رواية عشق مرفوض – الفصل السابع
بس أيوب بصلها بحزن وقال… …ليه اتغيرتى كده يامرجانه مش انتى كنتى بتحبينى وكنا نقول ان احنا هنتجوز لمانكبر ليه بعدتى احنا كانو يقولو لنا كبرتو متقعدوش جار بعض كده كنا نخليهم ينامو وننزل تحت نام على الأرض وحنا بنعد النجوم
وكنا دايما سوا مش انتى لما جدك قالنا ماتقربوش قوى كده غلط قولتيلو خليه غلط غلط انا راضيه بالغلط طالما مع أيوبى وقولتيلو ده هيكون جوزى ابو ولادى ايه الى حصل ليه بعدتى مرجانه كانت بتسمعه بدموع
وقالت … عبير أختى بتحبك ياأيوب وجات قالتلى وانا مقدرش أكون معاك وأختى بتفكر فيك وقالت انك بتلمحلها وبتروحلها و
أيوب قال بغضب …و انتى صدقتيها صدقتى انى ممكن اقولها نفس الى بقولهولك صدقتى انى بروحلها صدقتى ان فى بينى وبينها زى الى بينى وبينك وصدقتى عليا كده
بس مرجانه قالت ….لاياأيوب ماصدقتش بس هى بتحبك وانا مش هاقدر اكون معاك واختى بتفكر فيك
أيوب قال بغضب …بس عادى أكون معاها وانتى بتفكرى فيا صوح عادى تفكرى فى جوز اختك انا من زمان وانا بحبك ورايدك وانتى ريدانى احنا من زمان لبعض هى الى دخلت وسطينا يبقى هى الى تطلع وعادى تشوفينى مع غيرك يامرجانه حتى لو كانت اختك عادى برضه هتستحمليها
يامرجانه وحتى لو عادى يعنى هوا أنا لما تبعدى عنى هتجوز عبير لا يا مرجانه لأنى عمرى ماظلمت حدوانا أى واحده غيرك هتجوزها هظلمها لأنى هبقى نايم جارها وبفكر فيكى هبقى شايفها انتى ومسك ايدها وحطها على قلبه
وقال… يا مرجانه القلب ده مدقش ولا هيدق غير ليكى
مرجانه قالت بدموع… اعمل ايه ياأيوب عارفه والله بس مش هاقدر وقعدت على الأرض ببكى وأيوب قعد جمبها
وقال ..اش اهدى خلاص انا هحل الموضوع متقلقيش هى عبير مش بتحبنى هى بس ماشفتش غيرى ولو شافت حد تانى يمكن تحبه وهى أصلا فى عريس جايلها وانا كنت رايح أقولها عليه
مرجانه قالت …جد تفتكر ممكن توافق
أيوب قال …اكيد هتوافق ماهى يا إما هتتجوز من العرسان الى بتاجيها ياما هتعنس انا مش هكون غير ليكى يامرجانه انا مش بعرف أقول كلام زين بس بحبك انا قوى
مرجانه قالت …جد فكرت فيا كده اول مبارح وكنت عايز تتأكد
أيوب قال ….ماأنتى هتجننينى بعدتى من غير اسباب خوفت يكون عملك حاجه وانتى خايفه تقولى ولا تكونى غلطتى معاه
بس مرجانه بصتله بغيظ وقالت …ياسلام كده بالبساطه دى غلطتى معاه ده بدل ماتقولى انا واثق فيكى وضربته فى صدره بايديها
وقالت …. تقول انا أضمنك برقبتى خليك رومانسى شويه أيوب مسك ايديها
وقال….ده لما نفكر بالعقل وانا الغيره عليكى لحست مخى خلاص
مرجانه قالت …لا نحاسب على الكلام انت اساسا من غير مخ انا وخداك كده
أيوب ضحك وقال ….لا وانتى الرومانسيه بتوقع منك يابت لمى لمى معايا وبصلها
