رواية زين وامنيه الفصل الرابع 4 – بقلم جيجي

رواية زين وامنيه – الفصل الرابع

٤… صباح مسكتها من رقبتها وخنقتها عند الحيط.

وقالت… انا يا مره يا خرفانه انتى مش قايللك 100 مره تقعدي عاقله ليه عايزاني اخلص عليكى وارتاح وانتى اساسا رجلك والقبر ويحسبوكي عليا روح ويقولوا موتت المره ده انتى مبلوعه بالعافيه كمان ما بلعاكيش واقفه في الزور كيف اللقمه الناشفه تعقلى كده وتقعدى كيفك كيف اللي انتى لابساه في رجلك احسن يمين بالله لو حسيت بس ولا شميت انك بتدعبسي ورايا ما هيلاقوكيش يا حماتي عشان يتاوكى جاتك البلا

وبصتلها بقرف وسابتها حفيظه وقعت على الارض وبقت تكح

صباح… وليه خرفانه كان ناقصني انا هئ انا نازله السوق ياكش ارجع ملقاكيش

ونزلت زين جيه لحفيظه وامنيه ادتلها ميه

زين… ايه اللي حصل وامي ازاي يعني سباتنا ولقحتنا هى مش اتجبرت كيف ما انتى قولتى

حفيظه….. انتو لسه صغيرين على الكلام ده مش عارفه ازا هتفهموه اصلا بس انا هقولكم على كل حاجه عشان انا خلاص كبرت ولو قاعده النهارده في الدنيا انا مش ضامنه بكره ابوكم زمان كان بيحب امكم قوي وكانت ست طيبه قوى وكيف البدر قمر بتخدمني وبتخدم ابوكم خلفتكم انتم الاتنين صباح دي كانت بنت غفير العماره اللي احنا كنا قاعدين فيها هناك كانت بتشاغل ابوك

زين… يعنى ايه تشاغلو

حفيظه….. يعنى كانت عايزه تاخد ابوك من مرته ما لقيتش سكه مع ابوك لانو كان بيحب امك قوى اتنيلت عملت القرف ده ابوك بقى ساكت ساكت من غير اي اسباب يتنكد في البيت ويدب الخناقه مع امك لغايه ما امك زهقت منه وحست انو بيتلكك خدت بعضها وطفشت لانه كان بيتخانق من غير سبب فهي استغربت كانت عايزه تاخدكم بس اهلها ما رضيوش وقالوا احنا ما بنربيش عيال حد وهى لا عندها بيت لوحدها ولا عندها فلوس بتاكل مع اخواتها بالعافيه ولو سألت على السبب اللي خلاهم يتطلقو هقولك ما فيش او كنا فاكرين ما فيش سبب بس دلوكتي السبب اتعرف هو الزفت اللي في الجاموسه اللي تحت دي

زين….. طب هو احنا لو رحنا دبحناها دلوكتي ايه اللي هيحصل

حفيظه… ما خبراش انت ما سالتش السؤال ده واحنا عند الشيخه وصيفه ليه جاي تقولهولى دلوكت

زين… ما انت حكيتيلي دلوكت يا جده

حفيظه…. ما هي قالت قدامك

زين… ما انى ما فهمتش اللي قالته الشيخه صيفه قوى
احنا ايش عرفنا في الحاجات دي واحنا كنا سحرنا قبل كده ولا كنا اتنيلنا على عيننا قبل كده دي اول مره نشوف البلاوي السودا ده اني لما كنت بشوفها زمان في الافلام ما كنتش بصدقها اصلا بقول تخاريف ما فاهمش يعني ايه اصلا بس كنا بجاريكم عاملين كيف اللي بنعوموا عكس التيار نخبط واحنا ما عارفينش حاجه ومطرح ما ترسى ندقلها
بقلمى جيجى
حفيظه… فهمناك اللى زياده على سنك يا زين

زين… اي واحد عاش بعيد من امه او ابوه اما بيخسر اى واحد فيهم سواء ازا مطلقين او متوفين اللى بيعيش زى اليتم مع ان هو مش يتيم بيكبر قبل اوانه وتتكسر نفسه بيبقى زعلان قوي انا زعلان قوي على امي نفسي امي ترجع ونعيش وياها انا وابوي وامي يوم العيد تلاقي كل واحد طالع مع امه وابوه ماسكين ايدين بعض هم التلاته امسكى الواد امسكى البت لتضيع فى الهيصه واحنا لحالنا احنا مرت ابويا تطلع تجيب لنا لبس وتاجي لبس بيت عمرها ما جابت حاجه عدله حتى مع ان ابوى معاه فلوس

حفيظه…. لو ربنا راد الزفت ده بعيد عنينا اني هرجعلكم امكم

امنيه… انتى بتتكلمي صوح يا جدتي انتى تعرفي تعمليها

حفيظه…. ايوه يا روح جدتكم ما هي لو مشت من البيت هى والقرف ده ما هيبقاش في حاجه تمنع امكم انها ترجع هنه تانى وممكن يرد عقل ابوكم اللي غاب ده يلا قبل ما ترجع نعمل اللى قالتو لازم نتصرف عادى عشان ما تشكش فينا وتاخد احتياط يلا

وبعد شويه رجعت صباح

صباح… نزلت جبت الحاجه ما انا لو معايا ناس تنزل تجيب الحاجه بدالى ما يتقطمش ظهري كل يوم كده انتو لسه ما نشرتوش الخلق يلا الغسيل في الجردل طلعوه فوق يلا

زين… ايوه بس الجرد ده تقيل قوي علينا وانا مش بقدر اطلعه فوق يا مرت ابوى

صباح… خلي اختك تشيل معاك انت من ناحيه وهى من ناحيه يلا روح

زين…. بس اختي لسه صغيره افرض دراعها اتجزع ولا ظهرها اتملخ البنت لساتها صغيره.

صباح… اوف بقيت تقولى لاه كتير يا زين اليومين دول اسخن المعلقه وارجع السعك بيها يمكن ترد لعقلك يلا يا حبيبي اطلع فوق خد الغسيل انشروه يلا خلصو

زين….. حاضر هنروح اهه

صباح…. الله شوف يا زينو حاضر حلوه كيف وما بتوجعش كيف المعلقه السخنه شيل الحاجه واطلع يلا

امنيه…. شيل الجردل من عندك وانا هشيل من ناحيتى

زين… ماشى بس بصي ميلي عليا الجردل عشان انا اشيل الناحيه الاتقل

امنيه… يلا يا عم ما تعملش فيها جدع دلوكتي مش وكتك اخ يدى هتتخلع من كتفها

زين… تصدقى انتى المحسن فيكى مجرم شيلى شيلى

وطلعو فوق

زين… اهه طلعنا الجردل بس المعلاق عالي قوي وانا ما بلحقوش تعالي هنجيب الكرسي ده ونحطه وتطلعي عليه

تحت كانت حفيظه قاعده ومشغله التلفزيون قران

صباح… انتى مشغله قران في البيت ليه يا حماتي

حفيظه… عادي ما انا بحب اسمع القران

صباح…. قلتلك شغليه في اوضتك يا حماتي احسنلك

حفيظه… لا معلش انا عايزه اشغل التلفزيون وعليه كمان عشان يعم البيت كلو ويستبارك والشياطين تطلع

صباح… شغلي شغلى هتطلع روحي قبل الشياطين ان شاء الله

الفصل التالي اضغط هنا

يتبع.. (رواية زين وامنيه) اضغط على اسم الرواية لتجد الفهرس كاملاً بجميع الفصول.