميه قالت …انت فجأتنى يعنى انا مش عارفه
اياد قال … يبقى فكرى ورديلى خبر ولسه هيقوم بس
سميه مسكت ايدو وقالت….طب انا فكرت وموافقه بس قولى بحبك ايه اسحلك وساحبك دى
اياد قال بسرعه …بحبك وعايز اكمل عمرى معاكى وادوب فى هواكى وانام معاكى بس
سميه قالت…بس خلاص اطلع يلا كفايه كده اكتر من كده هتعك انا عرفاك
اياد قال….طب بعد بكره الخميس تيجى نتجوز ونهيص
سميه قالت…مش قريب قوى كده
اياد قال…قريب نلم الشمل وعقبال ما نعمل تيست الحمل
سميه حطت اديها على وشهاو قالت بكسوف …يالهوى اطلع بره انت هتغنى
اياد قال ..طب ايه
سميه قالت .طب ايوه
اياد نزل وهو بيقول …زغرطى يا أم اياد سوما هتبقى ام الولاد
سميه ضحت وقالت..مجنون بس عسل عند اياد كان فى اوضته وجالو اتصل ورد بفرحه
وقال…الووو بس جالو صوت
سليم بيقول …لو عايز سميه عايشه تعال علشان اصحح غلطى الى غلطتو ها فاكر طبعا
اياد قال بزعيق… سميه وراح جرى على أوضتها بس ملقاش سميه قال بغضب …..سميه مالهاش دعوه انت فين
سليم قال…هبعتلك الموقع هتعرف تقراه ولا
اياد ضم ايده بغضب وقال….اه هعرف ابعتوه ومتلمسش منها شعره لحد ماجى لو عملتو فيها حاجه هولع فيكم عايشين
سليم قال..انا حاليا الى اهدد انت تخاف بس ماشى يلا مستنيك يامفترى ابقى تعال لوحدك ها اياد نزل جرى وركب عربيته وراح على المكان الى سليم بعته ولقى مازن ماسك سكين على رقبت سميه وحطط ايده التانيه على بقها واياد دخل وسليم
قال …اتفضل يا ابن اخوى انا هموتك دلوقتى وهاخد كل املاكك ليا بما فيهم الفيلا الى انت قلية قيمتها دى ودخلت امثالك الضاله يدخلو يقعدو فيها انا غلطت لما مقتلتكش وانت غلطت لما محبستنيش
اياد قال….صح جينات بقى وبص لمازن
وقال ..سيبها يلا
مازن قال….لا مش هسيبها دى كانت ليا اصل من قبل مانت تاجى
اياد قال …تمام انتو اخترتو بس انا مش بغلط انا بستنا الوقت المناسب يا سليم افندى سليم بصله بستغراب وكان فيه اتنين ماسكين عصى واحد جيه من ورى و ضرب مازن والتانى ضرب سليم وسميه جريت على اياد وبقت بين اديه واياد شدها ليه
وقال…انا اسف يا عمرى كله بسببى كله بسببى انتى كويسه سميه هزت دماغها بأيوه والشابين اتقدمو على اياد
وقالو …ازيك يابلبل انت تمام
اياد قال …اشطه يازميلى
واحد قال…احنا ربطناهم وخدرنا البوابين الى بره بس انا هخلع اصل انا معايا سيجاره حشيش ومش عارف اصرفها
اياد قال …طب اخلع انت تشكر يا زوق
التانى قال …انا معيش حشيش معايا برشام امشى برضه ولا ده عادى
اياد قال ..لا انتو كده تمام يلا بقى قبل مانروح فى كلبوش وسميه كانت بتبصلهم بزهول وجيه البوليس واخد سليم ومازن
الضابط قال …ابقو تعالو ناخد اقوالكم
واياد قال ….تمام بكره الصبح نكون عندكم واياد اخد سميه وروحوعلى البيت وبعد يومين كان اياد فى أوضته ولابس بدله وكان شكله شيك جدا وواقف قدام باب اوضت سميه وخبط على الباب
وسميه قالت . ….اتفضل دخل اياد بس كان معاها اصحابها ..وهى كانت لابسه الفستان الأبيض ومديالو ضهرها
واياد قال…ايه اتقمصتى ليه بقلم جيجى
سميه ضحكت وقالت.. وهى مديالو ضهرها لا دى مش قمصه دى لفته انت لفيلى
اياد قال .. اه بس كده ده سهل قوى الف ولف بس سميه كمان لفت واياد رجع لف بس سميه لفت تانى ايد ابتسم بخفه وشدها من ايدها لفها ليه وحاوط وسطها وشال الطرحه من على وشها وكان شكلها تحفه
وقال…مشاء الله قمر فى ليلة تمامه وسميه ابتسمت بكسوف
واياد قال…انا كنت متأكد ان ربنا شايلى فرح على قد البهدله الى تبهدلتها انا بحبك قوى انتى عمرى الى اناعايز اعيشو انتى الأكسجين الى بتنفسو
سميه قالت…وانا كمان بحبك قوى يا اياد
صحباتها طلعو لبره واياد كان بيبص لسميه بعشق
وقال…انتى الفرج الى بعد المحنه انتى الأمل الى بعد اليأس انتى الشمس الى بعد العتمه انتى انتى المكافأه على صبرى انتى الكأس لفوزى انا فوزت بيكى وهعيش عمرى كله ليك
يتبع.. (رواية عودة النصيب) اضغط على اسم الرواية لتجد الفهرس كاملاً بجميع الفصول.