و قال ….انتى بسبب غبائك ده بوظتى عليا وعلى نفسك الليله الى احنا كنا بنحلم بيها من زمان يامرجانه
مرجانه بصتله وقالت …اسفه
أيوب رفع حاجبه و قال …طب ماتاجى نعيدها تانى
مرجانه نزلت عينها بكسوف
وقالت …تؤ تؤ خلاص
أيوب قال ….طيب يلا وشالها وراح بيها على السرير باليل
كانت مرجانه نايمه على كتف أيوب و نايمين على الأرض وبيعدو النجوم سوا
وأيوب قال….تعرفى يامرجانه وحشتنى قوى القعده دى
مرجانه قالت …وانا كمان ياأيوب فاكر زمان كنا ننام واحنا بنعد
أيوب قال…امم بس دلوقتى خلاص مش هنام هنا ورانا حاجه مهمه فوق لازم نطلعو نعملوها الأول
مرجانه ضحكت وقالت …اه انت تشكر الى منزلنى أصلا انت مبتزهقش
أيوب قال …..مستحيل ازهق منك انتى الحلم الى كنت مستنى احققه من زمان يامرجانه
مرجانه ابتسمت وقالت …شوف النجمه دى قريبه كيف من التانيه
أبيوب قال …اه قريبه قوى زمان لما كنتى تشوفى نجمتين قريبين كنتى تقولى دى انا ودى انت ياأيوب
مرجانه ابتسمت وقالت …اه وفى مره كان فى نجمه تالته جات معاهم قولت انها أبنك
أيوب ضحك وقال …وانا سعيتها نذرت انى أول بت منك هسميها نجمه وان أول ولد هسميه نجم
مرجانه قالت امم جد ماقولتليش يعنى على الموضوع ده
أيوب قال ….لا عيب مينفعش أقولك
مرجلنه قالت …..ايه عيب عيب دى ليه ماقولتليش عادى يعنى كنت هفرح
أيوب لسه هيرد بس سمعه صوت عربيه بصو وشافو صادق وعبير فى العربيه و العربيه طالعه من ناحية الباب الورانى
وأيوب قام بسرعه هو ومرجانه بس كان صادق جرى بالعربيه
ومرجانه قالت .وهى بتنهج ….مشى
أيوب قال ….اه مشى انا هاأطلع وراهم اهه ومرجانه ركبت جمبه
وايوب قال …انزلى مش وقت مناهده دلوك خلينى ألحقهم
مرجانه قالت ….طلما مش وقت مناهده يبقى اطلع بسرعه لانى مش هنز يلا ياأيوب
أيوب كان عايز يلحقهم قال ….تمام بس هتفضلى فى العربيه ماشى
مرجانه قالت ..يلا
ايوب اتنهد بيأس وطلع وراهم وقال …ده اخد عبير معاه انا مش فاهم ليه مالو بيها مش المفروض ياخدك انتى معاه
مرجانه بصتله بدهشه وقالت …ايه ياخدنى انا معاه عادى كده
أيوب قال …لا مش قصدى كده بس انتى معايا ومستحيل يقدر ياخدك منى وانتى معايا بس عبير ماكناش عاملين حسابها اهو أخدها يمكن راحت بمزاجها
مرجانه قالت …لا طبعا ايه الى بتقولو ده باينه مخطوفه وبعدين يأذكى اخواتك الإجابه فى السؤال مستحيل ياخدنى وانا معاك فااخد عبير وهيساومنا بيها فهمت
أيوب قال …مع الأسف اتنيلت فهمت ولقو عربية صادق واقفه جمب بيت قديم وقفو هما كمان وأيوب طلع السلاح من العربيه و قال خليكى هنا ماشى
و مرجانه قالت ….لا انا جايه معاك
الفصل التالي اضغط هنا
يتبع.. (رواية عشق مرفوض) اضغط على اسم الرواية لتجد الفهرس كاملاً بجميع الفصول.